#TikvahFamily

የሀገር ውስጥ እና የውጭ ስፖርታዊ ጉዳዮችን በ https://t.iss.one/joinchat/VvwzStMNcNHmhK0x (ቲክቫህ ስፖርት) መከታተል ትችላላችሁ።

@tikvahethsport

#ውድ_ቤተሰቦቻችን_ጥንቃቄያችሁን_አጠናክሩ😷

በኢትዮጵያ ተጨማሪ 1,458 ሰዎች የኮሮና ቫይረስ ሲገኝባቸው የ12 ሰዎች ህይወት ደግሞ አልፏል።

የኢ.ፌ.ዴ.ሪ ጤና ሚኒስቴር ይፋ ባደረገው ሪፖርት ባለፉት 24 ሰዓታት ውስጥ 9,292 የላብራቶሪ ምርመራ ተደርጎ 1,458 ሰዎች ለቫይረሱ ተጋላጭ ሆነው ተገኝተዋል።

በተመሳሳይ በ24 ሰዓታት ውስጥ 12 ዜጎች ህይወታቸው አልፏል።

ወደፅኑ ህሙማን ክፍል የሚገቡ ታማሚዎች ቁጥር በእጅጉ እየጨመረ ሲሆን በአሁን ሰዓት 580 ሰዎች በፅኑ ታመው ህክምና ላይ ናቸው።

@tikvahethiopia

#SaudiArabia

በጄዳ የሹሜሲ ዲፖርቴሽን ማዕከል ከገቡ በኃላ ባደረባቸው ህመም ምክንያት በተለያዩ ሆስፒታሎች ውስጥ ህይወታቸው ያለፈ የኢትዮጵያ ዜጎችን የሚያውቃቸው ቤተሰብ ፣ ዘመድ እና ጎደኞች ሪፖርት እንዲያደርጉ ተጠየቀ።

ከዚህ በታች የሟቾች ስም አስክሬናቸው የሚገኝበት ሆስፒታል የተገለፀ ሲሆን የምታውቋቸው ሰዎች በቢሮ ቁጥር 13 ቀርባችሁ ሪፖርት እንዲያደርጉ በጄዳ የሚገኘው የኢትዮጵያ ቆንስላ ፅ/ቤት አሳውቋል።

- ሂክመት መሀመድ (የአስክሬን መገኛ👉 ሸርቅ ጂዳ ሆስፒታል)
- ከዲጃ ማህመድ (የአስክሬን መገኛ👉ሸርቅ ጂዳ ሆስፒታል)
- ሮዳስ ሙሉ (የአስክሬን መገኛ 👉 ሸርቅ ጂዳ ሆስፒታል)
- ጀማል ከማል (የአስክሬን መገኛ 👉 ሸርቅ ጂዳ ሆስፒታል)
- ቢንያም ምሩፅ ሃጎስ (የአስክሬን መገኛ 👉 ሰግር ሆስፒታል)
- የኢንዲያ ተማም /ህፃን ልጅ/ (የአስክሬን መገኛ 👉 ሰግር ሆስፒታል)
- መሃሪ ኃይሌ (የአስክሬን መገኛ 👉 ንጉስ አብዱላአዚዝ ሆስፒታል)
- ሱልጣን ሙሀመድ (የአስክሬን መገኛ 👉 ንጉስ አብዱላአዚዝ ሆስፒታል)
- በህታ ነጋሲ አፈወርቂ (የአስክሬን መገኛ 👉 ንጉስ አብዱላአዚዝ ሆስፒታል)
- ሰለሞን ሀዱሽ ተካ (የአስክሬን መገኛ 👉 ንጉስ አብዱላአዚዝ ሆስፒታል)

በዚሁ አጋጣሚ በሳዑዲ አረቢያ የሚገኙ ዜጎችን የመመለስ ስራ ዳግም የተጀመረ መሆኑ ቢታወቅም አሁንም ከፍተኛ ስቃይ ውስጥ ያሉ ዜጎች በርካታ በመሆናቸው ልዩ ትኩረት ሊደረግ ይገባል።

@tikvahethiopia

ብሊንከን እንዲከሰሱ ተጠየቀ።

የአሜሪካው ውጭ ጉዳይ ሚኒስትር የሆኑት አንቶኒ ብሊንከን የገቡትን የሀገሪቱን ብሔራዊ ጥቅም ማስበር ባለመቻላቸው እንዲከሰሱ ተጠይቋል፡፡

ሚኒስትሩ እንዲከሰሱ የጠየቁት የሪፐብሊካን ፓርቲን በመወከል ምክር ቤት የገቡ አባላት መሆናቸውን ፎክስ ኒውስ ዘግቧል፡፡

አንቶኒ ብሊንከን ወደ ኃላፊነት ሲመጡ የገቡትን ቃል ማሳካት እንዳልቻሉ የገለጹት አባላቱ በዚህም ምክንያት መከሰስ አለባቸው በሚል የሀገሪቱን ሕጎች እየጠቀሱ መሆናቸው ተገልጿል፡፡

ብዙ ሪፐብሊካን ፓርቲ አባላት በብሊንከን ላይ ጥያቄ ቢኖራቸውም የሚሪላንድ ተወካዩ አንዲ ሃሪስ እና የደቡብ ካሮላይና ተወካዩ ራልፍ ኖርማን ግን የሕግ አንቀጾችን ሳይቀር እያጣቀሱ የውጭ ጉዳይ ሚኒትሩ መከሰስ እንዳለባቸው መናገራቸው ተሰምቷል፡፡

የአፍጋኒስታን ጉዳይ እንዲሻሻል መሰራት ቢገባውም ይህንን ማድረግ ባለመቻሉ ከፍተኛ መቅሰፍት መድረሱን የምክር ቤቱ አባላት ገልጸዋል ነው የተባለው፡፡

የአፍጋኒስታንን ጉዳይ ማስተካከል በፕሬዝዳንት ባይደን ትከሻ ላይ የወደቀ ቢሆንም በዋናነት ግን የውጭ ጉዳይ ሚኒስትሩ ይህንን የማማከር ኃላፊነት ነበረባቸው ተብሏል፡፡

ከትናንት በስቲያ በአፍጋኒስታን መዲና ካቡል ሃሚድ ካርዛይ ዓለም አቀፍ አወሮፕላን ማረፊያ ውጭ ላይ በተከሰተው ፍንዳታ 13 የአሜሪካ ወታደሮች መገደላቸው እና ምስቅልቅል የበዛበት ወታደሮችን የማስወጣት ተግባርም አንቶኒ ብሊንከንን ሊያስጠይቅ እንደሚችል የምክር ቤቱ አባላት ተናግረዋል፡፡

ሚኒስትሩ፤ የሀገሪቱን ፕሬዝዳንት በሚጠበቅባቸው ልክ አለማማከራቸው እና አሜሪካ በአፍጋኒስታን ያላትን ብሐየራዊ ጥቅም በተገቢ ሁኔታ ማሳወቅ አለመቻላቸው ተጠያቂ እንደሚያደርጋቸው ነው የተገለጸው፡፡

ያንብቡ : telegra.ph/AL-AIN-08-28

(አል ዓይን ኒውስ)

@tikvahethiopia

'የሰዓት እላፊ ገደብ ማሻሻያ'

በደብረ ማርቆስ ከተማ ተጥሎ የነበረው የሰዓት ዕላፊ ገደብ ከዛሬ ጀምሮ ማሻሻያ ተድረጎበታል።

ነሐሴ 22/2013ዓም በአገራዊ የፀጥታ ችግር ምክንያት የከተማዋን ሰላምና ደህንነት ለመጠበቅ የሰዓት ዕላፊ ገደብን ጨምሮ በከተማዋ በተቋቋመው የፀጥታ ግብረ ሃይል የተለያዩ ውሳኔዎች መተላለፋቸው ይታወቃል።

ከተላለፋት ውሳኔዎች መካከልም የሰዓት ዕላፊ ገደብ አንዱ ነው።

ሌሎች ውሳኔዎች እንደተጠበቁ ሆነው #የሰዓት_ዕላፊ_ገደቡ ማሻሻያ ተደርጎበታል።

በዚህ መሰረት ጠዋት ከ12ሰዓት በፊት መንቀሳቀስ የተከለከለ ሲሆን ምሽት 2ሰዓት የነበረው የሰዓት ዕላፊ ገደብ ግን ወደ ምሽት 3 ሰዓት የተሻሻለ መሆኑን የፀጥታ ግብረ ሃይል ኮሚቴው አስታውቋል።

@tikvahethiopia

#AddisAbaba

• 1 ሺህ 886 የንግድ ድርጅቶች ታሸጉ።
• 657 ድርጅቶች የንግድ ፈቃዳቸውን ተሰርዟል።
• ከ64 በላይ በወንጀል ተከሰዋል።

በአዲስ አበባ ከተማ የኢኮኖሚ አሻጥር ሲሠሩ በነበሩ የንግድ ድርጅቶች ላይ ከማሸግ ጀምሮ በወንጀል እንዲጠየቁ እርምጃ መውሰዱን የአዲስ አበባ ከተማ ንግድ ቢሮ አስታወቀ።

በዚሁ ጉዳይ የአዲስ አበባ ከተማ ንግድ ቢሮ ኃላፊ አቶ አብዱልፈታ የሱፍ መግለጫ ሰጥተዋል።

በከተማዋ የኢኮኖሚ አሻጥር ሲሠሩ የነበሩ ፦

- 1 ሺህ 886 የንግድ ድርጅቶች ላይ የማሸግ እርምጃ ተወስድቦባቸዋል።
- ከንግድ ህግ ውጪ ሲሰሩ በተገኙ 657 ድርጅቶች የንግድ ፈቃዳቸው የመሠረዝ እርምጃ ተወስዷል።
- ከ64 ላይ የሚሆኑ በወንጀል እንዲከሠሡ መደረጉን ጠቁመዋል።

በተጨማሪም የተለያዩ አካባቢዎች የሚገኙ 369 መጋዘኖችን የመፈተሽ ስራ መሰራቱን እና በ20 መጋዘኖች ከፍተኛ የምርት ክምችት በመገኘቱ ታሽገዋል፤ የተከማቹት ምርቶችም ለተጠቃሚ እንዲደርስ ተደርጓል።

በነዚህ መጋዝኖችም ከፍተኛ መጠን ያለው የግንባታ ዕቃዎች በተለይም፦
- ፌሮ ብረት፣
- የምግብ ሸቀጦች፣
- ጨው፣
- በርበሬ፣
- ዘይት፣
- ጥራጥሬ የመሣሠሉት ክምችት የተገኘ ከመሆኑም ባሻገር ለጤና ደህንነት ጠንቅ የሆኑ የመጠቀሚያ ጊዜ ያለፈባቸው የጁስ ምርቶች በቁጥጥር ስር ውሏል፡፡

አቶ አብዱልፈታ በመግለጫቸው ፥ አንዳንድ ኃላፊነት የጎደላቸው ስግብግብ ነጋዴዎች ትክክለኛ ባልሆነ የመስፈሪያ መሣሪያዎች ምርቶችን እየሸጡ መሆኑ ተደርሶበት ሲሠሩበት የነበሩ 19 የመስፈሪያ መሣሪያዎች ተሠብስበው እንዲወገዱ መደረጉን አሳውቀዋል። #AAPS

@tikvahethiopia

#Tokyo2020

የሀገሯን ስም ከፍ ያደረገችው አትሌት ትዕግስት ገዛኸኝ ...

ሀገራችን ኢትዮጵያ በቶኪዮ 2020 የፓራሊምፒክ ጨዋታዎች ላይ በኢትዮጵያ ፓራሊምፒክ ታሪክ የመጀመሪያውን የወርቅ ሜዳሊያ በአትሌት ትዕግስት ገዛሃኝ በ T13 1,500 ሜትር ውድድር በ 4:23:24 በሆነ ሰአት (የግሏን ምርጥ ሰአት) በመግባት አግኝታለች ።

አትሌት ትዕግስት ለራሷና ለሀገሯ በሴቶች ዘርፍ የመጀመሪያ የሆነውን የወርቅ ሜዳሊያ በማግኘት ታላቅ ገድል ፈፅማለች ።

የመረጃ ባለቤት ፦ ዮናስ ገብረማርያም

@tikvahethsport

#ALERT🚨

በኢትዮጵያ ተጨማሪ 1,906 ሰዎች የኮሮና ቫይረስ ሲገኝባቸው የ13 ሰዎች ህይወት ደግሞ አልፏል።

የኢ.ፌ.ዴ.ሪ ጤና ሚኒስቴር ይፋ ባደረገው ሪፖርት ባለፉት 24 ሰዓታት ውስጥ 9,112 የላብራቶሪ ምርመራ ተደርጎ 1,906 ሰዎች ለቫይረሱ ተጋላጭ ሆነው ተገኝተዋል። በተመሳሳይ በ24 ሰዓት ውስጥ 13 ዜጎች ህይወታቸው አልፏል።

የፅኑ ታማሚዎች ቁጥር ከትላትናው በ7 ጨምሮ ዛሬ 587 ደርሷል።

@tikvahethiopia