ICRC ወደ ትግራይ ህገወጥ ገንዘብ እና ቁስ አዘዋውሯል ?

ከሰሞኑን በማህበራዊ ሚዲያ ላይ ከላይ በምስሉ የሚታየው ገንዘብ ህገወጥ በሆነ መንገድ የዓለም አቅፍ ቀይ መስቀል ኮሚቴ (ICRC) ወደ ትግራይ ሲያስገባ አፋር ላይ በተደረገ በፍተሻ መያዙን የሚገልፁ መረጃዎች ሲሰራጩ ነበር።

ICRC ዛሬ በዚሁ ጉዳይ መግለጫ አውጥቷል።

በማህበራዊ ሚዲያ የተሰራጨው መረጃ ትክክለኛ እንዳልሆነ ገልጿል።

ምስሉ የዓለም አቅፍ ቀይ መስቀል ኮሚቴ 5 ተሽከርካሪዎች ባካተተው ኮንቮይ ከሁለት ሳምንት በፊት በአፋር ክልል በነበረው ፍተሻ ወቀት የተነሳ መሆኑን አሳውቋል።

በምስሉ የሚታየው ቁስ በሙሉ የአስቸኳት ጊዜ እርዳታ እና የህክምና ቁሶችንም የሚያካትት ሲሆን የሚመለከታቸው የፌዴራል እና የክልል መንግስት አካላት በቅድሚያ እንዲያውቋቸው ተደርገውና ፍቃድ ተገኝቶባቸው የተጓጓዙ ናቸው ብሏል።

ቁሳቁሶቹና ገንዘቡ ድርጅቱ በሌሎች የሀገሪቱ ክፍሎች እንደሚያደርገው ለሚሰጠው የሰብዓዊ አገልግሎት ተግባር የሚውል መሆኑን ገልጾ ሁሉም ቁሳቁሶች መቐለ በሚገኘው የድርጅቱ ቢሮ መድረሱን አመልክቷል።

ICRC ጥሬ ገንዘብ ያጓጓዘው የባንክ አገልግሎት ባለመኖሩ መሆኑንም አሳውቋል።

@tikvahethiopia

#Ethiopia

የUSAID አስተዳዳሪ የሆኑት ሳማንታ ፓወር ወደ ኢትዮጵያ የመጣሁት ሰብዓዊነት አሳስቦኝ ነው ሲሉ መናገራቸውን የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ተናገሩ፡፡

አምባሳደሩ ዛሬ በሰጡት ሳምንታዊ መግለጫ ስለሳማንታ ፓወር ጉብኝት ማብራሪያ ሰጥተዋል።

አምባሳደር ዲና ሳማንታ “ሰብዓዊነት አሳስቦኝ ነው ወደ ኢትዮጵያ የመጣሁት" ሲሉ መናገራቸውን እንደሚወራው "መንግስት ለመቀየር እንዳልመጡ ፤ ይልቁንም ሰብዓዊነት እንደሚያሳስባቸው” መናገራቸውን ገልፀዋል።

ሲመጡ ጠ/ሚ ዶ/ር ዐቢይን እና ምክትላቸውን አቶ ደመቀን ለማግኘት አቅደው የነበሩት ሰማንታ ፓወር 2ቱንም ሳያገኟቸው ቀርተዋል። በዚህ ጉዳይ አስተያየታቸውን የሰጡት አምባሳደር ዲና ፥ “በነበረባቸው የስራ ጫና (ዶ/ር ዐቢይና አቶ ደመቀ)” ምክንያት ፍላጎታቸው ተሳክቶ ሳያገኟቸው ቀርተዋል ብለዋል።

ምንም እንኳን እነሱን ማግኘት ባይችሉም ከእርሳቸው ተቋም ተግባር ጋር በሚገናኙ ስራዎች ዙሪያ የተሰማሩ የመንግስት ባለስልጣናትን እንደሚያገኙ ተነግሯቸው አግኝተዋል ሲሉ አክለዋል።

ሳማንታ ፓወር ካገኟቸው ባለስልጣናት መካከል ወ/ሮ ሙፈሪያት ካሚል የሚገኙበት ሲሆን "ህወሃት" የተጀመረውን ሃገራዊ ለውጥ ረግጦ መውጣቱን ለሳማንታ መናገራቸውን ገልፀዋል።

ፓወር፥ “አሜሪካ ከኢትዮጵያ ጋር ያላትን ግንኙነት በጣም ዋጋ ትሰጣለች” ያሉ ሲሆን ጉዳዩ እዚህ ደረጃ መድረስ አልነበረበትም ስለማለታቸውም ተናግረዋል፡፡

በሌላ በኩል ድርድርና ውይይትን በተመለከተ የተጠየቁት አምባሳደር ዲና ምናልባት በመጪው መስከረም ወር መጨረሻ በሚመሰረተው አዲስ መንግስት ሁሉን አቀፍ (All inclusive) ውይይት እንደሚደረግና ምናልባት የህወሓት አባል የነበሩ ሰዎች ወደዚህ ውይይት ሊመጡ እንደሚችሉ ተናግረዋል።

#አልዓይን

@tikvahethiopia

የተፈናቃዮች ጥሪ :

በወልዲያ ከተማ በአምስት መጠለያ ጣቢያዎች ከራያ ቆቦ እና አካባቢዋ የተፈናቀሉ ዜጎች ይገኛሉ።

በወልድያ ከተማ የሚገኙት ወገኖች የሰብዓዊ ድጋፍ እንዲደረግላቸው መጠየቃቸውን #አሚኮ ዘግቧል።

የወልድያ ከተማ አስተዳደር በ5 መጠለያ ጣቢያዎች ውስጥ የሚገኙ ተፈናቃዮችን ለመደገፍ ሁሉም እገዛ እንዲያደርግ ጠይቋል።

ወልዲያ ከተማ የሚገኙ ተፈናቃዮች የከተማው ህዝብ ላደረገላቸው ሁሉን አቀፍ ድጋፍ ምስጋና ያቀረቡ ሲሆን ወደ ቀያቸው እስኪመለሱ የሚደረግላቸው የሰበዓዊ ድጋፍ እንዲቀጥል ጠይቀዋል።

የወልድያ ከተማ ከንቲባ የሆኑት ሙሀመድ ያሲን የከተማዋ ነዋሪዎችና ወጣቶች ተፈናቃዬቹን ለመደገፍ ላደረጉት ሁሉን አቀፍ ተሳትፎ ምስጋና አቅርበዋል።

ከንቲባው ባለሀብቶችና የእርዳታ ድርጅቶች ድጋፍ እንዲያደርጉ ጥሪ አቅርበዋል።

ህወሓት በአፋር እና አማራ ክልል በከፈተው ጦርነት ከ225 ሺህ በላይ ዜጎች ከቤት ንብረታቸው መፈናቀላቸው በሁለቱ ክልል መንግስታት መገለፁ አይዘነጋም።

@tikvahethiopia

#ድሬፖሊስ : በዛሬው ዕለት የድሬዳዋ ፖሊስ ከዚህ ቁም ይጠቀምበት የነበረውን የደንብ ልብስ በአዲስ የደንብ ልብስ መቀየሩን በይፋ አስተዋውቋል።

አዲሱ የደንብ ልብስ ፦
- የተቋሙን ቁመና በሚገልፅ መልኩ በጥናት የቀለም (ከለር) ልዩነት የተደረገበት
- አዲሱ የተቋሙ አርማ ያረፈበት
- ቀደም ብሎ አባላት ያነሱት የነበረውን የጥራትና ተያያዥ ችግሮችን የፈታ እንደሆነ ተገልጿል።

የፎቶ ባለቤት : ድሬ ፖሊስ

@tikvahethiopia

"...ዛሬ 7 ሰዓት አካባቢ ገነተ ማርያም ተብሎ በሚጠራው በኩል ወደ ከተማዋ ገብተዋል" - አቶ ማንደፍሮ ታደሰ (የላሊበላ ከተማ ምክትል ከንቲባ)

(በቢቢሲ እና ሮይተርስ)

ህወሓት ወደ ላሊበላ ከተማ መግባቱ ታወቀ።

የህወሓት ታጣቂ ኃይሎች ዛሬ ሀሙስ (7:00 ሰዓት አካባቢ) ወደ ላሊበላ ከተማ መግባታቸውን የከተማይቱ ነዋሪዎች ተናግረዋል።

ባለፉት ጥቂት ቀናት በከተማዋ አቅራቢያ ባሉ አካባቢዎች የታጣቂዎች እንቅስቃሴ መኖሩ ሲነገር መቆቱን የከተማዋ ነዋሪዎች ገልፀዋል።

ዛሬ ደግሞ ታጣቂዎች ወደ ከተማዋ ዘልቀው ገብተዋል።

የከተማዋ ም/ከንቲባ አቶ ማንደፍሮ ታደሰ የህወሓት ታጣቂዎች ዛሬ 7 ሰዓት አካባቢ "ገነተ ማርያም ተብሎ በሚጠራው በኩል ወደ ከተማዋ ገብተዋል" ሲሉ አረጋግጠዋል።

አቶ ማንደፍሮ የህወሓት ታጣቂዎች ወደ ከተማዋ ሲገቡ ምንም አይነት ውጊያ ሆነ ተኩስ እንዳልነበረ ተናግረዋል።

የህወሓት ታጣቂ "ከተማዋን ይዞታል" በሚል በርካታ ለደኅንነታቸው የሰጉ ነዋሪዎች ከተማዋን ለቀው እወጡ መሆናቸውን ምክትል ከንቲባው ገልፀዋል።

በአሁኑ ወቅት በከተማዋ የተኩስ ድምጽ እንደማይሰማ የተናገሩት ም/ከንቲባው፤ "የህወሓት ታጣቂዎች በከተማዋ የሚገኙ ጥንታዊ ቅርሶችን ያወድማሉ የሚል ስጋት መፈጠሩን" ተናግረዋል።

እሳቸው በአሁን ሰዓት ከላሊበላ ከተማ ውጪ እንደሚገኙ የተናገሩ ሲሆን "ከፌደራል እና ከክልል መንግሥት ጋር ኃይል እንዲገባ እና ቅርስ እንዲታደግ ጥረት እየተደረገ ነው" ብለዋል።

የመላው ዓለም ሕዝብ ቅርስ ስለሆነ የዚህ ቅርስ ደኅንነት እንዲረጋገጥ ግፊት መደረግ አለበት" ሲሉ ስጋታቸውን ገልጸዋል።

ፎቶ ፦ ፋይል

@tikvahethiopia

"ፆም ጣፋጭ ናት ፍሬዋም ጣፋጭ ነው"

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፆመ ፍልሰታን በማስመልከት መልዕክት አስተላልፈዋል።

"ፆም ጣፋጭ ናት ፍሬዋም ጣፋጭ ነው" ያሉት ቅዱስነታቸው ፤ በሱባኤው በኮሮና ቫይረስ ሥርጭት እንዳይጎዳ ጥንቃቄ በማድረግ ስለ ሀገር በመጸለይ በንሥሐ እና በፍቅር ማሳለፍ ይገባል ብለዋል።

* የቅዱስነታቸው ሙሉ መልዕክት ከላይ ተያይዟል።

@tikvahethiopia