"በነፃ አልተለቀቅንም"

ከትላት በስቲያ ከእስር የተፈቱ የኦሮሞ ነፃነት ግንባር የፖለቲካ መኮንን አቶ ያሶ ከበበው ስለአፈታታቸው እንዲሁም ስለእስራቸው ትላንት ምሽት አየር ላይ በዋለው የቪኦኤ አፋን ኦሮሞ የሬድዮ ስርጭት ላይ አስተያየት ሰጥተዋል።

ከ30 የጊዜ ቀጠሮ በኃላ ፍርድ ቤት የተመላለሱት እነ አቶ ያሶ በነፃ እንዳልተለቀቁ እና ታስረው እንደወጡ ወቀሳ አሰምተዋል።

አቶ ያሶ፥ "ፍ/ቤቱ ከተጠረጠርኩበት ወንጀል ነፃ ነህ አለኝ እንጂ አንተ ነፃ ሰው ነህ አላለኝም።

አንድ ሰው ሁለት አመት ታስሮ ነፃ ነህ ተብሎ ሲፈታ መደሰት ይለበትም፤ ምክንያቱም ሁለት አመት ታስሮ ነው የወጣው መባል አለበት።

ፍርድ ቤት በነፃ ነው ያሰናበትኩት ማለት የለበትም ፤ እኔ ሁለት ዓመት ታስሬ ነው የወጣሁት ነገር ግን ከተጠረጠርኩበት ወንጀል ነፃ ነህ የሚል ሃሳብ ነው ከተከሳሾቼ የተረዳሁት" ብለዋል።

የፌዴራል ጠቅላይ አቃቤ ህግ ስለእነ አቶ ያሶ ተይዘው ስለቆዩበት ጊዜ በሰጠው አስተያየት በክርክር ሂደት በእስር ቤት ቆይተው ፍርድ ቤት በመመላለስ የባከነ ጊዞ ሳይሆን የፍትህ ማስገኛ ጊዜ ነው ሲል ገልጿል።

አቶ ያሶ መንግስት የህግ የበላይነት አስከብራለሁ እያለ ያለ ሰዎችን ካለ ፍርድ ቤት ትዕዛዝ ይታሰራሉ ያሉ ሲሆን አጋጥሟቸው የነበረውን ችግር ተናግረዋል፦

"ለምሳሌ አንድ ሰው በፀጥታ ኃይል ቁጥጥር ስር ሲውል በፍርድ ቤት ትዕዛዝ መሆን አለበት። ነገር ግን እኔ ከመንገድ ላይ ያለፍርድ ቤት ትዕዛዝ ነው የተያዝኩት፤ ይህ ህገወጥ ነው። በተጨማሪ ከታሰርን በኃላ አራዳ ፍርድ ቤት የዋስትና መብት ሰጥቶን የዋስትና ማስከበሪያ ከተከፈለ በኃላ አሁንም ፖሊስ የፍርድ ቤት ትዕዛዝ ወደጎን በመተው ለአንድ አመት ከስምንት ወር አሰረን"

ያንብቡ : telegra.ph/YASO-KABABAW-06-25

@tikvahethiopia

#AtoAbdiRagassa

የኦሮሞ ነፃነት ግንባር (ኦነግ) ከፍተኛ አመራር አቶ አብዲ ረጋሳ በፀጥታ ኃይሎች ተይዘው ወደማይታወቅ ቦታ እንደተወሰዱ ጠበቃቸው አቶ ቱሊ ባይሳ አሳወቁ።

አቶ አብዲ ከአንድ ዓመት በላይ ታስረው የቆዩ ሲሆን ፥ከተወነጀሉበት ክስ ነፃ ተብለው ከእስር እንዲለቀቁ ፍርድ ቤት ወስኖላቸው ነበር።

ከፊንፊኔ ዙሪያ ልዩ ዞን ሰበታ ከተማ ከዳለቴ እስር ቤት ትላንት የተለቀቁት አቶ አብዲ፥ አንድ ኪሎሜትር ሳይርቁ አብረዋቸው ከነበሩት ጓደኛቸው እና የኦነግ አመራር ጀቤሳ ገቢሳ ጋር በፀጥታ ኃይሎች ተይዘው ተወስደዋል።

በኃላም ፀጥታ ኃይሎች አቶ ጀቤሳ ገቢሳን የለቀቁ ሲሆን ፍርድ ቤት በነፃ ያሰናበታቸውን አቶ አብዲ ረጋሳን ግን ወዳልታወቀ ቦታ እንደወሰዷቸው ጠበቃቸው ተናግረዋል።

አቶ አብዲ የት እንደታሰሩ አይታወቅም።

ጠበቃቸው ስለጉዳዩ በሰጡት አስተያየት ይህን መሰሉ ከህግ ያፈነገጠ ድርጊት ለሀገርም፣ ለመንግስትም ሆነ ለህዝብ የማይበጅ አደገኛ ድርጊት ነው ብለውታል ለኦኤምኤን በሰጡት ቃል።

@tikvahethiopia

ኢንጂነር እምብዛ ታደሰ በአሰቃቂ ሁኔታ ተገድሎ መገኘቱን የትግራይ ጊዜያዊ አስተዳደር አሳወቀ።

የትግራይ ክልል ጊዜያዊ አስተዳደር በኢንጂነር እምብዛ ታደሰና ባለፋት ተከታታይ ወራት በክልሉ በንፁሐን አገልግሎት ሰጪ ሰራተኞች ላይ እየተፈፀሙ ያሉ ጥቃቶችን በጥብቅ እንደሚያወግዝ ገልጿል።

በእንጅነር እምብዛ ታደሰ አሰቃቂ ህልፈት የተሰማውን ጥልቅ ሀዘንም ገልጿል።

ጊዜያዊ አስተዳደሩ ዛሬ ባወጣው መግለጫ እንዳስታወቀው ከሁለት ቀናት በፊት በመቐለ ከተማ በግምት ከቀኑ ሰባት ሰዓት በኃላ ወጣት እንጅነር እምብዛ ታደሰ ከቢሮ ወደ መቀሌ አሉላ አባ ነጋ የአየር ማረፊያ ለመጓዝ በተዘጋጀበት፣ ለግዜው ማንነታቸው ባልታወቁ አፋኞች በሐይል ተወስዶ ደብዛው ጠፍቶ ነበር።

በፌደራል ፖሊስ የፀጥታ ሐይሎች በተከናወነ አሰሳ ኢንጂነር እምብዛ በጨካኝ የከተማ ሽብር ተልእኮ አስፈፃሚ ወንጀለኞች በዓይደር ልዩ ስሙ " ማረሚያ ቤት" በተባለ ስፍራ ተገድሎ ለጅቦች ከተጣለበት ስፍራ ትላንት ከረፋዱ አምስት ሰዓት ቁርጥራጭ የሰውነት አካላቱን በመለየት በተጨማሪ ምርመራም፤ በጭካኔ መገደሉን ማረጋገጥ መቻሉን ለኢዜአ አሳውቋል።

* የትግራይ ጊዜያዊ አስተዳደር መግለጫ ከላይ ተያይዟል።

@tikvahethiopia

#ሳዑዲአረቢያ

በእስር ላይ ያሉ ዜጎችን ለመርዳት ከትላንት በስቲያ በይፋ ጥሪ መቅረቡ ይታወሳል።

በማህበራዊ ሚዳያ ላይ የቀረበውን #የእንተጋገዝ_ጥሪ ተከትሎ እጅግ አስደናቂ በሆነ ሁኔታ ኢትዮጵያውያን ክፍተኛ ርብርብር እያደረጉ ይገኛሉ።

ወገኑን ወዳድ የሆነው የኢትዮጵያዊ ችግር ላይ ለሚገኙት ዜጎች ደከመኝ ፤ ሰለቸኝ ሳይል የአቅሙን ሁሉ እያበረከተ ነው።

እየተደረገ ካለው የቁሳቁስ ድጋፍ በተጨማሪም ከኤምባሲው ሰራተኞች ውጭ ያሉ ዜጎች በጉልበት ድጋፍ እያደረጉ ነው።

በጅዳና አካባቢው ያለው ኢትዮጵያዊ በእስር ቤት ውስጥ ያሉና የተቸገሩ ወገኖቹን ለማገዛ ከድሮ በበለጠ የአንድነት ስሜት እየተረባረበ ይገኛል።

እየተደረገ ያለው ድጋፍ ፦
- ለህፃናት የሚሆን ወተት
- የህፃናት ዳይፐር /ሃፋዛ/
- ለታዳጊ ህፃናት እና ለአዋቂዎች የሚሆኑ ደረቅ ምግቦች - ለሴቶች እና ለሕፃናት የሚሆኑ የመፀዳጃ ቁሳቁሶች በተለይ ዋይፕና ሞዴስ
- የሚጠጣ ውሃ
- ፍራሽ የመሳሰሉት ነው።

NB : የኢትዮጵያ ቆንስላ ጽ\ቤት ጅዳ፥ የጄዳና የአካባቢው ማህበረሰብ (ኮሚዩኒቲ) ጽ / ቤት ጥሬ የገንዘብ ዕርዳታ ለዚሁ አላማ አይቀበልም።

@tikvahethiopia

የ3 ዓመት ከ2 ወር ህፃን ያገቱት ተጠርጣሪዎች ተያዙ።

በእገታ ወንጀል ተሳትፈዋል የተባሉ ተጠርጣሪዎች ሰኔ 15/2013 ዓ.ም ከቀኑ 8፡00 ገደማ የ3 ዓመት ከ2 ወር ሕጻን በማገት ተሰውረዋል፡፡

በዕለቱ ከቀኑ 11፡30 ገደማ ላይ የሕጻኑ ወላጆች በባሕር ዳር ከተማ አስተዳደር ፖሊስ መምሪያ 8ኛ ዋና ፖሊስ ጣቢያ ሪፖርት አድርገዋል፡፡

ሪፖርት በሚያደርጉበት ጊዜ ከአጋቾች በኩል ለሕጻኑ ወላጆች ስልክ ተደውሎ 300 ሺህ ብር መክፈል ከቻሉ ሕጻኑ እንደሚመለስላቸው ይነግሯቸዋል፡፡

ፖሊስ ሕጻን በማገት ድርጊት የተሳተፉት ተጠርጣሪዎችን በቁጥጥ ሥር ለማዋል ስምሪት ያደርጋል ፤ በማኅበረሰቡ ጥቆማ አዴትና ሰባታሚት ተብለው ወደሚጠሩ አካባቢዎች ልዩ ስምሪት በማድረግ ትናንት ከቀኑ 9፡00 ላይ ተጠርጣሪውን በቁጥጥር ሥር ማዋል ችሏል።

ከዋናው ተጠርጣሪ ጋር የቅርብ ግንኙነት አላቸው የተባሉ ሌሎች ሰባት ተጠርጣሪዎች በቁጥጥ ስር ውለው ምርመራ እየተደረገባቸው ነው።

ፖሊስ እንደገለፀው ፥ ተጠርጣሪው ከማቀድና ሁኔታዎችን አቀነባብሮ ድርጊቶችን ስለመፈጸሙ እንዲሁም ሕጻኑን አግቶ እንደተሰወረ አምኗል፡፡ ስለፈጸማቸው ድርጊቶች ሁሉ ለፖሊስ ቃል ሰጥቷል።

ተጠርጣሪው ዛሬ ጠዋት 4፡00 ላይ ፖሊሶችን ሕጻኑ ወደተደበቀበት ይልማና ዴንሳ መርቶ ወስዷል፤ በዚህም መሰረት 5፡15 ላይ ሕጻኑን ማግኘት ተችሏል።

የለበሰው ልብስ ከመቀየሩ ውጪ ሕጻኑ ምንም ጉዳት አልደረሰበትም።

የወንጀል ድርጊቱ በተፈጸመ በአራተኛው ቀን ሕጻኑ ለወላጆቹ እንዲመለስ ተደርጓል።

ምንጭ፦ #አሚኮ

@tikvahethiopia