#DrArkebeOqubay

የኢኮኖሚ ባለሙያ የሆኑት ዶክተር ኣርከበ ዕቁባይ በአለም ባንክ አዘጋጅነት በተካሄደ “የምስራቅ ኤዢያ - አፍሪካ፡ የዌቢናር ውይይት ተሳትፈዋል።

በውይይቱ ላይ ዶ/ር ኣርከበ ፥ “የሚወጡ ዕቅዶችና የሚቀመጡ ግቦች እንደ ዶግማና ርዕዮተ ዓለም ሳይቆጠሩ ተለዋዋጭ ሁኔታዎችን በማገናዘብ መስራት የኢኮኖሚ ዕድገት ያመጣል” ሲሉ ገልፀዋል።

ዘለቄታዊ የኢኮኖሚ እድገትን ለማስመዝገብ የረጅም ጊዜ እቅድና ሰፊ ተግባራዊ እንቅስቃሴ ከፍተኛ ሚና እንዳላቸውም ተናግረዋል።

በአፍሪካ የሚፈለገውን የምጣኔ ሃብት እድገት እና ልማት ለማስመዝገብ የረጅም ጊዜ ራዕይ በማስቀመጥ መንቀሳቀስ ያስፈልጋል” ብለዋል።

እቅዶቹን ከመመሪያ ባለፈ ሰፊ ተግባራዊ እንቅስቃሴ በማካሄድ ወደ ተግባር መለወጥ እንደሚያስፈለግ ነው ዶክተር ኣርከበ የጠቆሙት።

“በተለይም የሚታቀዱትን ዕቅዶችና የሚቀመጡ ግቦችን እንደ ዶግማና ርዕዮተ ዓለም ከመቁጠር ባለፈ ተለዋዋጭ ሁኔታዎች በማገናዘብ ተግራባራዊነቱ ላይ መስራት ይገባል” ሲሉ አመላክተዋል።

“ይህንንም ከቻይና እና ኤዢያ አገሮች መማር እንችላለን” ነው ያሉት።

ሁሉንም አዋጭ ፖሊሲዎችና መንገዶች በመጠቀም በየጊዜው ከሚከሰቱ ሁነቶች ጋር ተናባቢና ተዛማጅ የሆኑ ተግባራዊ ስራዎችን ማከናወን እንደሚገባም ዶክተር ኣርከበ ተናግረዋል።

Video : Doctor Arkeb Oqubay , ENA
@tikvahethiopiaBot @tikvahethiopia

#DrArkebeOqubay

የአፍሪካ ኢኮኖሚ ኮሚሽን ለዶ/ር አርከበ ዕቁባይ ድጋፉን ሰጠ።

በተመድ የአፍሪካ ኢኮኖሚ ኮሚሽን የአፍሪካ ህብረት ለUNIDO ዋና ዳይሬክተርነት እንዲወዳደሩ እጩ አድርጎ ላቀረባቸው ዶክተር አርከበ ዕቁባይ ድጋፍ መስጠቱን Africa-newsroom.com አስነብቧል።

የአፍሪካ የፋይናንስ ፣ ዕቅድና ኢኮኖሚ ልማት ጉባኤ አባል ሚኒስትሮች ባካሄዱት ስብሰባ ዶክተር አርከበ ዕቁባይን ለUNIDO እጩ ሆነው መቅረባቸውን ደግፈዋል።

ጉባኤው ዶ/ር አርከበ በዘርፉ የልማት ፖሊሲዎች ላይ የሚያደርጉትን አስተዋጽኦና በቴክኖሎጂ የታገዘ የሃሳብ አመንጪነትን አድንቆ ዘርፉን ቢመሩ ከፍተኛ ለውጥ እንደሚያመጡ አመልክቷል። ~ ENA

@tikvahethiopia @tikvahethiopiaBOT