Haramaya University--#StopHateSpeech👆

Dubbii(Haasaan) jibbinsaa/HATE SPEECH/ jechuun #ilaalcha namoota dhunfaa, ykn garee Amantii, Sabaa, Sanyummaa ykn Haala qaama irratti Hundaa'uun dubbi/haasaa taasiifamu ykn Bu'aa miidiiyaa hawasaatii.

Kunis walitti deeddeebinsaa jechootaa namoota dhunfaa lama gidduutti gaggeefamuu jalqabee hanga Midiyaalee sab-qunnamtii gurguddoo irrattis hanga tamsasaahutti gahuu danda'a.
Kanaaf #haasaa(dubbii) #jibbinsaa_irraa_of_haa_qusannuu!!
.
.
.
እጅግ በጣም የምንወዳችሁ እና የምናከብራችሁ የሀረማያ ዩኒቨርሲቲ ተማሪዎች እና የተቋሙ አመራሮች ነገ እና ከነገ በስቲያ በዋናው ግቢ ተገናኝተን የጥላቻ ንግግርን እናወግዛለን!!

√ጅማ ዩኒቨርሲቲ
√ወልቂጤ ዩኒቨርሲቲ
√ወ/ሶዶ ዩኒቨርሲቲ
√አርባምንጭ ዩኒቨርሲቲ
√ድሬዳዋ ዩኒቨርሲቲ
√ጅግጅጋ ዩኒቨርሲቲ
√ኦዳ ቡልቱም ዩኒቨርሲቲ ለአንድ ሀገራዊ አላማ በሀረማያ ዩኒቨርሲቲ ይገናኛሉ!!

እኛ #ኢትዮጵያን በፍቅር፤ በመከባበር በአንድነት እንገነባታለን!! TIKVAH-ETH /ወጣቶቻችን የነገ የሀገሪቱ ተስፋ ናቸው!!/

#TIKVAH_ETHIOPIA
@tsegabwolde @tikvahethiopia

ውብ ሀገሬ!

ውብ ሀገሬ፤ ውብ ሀገሬ፣ውብ ሀገሬ
ባንቺ እኮ ነው፤ መከበሬ፤ መከበሬ
.
.
እናት አባት ቢሞት በሀገር #ይለቀሳል
እህት ወንድም ቢሞት በሀገር ይለቀሳል
#ሀገር የሞተ እንደሁ ወዴት ይደረሳል?

▫️▫️▫️▫️▫️▫️▫️▫️▫️▫️▫️

#ኢትዮጵያን መውደድ ማለት፦ ህዝቦቿን፣ የህዝቦቿን ባህል፣ ቋንቋ፣ እምነት እና ስርዓት #መውደድ እና #ማክበር ማለት ነው።

@tsegabwolde @tikvahethiopia

#ጅግጅጋ

"#የሁላችንም የሆነች #ኢትዮጵያን ለመፍጠር ቀን ከሌት እንሰራለን" የኦሮሚያ ክልል ምክትል ርዕሰ መስተዳድር አቶ #ሽመልስ_አብዲሳ

@tsegabwolde @tikvahethiopia

በኩራት ቀንዎ ነፃ ቡና እንሆ!

ቶሞካዎች ተመስግናችኃል!

አዲስ አበባ መስቀል ፍላወር የሚገኘው "ቶሞካ ቡና" የኩራት ቀንን ምክንያት በማድረግ ደንበኞቹን በነጻ ቡና እያጠጣ ነው፤ በቡናችሁ ኩሩ እያለ ይገኛል☕️

በነገራች ላይ...የሀገራችን ቡና #ኢትዮጵያን በዓለም ላይ እንድትታወቅ በማድረግ ትልቁን ድርሻ ይይዛል!

@tsegabwolde @tikvahethiopia

እንደምን አረፈዳችሁ?

በ10,000 ሺህ የሚቆጠሩ በ @tikvahethiopiaBot የተከማቹ መልዕክቶችን እየተመለከትን ነበር። ከመላው ሀገሪቱ ክፍል ማለት ይቻላል።

ትላንት ምሽት 'ሻይቅጠል በጥብጣችሁ ጠጡ፣ የሻይቅጠል ፈልጋችሁ በስኴር አድርጋችሁ ጠጡ' ለኮሮና መድሃኒት ነው ተብለን ነበር የሚሉ መልዕክቶችን ተመልክተናል።

እውነቱ ግን ብቸኛ የአሁኑ መፍትሄ የጤና ባለሞያዎችን ምክር መስማት ብቻ ነው። በተለያየ መልኩ በሚደርሳችሁ መልዕክቶች ሁሉ የምትረበሹ ከሆነ ይህን የኮሮና ቫይረስ መቆጣጠር ፍፁም አዳጋች ነው የሚሆነው።

#ኢትዮጵያን ጨምሮ በተለያዩ ሀገራት የሚደረጉ ጥረቶች ቢደነቁም እውነታው ግን ኮሮና ቫይረስ መድሃኒት የሌለው ገዳይ ወረርሽኝ መሆኑ ነው። መድሃኒት ቢገኝለት የሁላችን ደስታ ነው ፤ ግን መድሃኒት የለውም ፤ አልተገኘለትም! ከበሽታው የምንተርፈው በጤና ባለሞያዎች ምክር ብቻ ነው።

መዘናጋት ከምንነግራችሁ በላይ ትልቅ ዋጋ ያስከፍላልና ጥንቃቄ ይደረግ። ባልተሟላ የህክምና ቁሳቁስ ፣ እራሳቸውን አደጋ ላይ ጥለው የእኛን ህይወት ለመታደግ ዝግጁ በሆኑት የጤና ባለሞያዎቻችን ላይ ስቃያቸውን እንዳናበዛ የሚሉትን እንስማ።

መልካም ቀን!
@tikvahethiopiaBot @tikvahethiopia

#USA

አምባሳደር ሳተርፊልድ ወደ ኢትዮጵያ ይመጣሉ።

አዲሱ የአሜሪካ የአፍሪካ ቀንድ ልዩ መልዕክተኛ አምባሳደር ዴቪድ ሳተርፊልድ ከመጪው ሰኞ ጀምሮ #ኢትዮጵያን ጨምሮ ሱዳን እና ሳዑዲ አረቢያን እንደሚጎበኙ ተገልጿል።

አምባሳደር ሳተርፊልድ እኤአ ከጥር 17-20 ባሉት ቀናት ነው ሃገራቱን የሚጎበኙት፡፡

በቅድሚያ ወደ ሪያድ እንደሚጓዙ የሚጠበቁት ልዩ መልዕክተኛው ቀጥሎ ካርቱምንና አዲስ አበባን ይጎበኛሉ ተብሏል፡፡

የአሜሪካ ውጭ ጉዳይ መስሪያ ቤት ረዳት ጸሃፊ ሞሊ ፊ አብረዋቸው ወደ ሃገራቱ እንደሚጓዙ ተገልጿል።

አምባሳደር ሳተርፊልድ በሪያድ ቆይታቸው በሱዳን ያለውን ወታደራዊ አገዛዝ እንዲያበቃ የሚጠይቁትን የለውጥ ኃይሎችን እንደሚያገኙና በመንግስታቱ ድርጅት አመቻችነት ለማካሄድ ስለታሰበው ሃገራዊ ውይይት እንደሚነጋገሩ ይጠበቃል፡፡

ወደ ካርቱም ተጉዘው ከተለያዩ የለውጥና የዴሞክራሲ ኃይሎች ጋር እንዲሁም ከወጣት አደረጃጀቶች ጋር ይወያያሉ፡፡

በኢትዮጵያ ከጠቅላይ ሚኒስትር ዶ/ር ዐቢይ አህመድና ሌሎች ከፍተኛ የመንግስት ባለስልጣናት ጋር እንደሚወያዩ ይጠበቃል።

መንግስት የተገኘውን የሰላም ጭላንጭል እንዲያጠናክር፣ የአየር ጥቃቶችን እንዲያቆም እና ሌሎችም መቃቃሮች እንዲያበቁ ማድረግ በሚቻልባቸው ጉዳዮች ዙሪያ እንደሚነጋገሩም ነው የተገለጸው፡፡

ተኩስ እንዲቆም፣ እስረኞች አሁንም እንዲለቀቁና ሰብዓዊ እርዳታዎች ሳይስተጓጎሉ እንዲቀርቡ ይጠይቃሉ ተብሏል፡፡

መረጃውን #አል_ዓይን_ኒውስ የአሜሪካ የውጭ ጉዳይ ሚኒስቴርን ዋቢ አድርጎ ነው በድረገፁ ላይ ያስነበበው።

@tikvahethiopia

#Update

የተባበሩት መንግስታት ጠቅላላ ጉባኤ #ሩሲያን በማውገዝ እና ወታደሮቿን ከዩክሬን እንድታስወጣ በቀረበ የውሳኔ ሀሳብ ላይ ዛሬ ድምፅ ሠጠ።

በዚህም ከ193 ሀገራት መካከል 141 ሀገራት ድጋፍ ሲሰጡ ፣ 5 ሀገራት ውሳኔ ሀሳቡን ተቃውመዋል፣ 35 ሀገራት ደግሞ ድምፀ ተአቅቦ አድርገዋል።

#ኢትዮጵያን 🇪🇹 ጨምሮ 13 ሀገራት በድምፅ አሰጣጡ ላይ ሙሉ በሙሉ አልተሳተፉም።

የውሳኔ ሀሳቡን የተቃወሙ ሀገራት ፦

🇷🇺 ሩስያ
🇧🇾 ቤላሩስ
🇪🇷 ኤርትራ
🇰🇵 ሰሜን ኮሪያ
🇸🇾 ሶሪያ ናቸው።

ድምፀ ተአቅቦ ካደረጉት መካከል ፦

🇩🇿 አልጄሪያ
🇦🇴 አንጎላ
🇧🇮 ቡሩንዲ
🇨🇬 ኮንጎ
🇨🇫 ማዕከላዊ ሪፐብሊክ አፍሪካ
🇲🇬 ማዳጋስካር
🇲🇱 ማሊ
🇳🇦 ናሚቢያ
🇲🇿 ሞዛምቢክ
🇸🇳 ሴኔጋል
🇸🇸 ደቡብ ሱዳን
🇸🇩 ሱዳን
🇿🇦 ደቡብ አፍሪካ
🇿🇼 ዝምባብዌ
🇺🇬 ዩጋንዳ
🇵🇰 ፓኪስታን
🇨🇺 ኩባ
🇮🇳 ህንድ
🇮🇷 ኢራን
🇮🇶 ኢራቅ
🇨🇳 ቻይና ይገኙበታል።

የውሳኔ ሀሳቡ በህጋዊ መንገድ አስገዳጅ ሳይሆን የተ.መ.ድ አባል ሀገራት እይታ የተንፀባረቀበት እና በሩስያ እና ቤላሩስ ላይ ጫና ለመፍጠር ያለመ ነው።

@tikvahethiopia

" ኢትዮጵያ ከፍላዋለች ፤ የኢትዮጵያ ህዝብ አክብሮታል " - ድምፃዊት ትዕግስት አፈወርቅ

በቅርቡ ከዚህ ዓለም በሞት የተለየው ድምፃዊ ማዲንጎ አፈወርቅ እህት የሆነችው ድምፃዊት ትዕግስት አፈወርቅ አሁን ላይ በስደት #በካናዳ_ሀገር የምትገኝ ሲሆን የወንድሟን ህልፈት በሰማችበት ወቅት እራሷን ስታ ሆስፒታል እንደነበረች ተናግራለች።

ድምፃዊት ትዕግስት ፤ የወንድሟን ህልፈት ተከትሎ የኢትዮጵያ ህዝብ ፣ የኢትዮጵያ መንግስት ላሳየው ልዩ ክብር ምስጋናዋን አቅርባለች።

ወንድሟን እስላም ፣ ክርስቲያኑ ፤ ኦሮሞው ፣ ትግራዩ ፣ አማራው አንድም ሳይለያይ አልቆሶ በክብር መቀበሩን የገለፀችው ትዕግስት ባየችው ነገር እንደተፅናናች ነገር ግን በኢትዮጵያ ውስጥ እየጠፋ ያለው የሰው ህይወት ይቆም ዘንድና ሁሉም ወደ ፍቅር እንዲመለስ እያለቀሰች ተማፅናለች።

ድምፃዊት ትዕግስት አፈወርቅ ፦

" ... ወንድሜን ኢትዮጵያ ከፍላዋለች። እግዚአብሔር ይመስገን የኢትዮጵያ ህዝብ አክብሮታል ፤ የኢትዮጵያ መንግስት አክብሮታል።

እንደ ንጉስ በክብር ተቀብሯል።

ፌንት አድርጌ ሆስፒታል ነበርኩኝ ፤ ወንድሜ ለኔ ልጄ ነው ፤ የስደት ጓዴ ነው፤ ሁሉ ነገሬ ነው። የጀግና ሞት ነው የሞተው፤ እንደ ንጉስ ነው የተቀበረው።

የማስተላልፈው መልዕክት ፤ ወንድሜ እንዲሁ እንደ ንጉስ እንደተቀበረ  ፤ #ኢትዮጵያን እንዳለ እንደዘፈነ ፤ ኢትዮጵያን እንደወደደ የክብር ሞት ነው የሞተው የኢትዮጵያ ህዝብም ብድሩን መልሶለታል።

እግዚአብሔር ኢትዮጵያን ይባርክ ፤ ኢትዮጵያን ሰላም ያድርጋት።

ነገር ግን አንድ የሚያመኝ ነገር ወንድሜ እንዲህ እንደ ንጉስ ተከብሮ ተቀብሮ እንዲህ አንጀቴ ፣ ልቤ የተቆረጠ ፤ የሚያልቀው ህዝብ ፣ ምንም በማያውቀው ፣ ደጉ ባለሀገሩ ፣ ምስኪኑ የሚጨፈጨፈውስ ... ስለነሱ ነው መልዕክቴ።

የኢትዮጵያ ህዝብ እንደድሯችን #አንድ ልንሆን ይገባል፤ ሞት ሊቆም ይገባል። እኔ ወንድሜ በክብር ተቀብሮ እንደዚህ ያመመኝ ተዋግቶ በማያውቀው ተጋድሎ የሚሞተው ህዝብ ፤ ለእሱ ህዝብ ሞት ሊቆም ይገባል ነው መልዕክቴ።

ወንድሜማ እንደ ንጉስ ነው የተቀበረው ግን እንደዛም ሆኖ አንጀቴ ተቆርጧል። ማዲንጎ ኢትዮጵያን ነው ያሳየው እስላም፣ ክርስቲያኑ ፤ ኦሮሞው ፣ ትግራዩ ፣ አማራው ሁሉ አልቅሶ ነው የቀበረው። የኢትዮጵያ ህዝብ ደግ ህዝብ ነው።

እባካችሁ ወገኖቼ ፣ ወንድሜ እንዲህ በክብር ተቀብሮ እንኳን አዝኛለሁ አንጀቴ ተቆርጧል፤ እያየች ልጇ የሚገደልባት እናት አባት ፣ እህት ወንድም የሚያልቅው እባካችሁ ... እባካችሁ ሞት ይቁም ኢትዮጵያ ላይ ፤ እግዚአብሔርን አምላክን ፍሩ ፤ ሁላችንም እንፍራ ወደ ፍቅር እንምጣ።

ማዲንጎ ይጠበቃል ዱብእዳ ነው የሆነብኝ፤ ቀኝ እጄ ነው የተቆረጠው ... በሰው ሀገር ፌንት ነው ያደረኩት ግን የኢትዮጵያ ህዝብ አፅናናኝ ፣ የኢትዮጵያ መንግስት እንደዛ ሲሆንለት ሳይ ፣ ህዝቡ እንደዛ ሲወጣ አንድ አደረጋት ፣ #አንድ_ናት_ኢትዮጵያ እያለ ዘፍኖ ቀብሩ ላይ እስላም ፤ ክርስቲያን ሳይል ሁሉም አንድ ሆኖ ኦሮሞው ፣ ትግራዩ አንድ ሆኖ ነው አልቅሶ የቀበረው እናም ይሄ ህዝብ ፍቅር ነው የሚያስፈልገው ፤ ለእሱ ስንል መታሰቢያነቱ ለወንድሜ ይሁን አንድ ያድርገን እባካችሁ ፤ #ሞት_ይብቃን !! "

(ድምፃዊት ትዕግስት አፈወርቅ ፤ በኢትዮ ኤፍ ኤም 107.8 ሬድዮ ላይ ለሚሰራጨው " ታዲያስ አዲስ " ለተሰኘው የሬድዮ ዝግጅት ከሰጠችው ቃል የተወሰደ)

@tikvahethiopia