#ጥንቃቄ_ይደረግ

የአዲስ አበባ እሳትና አደጋ ስጋት ስራ አመራር ኮሚሽን የሕዝብ ግንኙነት ቡድን መሪ አቶ ጉልላት ጌታነህ የትንሳኤ በዓል ሲከበር ከእሳትና ድንገተኛ አደጋ አጋላጭ ነገሮች እንዲጠነቀቅ አሳስበዋል።

በተለይ በምግብ ማብሰል ወቅት የኤሌክትሪክ ሃይል ጫና ሊፈጥር የሚችል የሶኬት አጠቃቀም እና የጋዝ ስሊንደሮች አጠቃቀም ላይ ጥንቃቄ ያስፈልጋል ብለዋል።

በተጨማሪ ሕብረተሰቡ በበዓሉ ወቅት የከሰል፣ የሻማና ሌሎች ተቀጣጣይ ነገሮችን በጥንቃቄ መጠቀም እንዳለበት መክረዋል።

የአዲስ አበባ አደጋ ስጋትና ስራ አመራር ኮሚሽን በትንሳኤ በዓል 1 ሺህ 112 የአደጋ ጊዜ ሰራተኞች፣ 27 ከባድ ተሽከርካሪዎች፣ 19 አምቡላንሶችና ሌሎች አደጋን ለመከላከል ጥቅም ላይ የሚውሉ ተሽከርካሪዎች ዝግጁ መሆናቸውን ገልጸዋል።

በ2013 ዓ.ም በጀት ዓመት 9 ወራት በአዲስ አበባ ከደረሱ 249 የእሳት አደጋዎች መካከል 42ቱ በኤሌትሪክ ንክኪ የተከሰተ ሲሆን የ74 ሰዎች ሕይወት ማለፉን ያስታወሱት አቶ ጉልላት የአደጋ ጊዜ ሰራተኞች ባደረጉት ርብርብ የ50 ሰዎች ሕይወት ማትረፍ መቻሉን አመልክተዋል።

በበጀት ዓመቱ ዘጠኝ ወራት 249 የእሳት አደጋ እንዲሁም 111 ሌሎች ድንገተኛ አደጋዎች መካከል 313 በአዲስ አበባ ከተማ አስተዳደር ሲሆን 47ቱ ደግሞ በአዲስ አበባ ዙሪያ የኦሮሚያ ልዩ ዞኖች የተከሰቱ ናቸው ብለዋል።

በአጠቃላይ በደረሱ አደጋዎች ከ299.5 ሚሊዮን ብር በላይ ንብረት የወደመ ሲሆን በአደጋ ጊዜ ሰራተኞች በተደረገ ርብርብ ከ3.2 ቢሊዮን ብር በላይ ንብረት ማዳን መቻሉን ተናግረዋል።

አደጋዎች ሲያጋጥሙ በነጻ የስልክ መስመር 939 ፤ በቀጥታ የስልክ መስመሮች 011 155 53 00 ወይም በ011 156 86 01 ደውሎ ማሳወቅ ይችላል። (ENA)

@tikvagethiopia

#ምርጫ2013

• ''...የክፍያ መዘግየት ትልቅ ሀገራዊ የሆነ ሂደትን ማዛባት የለበትም" - ወ/ሪት ሶሊያና ሽመልስ

• "...በ47 ቀን የሥራ ውላችን መሰረት በ2 ዙር ማግኘት የሚገባንን ክፍያ ሳናገኝ 3ኛ ዙር ደርሷል" - የደሴ ምርጫ አስፈፃሚዎች

በደሴ ከተማ የሚወዳደሩ የተፎካካሪ ፓርቲዎች የጋራ መድረክ ሰብሳቢ መንግስቱ አመንዴ ከዚህ ቀደም የመራጮች ምዝገባ በተለያዩ ምክንያቶች ከ15 ቀናት በላይ ዘግይቶ ከጀመረ በኋላ አሁን ደግሞ የምርጫ አስፈጻሚዎች ሥራ በማቋረጣቸው ምክንያት የመራጮች ምዝገባ ከተቋረጠ 3 ቀናት እንዳለፈው ለቪኦኤ ተናግረዋል።

የምርጫው ቀን የሚኖረው ውስንነት ችግሩ እንዲፈታ በጹሑፍም በቃልም አመልክተናል ሲሉ ገልጸዋል። 

ለኢትዮጵያ ምርጫ ቦርድ ለተፎካካሪዎች ደግሞ በግልባጭ ምርጫ አስፈጻሚዎች በጻፉት ደብዳቤ 400 የሚደርሱ የደሴ ከተማ የሚገኙ ሥራ አስፈጻሚዎች በ47 ቀን የሥራ ውላቸው መሰረት በሁለት ዙር ማግኘት የሚገባቸውን ክፍያ ሳያገኙ ሶስተኛ ዙር መድረሱን ገልጸዋል።

ምርጫው እንዳይስተጓጎል ያለምንም ክፍያ ሥራቸውን ሲሰሩ መቆየታቸውን ዘርዝረው ቅሬታቸውን በአከባቢያቸው ላለ የሚመለከተው አካል ቢያቀርቡም ምላሽ እንዳልተሰጣቸው ጠቅሰዋል።

ክፍያ ካልተፈጸማቸው በሥራ ገበታቸው ለመገኘት አእንደሚቸገሩ አሳስበዋል በማመልከቻቸው።

የምርጫ ቦርድ የኮሚውኒኬሽን ጉዶዮች ኃላፊ ሶልያና ሽመልስ ክፍያ ባለመፈጸሙ ምክንያት ሥራቸውን ያቆሙ ስለመኖራቸው የደረሳቸው መረጃ እንደሌለ ገልፀዋል።

ክፍያ ባለመፈጸሙ ምክንያት አንዳንድ ክፍተቶች መኖራቸውን የጠቆሙት ኃላፊዋ በተባለው ልክ ግን ሥራቸውን ትተው ሄደው ዘግተዋል የሚል ሪፖርት እንዳልደረሳቸውና እንደዚያም ያደርጋሉ ብለው እንደማያምኑ ተናግረዋል።

ያንብቡ : telegra.ph/VOA-04-29

@tikvahethiopiaBOT

ዛሬም ውጊያ ላይ የሚገኙት የጤና ባለሞያዎች !

የሀገራችን የጤና ባለሞያዎች ዛሬም ከፍተኛ መስዋትነት በመክፈል በአይን ከማይታየው እና ከማይዳሰሰው ኮቪድ-19 ጋር እየተዋጉ ነው።

እኛ ብንዘናጋ ፣ ብንሰላች እነሱ ግን ከወረርሽኙ መነሻ ጊዜ አንስቶ ሳይደክሙ ከፊት መስመር ተሰልፈው ለእኛ ጤና እየተዋጉ እና እየተዋደቁ ናቸው።

የአዲስ አበባ ጤና ቢሮ ለአሀዱ ሬድዮ ሰጥቶት በተመለከትነው መረጃ መሰረት በግል እና በመንግሥት ተቋማት ለማኅበረሰቡ አገልግሎት በመስጠት ላይ ያሉ፦

- 1 ሸህ 302 የጤና ባለሙያዎች በኮቪድ-19 ተይዘዋል።

- 30 የጤና ባለሞያዎች በኮቪድ-19 ህይወታቸው አልፏል።

የጤና ባለሙያዎች ምቹ ባልሆነ ቦታ እና በቂ የህክምና ቁሣቁስ ባልተሟላበት መስራታቸው ለቫይረሱ ተጋላጭ እንዲሆኑ አድርጓቸዋል ነው የተባለው።

ለጤና ባለሙያዎች የሚያስፈልጉ ግብዓቶችን ለማሟላት ከጤና ሚኒስቴር፣ ከኅብረተሰብ ጤና ኢንስቲትዩት፣ ከከተማ አስተዳደር እና ከግብረ ሰናይ ድርጅቶች ጋር በጋራ በመሆን ጥረት እየተደረገ መሆኑ ተገልጿል።

በአዲስ አበባ የኮሮና ቫይረስ ስርጭት አሁናዊ ሁኔታን በተመለከት የዳሰሳ ጥናት ማድረጉን ቢሮው ለአሀዱ ሬድዮ ጣቢያ ያሳወቀ ሲሆን ወረርሽኙን ለመከላከል የወጣው መመሪያ በተቋማት ፣ ህዝብ በሚሰበሰብባቸው ቦታዎች እንዲሁም በትምህርት ቤቶች በሚፈለገው ልክ እየተተገበረ አይደለም ብሏል።

ከላይ የተያያዙት ፎቶዎች ባለቤታቸው ፎቶግራፈር አቤል ጋሻው ሲሆን ከፋይል ውስጥ የተወሰዱ ናቸው።

@tikvahethiopiaBOT @tikvahethiopia

#ከፍተኛ_ጥንቃቄ_እያደረጋችሁ !

በአዲስ አበባ ከባእድ ነገሮች ጋር ተቀላቅሎ ለገበያ ሊቀርብ የነበረ ከ3 ሺህ 300 ኪሎ ግራም በላይ ቅቤ፣ 480 ኩንታል በርበሬ፣ 1 ሺህ ኪሎ ግራም በላይ ለቂቤ መከለሻ የሚውል የአትክልት ቅቤና የፓልም ዘይት እንዲሁም 6 መቶ ኪሎ ግራም ማር በቁጥጥር ስር ማዋሉን የኢትዮጵያ ምግብና መድኃኒት ባለስልጣን አስታውቋል።

በአራት ክፍለ ከተሞች (በአዲስ ከተማ ፣ ቂርቆስ ፣ ንፋስ ስልክ ላፍቶ ፣ እና ኮልፌ ቀራንዮ) ኢትዮጵያ ምግብና መድኃኒት ባለስልጣን ሲያካሂድ በነበረው ክትትል በዚህ ህገወጥ ድርጊት ላይ የተሳተፉ በ24 ድርጅቶች ላይ እርምጃ በመውሰድ ተሳታፊ ግለሰቦች በፖሊስ ቁጥጥር ስር እንዲውሉ መደረጉ ተገልጿል።

በቁጥጥሩ ወቅት ቅቤን ለመከለስ አገልግሎት የሚውሉ የአትክልት ቅቤ፤ ፓልም ዘይት እንዲሁም በርበሬ ለመከለስ የሚሆን ከደረጃ በታች የሆነ ለሰው ምግብነት የማይውል የበርበሬ ተረፈ ምርት፤ የሻገተ በርበሬ ተገኝቷል።

በተጨማሪም ቤቶቹ ለምግብ ማምረት ስራ ፍቃድ የሌላቸው እና ከፍተኛ የሆነ የንፅህና ጉድለት ያለባቸው መሆኑ ተረጋግጧል።

ህብረተሰቡ በበዓላት ወቅት ጥንቃቄ ማድረግ አለበት ያለው ባለስልጣኑ አጠራጣሪ ነገር ሲገጥም በነፃ የስልክ መስመር 8482 ላይ በመደወል ጥቆማ ማድረስ ይቻላል ተብሏል።

ምንጭ ፦ ኢትዮጵያ ምግብና መድኃኒት ባለስልጣን
@tikvahethiopia @tikvahethiopiaBOT

"...ውይይቱን በተመለከተ መገናኛ ብዙሃን ያሰራጩት ዘገባ የውይይቱን ይዘት በትክክል ያንፀባረቀ አይደለም" - የእንግሊዝ ኤምባሲ

በኢትዮጵያ የእንግሊዝ ኤምባሲ በአምባሳደሩ እና የኢትዮጵያ ጠቅላይ ኢታማዦር ሹም ውይይት በተመለከተ መገናኛ ብዙሃን ያሰራጩት ዘገባ የውይይቱን ይዘት በትክክል ያንፀባረቀ አይደለም ብሏል።

በዚህ ሳምንት በኢትዮጵያ የእንግሊዝ አምባሳደር አላስቴር ማክፌል እና የኢፌዴሪ ጠቅላይ ኢታማዦር ሹም ተገናኝተው ውይይት አድርገው ነበር።

የሁለቱን አመራሮች ውይይት በተመለከተ ብሄራዊ ቴሌቪዥን ጣቢያ ኢቢሲ፣ ፋና ጨምሮ ሌሎች ሚዲያዎች በሰሩት ዘገባ ጠቅላይ ኢታማዦር ሹሙ በአፍሪካ ቀንድ ጉዳይ ከአምባሳደሩ ጋር ተወያዩ ብለዋል።

በተጨማሪ በቅርቡ በትግራይ የተካሄደው የህግ ማስከበር ዘመቻ በሀገሪቱ የህግ የበላይነትን ማረጋገጥ ሂደት እና ለቀጠናው ሰላም እና ደህንነት አስተዋፅኦ ያበረከተ ነው ሲሉ አምባሳደሩ ተናግረዋል ሲሉ ዘግበዋል።

ይህንን ተከትሎ በኢትዮጵያ የእንግሊዝ ኤምባሲ በትዊተር ገፁ ላይ የመገናኛ ብዙሃኑ ዘገባ የሁለቱን ሀገራት ውይይት አይወክልም ብሏል።

ኤምባሲው፥ አምባሳደሩና ጠቅላይ ኢታማዦር ሹሙ ባደረጉት ውይይት ዩናይትድ ኪንግደም በትግራይ ያለው ግጭት እንደሚያሳስባት ለኢታማዦር ሹሙ ገልፀዋል ብሏል።

በተጨማሪ ለችግሮች የፖለቲካዊ መፍትሄ መስጠት እንደሚገባ እና ግጭት እንዲቆም፣ የኤርትራ ጦር ከትግራይ እንዲወጣና የሰብዓዊ እርዳታ አቅርቦት በተመለከቱ ጉዳዮች ላይ መወያየታቸውን ኤምባሲው መግለፁን ቢቢሲ ዘግቧል።

ከዚህ ጉዳይ ጋር በተያያዘ ዛሬ ምሽት የመከላከያ ሰራዊት ጥዋት ባወጣው ዜና ላይ በይፋዊ ፌስቡክ ገፁ ይቅርታ ጠይቋል።

ያንብቡ : https://telegra.ph/Tikvah-04-29

@tikvahethiopia