#WFP

የዓለም የምግብ ፕሮግራም በትግራይ ክልል ለሚያከናውነው የሰብዓዊ መብት ድጋፍ 170 ሚሊዮን ዶላር እንደሚያስፈልገው አስታወቀ።

በክልሉ በተካሄደው ውጊያ ምክንያት ዜጎች ለከፋ ሰብአዊ መብት ጥሰት ተዳርገዋል ያለው ፕሮግራሙ ለተጎጂዎች ድጋፍ በማድረግ ላይ መሆኑን ገልጿል።

ድርጅቱ ባወጣው መግለጫ ለይ በክልሉ ለተፈናቀሉና ለምግብ እጥረት ለተዳረጉ ዜጎች ድጋፍ ለማድረግ 170 ሚሊዮን ዶላር ያስፈልገኛል ብሏል።

4.5 ሚሊዮን ዜጎች አስቸኳይ የሰብዓዊ ድጋፍ እንደሚያስፈልጋቸው የዓለም የምግብ ድርጅት ከነዚህ ውስጥ ለ1 ነጥብ 4 ሚሊዮን ዜጎች እየደገፈ መሆኑን አስታውቋል።

በትግራይ ክልል የተካሄደው ውጊያ የሰብል ስብሰባ በሚካሄድበት ወቅት መሆኑ የተጎጂ ዜጎች ቁጥር እንዲጨምር አድርጓል የሚለው ድርጅቱ ገበያዎች፣ሰብሎች እና ሌሎች መሰረታዊ መገልገያዎች ከጥቅም ዉጪ መሆናቸውን መግለፁን አል ዓይን ኒው በድረገፁ አስነብቧል።

@tikvahethiopia

#Attention

አሰቦት ገዳም ዙሪያ የተነሳው እሳት ዛሬም ድረስ መቆጣጠር አልተቻለም ፤ እሳቱ አቅጣጫውን እየቀያየረ ለቁጥጥር አዳጋች አድርጎታል።

ከቀናት በፊት የምዕራብ ሐረርጌ ሀገረ ስብከት ዋና ሥራ አስኪያጅ ሊቀ ኅሩያን ቀሲስ ደረጄ ብርሃኑ ለኢኦተቤ ቴቪ ፥ እሳቱ በሰው ኃይል ይጠፋል ብሎ ማሰብ የማይቻልበት ደረጃ መድረሱን አሳውቀው መንግሥት ተገቢውን ትኩረት በመስጠት ሌሎች አማራጮችን መጠቀም ይገባዋል ሲሉ አስገንዝበው ነበር።

ዛሬ ሌሊት ሙሉ ለሙሉ ገዳሙ ሙሉ ዙሪያውን በእሳት ተከቦ እንዳደረ ወደ ገዳሙም የገባ እንደሆነ ጉዳዩን እየተከታተሉ ለህዝብ እያሳወቁ ከሚገኙ መካከል መምህር ኤፍሬም ዘደብረወግ የተባሉ ወንድም አሳውቀወል።

እንደ አዲስ በተለያየ አቅጣጫ እሳት እየተነሳ ነው ያለው። በጠፉ ቦታዎች ጭምር እንደ አዲስ እየተነሳ መሆኑ ተገልጿል።

በአራቱም አቅጣጫ በመናንያኑ መኖሪያ ከቤተክርስቲያኑ በ25 ሜትርና በ50 ሜትር ርቀት ላይ ደርሷል።

ወጣቶች ብዙ ኪ.ሜ ርቀት ተጉዘው መጥተው እሳቱን ለማጥፋት ከፍተኛ ተጋድሎ እያደረጉ ቢሆንም እሳቱ በሰው ኃይል የሚጠፋ አልሆነም።

እሳቱን በማጥፋት በርከታ ሰዎች እየተሳተፉ ቢሆንም እነሱ በመዳከማቸው አዲስ የሰው ኃይል ያስፈልጋል ፥ የሚችልም ወደቦታው እንዲሄድ ተጠይቋል።

ምግብ እንደሞከሮኒ፣ ፓስታ ፣ ዱቄት፣ ውሃ እና በቀላሉ እዛው የሚሰሩ የሚችሉ ነገሮችም ይሳፈልጋሉ።

ይህ እሳት በሰው ኃይል የማይጠፋበት ደረጀ በመድረሱ የሚመለከተው አካል ሁሉ በአስቸኳይ ሌሎች አማራጮችን እንዲፈልጉ ጥሪ ቀርቧል።

@tikvahethiopia

#SNNPRS

በካፋ ዞን ዴቻ ወረዳ ጉንድራ ገራ ቀበሌ ከሰሞኑ የጣለውን ከባድ ዝናብ ተከትሎ የወረደው በረዶ ከ7 መቶ 80 ሄክታር በላይ ማሳ ላይ በነበሩ ቋሚና ዓመታዊ ሠብሎችና የቤት እንስሳት ላይ ከፍተኛ ጉዳት ማድረሱን የዞኑ አደጋ ሥጋት ሥራ አመራር ማስተባበሪያ ጽህፈት ቤት አስታውቋል።

በጉዳቱ ሳቢያ ለችግር ለተጋለጡ ወገኖች ሠብዓዊ ድጋፍ የማድረስ ሥራ መጀመሩ ተገልጿል።

መጋቢት 8 ቀን 2013 ዓ.ም በዴቻ ወረዳ ጉንድራ ገራ ቀበሌ የጣለውን ከባድ ዝናብ ተከትሎ የወረደው በረዶ ከ 6 መቶ 31 ሄክታር በላይ ማሳ ላይ የነበሩ ቡና ፣ ኮረሪማና እንሠትን የመሳሰሉ ቋሚ ሠብሎች ላይ ጉዳት ሲያደርስ ከ1 መቶ 53 ሄክታር በላይ በሆነ ማሳ ላይ የነበረ የበቆሎ ችግኝን ሙሉ በሙሉ ከጥቅም ውጭ አድርጓል፡፡

በጉዳቱ ሳቢያም 312 እማወራና አባወራዎች ሥር የሚተዳደሩ ከ1 ሺ 5 መቶ 60 በላይ ሠዎች ለችግር ተዳርገዋል፡፡

በ780 የቀንድ ከብቶችና 556 የጋማ ከብቶች ላይም በረዶው ጉዳት አድርሷል ፡፡

በአካባቢው የጣለው በረዶ ከዚህ ቀደም ተከስቶ የማያውቅና ከባድ ነበረ ነው ተብሏል።

አደጋው በጉንድራ ገራ ብቻ ሣይሆን በጉንድራ ሸላ ቀበሌ ላይ የተከሰተ በመሆኑ ሠብዓዊ ድጋፍ ለማድረስ የሚያስችል የአደጋውን መጠን የመለየት ሥራ እየተሰራ ነው ተብሏል።

ምንጭ፦ ደ.ሬ.ቴ.ድ
@tikvahethiopia @tikvahethiopiaBOT

የደቡብ ምዕራብ ኢትዮጵያ ክልል ህዝበ ውሳኔ ፦

የኢትዮጵያ 11ኛው ክልል ሊመሰረት የሚያስችለው የሪፈረንደም (ህዝበ ወሳኔ) ምርጫ ሊደረግ 65 ቀናት ገደማ ይቀሩታል።

የኢትዮጵያ ብሄራዊ ምርጫ ቦርድ ህዝበ ውሳኔውን የሚያደራጅ በቦርዱ ስር የፕሮጀክት ቢሮ አቋቁሞ እየተንቀሳቀሰ እንደሚገኝ ወ/ሪት ሶሊያና ሽመልስ ለፋና ቴሌቪዥን ተናግረዋል።

ይህ የፕሮጀክት ቢሮ ዋናው የሀገር አቅፍ ምርጫ በሚካሄድበት ወቅት ባሉ የኦፕሬሽናል ስራዎች እንዳይዋጥ የሚያስችል ነው።

እስከሁን በፕሮጀክት ቢሮው ፤ የህዝበ ውሳኔ በጀት ተዘጋጅቶ ለህዝብ ተወካዮች ምክር ቤት ተልኳል እንዲሁም የህዝበ ውሳኔው አክሽን ፕላን (እቅድ) ተዘጋጅቷል።

ቦርዱ ለደቡብ ምዕራብ ኢትዮጵያ የህዝበ ውሳኔ ምርጫ ያዘጋጀው በጀት 8 ሚሊዮን ብር የሚጠጋ ነው። ገንዘቡ ከሌሎች የህዝበ ውሳኔ ምርጫ ጋር ሲነፃፀር አነስተኛ ሲሆን ሪፈረንደሙ ከሀገር አቀፍ ምርጫው ጋር በአንድ ቀንና በአንድ አይነት ዝግጅት የሚካሄድ በመሆን የወጪ ብክነት አስቀርቷል ተብሏል።

ገንዘቡ በዋናው የምርጫ በጀቱ ውስጥ ስለሌለ ተጨማሪ በሚል ለተወካዮች ምክር ቤት አቅርቧል ፤ ምላሹን እየተጠባበቀ ይገኛል።

የሪፈረንደም ወጪ በቦርዱ አይሸፈንም ፤ ከዚህ በፊት የሲዳማ ክልል ሪፈረንደም ሲደርግ ወጪው የተሸፈነው በደቡብ ክልል ምክር ቤት ነበር።

የደቡብ ምዕራብ ኢትዮጵያ የክልል ሪፈረንደም አሁን ላይ በምርጫ ምልክት መረጣ እና ውሳኔ ደረጃ ላይ ይገኛል። ምርጫ ቦርድ ከመራጩ ህዝብ ተወካዮች በኮሚቴ የቀረበለትን የባለ 6 እጆች ጥምረት ተቀብሎ መልሶ ለይሁንታ ልኮታል።

ምልክቱን ሲያፀድቁ የድምፅ መስጫ ወረቀት መታተም ይጀምራል።

የደቡብ ክልል የሚወከለው በ "ጎጆ" ነው።

@tikvahethiopiaBot @tikvahethiopia