ሰበር ዜና‼️

የሶማሌ ክልል መንግሥት ካቢኔ ዛሬ ባካሄደው ስብሰባ አንድ የካቢኔ አባልን ጨምሮ ስድስት ከፍተኛ አመራሮችን #ከኃላፊነታቸው አነሳ።

ካቢኔው ከኃላፊነት ካነሳቸው መካከል የክልሉ መንግሥት ኮሙኒኬሽን ጉዳዮች ቢሮ ኃላፊ፣የቴክኒክና ሙያ ትምህርት ኃላፊና የምክትል ርዕሰ-መስተዳድር አማካሪ ይገኙበታል።

በክልሉ መንግሥት ኮሙኒኬሽን ቢሮ ኃላፊ አቶ ጉሌድ ቦታም ቢሮውን በምክትል ቢሮ ኃላፊነት ደረጃ ሲመሩ በነበሩት በአቶ አብዱላሂ መሐመድ ተተክቷል።

የክልሉን ገዢ ፓርቲ የሶማሌ ሕዝብ ዴሞክራሲያዊ ፓርቲ(ሶሕዴፓ)ንና የክልሉን መንግሥት አስመልክቶ በማህበራዊ ድረ-ገጾች የሚናፈሰው ወሬ መሠረተ ቢስ መሆኑን አቶ #አብዱላሂ_መሐመድ ለኢትዮጵያ ዜና አገልግሎት ገልጸዋል።

ምንጭ፦ ኢ..ዜ.አ.
@tsegabwolde @tikvahethiopia

TIKVAH-ETH ማጠቃለያ🗞ጥር 16/2011 ዓ.ም.

የሶማሌ ክልል መንግሥት ካቢኔ ባካሄደው ስብሰባ አንድ የካቢኔ አባልን ጨምሮ ስድስት ከፍተኛ አመራሮችን #ከኃላፊነታቸው አንስቷል።
•
•
በድሬዳዋ የጥምቀትን በዓል ተከትሎ በተከሰተው ግጭት የተጠረጠሩ 84 ግለሰቦች በቁጥጥር ሥር ማዋሉን የድሬዳዋ አስተዳደር ፖሊስ ኮሚሽን ገልጿል።
•
•
ድሬዳዋ ዛሬ በተቃውሞ ስትናጥ ውላለች። በተለያዩ የከተማዋ አካባቢዎች የጥይት ተኩስ ድምጽ ሲሰማ ውሏል። እስካሁን ድረስ በሰዎች ላይ ስለደረሰው ጉዳት በግልፅ የታወቀ ነገር ባይኖርም የቆሰሉ ሰዎች መኖራቸው ተሰምቷል።
•
•
አባይ ኢንዱስትሪያል የልማት ማህበር በአማራ ክልል ደጀን ከተማ በ8.8 ቢሊዮን ብር ሲሚንቶ ፋብሪካ ለመገንባት ከቻይናው HY እና ከዴንማርኩ FLS ኩባንያዎች ጋር ሥምምነት ተፈራርሟል፡፡
•
•
የኦሮሚያ ክልላዊ መንግሥትና ኦነግ ዛሬ እንደገና አምቦ ላይ #ዕርቅ ፈጽመዋል፡፡
•
•
ሰሞኑን በአፋርና ሶማሌ ክልሎች አዋሳኝ አካባቢዎች ተፈጥሮ የነበረውን #ግጭት ለመፍታት የሁለቱ ክልሎች የሃይማኖት መሪዎችና የሀገር ሽማግሌዎች #ተስማምተዋል።
•
•
የፋሲል ከነማ ደጋፊዎች አሳፍሮ ከባህርዳር ወደ ጎንደር በማምራት ላይ ያለ አውቶብስ #ተገልብጦ በሰው ህይወት እና አካል ላይ ጉዳት መድረሱ ተነግሯል። ሁለት ሰዎች ሞተዋል ቁጥራቸው ያልታወቀ ሰዎች የአካል ጉዳት ደርሶባቸዋል።
•
•
ዛሬ ዱራሜ ላይ በከፋ ዞን ለሞቱ የከንባታ ተወላጆች የሃዘን መግለጫ እና ሻማ የማብራት ፕሮግራም ተካሂዷል።
•
•
የትግራይ ክልላዊ መንግሥት ምክር ቤት መደበኛ ጉባዔውን ዛሬ ጀምሯል፡፡
•
•
የጉምርክ አሰራርን #ሳያሟላ ወደ መቀለ ሊገባ የነበረ ከ10 ሚሊዮን ብር በላይ ግምት ያለው የምግብ ዘይት በቁጥጥር ሥር መዋሉ ተገልጿል።
•
•
ኮሎኔል #አለበል_አማረ በአማራ ብሄራዊ ክልላዊ መንግስት በምክትል ቢሮ ኃላፊ ደረጃ የሰላምና የህዝብ ደህንነት ጉዳዮች ቢሮ የህዝብ ደህንነት ዘርፍ ኃላፊ ሆነው ተሹመዋል።

ምንጭ፦ አብመድ፣ ኢ.ፕ.ድ፣ ኢ.ዜ.አ.፣ fbc፣ የጀርመን ራድዮ፣ ዋዜማ ራድዮ፣ የTIKVAH-ETH ቤተሰብ አባላት
•
•
አመሰግናለሁ! ሰላም እደሩ!!
ሀገራችንም ቸር ትደርልን!!
ጥር 16/2011 ዓ.ም.
@tsegabwolde @tikvahethiopia