የምርጫ ውጤት በተመለከተ ፦

• ወ/ሪት ብርቱካን ሚደቅሳ ሰኔ 14 በሰጡት መግለጫ ፦

- ከዛሬ ጀምሮ ውጤት በየምርጫ ጣቢያው ደረጃ መገለፅ ይጀመራል።

- ቆጠራ ያጠናቀቁ ጣቢያዎች በሙሉ በምርጫ ጣቢያው የተገኘውን ውጤት ከዛሬ ጀምሮ መግለፅ ይጀምራሉ።

- ከነገ ጥዋት ጀምሮ እያንዳንዱ ምርጫ ጣቢያ ያለውን ውጤት እና ቁሳቁስ ይዞ ወደየምርጫ ክልሉ ይሄዳል።

- ምርጫ ክልሎች ቢበዛ 5 ቀን ድረስ ውጤት ለማሳወቅ ይፈጅባቸዋል። ቦርዱ ግን በጊዜያዊነት ከስር ከስር ያሳውቃል።

- ነገና ከነገወዲያ ቦርዱ የሚገባለትን ውጤት ደረጃ በደረጃ ውጤቶችን እያረጋገጥ ይገልጻል።

- በ10 ቀን ውስጥ ውድድር በተደረገባቸው ምርጫ ክልሎች #ቢያንስ ጊዜያዊ ውጤት ምርጫ ቦርድ ያሳውቃል።

NB : የምርጫ ጣቢያዎች ስራቸውን አምሽተው ስለሚያጠናቅቁ እና ቆጠራው ጊዜ ስለሚፈጅ ወደምርጫ ክልል ዛሬ ለሊት ጉዞ እንዳያደርጉ በመመሪያ ደረጃ ተገልጿል።

ትክክለኛ የማንለው የምርጫ ውጤት አገላለፅ የትኛው ነው ?

• ወ/ሪት ሶሊያና ሽመልስ ለቲክቫህ ቤተሰብ አባላት በሰጡት ማብራሪያ ፦

- ምርጫ ቦርድ ይፋ ሳያደርግ እና የምርጫው ሂደት እንዲሁም የምርጫ ቆጠራው ሳይጠናቀቅ እከሌ ነው ያሸናፈው፣ ይሄን ከተማ እንከሌ አሸነፈ ፣ይሄን ክልል እከሌ አሸነፈ ማለት አይቻልም።

- ቦርዱ ይፋዊ የውጤት ገለፃ ሳያደርግ ማንኛውም ግምታዊ መረጃ ፣ ቅድመ ውጤት ትንበያ ማድርግ አይቻልም።

- ሚዲያዎች ቦርዱ ይፋ የሚያደርገውን የምርጫ ውጤት ብቻ ነው መዘገብ ያለባቸው፤ ከዛ ውጪ የሚደረጉት ተቀባይነት አይኖራቸውም።

NB : ወደሌላ ችግር እንዳያመራ ምርጫ ቦርድ ይፋዊ የውጤት ገለፃ እንስኪያደርግ ማንኛውም አይነት ግምታዊ መረጃ ከማሰራጨት በመቆጠብ በትዕግስት መጠበቅ ያስፈልጋል።

@tikvahethiopia

የመገናኛ ብዙሃን ምርጫውን አስመልክቶ ለሰሩት ሥራ ምስጋና ቀረበ።

ምስጋናውን ያቀረበው የኢትዮጵያ መገናኛ ብዙሃን ባለስልጣን ነው።

የኢትዮጵያ የመገናኛ ብዙሃን ባለስልጣን መገናኛ ብዙሃን የምርጫውን ሂደት ሙያዊ ስነ-ምግባርን ባከበረ እንዲሁም ከፍ ባለ አገራዊ ስሜት መዘገባቸው የሚያስመሰግን ተግባር ነው ብሏል።

የባለሰልጣኑ ዋና ዳይሬክተር አቶ ሙሀመድ ኢድሪስ ፥ "ጋዜጠኞች መረጃዎችን ለማሰባሰብ በከተማና በገጠር አካባቢዎች ተሰማርተው በተቀናጀ መልኩ ሚዛናዊና ትክክለኛ ዘገባዎችን አቅርበዋል ይህም ጋዜጠኞች መስዋዕትነት ጭምር ለመክፈል ያላቸውን ዝግጁነት ያሳያል" ብለዋል።

ዳይሬክተሩ በአንዳንድ የውጭ መገናኛ ብዙሃን በምርጫው አዘጋገብ ላይ የተወሰኑ ችግሮች ቢስተዋልባቸውም በአብዛኛው በመልካም ሊጠቀስ የሚችልና የምርጫ ሂደቱን እውነታ ያሳየ እንደነበር ለኢዜአ ገልፀዋል።

@tikvahethiopia

በሲዳማ በ19 ጣቢያዎች ድምጽ እየተሰጠ ነው።

በሲዳማ ክልል "በድምጽ መስጫ ወረቀት እጥረት" ምክንያት የድምጽ አሰጣጥ ሂደቱ ተቋርጦባቸው በነበሩ ጣቢያዎች ዛሬ ምርጫ እየተካሄደ ነው።

የድምጽ አሰጣጥ ሂደቱ በተቋረጠባቸው የምርጫ ጣቢያዎች ከ5 ሰዓት ጀምሮ ነው ድምጽ እየተሰጠ የሚገኘው።

የድምጽ መስጫ ወረቀት በሂሊኮፍተር እንዲደርስ ተደርጎ ነው የዛሬው ምርጫ የቀጠለው።

የድምጽ አሰጣጡ እስከ ምሽት 12 ሰዓት ድረስ እንደሚካሄድ ተገልጿል።

#ENA

@tikvahethiopia

#Update

የፖሊስ ሪፖርት :

በውጭ አገር ታዛቢው የአሟሟት ሁኔታ ላይ ምርምራ እየተደረገ መሆኑን የአዲስ አበባ ፖሊስ ኮሚሽን አስታወቀ።

ፖሊስ "ትናንት በራዲሰን ብሉ ሆቴል አሜሪካዊ ዜጋ በመኝታ ክፍሉ ሕይወቱ አልፎ ተገኝቷል" ብሏል።

የሆቴሉ የጽዳት ሠራተኛ ትናንት ጠዋት አንድ ሠዓት ገደማ አሜሪካዊው ያረፈበትን የመኝታ ክፍል ለማጽዳት ስትገባ ያየችውን ነገር ለፖሊስ ጥቆማ መስጠቷን ፖሊስ ገልጿል።

ፖሊስ መረጃውን እንዳገኘ ወደ ስፍራው መንቀሳቀሱን እና አሜሪካዊው ከአልጋው ላይ ወደ መሬት ወድቆ ሕይወቱ አልፎ እንደተገኘ አመልክቷል።

በሟች ኪስ ውስጥ የኢትዮጵያ ብሔራዊ ምርጫ ቦርድ ልዩ የምርጫ ታዛቢ ወረቀት (ባጅ) ፣ የተለያዩ መታወቂያዎችና መንጃ ፈቃድ ተገኝቷል።

መንጃ ፈቃዱ "በአሜሪካ ካሊፎርኒያ ብሔራዊ የድራይቪንግ ላይሰንስ" የሚል እንደሆነ ተገልጿል።

ፖሊስ አሜሪካዊው ሚጠቀምባቸው 'በርካታ' መድሃኒቶች ማግኘቱንና "ምናልባት ሁኔታው ሲታይ በተፈጥሮ የሞተ እንደሚመስል ፥ ነገር ግን ትክክለኛው መረጃ ከአስከሬን ምርመራ ውጤት በኋላ የሚታወቅ" መሆኑ አስረድቷል።

በአሜሪካዊው ዜጋ ሰውነት ላይ ምንም አይነት የአካል ጉዳትና ቁስለት አለመገኘቱንም ፖሊስ አሳውቋል።

የአዲስ አበባ ፖሊስ ኮሚሽን ከፌዴራል ፖሊስ ኮሚሽንና በአዲስ አበባ ከሚገኘው የአሜሪካ ኤምባሲ ጋር በመሆን በአሜሪካዊው ዜጋ አሟሟት ላይ ምርምራ እያደረገ እንደሚገኝም ገልጿል።

የአዲስ አበባ ፖሊስ አጠቃላይ የምርመራውን ውጤት በቀጣይ ይፋ አደርጋለሁ ብሏል።

የካርተር ሴንተር ፕሮግራም በኢትዮጵያ በይፋዊ የትዊተር ገጹ ባወጣው መረጃ በራዲሰን ብሉ ሆቴል ሕይወቱ ያለፈው የተቋሙ የአዲስ አበባ ፕሮግራም ስራ አስኪያጅ ዶ/ር ጆን ማርሽ መሆኑን አሳውቋል። (ኢዜአ)

@tikvahethiopia

#ምርጫ2013

ምርጫው በ2 ዙር መደረጉ በመንግስት ምስረታ ላይ የሚያመጣው ተፅእኖ አለ ?

በርካታ የቲክቫህ ኢትዮጵያ አባላት ምርጫው በ2 ዙር መደረጉ አዲስ በሚመሰረተው መንግስት ላይ ተፅእኖ ይኖረው ይሆን ሲሉ ይጠይቃሉ።

የኢትዮጵያ ብሄራዊ ምርጫ ቦርድ ከቀናት በፊት ለቲክቫህ በሰጠው ምላሽ ምርጫ 2013 በሁለት ዙር መደረጉ በመንግስት ምስረታ ላይ የሚያመጣው ተፅእኖ የለም።

የቦርዱ የኮሚኬሽን ኃላፊ ወ/ሪት ሶሊያና ሽመልስ ለቲክቫህ ኢትዮጵያ ቤተሰብ አባላት በሰጡት ማብራሪያ ምርጫው በ2 ዙር መደረጉ በመንግስት ምስረታ ላይ ምንም የሚፈጥረው ተፅእኖ እንደሌለ አሳውቀዋል።

ወ/ሪት ሶሊያና ሽመልስ "ምርጫው በሁለት ዙር ተደርጎ የሚጠናቀቀው መስከረም ከመግባቱ በፊት ነው ፤ የአዲሱ መንግስት ምስረታ ደግሞ መስከረም መጨረሻው ሳምንት ላይ ስለሆነ ከዛ በፊት ምርጫና ውጤቱ ስለሚያልቅ የመንግስት ምስረታ ላይ የሚያመጣው ችግር የለም" ብለዋል።

ሰኞ ብዙ የምርጫ ክልሎች ላይ ምርጫው ስለተካሄደ መንግስት የሚመሰርተውን አካል ማወቅ እንደሚቻል ገልፀዋል።

ወ/ሪት ሶሊያና ሽመልስ ፥ "ሰኔ 14/2013 ዓ/ም ምርጫ ሳይደረግ በቀሩት ክልሎች ማን ይወክለናን የሚለውን ለመወሰን በተለይ የክልል መቀመጫቸውን ምክንያቱም በዚያኛው ጊዜ የፌዴራል መቀመጫን ነው የምናስበው ፤ የክልል መቀመጫ የሚያሸንፉ ሊኖሩ ስለሚችሉ የክልል መቀመጫቸውን አይተው እዛ ላይ ማነው ክልሉን የሚያስተዳድረው የሚለውን ለመለየት ጠቃሚ ነው፥ በተጨማሪ መራጮች ወኪሎቻቸውን ልከው ለመደራደር ለመከራከር ይጠቅማቸዋል ፤ ነገር ግን ምርጫው በሁለት ዙር መደረጉ በመንግስት ምስረታ ላይ የሚፈጥረው ችግር የለም" ሲሉ አስረድተዋል።

@tikvahethiopia