የቤልጂየም ድጋፍ : በትግራይ ድጋፍ ለሚያስፈልጋቸው ወገኖች የ4 ሚሊዮን ዩሮ ድጋፍ አድርጋለች።

ቤልጅየም በዓለም አቀፍ ቀይ መስቀል ኮሚቴ [ICRC] በኩል ነው በትግራይ ድጋፍ ለሚያስፈልጋቸው ወገኖች 4 ሚሊዮን ዩሮ ድጋፍ ያደረገችው።

ቤልጂየም ከሰብዓዊ እርዳታ በተጨማሪ ትግራይ ውስጥ ስለተፈፀሙ ወንጀሎች ገለልተኛ ምርመራ ማድረግ አስፈላጊ መሆኑን አሳውቃለች።

* ዝርዝር መግለጫው ከላይ ተያይዟል።

@tikvahethiopia @tikvahethiopiaBOT

#Ramadan

የኮሮና ቫይረስ [ኮቪድ-19] ወረርሽኝ ታሳቢ ያደረገው ፥ የአካላዊ ርቀትን በጠበቀ መልኩ ፣ ማስክን በአግባቡ በማድረግ የመጀመሪያው ረመዳን የተርሃዊህ ሶላት በመከተል ሙከረማ እና በመዲነተል ሙነወራ ከላይ በፎቶው በምትመለከቱት መልኩ ተከናውኗል።

@tikvahethiopia @tikvahethiopiaBOT

የኮቪድ-19 ስርጭትን በተመለከተ ሀገር አቀፍ ጥናት ሊካሄድ ነው።

የጤና ሚኒስቴር ፣ የኢትዮጵየ ሕብረተሰብ ጤና ኢንስቲትዩት ፣ የዓለም ጤና ድርጅት ፣ የበሽታ መቆጣጠር እና መከላከል ማዕከል (CDC) እና የኦሃዮ ዩኒቨርሲቲ በጋራ በመተባበር በሃገር አቀፍ ደረጃ በሁሉም የኢትዮጵያ ክልሎች በከተማ እና በገጠር የኮሮና ቫይረስ (ኮቪድ-19) ስርጭት ሁኔታ ምን እንደሚመስል ለማወቅ ጥናት ሊጀመር መሆኑን በዛሬው እለት በጋራ በሰጡት ጋዜጣዊ መገለጫ አስታውቀዋል።

የጥናቱ ዋና አላማ በሀገር አቀፍ ደረጃ ፣ በክልሎችና በከተማ መስተዳድሮች የበሽታው ስርጭት በሁሉም የእድሜ ክልል የሚገኙ የህብረተሰብ ክፍሎች ላይ ምን እንደሚመስል ጥናት በማካሄድ በሽታውን የመከላከል እና የመቆጣጠር ስራ ላይ መፍትሄ ለማስቀመጥ መሆኑ ተገልጿል፡፡

Via EPHI
@tikvahethiopia @tikvahethiopiaBOT

"...ግብፅ 2ኛው ዙር የሕዳሴ ግድብ ሙሌት ሊያስከትል የሚችለውን ተጽዕኖ ለመጋፈጥ ዝግጁ ናት" - ኢንጂነር ሞሐመድ ጋኔም

[አል ዓይን ኒውስ]

የግብፅ ባለሥልጣናት በመጪው የክረምት ወቅት ሊሞላ ለታቀደው ሁለተኛ ዙር የሕዳሴ ግድብ የውሃ ሙሌት ሀገሪቱ በመዘጋጀት ላይ እንደምትገኝ ገልጸዋል፡፡

የግብፅ መስኖ ሚኒስቴር ቃል አቀባይ ኢንጂነር ሞሐመድ ጋኔም ትላንት ለ “አል-አረቢያ” ቴሌቪዥን በሰጡት መግለጫ ፥ ግብፅ ሁለተኛው ዙር የሕዳሴ ግድብ ሙሌት ሊያስከትል የሚችለውን ተጽዕኖ ለመጋፈጥ ዝግጁ መሆኗን ተናግረዋል፡፡

ቃል አቀባዩ የግድቡን 2ኛ ዙር የውሃ ሙሌት ተጽዕኖ ለመቀነስ በመስኖ መስክ ግዙፍ ፕሮጀክቶች ወደ ትግበራ መግባታቸውን አንስተዋል፡፡

“ይሁን እና በዓባይ ውሃ ላይ ያለንን ታሪካዊ መብት እንዳልተውን እናረጋግጣለን” በማለት በውሃ ክፍፍል ረገድ ግብፅ ያላት አቋም የጸና መሆኑን ገልጸዋል፡፡

ቃል አቀባዩ አክለውም ፥ “በሕዳሴ ግድብ ጉዳይ የሁሉም ወገኖች ተጠቃሚነት እንዲረጋገጥ የምንጥር በመሆኑ ኢትዮጵያ ከግብፅና ከሱዳን ጋር ስምምነት ላይ ለመድረስ የተወሰነ የአቋም ለውጥ ማሳየት አለባት” ብለዋል፡፡

“መረጃ ከመለዋወጥ በፊት በሕዳሴ ግድብ ዙሪያ ከኢትዮጵያ ጋር ስምምነት ላይ መድረስ እንፈልጋለን” ሲሉም ነው ኢንጂነር ሞሐመድ የሀገራቸውን አቋም የገለጹት፡፡

@tikvahethiopiaBOT @tikvahethiopia

#GERD #EthioSudan #Egypt #Sudan

ዛሬ ለአፍሪካ ሀገራት አምባሳደሮች ገለፃ ተደርጓል።

በኪኒሻሳ በአፍሪካ ኅብረት ማዕቀፍ ስር የተካሄደውን የታላቁ የኢትዮጵያ ሕዳሴ ግድብ የሶስትዮሽ የውጭ ጉዳይ እና የውሃ ሚኒስትሮች ስብሰባ በተመለከተ ም/ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን እና የውሃ፣ መስኖ እና ኢነርጂ ሚኒስትር ዶክተር ኢ/ር ስለሺ በቀለ ተቀማጭነታቸው በአዲስ አበባ ለሆኑ የአፍሪካ አገሮች አምባሳደሮች ገለጻ አድርገዋል።

በዚህም ወቅት በኪንሻሳው ስብሰባ ውይይት የተደረገባቸውን ጉዳዮች እና የኢትዮጵያን ዕይታ በተመለከተ ገለጻ ተደርጓል።

በዛሬው ገለፃ ዶክተር ኢ/ር ስለሺ ፥ ግብጽና ሱዳን የህዳሴውን ግድብ የአረብ አገሮች የውሃ ደህንነት ስጋት አድርገው የሚያቀርቡት ሁኔታ እንዳሳዘናቸው ገልፀዋል። የአባይ ተፋሰስ አገራት ሁሉ አፍሪካዊ ሆነው ሳሉ ጉዳዩን ለፖለቲካ ጠቀሜታ ሲባል የሚያራምዱት አቋም ተቀባይነት የሌለውና ሁሉም በአጽንኦት ሊገነዘበው እንደሚገባ አሳስበዋል።

በሌላ በኩል ፥ ከታላቁ የኢትዮጵያ ሕዳሴ ግድብ ወቅታዊ የድርድር ሁኔታ በተጨማሪ ለአምባሳደሮቹ የኢትዮጵያ-ሱዳን ወቅታዊ የድንበር ሁኔታን በተመለከተ ገለፃ ተደርጎላቸዋል።

ኢትዮጵያ ጉዳዩን በሰላማዊ መንገድ በሁለቱ ሀገራት መካከል በተደረጉ ስምምነቶች እና ባሉት የድንበር አሰራር ማዕቀፎች አማካኝነት በድርድር ለመፍታት ያላትን ቁርጠኝነት በድጋሚ ገልጻለች።

* ዝርዝር መረጀው ከላይ ተያይዟል።

@tikvahethiopia

#DrArkebeOqubay

የአፍሪካ ኢኮኖሚ ኮሚሽን ለዶ/ር አርከበ ዕቁባይ ድጋፉን ሰጠ።

በተመድ የአፍሪካ ኢኮኖሚ ኮሚሽን የአፍሪካ ህብረት ለUNIDO ዋና ዳይሬክተርነት እንዲወዳደሩ እጩ አድርጎ ላቀረባቸው ዶክተር አርከበ ዕቁባይ ድጋፍ መስጠቱን Africa-newsroom.com አስነብቧል።

የአፍሪካ የፋይናንስ ፣ ዕቅድና ኢኮኖሚ ልማት ጉባኤ አባል ሚኒስትሮች ባካሄዱት ስብሰባ ዶክተር አርከበ ዕቁባይን ለUNIDO እጩ ሆነው መቅረባቸውን ደግፈዋል።

ጉባኤው ዶ/ር አርከበ በዘርፉ የልማት ፖሊሲዎች ላይ የሚያደርጉትን አስተዋጽኦና በቴክኖሎጂ የታገዘ የሃሳብ አመንጪነትን አድንቆ ዘርፉን ቢመሩ ከፍተኛ ለውጥ እንደሚያመጡ አመልክቷል። ~ ENA

@tikvahethiopia @tikvahethiopiaBOT