#AmbassadorTayeAtskeSelassie

ትላንት በነበረው የተመድ ፀጥታው ምክር ቤት ስበስባ ላይ ኢትዮጵያን በመወከል አምባሳደር ታዬ አጽቀስላሴ ንግግር አድርገው ነበር።

አምባሳደር ታዬ በህወሓት የተፈጸመው የክህደት ስራ በእጅጉ የሚያሳዝንና ኢትዮጵያ በዚህ ወንጀለኛ ቡድን ያሳለፈችውን ጊዜ ለመርሳት የአንድ ትውልድ ጊዜ የሚፈጅ እንደሆነ ተናግረዋል፡፡

ቡድኑ ያን ሁሉ ደም መፋሰስ እንዲፈጠር ባያደርግ ኖሮ ፖለቲካዊ እጣ ፋንታውም ሆነ ሁኔታው በውይይት መፍትሄ ያገኝ እንደነበር አምባሳደሩ ገልጸዋል፡፡

“በአፍሪካዊ እገዛዎች ካለንበት ችግር መውጣት ጥሩ መፍትሄ ነው ብለን እናምናለን፤ ወደ ፖለቲካዊ መፍትሄ የሚወስደው መንገድ ግን አልጋ በአልጋ ነው ወይም ቀላል ነው ማለት አይቻልም” ብለዋል አምባሳደር ታዬ።

መንግስት አሁን ላይ የህወሓትን መስፋፋት ማስቆም እና በቡድኑ ጥቃት እየደረሰበት ያለውን ህዝብ መታደግ ላይ ትኩረት ማድረጉንም ለምክር ቤቱ መናገራቸውን አል አይን አስነብቧል።

@tikvahethiopia

#UNSC

በትላንትናው የፀጥታው ምክር ቤት ሰብሰባ ላይ የሀገራት ተወካዮች ምን አሉ ?

#ኢትዮጵያ ፦

የኢትዮጵያ መንግስት ባለፈው አንድ (1) ዓመት ከህወሓት የተቃጣበትን ወታደራዊ አደጋ መመከቱን አምባሳደር ታዬ አጽቀስላሴ ተናግረዋል።

መንግሥት ምግብን ጨምሮ ሌሎች አስፈላጊ ቁሳቁሶችን በትግራይ ክልል የሰብአዊ እርዳታ ለሚፈልጉ ሰዎች ከUN ጋር በመተባበር ሲያቀርብ እንደነበር ተናግረዋል።

ለሰብአዊ ድጋፍ እንዲያመች በሚል የተናጠል የተኩስ አቁም ማድረጉን ተናግረዋል። ነገር ግን የተደረገው ጥረት ሁሉ በወንጀለኛው ቡድን ምክንያት ከንቱ ሆኖ ቀርቷል ብለዋል።

"በዚህ የወንጀል ቡድን ምክንያት የትግራይ ክልል ሕዝብ ያስፈልገው የነበረውን አስቸኳይ የሰብአዊ እርዳታ እያገኘ አይደለም" ሲሉ ለምክር ቤቱ አስረድተዋል።

በአማራ ክልል እና በአፋር ክልል በተለያዩ ከተሞች የሚኖሩ ሰዎችም በዚህ ቡድን በየበራቸው ላይ መገደላቸውን ገልጸዋል።

#ቻይና ፦

ቻይናን የወከሉት ዣንግ ጁን ኢትዮጵያ ውስጥ እየተከሰተ ያለው ሁኔታ የፖለቲካ፣ የታሪክ፣ የብሔርና ሌሎች ምክንያቶች ጥምር ውጤት መሆኑን ጠቁመው መፍትሔ የሚገኘው በአገር ውስጥ ብቻ መሆኑን ተናግረዋል።

የአፍሪካን ችግሮች ለመፍታት አፍሪካዊ መፍትሄዎች ለማግኘት ለሚደረገው ጥረት በድጋሚ ድጋፍ እንሰጣለን ብለዋል።

በተለይ አሜሪካና የተለያዩ አገራት የሚያደርጉትን ማዕቀብ በተመለከተም አስተያየታቸውን የሰጡት ተወካዩ፣ በንግድ ላይ ገደብ ማድረግ እና እርዳታን ማቋረጥ በፖለቲካው መፍትሄ ላይ ጣልቃ መግባት እንደሆነ አስረድተዋል።

ለፀጥታው ምክር ቤት አባላት ምክራቸውን ያስተላለፉት የቻይናው ተወካይ አባል አገራቱ የአገሪቱን ሉዓላዊነትና አመራር በማክበር ኢትዮጵያ የሰብአዊ አቅሟን እንድታሻሽል እና የሚሰጠው እርዳታም ሊጨምር ይገባል ብሏል።

#አሜሪካ ፦

አምባሳደር ሊንዳ ቶማስ ግሪንፊልድ 1 አመት ባስቆጠረው ግጭት ውስጥ ለተፈጠሩ የሰብዓዊ መብት ጥሰቶች ፥ "ሁሉም ኃሃይሎች ጥፋተኞች ናቸው፤ ጥፋት የለሌለበት የለም" ሲሉ ተናግረዋል።

አምባሳደር ሊንዳ የህወሓት ታጣቂዎች በአማራ ክልል እና አፋር ክልል እንዲወጡ እና ጥቃታቸውን ወደ አዲስ አበባ እንዳያሰፉ አሳስበዋል። የኢትዮጵያ መንግሥት ዓለም አቀፍ የጦርነት ሕጎችን እንዲሁም የሰብአዊ መብት ሕጎችን እንዲያከብር ጠይቀዋል።

ሰላምን ሊያመጡ የሚችሉት ኢትዮጵያዊያን ብቻ ናቸው ሲሉም አምባሳደሯ ተናግረዋል።

ያንብቡ : telegra.ph/UNSC-11-09

#DrAbiyAhmed

የኢትዮጵያ ጠ/ሚ ዶ/ር ዐቢይ አህመድ ዛሬ በማህበራዊ የትስስር ገፃቸው ባሰራጩት መልዕክት ፥ " በዴሞክራሲያዊ መንገድ የተመረጠው የኢትዮጵያ ሉዓላዊ መንግሥት በሚፈተን ግን በማይቀለበስ የለውጥ ጉዞ ላይ ነው " ብለዋል።

መንግሥት ጊዜያዊ ተግዳሮቶችን ለመፍታት እና የልማት ግቦችን ለማሳካት ከኢትዮጵያ ወዳጆች ጋር ገንቢ በሆነ መልኩ ለመሥራት ምንጊዜም ዝግጁ ነው ሲሉ ገልፀዋል።

" መሰናክሎች ያስተምሩናል እንጂ አያስቆሙንም " ያሉት ጠ/ሚ ዶ/ር ዐቢይ ፥ " በያዝነው የለውጥ ጎዳና ወደ ፊት ለመጓዝ ቁርጠኞች ነን " ብለዋል።

@tikvahethiopia

የ12ኛ ክፍል ፈተና !

ትላንት የጀመረው የ12ኛ ክፍል ብሄራዊ ፈተና ዛሬ ለሁለተኛ ቀን ቀጥሏል።

በዛሬው ዕለትም የ2ኛው ቀን የፈተና መርሃ ግብር ፈተናዎች እየተሰጡ ይገኛሉ።

ፎቶ ፦ የአዲስ አበባ ትምህርት ቢሮ

@tikvahethiopia

#ሪፖርት

አምነስቲ ኢንተርናሽናል የህወሓት ታጣቂዎች በአማራ ክልል የነፋስ መውጫ ከተማ ላይ ጥቃት በፈጸሙበት ጊዜ ከአስገድዶ መድፈር ፣ ዘረፋ እና አካላዊ ጥቃቶች በተጨማሪ አዋራጅ ንግግር ሲናገሩ እንደነበር ሪፖርት አድርጓል።

አስገድዶ መደፈረ የተፈፀመባቸው ሁሉም ሴቶች ፈጻሚዎቹን ህወሓቶች መሆናቸውን መለየት የቻሉት በአነጋገር ዘያቸው እና በሚሰነዝሩት ብሔርን መሠረት ባደረገ ስድብ እንዲሁም ደግሞ በግልጽ ህወሓቶች መሆናቸውን በመናገራቸው መሆኑን ለአምነስቲ ኢንተርናሽናል ተናግረዋል።

ታጣቂዎች በሴቶቹ ላይ የአስገድዶ መድፈር ከመፈፀማቸው በተጨማሪ ሰብዓዊነትን የሚያጣጥል የብሔር ማንነታቸው ላይ ያነጣጠሩ ስድቦችንና ማዋረድን ይፈጽሙ ነበር ብሏል አምነስቲ።

በአንዳንድ ሁኔታዎች ውስጥ ደግሞ አስገድደው የሚደፍሩት በፌደራል ኃይሎች በትግራይ ሴቶች ላይ የተፈጸመውን ተመሳሳይ ድርጊት ለመበቀል መሆኑን ይናገሩ ነበር ብለዋል።

ምን ያህል ሴቶች ተደፈሩ ?

አምነስቲ ኢንተርናሽናል በንፋስ መውጫ ነዋሪ የሆኑና ያናገራቸው 16 ሴቶች በህወሓት አማጺያን የአስገድዶ መደፈር ጥቃት ተፈጽሞባቸዋል።

ከአስራ ስድስቱ መካከል አስራ አራቱ በቡድን የተደፈሩ ናቸው።

አንድ ለአምነስቲ ሪፖርት ያደረጉ የክልሉ ባለሥልጣን ለአምነስቲ እንደገለጹት ደግሞ አማጺያኑ በንፋስ መውጫ ከተማ ከ70 በላይ ሴቶችን መድፈራቸው ሪፖርት አድርገዋል።

የፌደራል ፍትህ ሚኒስቴር መረጃ ደግሞ አሃዙ 73 እንደሆነ ያመለክታል።

ሙሉ ሪፖርት : https://www.amnesty.org/en/latest/news/2021/11/ethiopia-survivors-of-tplf-attack-in-amhara-describe-gang-rape-looting-and-physical-assaults/

@tikvahethiopia

#AddisAbaba

የጦር መሳሪያ ምዝገባ እስከ ህዳር 3 ድረስ እንዲካሄድ ተወስኗል።

ፈቃድ ያለው ይሁን የሌለው የጦር መሳሪያ በእጁ የሚገኝ ማንኛውም ግለሰብ በአዲስ አበባ ደረጃ በሁሉም ክፍለ ከተሞች እና በስሩ በሚገኙ ፖሊስ ጣቢያዎች እየቀረበ መሳሪያውን እንዲያስመዘግብ ከዚህ ቀደም ጥሪ መተላለፉ አይዘነጋም።

ምዝገባው ለሁለት ጊዜ መረዛሙ ይታወሳል።

ምዝገባውን በሃገር አቀፍ ደረጃ ወጥ ለማድረግ ታስቦ እና አሁንም በተለያዩ ምክንያቶች ያላስመዘገቡ ባለ ጦር መሳሪያዎች ባቀረቡት ጥያቄ መሰረት እስከ አርብ ህዳር 3 ቀን 2014 ዓ.ም እንዲቀጥል መወሰኑን የአ/አ ፖሊስ አሳውቋል።

የአዲስ አበባ ፖሊስ ይህንን የሀገር አቀፍ ውሳኔ መነሻ በማድረግ የጦር መሳሪያ ኖሯቸው ያላስመዘገቡ የከተማው ነዋሪዎች የጊዜ ገደቡ ከመጠናቀቁ በፊት በአስራ አንዱም ክፍለ ከተማ ፖሊስ መምሪያዎችና በአቅራቢያቸው በሚገኙ ፖሊስ ጣቢያዎች እየቀረቡ እንዲያስመዘግቡ መልዕክት አስተላልፏል።

@tikvahethiopia

የሀገር አቀፍ ትምህርት ምዘናና ፈተናዎች ኤጀንሲ ም/ዋና ዳይሬክተር ይልቃል ወንድሜነህ ለቲክቫህ ኢትዮጵያ በስልክ የሰጡት ቃል ፦

" ምንም የተሰረቀ ነገር የለም። ለተፈታኞች የደረሰ ምንም ነገር የለም።"

"ተማሪዎች ወደ ፈተና ከገቡ በኋላ ፈተናውን ፎቶ በማንሳትና ወደ PDF በመቀየር ያደረጉትን ሙከራ ተቆጣጥረንዋል። ምንም impact አያመጣም"

"ፈተናው ተሰርቋል ሊባል የሚችል አይደለም። የተሰረቀ ነገር የለም።"

@tikvahethiopia

" ውሃ አልተበከለም "

በደብረ ማርቆስ ከተማ እንዲሁም በደጀን ወረዳ " ውሃ ተበክሏል " እየተባለ የሚናፈሰው ወሬ ፍፁም ሀሰት ነው።

ተገቢውን የውሃ ምርመራና ቁጥጥር የተደረገ ሲሆን ምንም ዓይነት የመበከል ችግር አላጋጠመም ፤ ያለምንም ስጋት ውሃን በተለመደው መንገድ መጠቀም ይቻላል።

ነዋሪዎች ሆን ተብሎ ህዝብን ለማሸበር በሚነዙ ሀሰተኛ ወሬዎች እንዳትደናገጡ።

@tikvahethiopia

#ቦይንግ

አውሮፕላን አምራች የሆነው ቦይንግ መጋቢት 01 ቀን 2011 ዓ.ም በኢትዮጵያ አየር መንገድ 737 ማክስ አደጋ ከሞቱት 157 መንገደኞች እና የበረራ ሠራተኞች ቤተሰቦች ጋር ስምምነት ላይ ደረሰ።

ቦይንግ በአደጋው ለሞቱት ሰዎች ኃላፊነቱን እንደሚወስድና ተጠያቂነቱንም እንደሚቀበል በቺካጎ ከሚገኘው የፍርድ ቤት ሰነዶች መረጃ ማግኘት ተችሏል።

በምላሹም የተጎጂ ቤተሰቦች ከኩባንያው የቅጣት ካሳ አይጠይቁም።

የተጎጂ ቤተሰቦች ጠበቆች እንዳሉት ቦይንግ ለአደጋው "ሙሉ በሙሉ ተጠያቂ ይሆናል" ሲሉ ስምምነቱን እንደ ትልቅ ምዕራፍ ተቀብለውታል።

ከዚህም ዜና ጋር ተያይዞ የቦይንግ አክሲዮኖች ድርሻ 1 በመቶ፣ ወደ 218.50 ዶላር ወርዷል።

ስምምነቱ ከአሜሪካ ውጪ ያሉ እንደ #ኢትዮጵያ እና #ኬንያ ባሉ አገራት ያሉ የተጎጂ ቤተሰቦች በአገራቸው ሳይሆን በአሜሪካ ፍርድ ቤቶች ካሳ እንዲከፈላቸው መንገድ ከፍቷል።

ካሳው የሚፈጸመው በየአገራቸው ቢሆን የበለጠ ሁኔታውን ፈታኝ እንደሚያደርገውና ክፍያውም ዝቅተኛ እንደሚሆን ቢቢሲ በድረገፁ አስነብቧል።

@tikvahethiopia