#update የትግራይ ክልል ምክር ቤት⬇️

ለ3 ተከታታይ ቀናት ሲካሄድ የቆየው የትግራይ ብሔራዊ ክልላዊ መንግስት ምክር ቤት 5ኛ ዘመን 13ኛ መደበኛ ጉባኤ የ9 የካቢኔ እና የ3 የዞን ዋና አስተዳደር #ሹመት በማደቅ ተጠናቀቀ᎓᎓

ምክር ቤቱ በ3 ቀናት ቆይታው 16 አጀንዳዎችን የተመለከተ ሲሆን የክልሉ መንግስት የስራ አስፈፃሚ የ2011 ዓ.ም በጀት አመት ዕቅድን ጨምሮ የተለያዩ የሴክተር መስሪያ ቤቶችን ዕቅዶች አዋጆችና ደንቦችን በመወያየት #አፅድቋል᎓᎓

ምከር ቤቱ በዕድሜ ምክንያት በክብር ለተሰናበቱ የክልሉ አፈ ጉባኤ ወይዘሮ ቅዱሳን ነጋ ምትክ አቶ ሩፋኤል ሽፋረ የምክር ቤቱ አፈ ጉባኤ እንዲሁም ወይዘሮ የምስራች ብርሃኑን ምክትል አፈ ጉባኤ በማድረገ ሾሟል᎓᎓

ከዚህ በተጨማሪ በምክትል ርእሰ መስተዳድሩ ዶ/ር ደብረፅዮን ገብረ ሚካኤል አቅራቢነት 9 የካቢኔ አባላትና 3 የዞን ዋና አስተዳዳሪዎች ተሹመዋል᎓᎓

ሹመቱን ከወትሮው ለየት የሚያደርገው ለካቢኔ አባላት 50 በመቶ የሴቶችን ተሳተፎ ለማሳደግ በተቀመጠው መሰረት ከ9 ከተሾሙ አዳዲስ የካብኔ አባላት 6ቱ ሴቶች ናቸው᎓᎓

በዚህም መሠረት፦

1ኛ/ዶክተር አብርሃም ተከስተ በምክትል ርእሰ መስተዳድር ማዕረግ የክልሉ ንግድ፣ኢንዱስትሪና ከተማ ልማት ቢሮ ኃላፊ

2ኛ/አቶ ቴዎድሮስ ገብረእግዚአብሄር የውሃ ሃብት ቢሮ ኃላፊ

3ኛ/ወይዘሮ ሊያ ካሳ የክልሉ መንግስትና ህዝብ ግንኙነት ቢሮ ኃላፊ

4ኛ/ወይዘሮ ገነት አረፈ የወጣቶችና ስፖርት ቢሮ ኃላፊ

5ኛ/ ወይዘሮ አሰፉ ሊላይ የገቢዎችና ልማት ባለስልጣን ኃላፊ

6ኛ/አቶ ተኪኤ ምትኩ የጸጥታና አስተዳደር ቢሮ ኃላፊ

7ኛ ወይዘሮ አልማዝ ገብረጻድቅ የኮንስትራክሽን፣መንገድና ትራንስፖርት ቢሮ ኃላፊ

8ኛ/ ወይዘሮ ብርክቲ ገብረመድህን የባህልና ቱሪዝም ቢሮ ኃላፊ እና

9ኛ/ ዶክተር ጸጋብርሃነ ተክሉ የሳይንስና ቴክኖሎጂ ቢሮ ኃላፊ ሆነዋል።

እንዲሁም አቶ ኢያሱ ተስፋይ የማዕከላዊ ዞን ዋና አስተዳዳሪ ፣አቶ ረዳኢ ሐለፎም የትግራይ ደቡባዊ ዞን ዋና አስተዳዳሪ እና አቶ ርስኩ አለማው የምዕራብ ዞን ዋና አስተዳዳሪ ሆነው ተሹመዋል።

ምንጭ፦ etv
@tsegabwolde @tikvahethiopia