ባለስልጣኑ ተገደሉ።

በኦሮሚያ ክልል የምዕራብ አርሲ ዞን የሄበን አርሲ ወረዳ አስተዳዳሪ የሆኑት አቶ በሪሶ ቡልዬ እስካሁን ማንነታቸው ባልታወቁ ሰዎች በየተኮሰባቸው ጥይት ተመተው ህይወታቸው ማለፉ ተሰምቷል።

አቶ በሪሶ ትላንት ምሽት 1:30 ነው በተተኮሰባቸው ጥይት ተመተው ህይወታቸው ያለፈው።

የሄበን ወረዳ ኮሚኒኬሽን ቢሮ አቶ በሪሶ ለህዝቡ ሰላም እና እድገት ቀን እና ማታ ሲለፉ የነበሩ የህዝብ አገልጋይ መሆናቸውን አውስቶ በህልፈታቸው የተሰማውን ሀዘን ገልጿል።

@tikvahethiopia @tikvahethiopiaBOT

ለዘንድሮው ሀገር አቀፍ ምርጫ የምርጫ ቅስቀሳ ለማድረግ የሚረዳ "ምርጫዬ" የተሰኘ መተግበሪያ ይፋ ሆነ !

ለዘንድሮው ሀገር አቀፍ ምርጫ የምርጫ ቅስቀሳ ለማድረግ እንዲሁም ፓርቲዎች ሀሳባቸውን ለህዝቡ እንዲሸጡ የሚያስችል ምርጫዬ የተሰኘ የሞባይል መተግበሪያና ድረ ገጽ ማዘጋጀቱን እውነት ኮሚኒኬሽን ለቲክቫህ ኢትዮጵያ በላከው መግለጫ ጠቅሷል።

በአሁኑ ወቅት መራጮች ስለሚመርጡት ፓርቲ እና ተመራጭ የመረጃ ለማግኘት ከፍተኛ ፍላጎት ያላቸው ሲሆን ይህንን ፍላጎት ቴክኖሎጂን ተጠቅሞ መሸፈን ይቻል ዘንድ ይህ መተግበሪያና ድረ-ገጽ መዘጋጀቱ ነው ያስታወቁት።

በተለይ የኮቪድ ወረርሽኝን ተከትሎ የምርጫ ቅስቀሳዎችን ለማድረግ ቴክኖሎጂውን እንደ ትልቅ አቅም መጠቀም እንደሚገባ የጠቀሱት አዘጋጆቹ ሁሉንም ፓርቲ ያለምንም ክፍያ በእኩል ለማሳተፍ የሚያስችል መድረክ መመቻቸቱንም ጠቁመዋል።

በምርጫ መተግበሪያው/ ድረ ገጹ ላይ የፓርቲዎች መግለጫ፣የሲቪክ ማህበራት እና የመራጮች ምዝገባ፣ የእጩዎች መግለጫ፣ የምርጫ ቦርድ መረጃ፣ ለፓርቲዎች ድጋፍ የሚደረግበት የእርዳታ ወይም የልገሳ ፎርም፤ ሰነዶች እና ተቀሳቃሽ ምስሎች ማጋሪያ፣ ዜና፣ ወደ ማህበራዊ ገጽ ማጋሪያ እንዲሁም ኩነቶችን ማስተዋወቂያ በውስጡ አካቷል።

እውነት ኮሚኒኬሽን ኃ/የ/የግ/ማኅበር በወጣቶች የተመሰረተ ድርጅት ሲሆን ይህንን ጨምሮ በርካታ ሥራዎችን፤ በተለይ ኮቪድ 19 ወረርሽኝን አስመልክቶ በሙያቸው በበጎ ፈቃደኝነት ሥራዎችን ሲሰሩ ቆይተዋል።

ወደፊት ትልልቅ ለውጥ የሚፈጥሩ የቴከኖሎጂ ውጤቶችን ወደ ገቢያው ለማምጣት በሂደት ላይ እንደሚገኙ ገልጸውልናል።

@tikvahethiopia

#Tigray

ትላንት ምሽት የአሜሪካው ውጭ ጉዳይ ሚኒስትር አንቶኒ ብሊንከን ሀገራቸው አሜሪካ በትግራይ ግጭት ጉዳት ለደረሰባቸው ወገኖች የተጨማሪ የ52 ሚሊዮን ዶላር ድጋፍ እንደምታደርግ አሳውቀዋል።

አሜሪካ በትግራይ ቀውስ ከተፈጠረ አንስቶ ያደረገችው ድጋፍ 153 ሚሊዮን ዶላር ደርሷል።

ሚኒስትሩ አሁንም ቢሆን አሜሪካ በትግራይ የሰብዓዊ ቀውስ ጉዳይ በእጅጉ እንደሚያሳስባት ገልፀዋል።

በስቴት ዲፐርትመንት በኩልን በወጣው መግለጫ የኢትዮጵያ መንግስት ለሰብዓዊ ተደራሽነት በማሳደግ የሰራቸውን ስራዎች አሜሪካ እውቅና እንደምትሰጥ ገልፃለች።

በመግለጫው ላይ ያለ ፖለቲካዊ መፍትሄ በትግራይ የሰብዓዊ ሁኔታው እየተባባሰ ሊቀጥል እንደሚችል ይገልፃል ፤ ግጭት ቆሞ በአስቸኳይ የኤርትራ ወታደሮች እና የኢትዮጵያ መንግስት በትግራይ ያሰፈራቸውን የአማራ ክልል ኃይሎች እንዲነሱ ማድረግ የመጀመሪያው እርምጃ ነው ብሏል።

ለተፈፀሙ የሰብዓዊ መብት ጥሰቶች እና ግፎች በኢትዮጵያ መከላከያ ውስጥም ሆነ በህወሓት፣ በኤርትራ ኃይል ወይም በአማራ ክልል ኃይል ተጠያቂ አካል መኖር አለበት ይላል የስቴት ዲፓርትመት መግለጫ።

www.state.gov

ብሊንከን ከዚህ ቀደምም ከትግራይ ክልል ጋር በተያያዘ የአማራ ኃይል ይውጣ ሲሉ ማናገራቸው እና ፥ የአማራ ክልል መንግስትም ትግራይ ውስጥ እንደሌለ እና የአማራ ኃይል አሁን ያለበት ቦታ "በታሪክም የትግራይ እንዳልሆነ" ፤ የአማራ ኃይል ትግራይ ውስጥ አለ እየተባለ የሚገለፀውም ስህተት እንደሆነ የሚገልፅ ምላሽ መስጠቱ አይዘነጋም።

የኢትዮጵያ ፌዴራል መንግስት በዚህ ጉዳይ ሉአላዊነትን የሚጋፋ ፣ በሀገር ውስጥ ጉዳይ ጣልጋ የመግባትና ተቀባይነት የሌለው ነው ሲል መግለጫ እንደሰጠበት ይታወሳል።

@tikvahethiopia

በርበሬና ሽሮ ውስጥ የከለር ኬሚካል ፉርሽካና ሰጋቱራ ቀላቅሎ ሲሸጥ የነበረ ግለሰብ ተያዘ !

በሲዳማ ክልል ሀዋሳ ከተማ የተለያዩ ባእድ ነገሮችን ከምግብ እህል ጋር በመቀላቀል ለገበያ ያቀርብ የነበረ ነጋዴ በቁጥጥር ስር መዋሉን የሲዳማ ክልል ጤና ቢሮ ገለጸ።

የጤና ቢሮው ምክትል የቢሮ ሀላፊ እና የጤና እና ጤና ነክ አገ/ግ/ጥ/ቁጥጥር ባለስልጣን ሀላፊ አቶ ቡሪሶ ቡላሾ እንደገለጹት በሀይቅ ዳር ክ/ከተማ አሮጌ ገበያ ውስጥ በሚገኝ አንድ ወፍጮ ቤት በርበሬ ሽሮ እና እርድ በማለት የተለያዩ እንደሰጋቱራና ጥራጊ ያሉ ነገሮችን በመፍጨት እና የተለያዩ ከለር ያላቸው ኬሚካሎችን በማደባለቅ ለገበያ ሲያቀርብ እንደነበርና አሁንም ከ200 ኩንታል በላይ ለገበያ የተዘጋጀ በቁጥጥር ስር መዋሉንገልጸዋል።

ቢሮው ተጠርጣሪው በፍጥነት ለህግ ቀርቦ ተገቢውን የሆነ ቅጣት እንደሚያገኝ አሳውቋል።

ለገበያ የተዘጋጀው የእህል አይነት ላይ በተደረገው ምርመራ ባእድ ነገር የተቀላቀለበት መሆኑ የተረጋገጠ ሲሆን የሚጨመረው የከለር ኬሚካል በሰው ልጆች ላይ የሚያደርሰውን የጉዳት መጠን ለማጣራት የላቦራቶሪ ምርመራ እየተካሄደ ነው።

ህብረተሰቡ እንዲህ ባለጉዳይ የተለየ ጥርጣሬ ሲያጋጥመው ጥቆማ መስጠት እንደሚገባ ገልጸው ሸማቹም ቢቻል በቤት ውስጥ አዘጋጅቶ እንዲጠቀም አልያም የታወቁ እና ህጋዊ ከሆኑ ተቋማት እንዲገበያይ የሲዳማ ክልል ጤና ቢሮ አሳስቧል።

Via Tariku Dubale
@tikvahethiopia @tikvahethiopiaBOT

የኢትዮጵየ መንግስት ከህወሓት ቡድን ጋር ይተባበራሉ ላላቸው አካላት #የመጨረሻ ማሳሰቢያ ዛሬ ሰጠ።

ከመግለጫው ላይ የተወሰደ፦

"...በወንጀል ተግባራት ጉልህ ተሳትፎ አላቸው ተብለው ከተጠረጠሩ እና በዚህም መናሻ የፍርድ ቤት መያዣ ከወጣባቸው ከፍተኛ የህወሓት ወታደራዊ እና ፖለቲካ አመራሮች በስተቀር ሌሎች ዜጎች ያለ ስጋት ወደ ቀደመው ሰላማዊ ኑሯቸው እንዲመለሱ ፤ ይህንንም እውን ለማድረግ በአንድ ሳምንት ጊዜ ውስጥ ወደቀያቸው እና መኖሪያቸው በመመለስ ማህበረሰቡን እንዲቀላቀሉ ጥሪ ያቀርባል። በዚህ መንገድ ከአጥፊው ቡድን ተለይተው ወደሰላማዊ ኑሯቸው የሚመለሱ የክልሉ ተወላጆች ዜጎች፣ የትኛውም የህግ ተጠያቂነት ሳይኖርባቸው ፣ ከአጥፊ ተግባራት ተቆጥበው ወደ ስራቸው እና ኑሯቸው በሰላም መሰማራት ይችላሉ፤ እነዚህን ዜጎች በመልካም ሁኔታ ለመቀበል እንዲተባበሩ እና የተቻላቸውን ድጋፍ እንዲያደርጉላቸው ለየሚመለከታቸው የፀጥታ፣ የአስዳደር እና ህግ አስከባሪ ተቋማት አስፈላጊው መመሪያ ተሰጥቷቸዋል" - የጠ/ሚ ፅ/ቤት

@tikvahethiopia