#DireDawa

የድሬዳዋ ፖሊስ ማንኛውም ድሬዳዋ ከተማና ገጠር ውስጥ የሚገኝ ግለሰብ በእጁ የሚገኘውን የጦር መሳሪያ ፍቃድ ቢኖረውም ባይኖረውም በአቅራቢያው በሚገኝ የቀጠናው ፖሊስ ጣቢያ ድረስ በግንባር በመሄድ ማስመዝገብ እንዳለበት በጥብቅ አሳስቧል።

ድሬዳዋ ፖሊስ ፥ ከህዳር 2 ቀንእስከ ህዳር 3 ቀን 2014 ዓ.ም ባሉት 2 ቀናት ውስጥ ማንኛውም ግለሰብ በእጁ የሚገኘውን የጦር መሳሪያ ሳያስመዘግብ የቀረ ከሆነ በህግ አግባብ ተገቢውን እርምጃ እንደሚወሰድ ገልጿል፡፡

@tikvahethiopia

#AWI

በአዊ ብሄረሰብ አስተዳደር ጫት ቤቶች እንዲዘጉ ተወሰነ።

ብሔረሰብ አስተዳደሩ ወቅታዊ አገራዊ ጉዳይን ምክንያት በማድረግ የተለያዩ ውሳኔዎችን አስተላልፏል።

ከውሳኔዎቹ መካከል የመጀመሪያው ጫት ቤቶች እንዲዘጉ የሚል ነው።

በተጨማሪም ከየትኛውም ከተማ ከምሽቱ 2:00 በኋላ መንቀሳቀስ እንደማፈቀድ (በአስቸኳይ ጊዜ አዋጁ መሠረት) ተገልጿል።

የመንግሥት እና የግል መሳሪያ የያዙ ግለሰቦች ወደ ግንባር እንዲዘምቱ ተወስኗል።

መኝታ ቤት የሚያከራዩ ሰዎች ማንነትን እንዲያረጋግጡ ይህ ሳይሆን ቀርቶ በተከራይ ችግር ቢፈጠር ተጠያቂ እንደሚሆኑ ተገልጿል።

ማንም ሰው ተኩስ ከተኮሰ መሳሪያውን እንደሚቀማ ውሳኔ ተላልፏል።

ማንኛውም ግለሰብ በየአካባቢው ተደራጅቶ በሮንድ አካባቢውን የመጠበቅ ግዴታ እንዳለበት የማይተባበር ከሆነ በህግ እንደሚጠየቅ ተወስኗል።

ከመንግስት በተቀመጠ አቅጣጫ መሰረት ድጋፍ ያላደረጉ አካላት እንዲደግፍ ፣ እንዲከፍሉ ካልከፈሉ ድርጅታቸው ታሽጎ አገልግሎት እንዳያገኙ እንዲደረግ ተወስኗል።

(አዊ ብሄረሰብ አስተዳደር ያሳለፋቸው ውሳኔዎች ከላይ በዝርዝር ተቀምጧል)

#StateofEmergencyEthiopia

@tikvahethiopia

የኢትዮጵያ መከላከያ አርማውን ቀየረ።

የኢፌዴሪ መከላከያ ሚኒስቴር ከዚህ በፊት ሲጠቀምበት የነበረውን ተቋማዊ አርማ መቀየሩን የመከላከያ ኢንዶክትሪኔሽን ዳይሬክቶሬት ዳይሬክተር ተወካይ ብ/ጄ አስፋው ማመጫ አስተወቁ።

ጄነራል መኮንኑ ፣ ተቋሙ ከዚህ በፊት ሲጠቀምበት የነበረውን አርማ የቀየረው አዲስ ከፈጠረው አደረጃጀትና እየተገበረ ካለው ሪፎርም አኳያ ገላጭ ባለመሆኑ መሆኑን አብራርተዋል ፡፡

እንደ ብ/ጄ አስፋው ማመጫ ገለፃ ፣ ተቋሙ አዲስ ይፋ ያደረገው አርማ ከተቋሙ ተልዕኮና ባህርይ አንፃር ልዩ ልዩ ትርጓሜዎችን የያዘ ነው።

ምንጭ፦ የኢፌዴሪ መከላከያ ሰራዊት

@tikvahethiopia

#Somali

በሶማሊ ክልል ድርቅ በተከሰተባቸው አካባቢዎች እርዳታ ለማድረስ 200 ሚሊዮን ብር ፀደቀ።

የሶማሊ ክልል መንግሥት ካቢኔ ዛሬ 7ተኛ መደበኛ ስብሰባ አካሂዷል።

ስብሰባው በጎዴ ከተማ ነው የተካሄደው።

ካቢኔው በተለያዩ ወቅታዊ ሀገራዊና ክልላዊ ጉዳዮች ዙሪያ ሰፊ ውይይት ያደረገ ሲሆን፣ በተለይ ድርቅ በተከሰተባቸው አከባቢዎች አስቸኳይ መልስ መስጠት የሚችልበት ሁኔታ ላይ በስፋት መክሯል።

በዚህም ድርቅ የተከሰተባቸውን አከባቢዎች ፈጣን መልስ ለመስጠት እና አስፈላጊውን እርዳታ ለማድረስ 200 ሚልየን ብር ካቢኔው አፅድቋል።

#SRMMA

@tikvahethiopia

#ተጨማሪ

የ12ኛ ክፍል ብሄራዊ ፈተና #በማህበራዊ_ሚዲያ ላይ ወጥቷል የሚል ጥቆማ እንደደረሰውና በቀጣይ ታይቶ በማስረጃ የሚረጋገጥ ከሆነ እርምጃ ወይም ማስተካከያ እንደሚወሰድ የሀገር አቀፍ ትምህርት ምዘናና ፈተናዎች ኤጀንሲ አሳውቋል።

የኤጀንሲው ም/ዋና ዳይሬክተር አቶ ተፈራ ፈይሳ የ4 ቀኑ ሀገር አቀፍ ፈተና መጠናቀቅን ተከትሎ በሰጡት መግለጫ ፤ በማህበራዊ ሚዲያ ፈተናው ወጥቷል የሚል ጥቆማ እንደደረሳቸው ገልፀዋል።

ይህ ጥቆማም በቀጣይ ታይቶ በማስረጃ የሚረጋገጥ ከሆነ እርምጃ ወይም ማስተካከያ የሚወሰድ መሆኑን ገልፀዋል።

በማስረጃ ተረጋግጦ ትክክል ከሆነ በትምህርት ቤት ደረጃ፣ በተማሪ እና በትምህርት ዓይነት ላይ እርምጃ የሚወሰድ መሆኑን መጠቆማቸውን ኤዜአ ዘግቧል።

@tikvahethiopia

#CentralStatisticsAgencyኢትዮጵያ

ማዕከላዊ ስታትስቲክስ ኤጀንሲ የጥቅምት ወር አጠቃላይ የዋጋ ግሽበት ምጣኔ ከአምናው ተመሳሳይ ወቅት ጋር ሲነጻጸር የ34.2 በመቶ ጭማሪ እንዳሳየ ገልጿል።

የምግብ የዋጋ ግሽበት በ40.7 በመቶ፣ ምግብ ነክ ያልሆኑ ምርቶች ደግሞ በ25.2 በመቶ ከአምናው ጭማሪ ማሳየቱን ኤጀንሲው አመልክቷል።

በእህሎች ላይ የታየው የዋጋ ጭማሪ በመጠኑ የተረጋጋ ሲሆን፤ ሩዝ፣ ጤፍ እና ስንዴ አነስተኛ የዋጋ ቅናሽ አሳይተዋል፡፡

ይሁን እንጂ የበቆሎ ዋጋ በመጠኑ መጨመሩን የኤጀንሲው መረጃ ያሳያል፡፡

ሥጋ፣ ወተት፣ አይብ እና እንቁላል፣ ቅመማ ቅመም (በዋናነት ጨው እና በርበሬ) መጠነኛ ቅናሽ ማሳየታቸውም ተጠቅሷል፡፡

ይህም ከመስከረም ወር ጋር ሲነጻጸር የምግብ የዋጋ ግሽበት በ1.3 በመቶ ቅናሽ እንዲያሳይ አድርጎታል ተብሏል፡፡

ከውጭ የሚገባው የምግብ ዘይት ካለፈው ዓመት ተመሳሳይ ወር ጋር ሲነጻጸር ዋጋው የጨመረ ሲኾን፤ በአገር ውስጥ የሚመረተው ዘይትና ቅቤ ዋጋ ትንሽ እንደቀነሰ የኤጀንሲው መረጃ ያሳያል፡፡

በሌላ በኩል የቡና ዋጋ ጭማሪ አሳይቷል።

የጥቅምት ወር 2014 ምግብ ነክ ያልሆኑ ምርቶች የዋጋ ግሽበት ካለፈው ዓመት ተመሳሳይ ወቅት ጋር ሲነጻጸር ደግሞ የ25.2 በመቶ ጭማሪ እንደሚያሳይ ኤጀንሲው ይፋ አድርጓል፡፡

የዋጋ ግሽበቱ ከፍ እንዲል ካደረጉት ዋነኛ ምክንያቶች ውስጥ በተለይም በአልኮልና ትምባሆ፣ ልብስና ጫማ፣ ጫት፣ ማገዶ እና ከሰል፣ የቤት ኪራይ፣ ሲሚንቶ፣ የቤት ክዳን ቆርቆሮ፣ የግንባታ እቃዎች እና ወርቅን ጨምሮ በጌጣጌጦች ላይ የታየው የዋጋ ጭማሪ ነው ተብሏል፡፡

Credit : Sheger FM 102.1

@tikvahethiopia

በደቡብ ክልል የጦር መሳሪያ ምዝገባ ለ1 ሳምንት ተራዘመ።

በደቡብ ክልል የጦር መሳሪያ ምዝገባ በቀጣይ አንድ ሳምንት ለመጨረሻ ጊዜ እንደሚካሄድ የክልሉ ሠላምና ፀጥታ ቢሮ አስታወቀ።

የቢሮው ሃላፊ አቶ አለማየሁ ባዉዲ በአስቸኳይ ጊዜ አዋጁ መሠረት ለ5 ተከታታይ ቀናት የጦር መሳሪያ የያዙ ግለሰቦችና ተቋማት እንዲያስመዘግቡ ዉሳኔ መተላለፉን ገልፀው በነዚህ ቀናት መዝግቦ ማጠናቀቅ ባለመቻሉ ከነገ 03/03/2014 ጀምሮ ለተከታታይ 7 ቀናት ለመጨረሻ ጊዜ ይካሄዳል ብለዋል።

በመሆኑም እስከአሁን የጦር መሳሪያ ያላስመዘገቡ ግለሰቦችና ተቋማት በቀጣይ አንድ ሳምንት ጊዜ ዉስጥ በቅርበት ወደሚገኝ ፖሊስ ጣቢያ በመሄድ እንዲያስመዘግቡ ጥሪ አቅርበዋል ።

ባለ ሁለት እግር ሞተርና አሽከርካሪዎች፣ የመኝታ አገልግሎት የሚሰጡና የአከራይ ተከራይ ምዝገባ ለቀጣይ 7 ቀናት መራዘሙን ሃላፊዉ ገልጸዋል ።

በተራዘሙት የምዝገባ ቀናት የማያስመዘግቡ ግለሰቦችና ተቋማት ላይ ህጋዊ እርምጃ እንደሚወሰድ ኃላፊው ማሳወቃቸውን ከክልሉ ኮሚኒካሽን ቢሮ የተገኘው መረጃ ያስረዳል።

@tikvahethiopia

#Ethiopia

ባለፉት ቀናት በ12ኛ ክፍል ሀገር አቀፍ ፈተና ምክንያት ተቋርጠው የነበሩት #ቴሌግራም እና #ፌስቡክ መሰል የማህበራዊ ትስስር መተግበሪያዎች ትላንት ፈተናው መጠናቀቁን ተከትሎ ወደ መደበኛ አገልግሎታቸው መመለሳቸውን ለማወቅ ተችሏል።

በተለያዩ የማህበራዊ ሚዲያዎች ላይ ኢትዮጵያ ውስጥ ሙሉ በሙሉ ኢንተርኔት እንደተዘጋ ተደርጎ የሚያሰራጨው መረጃ ሀሰተኛ ነው።

@tikvahethiopia