#update የሰላም ኮንፈረንስ⬆️

ዓለም አቀፍ የሴቶች እና የወጣቶች የሰላም ኮንፍረንስ በአዲስ አበባ ተካሄደ። በአዲስ አበባ ኢሲኤ አዳራሽ በተደረገው አለም አቀፍ የሴቶችና ወጣቶች የሰላም ኮንፈረንስ ላይ የአዲስ አበባ ከተማ ምክትል ከንቲባ ወ/ሮ #ዳግማዊት፣ የቀድሞ የኢፌዴሪ ፕሬዝደንት ዶ/ር #ነጋሶ_ጊዳዳ፣ የኦሮሚያ ሚዲያ ኔትዎርክ ዋና ዳይሬክተር አቶ #ጃዋር_መሃመድ እና ሌሎች ተጋባዥ እንግዶች ስለሰላም የሚያወሳ አጫጭር ጹሁፎችን አቅርበዋል።

ምክትል ከንቲባ ወ/ሮ ዳግማዊት ሴቶች እና ወጣቶች ለሰላም መረጋገጥ ትልቅ ሚና ሲጫወቱ እንደቆዩና አሁንም የጎላ ሚና እናዳላቸው ገልጸው ወጣቶች ልማትን ለማረጋገጥ በሚደረገው እንቅስቃሴ ውስጥ ቁልፍ ድርሻ እንደሚጫወቱ መንግስት በጽኑ ያምናል ብለዋል። በዝግጅቱ ላይ ከተለያዩ የአገሪቱ ዩኒቨርስቲዎች የተወከሉ ወጣቶችና ሴቶች መንግስታዊ ያልሆኑ ተቋማት ተወካዮችና ሙሁራኖች ተሳትፈዋል።

©የአዲስ አበባ ከተማ አስተዳደር
ፎቶ፦ ወ/ሮ ዳግማዊት እና DAVE
@tsegabwolde @tikvahethiopia

የወ/ሮ ዳግማዊት ሽኝት⬆️

በቅርቡ የትራንስፓርት ሚንስትር በመሆን ለተሾሙት ወ/ሮ #ዳግማዊት_ሞገስ ምክትል ከንቲባ ኢንጅነር #ታከለ_ኡማ ፣ የካቢኔ አባላትና የከንቲባ ፅ/ቤት ሰራተኞች በተገኙበት የሽኝት ስነ ስርዓት ተደርጎላቸዋል።

ምንጭ፦የአዲስ አበባ ኮሚኒኬሽን
@tsegabwolde @tikvahethiopia

#Update የኢትዮጵያ ኦሎምፒክ ኮሚቴ ፕሬዝዳንት አሸብር ወልደጊዮርጊስ በኮሚቴው ስብሰባ ላይ በተፈጠረ አለመግባባት አትሌት #ደራርቱ_ቱሉና ወ/ሮ #ዳግማዊት_ግርማይ ላይ የሀይል ጥቃት ለማድረስ መሞከራቸው ተሰምቷል። ሀሳቤን ተቃውማችኋል ያሏቸውን እነዚህን ሁለቱን የኮሚቴው አባላትን ለመደብደብ ም ሙከራ ማድረጋቸውን በቦታው የነበሩ ምስክሮች ይናገራሉ። አትሌት ደራርቱና ወሮ ዳግማዊት ጉዳዩን ወደ ፍርድ ቤት ሊወስዱት እየተዘጋጁ መሆኑን ለመስማት ተችሏል።

ምንጭ፦ wazema radio
@tsegabwolde @tikvahethiopia

#update የትራንስፖርት ሚኒስትሯ ወይዘሮ #ዳግማዊት_ሞገስ 118 ኪሎ ሜትር ርዝማኔ ያለውን የጣርማ በር- መለያ-ሰፌድ ሜዳ-መለያ- ሞላሌ ወገሬ የአስፋልት ኮንክሪት መንገድ ስራ ኘሮጀክት ዛሬ በይፋ አስጀምረዋል።
@tsegabwolde @tikvahethiopia

ወረታ🔝

የኢትዮጵያ የባሕር ትራንስፖርትና ሎጀስቲክ አገልግሎት ድርጅት 8ኛ የደረቅ ወደብ መደረሻውን ለመገንባት ዛሬ በወረታ የመሠረት ድንጋይ አስቀምጧል። የመሠረት ድንጋዩ በተቀመጠበት ወቅት የአማራ ክልል ርዕሰ መስተዳድር ዶክተር #አምባቸው_መኮንን፣ ጠትራንስፖርት ሚኒስትር ወይዘሮ #ዳግማዊት_ሞገስን ጨምሮ የፌዴራልና የክልል ከፍተኛ የሥራ ኃላፊዎች በተገኙበት መከናወኑን የዘገበው አብመድ ነው፡፡

@tsegabwolde @tikvahethiopia

የኢትዮጵያ አየር መንገድ‼️

የኢትዮጵያ አየር መንገድ መጋቢት 1 ቀን 2011 ዓ.ም የተከሰከሰው ቦይንግ 737 ማክስ 8 አውሮፕላን አብራሪዎች ሥልጠናን በተመለከተ ኒውዮርክ ታይምስ ጋዜጣ ዛሬ ያወጣውን ዘገባ «#ሐሰት» ሲል አስተባብሏል። የዩናይትድ ስቴትሱ ኒውዮርክ ታይምስ ጋዜጣ በድረ-ገጽ ዘገባው፦ «የኢትዮጵያ አየር መንገድ የማክስ 8 ምስለ-በረራ (ሲሙሌተር) ነበረው፤ የተከሰከሰው አውሮፕላን አብራሪ ግን ስልጠናውን አላገኘም» በሚል ርእስ ዘለግ ያለ ጽሑፉን አስነብቧል። የኢትዮጵያ አየር መንገድ በኒውዮርክ ታይምስ ዘገባ ቅር መሰኘቱን በማኅበራዊ መገናኛ አውታሩ ዐሳውቋል።

የኢትዮጵያ አየር መንገድ አብራሪዎቹ ቦይንግ 737-8-ማክስን ማብረር ከመጀመራቸው በፊት፤ ቦይንግ-737 NG በሚባለው እና በቦይንግ-737 ማክስ መካከል ያለውን ልዩነት በቦይንግ ምክረ-ሐሳብ እንዲሁም የዩናይትድ ስቴትሱ የፌዴራል የበረራ አስተዳዳር (FAA) ልዩነታቸውን አስመልክቶ ባጸደቀው መሰረት ሥልጠና ማጠናቀቃቸውን ገልጧል።

የኢትዮጵያ አየር መንገድ፦ የቦይንግ-737-ማክስ ሙሉ ምስለ-በረራ የቦይንግ 737 ማክስ አውሮፕላኖች የMCAS ሥልት ችግርን ምስለ-በረራ ለማድረግ ተደርጎ የተቀናጀ አይደለም ብሏል። የMCAS ሥልት የቦይንግ 737 ማክስ አውሮፕላኖች በአደገኛ መልኩ ወደላይ አስግገው መብረር ሲጀምሩ የአውሮፕላኖቹን አፍንጫ በራሱ ጊዜ ወደታች የሚጎትት ስልት ነው። በኢትዮጵያም ኢንዶኔዢያም የተከሰከሱት የቦይንግ 737 ማክስ አውሮፕላኖች የአደጋ መንስኤ አንዳንድ ግልጽ መመሳሰሎች እንደተገኘባቸው የኢትዮጵያ የትራንስፖርት ሚኒስትር ወይዘሮ #ዳግማዊት_ሞገስ በተለይ ለ«ጀርመን ራድዮ» ተናግረዋል። ደብረዘይት/ ቢሾፍቱ አጠገብ ወድቆ የተከሰከሰዉ አዉሮፕላን ሁለቱን ፓይለቶች ጨምሮ አሳፍሯቸዉ የነበሩ 157 ሰዎች በሙሉ አልቀዋል።

ምንጭ፦ የጀርመን ራድዮ
@tsegabwolde @tikvahethiopia