የኮቪድ-19 የፅኑ ታማሚዎች ቁጥር ከ1 ሺህ አለፈ።

የዛሬ የኮቪድ-19 ዕለታዊ ሪፖርት እንደሚያሳየው አሁን ላይ 1,031 ሰዎች በፅኑ ታመዋል።

ባለፉት 24 ሰዓት 33 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 8,878 የላብራቶሪ ምርመራ 2,149 ሰዎች በቫይረሱ መያዛቸው ተረጋግጧል።

ትላንት 1,288 ሰዎች ከበሽታው አገግመዋል።

በአጠቃላይ 236,554 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,285 ሰዎች ህይወታቸው አልፏል፤ 175,879 ሰዎች አገግመዋል።

#Purpose #Tikvah
@tikvahethiopia @tikvahethiopiaBOT

"...ችግሩ የተፈጠረው ሰልጥነው ስራ ያልጀመሩ እና የጀመሩ አስፈፃሚዎችን ለመለየት ጊዜ በመውሰዱ ነው" - ወ/ሪት ሶሊያና ሽመልስ

በምርጫ አስፈፃሚነት እየሰሩ ያሉ የምርጫ አስፈፃሚዎች ከክፍያ ጋር በተያያዘ ባለፉት ቀናት በርካታ ጥያቄዎችን እያነሱ ይገኛሉ።

ጥያቄያቸውም "ክፍያ አልተከፈለንም" የሚል ነው።

በጉዳዩ ዙሪያ የፅሁፍ መልዕክት ያስቀመጥንላቸው የብሄራዊ ምርጫ ቦርድ ኮሚኒኬሽን ዳይሬክተር ወይዘሪት ሶሊያና ሽመልስ ፥ ችግሩ የተፈጠረው ሰልጥነው ስራ ያልጀመሩ እና የጀመሩ አስፈፃሚዎችን ለመለየት ጊዜ በመውሰዱ መሆኑን ገልፀዋል።

ወ/ሪት ሶሊያና ፥ "... አንዳንዶቹ ሰልጥነው ስራ ጥለው የሄዱ እና እየሰሩ ያሉ አሉ ፤ ይህን በመለየት እንከፍለን ፤ ትንሽ መታገስ ብቻ ነው የሚያስፈልገው" ሲሉ ምላሽ ሰጥተውናል።

#TikvahFamily
@tikvahethiopia @tikvahethiopiaBOT

“...ወደ ጦርነት የሄደነው ግልጽ የሆነ ግብ ይዘን ነው፤ ግባችንን አሳክተናል ፤ ቢላደን ሞቷል ፤...የሁልጊዜው ጦርነት መቆሚያው ጊዜ ነው" - ጆ ባይደን

የአሜሪካ ፕሬዜዳንት ባይደን ባይደን “ረጅሙ ጦርነት አብቅቷል” የአሜሪካ ወታደሮች አፍጋኒስታንን በመስከረም ይለቃሉ ሲሉ ተናግረዋል።

አሜሪካ መስከረም 11/2021 2,500 የሚሆኑ ወታደሮችዋን ነው ከአፍጋኒስታን የምታስወጣው።

ቀነ ገደቡ ፣ ባለፈው ዓመት የትራምፕ አስተዳደር እና የታሊባን መሪዎች ከተስማሙበት ግንቦት 1 ለወራት ዘግይቶ የሚፈጸም ነው።

ከ20 ዓመታት በኋላ ፣ ወደ ትሪሊዮን ዶላሮች ካወጣችበት ፣ 2 ሺ 300 አሜሪካውያንን ህይወት ካጣችበት እና በ10 ሺዎች የሚቆጠሩ የአፍጋን ዜጎች ህይወታቸውን ከተነጠቁበት በኋላ አሜሪካ ጦርነቱ ይበቃል ብላለች።

ጆ ባይደን ፥ "... ወደ ጦርነት የሄደነው ግልጽ ግብ ይዘን ነው፡፡ ግባችንን አሳክተናል፡፡ ቢላደን ሞቷል፡፡ አልኬዳ በኢራቅ እና አፍጋኒስታን ውስጥ ተመናምኗል፡፡ ስለዚህ ይህ የሁልጊዜው ጦርነት መቆሚያው ጊዜ ነው" ብለዋል።

በሌላ በኩል : የአሜሪካው የውጭ ጉዳይ ሚኒስትር አንቶኒ ብሊንከን አስቀድሞ ይፋ ባልተደረገ ጉብኝት አፍጋኒስታን ካቡል ገብተዋል።

ሚኒስትሩ አሜሪካ የቀሩትን ወታደሮች የምታስወጣ ቢሆንም ከአፍጋኒስታን ጋር ያላት ግንኙነት እና አጋርነት እንደሚቀጥል ቁርጠኝነቷን ገልፀዋል።

ብሊንከን ፤ ከአፍጋኒስታን ፕሬዝዳንት አሽራፍ ጋኒ እና ሌሎች ባለስልጣናት ጋር የተወያዩ ሲሆን ፥ "አጋርነታችን እየቀያየረ ነው ነገር ግን ዘላቂ አጋርነት ሆኖ ይቆያል" ማለታቸውን ቪኦኤ ዘግቧል።

@tikvahethiopia @tikvahethiopiaBOT

ለሰዎች ህይወት ማለፍ ምክንያት እንዳይሆኑ ይጠንቀቁ !

[Purpose - Tikvah]

የህመም ስሜት ከተሰማዎት ፣ የኮሮና ቫይረስ (ኮቪድ - 19) ምልክት ከታየቦት ወይም እራሶን በኮቪድ-19 ከጠረጠሩ እባክዎትን በቤትዎ በመቆየት ወረርሽኙ እየተዛመተ ያለበትን ፍጥነት በመቀነስ ኃላፊነትዎን ይወጡ።

በቤትዎ ሲቆዩ ሌሎች ቤተሰቦችዎን ለመጠበቅ እራስዎን ለይተው ይቀመጡ።

በሽታው ከሚታሰበው በላይ የሰዎችን ህይወት እያጠፋ፣ ልጆችን ያለእናት እና አባት እያስቀረ፣ ወላጆችን ያለ ልጅ እያስቀረ፣ በርካቶችንም በህመም እያሰቃየ ነው።

ዘውትር የአፍና አፍንጫ መሸፈኛ (ማስክ) ማድረግዎን፣ ሰዎች ከተሰበሰቡበት ቦታ አለመገኘትዎን ፣ በየትኛውም አጋጣሚ የእጆችዎን ንፅህና መጠበቅዎን ፣ በየትኛውም ቦታ አካላዊ ርቅትዎን መጠበቅዎን እንዳይዘነጉ።

@tikvahethiopiaBOT @tikvahethiopia

#MoSHE

የሳይንስ እና ከፍተኛ ትምህርት ሚኒስቴር በ2013 ዓ/ም አዲስ የዩኒቨርስቲ ገቢ ተማሪዎች የዩኒቨርስቲ ምርጫቻውን በዩኒቨርስቲዎች ልየታ መሰረት እንዲያስተካክሉ ማሳሰቢያ አስተላልፏል።

ይህን ማስፈንጠሪያ በመጫን ያንብቡ https://telegra.ph/MoSHE-04-16 ወይም ከላይ በቪድዮ የተያያዘው ይመልከቱ።

@tikvahethiopia @tikvahethiopiaBOT

#Tigray

የሰኞው የአድዋ ከተማ ግድያ :

• "የኤርትራ ወታደሮች ሰኞ ዕለት በአድዋ ከተማ ነዋሪዎች ላይ ድንገተኛ ጥቃት ከፍተው 3 ሰዎች ገድለዋል ፤ 19 አቁስለዋል" - አምነስቲ ኢንተርናሽናል

• "... የኤርትራ ወታደሮች በአድዋ ሰላማዊ ዜጎችን ገድለዋል ፥ በወቅቱ የኢትዮጵያ መከላከያ ሰራዊት ጣልቃ ባይገባ ኖሮ ተጨማሪ ሰላማዊ ዜጎች ይገደሉ ነበር" - የትግራይ ጊዜያዊ አስተዳደር ባለስልጣን

• የኤርትራ ማስታወቂያ ሚኒስትር የማነ ገ/መስቀል ፤ የኤርትራ ወታደሮች በትግራይ መኖር አለመኖራቸውን በተመለከተ በቀጥታ ምላሽ ባይሰጡም በአጠቃላይ "የኤርትራ ወታደሮች ሰላማዊ ሰዎችን በፍፁም አይገድሉም" ብለዋል።

• “የህወሃት ደጋፊዎች እና ምንጮች የሚናገሩትን ማረጋገጥ አልችልም” - ቢለኔ ስዩም

የፔካ ሐቪስቶ ቃለምልልስ :

• "...በጉብኝቴ ወቅት የኤርትራ ወታደሮች ከትግራይ ክልል መውጣታቸውን የሚያረጋግጥ ምስክር ማየትም ሆነ መስማት አልቻልኩም" - ፔካ ሐቪስቶ

የተመድ ፀጥታው ምክር ቤት ስብሰባ :

• "...የኤርትራ ወታደሮች መውጣታቸውን የሚያመለክት ነገር የተባበሩት መንግሥታት ተቋማትም ሆኑ ሌሎች ከእኛ ጋር አብረው የሚሰሩ የሰብአዊ እርዳታ ድርጅቶች አላዩም" - ማርክ ሎውኮክ

• በትግራይ የአስገድዶ መድፈርና ጾታዊ ጥቃቶችን የተመለከቱ ሪፖርቶችን ተከትሎ የኤርትራ ወታደሮች 'በአስቸኳይ' ከኢትዮጵያ ለቀው እንዲወጡ ሊንዳ ቶማስ ግሪንፊልድ ጠይቀዋል።

• አምባሳደር ታዬ ትላንት በፀጥታው ም/ቤት ስለቀረበው ገለፃ ፥ “ገለጻው የመንግስትንና የሌሎች ሰብዓዊ አጋሮችን ጥረት ዝቅ ያደረገ እና የሚያደናቅፍ” ነው ብለዋል።

ያንብቡ : telegra.ph/Tigray-Report-04-16

@tikvahethiopiaBOT @tikvahethiopia

#AtoLidetuAyalew

አቶ ልደቱ አያሌዉ ለሕክምና ወደ አሜሪካ እንዳይሔዱ በድጋሚ መከልከላቸዉን ለጀርመን ድምፅ ሬድዮ ጣቢያ ተናግረዋል።

አቶ ልደቱ ፥ ወደአሜሪካ ለመብረር አስፈላጊውን ሰነድ አሟልተዉ ትናንት ማታ ቦሌ ዓለም አቀፍ አዉሮፕላን ማረፊያ እንደደረሱ ተናግረዋል።

የኤርፖርቱን የመጀመሪያውን የፍተሻ ካለፉ በኃላ ከአየር መንገዱ የበረራ ሰነድ ወይም ቦርዲንግ ፓስ ወስደው ፣ ሻንጣቸውን ልከው የመጨረሻው ኬላ ሲደርሱ ግን «ሲስተሙ የፍርድ ቤት እግድ እንዳለብህ ያሳያል» በሚል ከጉዞአቸው መሰናከላቸውን ገልፀዋል።

ምንም የፍርድ ቤት እግድ እንደሌለባቸው ለማስረዳት ቢሞክሩም እንዳልተሳካላቸው ተናገረዋል።

አውሮፕላን ላይ የተጫነው ሻንጣቸዉ ወርዶ ለሊት 6 ሰአት ወደ ቤታቸዉ ቢመለሱም፣ ፓስፖርታቸው ግን እንዳልተመለሰላቸው አስታዉቀዋል።

አቶ ልደቱ ፥ የደረሰባቸዉን በደል በተለይ ለሕክምና እንዳይጓዙ መከልከላቸዉን «የሞት ፍርድ» ብለውታል።

አቶ ልደቱ ፥ ወደ ዉጪ ሀገር እንዳይሄዱ ሲከለከሉ የትናንቱ የመጀመሪያዉ እንዳልሆነ ሬድዮ ጣቢያው በዘገባው ላይ አስታውሷል።

@tikvahethiopiaBOT

የኢትዮጵያ ብሮድካስት ባለስልጣን ስያሜውን ወደ የኢትዮጵያ መገናኛ ብዙሃን ባለስልጣን ቀየረ።

አዲሱ የኢትዮጵያ መገናኛ ብዙሃን አዋጅ በነጋሪት ጋዜጣ ታትሞ በስራ ላይ ውሏል።

ከዚህ በፊት በስራ ላይ ሲውል የነበረው የብሮድካስት አገልግሎት አዋጅ ቁጥር 533|1999 ተሽሮ ወደ 1238\2013 ተለውጧል።

የኢትዮጵያ ብሮድካሰት ባለስልጣን ስያሜም ወደ "ኢትዮጵያ መገናኛ ብዙሃን ባለስልጣን" መለወጡ ተገልጿል።

@tikvahethiopia @tikvahethiopiaBOT

#አጣዬ

አጣዬ ዳግም ሰላም ርቋታል፤ የአጣዬ ቲክቫህ አባላት በላኩት የፅሁፍ መልዕክት ዳግም በተፈጠረው የፀጥታ መደፍረስ ሰዎች ሞተዋል ፣ ንብረት ተቃጥሏል፣ ሰዎች ሰላምን ፍለጋ ከገዛ ቤታቸውን ተፈናቅለው ሸሽተዋል።

ረቡዕ በአጣዬ ቤቶች መቃጠላቸውን ተከትሎ ከአምስት ሰዓት ጀምሮ የተኩስ እሩምታ የነበረ ሲሆን በሰዓት መከላከያ እና ፌዴራል ሁኔታውን መቆጣጠር ችለው ነበር።

አንድ የቲክቫህ አባል በአጣዬ ባለው ሁኔታ ሁለት በቅርብ የሚያውቃቸው ሰዎች መሞታቸውን ቢያረጋግጥም አጠቃላይ የሟቾች ቁጥር በትክክል እንኳን እንደማይታውቀ ተናግሯል።

ሌላ የቲክቫህ አባል ፥ በቅድሚያ ወደዳር አካባቢ የነበረው የተኩስ እሩምታ ወደ መሃል ክፍልም ይሰማ እንደነበረ ተናግሮ በአካባቢው የሚኖሩ ቤተሰቦቹ ሰላምን ፍለጋ ቤታቸውን ጥለው ሸሽተዋል።

የፀጥታ ኃይሎች ያሉ ቢሆንም፥ በቂ አይደለም በታጠቁ ኃይሎች የሚፈፀመው ጥቃት / የሚሰማው ተኩስ በርካቶችን በደህንነት ስጋት ውስጥ ከቷቸውን ቤታቸው ለቀው እየሸሹ ናቸው።

በተጨማሪ በአንጻኪያ ወረዳ ውስጥ ባሉቱ የተለያዩ ቀበሌዎች ዳግም ግጭት ተቀስቅሶ ጉዳት እየደረሰ ይገኛል።

በእነዚህ አካባቢዎች በተፈጠረው የፀጥታ መደፍረስ ዋናው ዳግም መንገድ ተዘግቷል፤ወደ እና ከ አ/አ መሄድ አይቻልም መኪናዎችም ሸዋሮቢት ላይ ቆመዋል።

የሸዋሮቢት ቲክቫህ አባላት እንዴት ናችሁ ብለን ጠይቀናቸው ነበር?

ዛሬ በሸዋሮቢት ሁሉም መደበኛ እንቅስቃሴ መቀጠሉን አረጋግጠውልን፤ አጣዬ ላይ የተፈፀምጠረውን ሁኔታ ግን እንደሰሙት ገልፀዋል።

የአካባቢው አስተዳደር የጸጥታ ኃይል ችግር ቢፈጠር እንኳን ለመጠበቅና ለመከላከል ቦታ መያዙን፤ ምንም የሚያሳስብ ነገር እንደሌለ መግለፁን ነገርውናል።

ከሀሰተኛ መረጃና ውዥንብር ማህበረሰቡ እንዲቆጠብ ጥሪ መቅሩብን ነግረውናል።

@tikvahethiopia

ዶ/ር ሊያ ታደሰ በዛሬው ዕለት በሰጡት መግለጫ ተከታዮቹን መረጃዎች ሰጥተዋል ፦

[ኤፍ ቢ ሲ & Purpose]

- እስካሁን ከ430,000 በላይ ሰዎች የኮቪድ-19 ክትባት ወስደዋል።

- ክትባት የወሰዱ ጤና ባለሞያዎች፣ ሰራተኞች እድሜያቸው ከ65 አመት በላይ ለሆኑ፣ እድሜያቸው 64 እና ከዚያ በላይ ሆነው ተጓዳኝ የጤና ችግር ያለባቸው ዜጎች ናቸው።

- ከ5 ሚሊየን በላይ ተጨማሪ ከትባት ለማግኘት ከአፍሪካ ህብረትና ዓለም አቀፍ ተቋማት ጋር እየተሰራ ነው።

- ኮቪድ-19 ለመከላከል የወጡ መመሪያዎችን ከማስተግበር አንጻር የተለያዩ እርምጃዎች ተወስደዋል ፥ በአዲስ አበባ ብቻ ከ73 ሺ በላይ ግለሰቦች ማስክ ባለማድረግና አካላዊ ርቀት ባለመጠበቅ የማስተማሪያ እርምጃ ተወስዶባቸዋል። ደንቦችን የተላለፉ ከ400 በላይ ድርጅቶች ማስጠንቀቂያ ሲሰጣቸው፥ 30 ግለሰቦችና 16 ተቋማት ጉዳያቸው በህግ እየታየ ነው።

- የኦክስጅን አቅርቦትን አሁን ላይ በ2 ሺህ 500 ሲሊንደር ማሳደግ ተችሏል። ይህም የቀን ሲሊንደር የመሙላት መጠኑን ከ4 ሺህ ወደ 6 ሺ 500 አሳድጎታል።

- እስካሁን በሀገሪቱ ለኮቪድ -19 ብቻ 258 የመተንፈሻ ማሽኖች ነበሩ ያነሱት፥ ተጨማሪ 215 የመተንፈሻ ማሽኖች ስርጭት እየተደረገ ነው።

- ከቫይረሱ ስርጭት ጋር በተያያዘም እስካለፈው ቅዳሜ በነበሩት 10 ቀናት ከ20 ሺ 600 በላይ ሰዎች ቫይረሱ ተገኝንቶብቸዋል። ይህ አሃዝ ከወር በፊት በነበሩት 10 ቀናት ቫይረሱ ከተገኘባቸው 10 ሺ 800 ሰዎች ጋር ሲነጻጸር የ91 በመቶ ጭማሪ አሳይቷል።

- በአዲስ አበባ የመቃብር ስፍራ አጠቃላይ የሞት መጠን በአዲስ አበባ ዩኒቨርሲቲ ጥናት ተደርጎ ባለፈው መጋቢት ወር የነበረው የሞት መጠን ከዘንድሮው መጋቢት ሲነፃፀር የ37 በመቶ ጭማሪ አሳይቷል፡፡

@tikvahethiopiaBOT

"...ባለፉት 3 ቀናት 25 ሰዎች ህይወታቸው አልፏል" - ዶ/ር መንግስቱ በቀለ

በኦሮሚያ ክልል ከዕለት ወደዕለት / ከሳምንት ወደሳምንት ሪፖርት የሚደረጉ የኮቪድ-19 ታማሚዎች ቁጥር በ40% መጨመሩን የኦሮሚያ ጤና ቢሮ ኃላፊ ዶ/ር መንግስቱ በቀለ ገለፁ።

በሌላ በኩል በህክምና ማዕከላት ህክምና እየተደረገላቸው እየዳኑ የሚወጡ ሰዎች ከሳምንት ወደ ሳምንት በ11% ቀንሷል።

በኦሮሚያ እስካሁን በአጠቃላይ 377 ሰዎች ህይወታቸው ያለፈ ሲሆን ባለፉት 3 ቀናት ብቻ 25 ሰዎች ህይወታቸው አልፏል።

ዶ/ር መንግስቱ ፥ "በአንድ አመት ከአንድ ወር ጊዜ ውስጥ በ3 ቀን 25 ሰው የሚሞት ከሆነ በእንዲህ ያለው ሁኔታ ቢቀጥል ከአንድ አመት በኃላ የክልሉ እና የሀገሪቱ እጣፋንታ ፣ ምን ሊሆን ይችላል የሚለው ሲታይ እጅግ አሳሳቢ ነው።" ብለዋል።

በኦሮሚያ ክልል ጤና ቢሮ እና በጤና ሚኒስቴር በጋራ በተሰራ ጥናት የእጅና የግል ንፅህና መጠበቅ ዝቅተኛ ደረጃ ላይ ወይም "የለም" የሚባልበት ደረጃ ላይ መድረሱ ገልፀዋል።

የማስክ አጠቃቀም በዋና ዋና የኦሮሚያ ከተሞች ሲሰራ 30 % እንደሚያሳይ የተገለፀ ሲሆን የእጅ ንፅህና ግን 1.7% ብቻ ነው የሚያሳየው ሲሉ ዶ/ር መንግስቱ ተናግረዋል።

@tikvahethiopia @tikvahethiopiaBOT

የሱዳን ጠ/ሚ ዶ/ር አብደላ ሃምዶክ ከፍራንስ 24 [The Interview] ጋር :

- ከትላትን በስቲያ ለኢትዮጵያ እና ግብፅ ጠቅላይ ሚኒስትሮች ያቀረቡት ጥሪ እስካሁን ከሁለቱም በኩል ምላሽ እንዳላገኙ ተናግረዋል ፤ ነገር ግን በቀጣይ 10 ቀናት ውስጥ ምላሽቸውን እንደሚጠባበቁ ገልፀዋል።

- በታላቁ ህዳሴ ግድብ ጉዳይ የወታደራዊ ግጭት ሊቀሰቀስ ይችላል የሚል ስጋት እንደሌላቸው ተናግረዋል። ነገር ግን አስፈላጊ ሆኖ ካገኙት ጉዳዩን የUN ፀጥታው ም/ቤት እንዲይዘው ሊጠይቁ እንደሚችሉ ጠቁመዋል።

- በኢትዮዮጵያ እና ሱዳን ድንበር መካከል ያለው ውዝግብ በሰላማዊ መንገድ ይፈታል የሚል እምነት እንዳላቸው ተናግረዋል ፤ በድንበር ጉዳይ ወደ ጦርነት የመግባት ፍላጎት እንደሌላቸው ገልፀዋል።

@tikvahethiopia @tikvahethiopiaBOT

#Ethiopia😷

ባለፉት 24 ሰዓት 15 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 7,480 የላብራቶሪ ምርመራ 1,973 ሰዎች በቫይረሱ መያዛቸው ተረጋግጧል።

ትላንት 1,750 ሰዎች ከበሽታው አገግመዋል።

በአጠቃላይ 238,527 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,300 ሰዎች ህይወታቸው አልፏል፤ 177,629 ሰዎች አገግመዋል።

አሁን ላይ 1,013 ሰዎች በፅኑ ታመዋል።

@tikvahethiopia

"...በአጣዬ የሆነው ከዚህ በፊት እንኳን ሆኖ የማያውቅ ነው" - የአጣዬ ቲክቫህ አባላት

በአጣየ ዳግም የተፈፀመው ጥቃት / የፀጥታ ችግር ከዚህ በፊት ታይቶ የማይታወቅ መሆኑን የቲክቫህ አባላት በላኩት መልዕክት አሳውቀዋል።

ሁኔታው እጅግ ከሚባለው በላይ ከባድ ነው ፤ ቁጥራቸውን በውል ያልታወቀ ዜጎች ሞተዋል ፣ ንብረት ወድሟል ፣ በርካቶችን የሚሰነዘረውን ጥቃት ለማምለጥ ቤታቸውን ጥለው ሸሽተዋል ፣ በአጠቃላይ ከዚህ በፊት ታይቶ የማታወቅ ነው ሲሉ ገልፀዋል።

መልዕክታቸውን ከላኩ የቲክቫህ አባላት መካከል ፥ በቅርብ የሚያውቁትን ወዳጃቸውን ያጡ እና ሸሽተው ወደ ሌላ ቦታ የሄዱ አባላችን በታሪካቸውን እንዲህ ያለው ነገር ይሆናል ብለው እንዳልጠበቁ ፣ እንደአሁኑ ያለው አይነት የከፋ ጉዳት አይተው እንደማያውቁ አስረድተዋል ፥ አጣዬ እንዳልነበረች ነው የሆነችው ፣ ከፍተኛ የሰው ህይወት ጠፍቷል ፣ በርካታ ቤቶች ተቃጥለዋል ብለዋል።

አሁንም ቀጠናው በውጥረት የተሞላ መሆኑን አባላቶቻችን ያሳወቁ ሲሆን የፌዴራሉ መንግሥት ከፍተኛ የፀጥታ ኃይሎችን መድቦ በፍጥነት መቆጣጠር ካልተቻለ አሁን ካለው በላይ ተስፋፍቶ ሌሎች ቦታዎችንም ሊያዳርስ ይችላል እና ጥንቃቄ ይደረግ ሲሉ አሳስበዋል።

@tikvahethiopia