የሰብአዊ እርዳታ ወደ መቐለ እየገባ ነው።

የዓለም ምግብ ፕሮግራም ለሁለት ሳምንት ወደ ትግራይ ሲጓጓዝ የነበረ የሰብዓዊ እርዳታ ወደ መቐለ ከተማ እየገባ መሆኑን በይፋዊ የትዊተር ገፃ አሳውቋል።

 “አሁንም በትግራይ አስቸኳይ የምግብ እርዳታ የሚያስፈልጋቸውን 2.1 ሚሊዮን ሰዎች ለመድረስ 1 ሺህ ሜትሪክ ቶን የህይወት አድን ምግብ ማዳረስ ያስፈልጋል” ሲል የዓለም ምግብ ፕሮግራም ገልጿል።

@tikvahethiopia

#FDREDefenseForce

የመተከል ዞን የተቀናጀው ግብረ ኃይል ኮማንድ ፖስት አመራሮች እና የየመስተዳድር አካላት የተካተቱበት ልዑክ ተፈናቃዮች በሚገኙበት አራት የጊዜያዊ የመጠለያ ጣቢያ የሚገኙ ተፈናቃዮችን ተዘዋውረው ጎብኝተዋል።

በአካባቢው ተከስቶ በነበረው ግጭት ሳቢያ ከቀዬአቸው ተፈናቅለው ከነበሩ ወገኖች ጋር የጋራ ውይይት ማድረጋቸውም ተገልጿል። ውይይቱ በግዜያዊ መጠለያ ጣቢያው የሚያጋጥሙ ችግሮች እና መፍትሄዎች ላይ አተኩሮ የተካሄደ ነበር።

የመተከል ዞን የተቀናጀው ግብረ ኃይል ኮማንድ ፖስት አባል የሆኑት ብ/ል ጄኔራል አለማየሁ ወልዴ ተፈናቃዮችን ቋሚ ተፈናቃይ አድርጎ በማቆየት በግላቸው የሚጠቀሙ ሀይሎች መኖራቸውን የጠቆሙ ሲሆን የእነዚህን ሀይሎች ሴራ መረዳትና በጋራ መታገል አስፈላጊ መሆኑን አስገንዝበዋል።

ለህዝቡ የሚቀርበውን የምግብ እህሎችን ሸጠው ለግል ጥቅማቸው ለማዋል ሲንቀሳቀሱ የነበሩ ግለሰቦችን በህዝቡ ተሳትፎ በመለየት ለህግ እንዲቀርቡ መደረጉንም አስታውሰዋል። ይሄ ተግባር በቀጣይነት ተጠናክሮ መቀጠል ይገባዋል ብለዋል።

ይሁን እንጂ ልዩ ልዩ የመመገቢያ ቁሳቆሶች እና ሰብአዊ እርዳታዎች መድረስ ከሚገባው ግዜ መዘግየቶች ማጋጠማቸውን የጠቆሙ ሲሆን አስቸኳይ መፍትሄ ሊሰጣቸው እንደሚገባ አሳስበዋል።

@tikvahethiopia

#USA

"የግድቡ ጉዳይ ምንም አይነት ወታደራዊ መፍትሄ የለውም" - አሜሪካ

የአሜሪካ ውጭ ጉዳይ መስሪያ ቤት የቀጠናዊ ጉዳዮች ቃል አቀባይ ሳሙኤል ዋርበርግ፤ ትላንት እሁድ በሰጡት ቃል አሜሪካ ለታላቁ የኢትዮጵያ የህዳሴው ግድብ ጉዳይ ብቸኛው መፍትሄ ዲፕሎማሲ ነው ብላ ታምናለች ብለዋል።

ከTeN የሳተላይት ቻናል ቃለምልልስ የነበራቸው ዋርበርግ ፥ የተባበሩት መንግስታት ድርጅት ፀጥታው ምክር ቤት ስብሰባ የህዳሴው ግድብ ጉዳይ ለአፍሪካ አህጉር እጅግ በጣም አስፈላጊ መሆኑን አሳይቷል ሲሉ ተናግረዋል።

አክለውም ዓላም አቀፉ ማህበረሰብ የህዳሴው ግድይ ጉዳይ ለናልይ ተፋሰስ ቀጠና ምን ያህል ጠቃሚ እንደሆነ ተገንዝቧል ብለዋል።

ዋርበርግ፥ የግድቡ ጉዳይ ምንም አይነት ወታደራዊ መፍትሄ እንደሌለው በማንሳት "በአፍሪካ አህጉር ምንም አዲስ ጦርነት ልንገምት አንችልም" ብለዋል።

የተፋሰሱ አገራት እና የ #አፍሪካ_ህብረት ድርድርን እንደገና መጀመር እንዳለባቸው ጠቁመው አሜሪካ ማንኛውንም የፖለቲካ ወይም የቴክኒክ ድጋፍ ለመስጠት ዝግጁ መሆኗን ገልፀዋል።

ዋርበርግ፥ "ውይይቱን ለመቀጠል አሜሪካ ሁሉም ወገኖች ከማንኛውም መግለጫ እንዲታቀቡ ጥሪ ታደርጋለች ፤ የሚደረገው ማንኛውም ውይይት ድርድሮችን ወደፊት ለማስቀጠል ያለመ መሆን ይገባዋል" ብለዋል።

አሜሪካ ድርድሩ ላይ የበለጠ ጊዜ እንዲያልፍ አትፈልግም ብለዋል።

@tikvahethiopia

#Update

የጀርመን የፌዴራል የምጣኔ ትብብር እና ልማት ሚኒስትር ገርድ ሙለር የተባበሩት መንግስታት ኢንዱስትሪ ልማት ድርጅት/UNIDO/ ዋና ዳይሬክተር ሆነው ተመረጡ።

ሙለር በዋና ዳይሬክተርነት የተመረጡት በተመድ የኢንዱስትሪ ልማት ድርጅት ቦርድ አማካኝነት ነው፡፡

የቦርዱ ምርጫ የድርጀቱ ከፍተኛ አካል በሆነውና እንደፈረንጆቹ ከህዳር 29 እስከ ታህሳስ 3/2021 በሚካሄደው ጠቅላላ ጉባኤ ይጸድቃል ተብሎ ይጠበቃል።

አዲሱ ተመራጭ ጀርመናዊው የወቅቱ የኢኮኖሚያዊ ትብብር እና ልማት ሚኒስትር ገርድ ሙለር “ ከጠቅላላ ጉባኤው በኋላ የተመድ የኢንዱስትሪ ልማት ድርጅትን መምራት ይችላል በሚል፤ ለተጣለበኝ እምነት እጅጉን አመሰግናለሁኝ ”ብሏል፡፡

ለUNIDO ዋና ዳይሬክተርነት ከተወዳደሩት መካከል እና ፉክክሩን አሸንፈው እንደሚመረጡ የብዙዎችን ቅድመ ግምት አግኝተው የነበሩት የጠ/ሚ ዶ/ር ዐቢይ አህመድ ልዩ የኢኮኖሚ አማካሪና በኢንዱስትሪ ልማት ስራዎች ላይ የካበተ ልምድ እንዳላቸው የሚታመንባቸው ዶ/ር አርከበ ዑቅባይ ስይሳካላቸው ቀርቷል።

ዶ/ር አርከበ ከጀርመኑ ገርድ ሙለር እና ከቦልቪያው በርናንዶ ካልዛዲላ ጋር ከፍተኛ ፉክክር ሲያደርጉ ነበር የቆዩት።

መረጃው የአል ዓይን ነው።

Photo Credit : Luis J. Campuzano

@tikvahethiopia

3 አጭር መረጃ ስለታላቁ የኢትዮጵያ ህዳሴ ግድብ ጉዳይ ፦

#1

የኢፌድሪ የውጪ ጉዳይ ሚኒስቴር መግለጫ አውጥቷል።

በአፍሪካ ህብረት የሚመራው የሶስትዮሽ ድርድር ሂደት በጋራ ተቀባይነት ያለው ውጤት ለማምጣት እንዲሁም ስኬታማ መደምደሚያ ላይ ለመድረስ ስለሚያስችል በኢትዮጵያ በኩል ለድርድሩ ቁርጠኝነትና ከፍተኛ ተነሳሽነት መኖሩ ገልጿል።

የህዳሴ ግድብ ድርድር ወደ ተመድ የጸጥታ ምክር ቤት መወሰዱ ተገቢ እንዳልነበር አንስቷል።

ኢትዮጵያ በአፍሪካ ህብረት ሊቀመንበር በቀረበው የደረጃ አካሄድ ላይ ለመስራት ዝግጁ በመሆኗ ግብፅም ሆነ ሱዳን ሂደቱን ወደፍሬ ለማምጣት በቅን ልቦና እንዲደራደሩ የኢትዮጵያ መንግስት እንደሚያበረታታ ተገልጿል፡፡

#2

የውሀ መስኖና ኢነርጂ ሚኒስትሩ ዶክተር ኢ/ር ስለሺ በቀለ ለተባበሩት መንግስታት ድርጅት ዋና ፀሀፊ አንቶኒዮ ጉተሬዝ በታላቁ የህዳሴ ግድብ ዙሪያ ማብራርያ ሰጥተዋል፡፡

ሚኒስትሩ ለዋና ፀሀፊው ግንባታው ስላለበት ሁኔታ፣ ሰለሁለተኛ ዙር ሙሌት እንዲሁም በአፍሪካ ህብረት አደራዳሪነት ስለሚካሄደው ድርድር ተገቢውን ማብራሪያ ሰጥተዋል።

#3

የፀጥታው የም/ቤት አባላት የኢትዮጵያን የልማት ስራዎች በመገንዘብ ጉዳዩ ወደአፍሪካ ህብረት እንዲመለስ መደገፋቸውን እንደሚያደንቁ ዶ/ር ኢ/ር ስለሺ በቀለ ገልፀዋል።

ኢትዮጵያ እንደ ተለመደው ሁሉን አቀፍ እና ሁሉም አሸናፊ በሚሆንበት መንገድ ለመደራደርና ሂደቱንም ለመቋጨት ዝግጁ ነች ብለዋል፡፡

"ሀገሬ ኢትዮጵያን ወክለን በመቅረብ እውነቱ በመገለጡ የተሳካ ውጤት አግኝተናል" ያሉት ሚንስትሩ "ኢትዮጵያ መፍትሄው በአፍሪካ ህብረት አስተባባሪነት በድርድር ይፈታል እንጂ የደህንነት ስጋት አድርጎ በመሳል በዓለም አቀፍ አካላት ሊታይ አይገባም ብላ ታምናለች" ሲሉ መልእክት አስተላልፈዋል።

@tikvahethiopia

#UNHCR

የUNHCR ኮሚሽነር ፊሊፖ ግራንዲ በትግራይ በሚገኙ ኤርትራውያን ስደተኞች ላይ እየደረሰ ያለው ጥቃት በእጅጉ እንዳሳሰባቸው በመግለጽ በአስቸኳይ ሊቆም እንደሚገባ አሳስበዋል።

ኮሚሽነሩ በትግራይ የሚገኙ የኤርትራ ስደተኞች ደህንነትን በተመለከተ ዛሬ መግለጫ ሰጥተዋል።

በትግራይ ግጭት ከተጀመረ አንስቶ ስደተኞቹ በሁለት ተዋጊ አካላት መሃል ለመውደቅ መገደዳቸውን ፣ ሁለት የስደተኞች መጠለያ ጣቢያዎች መውደማቸውን እና በሺዎች የሚቆጠሩ ስደተኞች ሕይወታቸውን ለማትረፍ ዳግም ለመሰደድ መገደዳቸውን ገልጸዋል።

ኤርትራውያን ስደተኞች በአንድ ወይም ሌላ ወገን ደጋፊነት ተፈርጀው #የበቀል_ጥቃት እየደረሰባቸው እንዲሁም ተጠልፈው እየተወሰዱ እና እየተያዙ ስለመሆኑ የተጣሩ እና በማስረጃ የተደገፉ ሪፖርቶች ለኮሚሽኑ መድረሳቸውን ተናግረዋል።

በማይ አይኒ እና በአዲ ሃሩሽ የስደተኞች መጠለያ ጣቢያዎች ውስጥ በሚገኙ ስደተኞች ላይ በተለያዩ ታጣቂዎች በተለይ ማታ ማታ የሚፈፀሙ አጠቃላይ የወንጀል ድርጊቶች በእጅጉ ረብሸውኛል ብለዋል።

ባለፉት ሳምንታት ሽረ ውስጥ በመቶዎች የሚቆጠሩ ኤርትራውያን ለእስር ተዳርገዋል ያሉት ኮሚሽነሩ፣ በመቐለ የሚገኙ አካላት በጉዳዩ ላይ ማብራሪያ እንዲሰጡ እንዲሁም በሕገ-ወጥ መንገድ የታሰሩ ስደተኞች እና ጥገኝነት ጠያቂዎች በአፋጣኝ እንዲለቀቁ መጠየቃቸውን ገልፀዋል።

በተጨማሪ በኤርትራውያን ስደተኞች ላይ በጣም ከባድ የሆኑ የኃይል ጥቃቶች እየደረሱ ስለመሆኑ የሚጠቁሙ ሪፖርቶች እየወጡ በመሆኑ፣ የፌደራል መንግሥትም ሆነ በትግራይ ክልል ያሉ አካላት በእነዚህ ተዓማኒ ክሶች ላይ መደበኛ ምርመራ እንዲጀምሩ ጥሪ አቅርበዋል።

@tikvahethiopia