"...ገዳዮችን ለመያዝ የዞኑ ፖሊስ መርማሪ ቡድን አዘጋጅቶ ወደ ስራ አሰማርቷል" - አቶ አበራ ቡኖ (የምዕራብ አርሲ ዞን አስተዳዳሪ)

በኦሮሚያ ክልል ምዕራብ አርሲ ዞን ባልታወቁ ታጣቂዎች የተገደሉት የሔባን አርሲ ወረዳ አስተዳዳሪ የቀብር ሥነ-ስርዓት ዛሬ መፈፀሙ ተገለፀ።

የሔባን አርሲ ወረዳ አስተዳዳሪ በሪሶ ቡሊዬ ባለፈዉ ረቡዕ ምሽት ነው በታጣቂዎች በተተኮሰ ጥይት ተመተው የተገደሉት።

የ3 ልጆች አባት የሆኑት በሪሶ ቡሊዬ በሻሸመኔ በስብሰባ ላይ ውለው በአርሲ ነጌሌ ከተማ 01 ቀበሌ ወደሚገኘው መኖሪያ ቤታቸው ለመግባት ከተሸከርካሪ ሲወርዱ ነው በሶስት ጥይት ተመትተው የተገደሉት።

የምዕራብ አርሲ ዞን አስተዳዳሪ አቶ አበራ ቡኖ፥ "ገዳዮችን ለመያዝ የዞኑ ፖሊስ መርማሪ ቡድን አዘጋጅቶ ወደ ስራ አሰማርቷል" ብለዋል።

ለ9 ወራት ብቻ ወረዳውን ያስተዳደሩት የአቶ በሪሶ ቡሊዬ የቀብር ስነስርዓት ቤተሰቦቻቸውና የመንግስት ባለስልጣናት በተገኙበት ተፈፅሞአል።

ባለፈው ቅዳሜ ጠ/ሚ ዐቢይ አህመድ ከቀድሞ ጠ/ሚ ኃ/ማሪያም ደሳለኝ እና ከሌሎች ባለስልጣናት ጋር በወረዳው የተሰራውን የበጋ ስንዴ ምርት ሲጎበኙ አቶ በሪሶን አበረታተውት እንደነበር የወረዳው ኮሚዩኒኬሽን መምሪያ አሳውቋል። (ዶቼ ቨለ)

@tikvahethiopia @tikvahethiopiaBOT

ቀላል የጎንዮሽ ጉዳት የተባሉት የትኞቹ ናቸው ?

ኢትዮጵያ ውስጥ እስከትላንት የኮቪድ - 19 ክትባት ከወሰዱ ከ1,400 በላይ ሰዎች 35 ሰዎች ላይ ቀላል የጐንዬሽ ጉዳት ሪፖርት ተደርጓል።

ይህ ማለት ልክ እንደሌሌች ክትባቶች ሁሉ የእራስ ምታት፣ ድካም እና የክትባት መስጫ አካል ላይ መቅላት ሲሆኑ እነዚህ ደግሞ በጥናቱም ወቅት የታዩ እና የሚጠበቅ ቀላል የጐንዮሽ ጉዳት ነው።

እስካሁን በክትባቱ ምክንያት የ "ከፋ ጐንዬሽ ጉዳት" ሪፖርት አልተደረገም ፤ በሌሎች ሀገራት አጋጥሟል የተባለው የደም መርጋት ችግርም አላጋጠመም።

ከኢትዮጵያ ምግብና መድኃኒት ቁጥጥር ባለስልጣን የተላከልን መልዕክት።

@tikvahethiopia @tikvahethiopiaBOt

#እጅግ_በጣም_አሳሳቢ

የዛሬ የኮቪድ19 ሪፖርት ምን ይመስላል ?

- 624 ከፍተኛ ክትትል እና ፅኑ ሕክምና የሚፈልጉ ወገኖች
- 24% ሀገራቀፍ በበሽታ የመያዝ ምጣኔ
- 16 ሕይወታቸው ያጡ ዜጎች

በዛሬው ቀን ከተመረመሩት ዉስጥ 6 ክልሎች ከፍተኛ (ከ20% በላይ) የበሽታ ስርጭት ታይቶባቸዋል ፦
1. ሲዳማ-48%
3. ድሬዳዋ-22%
3. አዲስ አበባ-25%
4. ኦሮሚያ- 25%
5. ደቡብ- 21%
6. አማራ- 24%

በፀና የሚታመሙ ሰዎች ቁጥር እጅግ ከመጨመሩ ጋር ተያይዞ በአዲስ አበባ እና በተወሰኑ የክልል ከተሞች ከፍተኛ የሆነ #የኦክስጅን እጥረት አጋጥሟል።

በፍጥነት የመከላከያ መንገዶች ትግበራ ወደ አስገዳጅነት እንዲገባ ካላደረግን እና ሁላችንም በሚገባ ካልተጠነቀቅን የከፋ ጊዜ ሊመጣ እንደሚችል ከእነዚህ ቁጥሮች በላይ ምስክር የለም::

ሁላችንም የበሽታውን ስርጭት በመግታት የራሳችን እና የምንወዳቸው ቤተሰቦቻችን ሕይወት እናድን።

ያዕቆብ ሰማን
ጤና ሚኒስቴር
የሕክምና አገልግሎት ዳይሬክተር

@tikvahethiopia

#AstraZeneca አጫጭር መረጃዎች ፦

- WHO የክትባት ደህንነት አማካሪ ኮሚቴ የአስታራዜኔካ ክትባት ተጠቂነትን ለመከላከል፣ በዓለም አቀፍ ደረጃ ሞትን ይቀንሳል ብለዋል። አማካሪ ኮሚቴው እንዳለው ተገኘው መረጃ የደም መርጋት መጨመርን አያሳይም ብሏል፡፡

- የአውሮፓ የመድሃት ኤጀንስ ክትባቱ እንደተባለው የጎላ የደም ማርጋት ችግር እንደሌለበት እና ክትባቱ ወረርሽኙን በመከላከል ረገድ ውጤታማነት እንደሆነ አሳውቋል።

- ጣልያን፣ ፈረንሳይ፣ ኔዘርላንድስ፣ ፖርቹጋል፣ ስፔን እና ጀርመን ያቋረጡትን የአስትራዜኔካ ክትባት መስጠት እንደሚቀጥሉ አሳውቀዋል።

- የብሪታኒያው ጠቅላይ ሚኒስትር ቦሪስ ጆንሰን ትላንት አርብ የአስትራዜኔካ የመጀመሪያውን ዙር ክትባት ተከትበዋል።

- የ55 ዓመቱ የፈረንሳይ ጠ/ሚ ዣን ካስቴክስ የአስትራዜኔካ የኮቪድ-19 ክትባት ትላንት ተከትበዋል፤ ፈረንሳይ 55 እና ከዛ በላይ እድሜ ላላቸው ዜጎቿ ክትባቱን መስጠት እንደምትቀጥልም ተገልጿል።

- Africa CDC የአፍሪካ ህብረት አባል ሀገራት የአስትራዜኔካ የኮቪድ-19 ክትባትን መስጠት እንዲቀጥሉ ብሏል።

Source : France 24, Sky News , Al Ain, Africa CDC, WHO

#Purpose
@tikvahethiopia @tikvahethiopiaBot

“ነእፓ ለጣምራ መንግስት ምስረታ ከየትኛውም ፓርቲ ጋር እየሰራ አይደለም”- ነእፓ

ነጻነትና እኩልነት ፓርቲ ከየትኛውም የፖለቲካ ድርጅት ጋር የጣምራ መንግስት ለመመስረት ምንም አይነት ውይይት ወይም ምንም ስምምነት አለማድረጉን አስታውቋል።

በትላንትናው እለት በኢትዮጵያ ፕሬስ ድርጅት ነእፓ ከእናት ፓርቲ ጋር የጣምራ መንግስት ለመመስረት እየሰራ እንደሆነ የሚገልፅ ዘገባ መውጣቱን ተከትሎ ነው ፓርቲው ይህንን ያስታወቀው።

“የኢትዮጵያ ፕሬስ ድርጅት ነእፓ የጣምራ መንግስት ለመመስረት ከእናት ፓርቲ ጋር እየሰራ እንደሆነ ያሰራጨውን የተሳሳተ ዜና እንዲያስተካክል እንጠይቃለን” ሲል ጠይቋል።

ነፃነትና እኩልነት ፓርቲ (ነእፓ) ሚዲያ ተቋማት ምርጫ ሆነ ሌሎች ጉዳዮችን ከመዘገባቸው በፊት የመረጃውን ትክክለኝነት በማረጋገጥ ሙያዊ ግዴታቸውን እንዲወጡ እና የተሳሳተ መረጃ ከማሰራጨት እንዲቆጠቡ አሳስቧል።

የምርጫው ውጤት በኢትዮጵያ ውስጥ የጣምራ መንግስት የሚቋቋምበትን ሁኔታ ከፈጠረ የሚመሰረተው የጣምራ መንግስት ፓርቲዎች በሚያገኙት የህዝብ ድምጽ መሰረት በፓርቲዎች መካከል በሚደረግ ድርድር የሚፈጸም እንደሚሆን ፓርቲው ገልጿል፡፡

@tikvahethiopia

የእናት ፓርቲ እጩ ተወዳዳሪ ታሰሩ።

በደቡብ ብሔር፣ ብሔረሰቦች እና ሕዝቦች ብሔራዊ ክልላዊ መንግስት፣ጋሞ ዞን፣ከምባ ወረዳ፣ ከምባ ምርጫ ክልል የእናት ፓርቲ የሕዝብ ተወካዮች ም/ቤት ዕጬ ተወዳዳሪ የሆኑት መምህር በድሉ አለባቸው "ግርግር አስነስተዋል" በሚል ምክንያት ሐሙስ መጋቢት 9 ቀን 2013 ዓ.ም ከምሽቱ 3 ሰዓት መታሰራቸውን ፓርቲው ዛሬ ባወጣው መግለጫ አሳውቋል።

ፓርቲው ፥ "ጉዳዩ በቀላሉ ይፈታል የሚል ግምት የነበረን ቢሆንም እስከአሁን ቃላቸውን ተቀብለን እንላቀቸዋለን በሚል ሽንገላ የከምባ ከተማ ፖሊስ እስካሁን ድረስ አስሮ ይዟቸዋል" ብሏል በመግለጫው።

"በዚህ ጊዜ የሚደረግ እንዲህ ያለ መሠረተ ቢስ ክስ የእጩዎቻችንን መልካም ስምና ዝና ሆን ተብሎ ለማጉድፍ፣ እና ለሌሎች እጩዎችም የማስፈራሪያ መልዕክት ለማስተላለፍ ያሰበ እንጂ ሕግ የማስከበር ተግባር እንዳልሆነ እንረዳለን" ሲል ገልጿል።

እናት ፓርቲ ፥ ከሚመለከታቸው አካላት ጋር በመሆን ጉዳዩን በቅርበት እየተከታተለ እንደሆነ ገልጾ እስሩ ፖለቲካዊ እንድምታ ያለው እሥር በመሆኑ በአስቸኳይ እንዲፈቱ ሲል አሳስቧል።

@tikvahethiopia

በዋግ ኽምራ ብሄረሰብ አስተዳደር በዝቋላ ወረዳ የታጠቁ ሰዎች በቁጥጥር ስር መዋላቸው ተገለፀ።

በዋግ ኽምራ ብሔረሰብ አስተዳደር በዝቋላ ወረዳ በፅፅቃ ከተማ አከባቢ 8 አውቶማቲክ የጦር መሳሪያ የያዙ ግለሰቦች በቁጥጥር ስር ማዋሉን የዝቋላ ወረዳ ፖሊስ ጽህፈት ቤት አሳውቋል።

"አስር (10) ማንነታቸው አልታወቀም" የተባሉና ትጥቅ ይዘው ሲንቀሳቀሱ የነበሩ ሰዎችን ነው ፖሊስ በቁጥጥር ስር ማዋሉን የወረዳው ፖሊስ ፅ/ቤት የገለፀው

ግለሠቦቹ በቁጥጥር ስር የዋሉት በህብረተሰቡ ጥቆማ መሆኑን ተገልጿል።

@tikvahethiopia

#UPDATE

የኢትዮጵያ ብሔራዊ ምርጫ ቦርድ 6ኛዉን አጠቃላይ ምርጫ ለመታዘብ ለሲቪል ማህበራት እውቅና የመስጠት ስራውን እንዳጠናቀቀ ዛሬ አሳውቋል።

በምርጫው 134,109 የአገር ውስጥ ታዛቢዎች ይሰማራሉ ተብሎ ይጠበቃል።

- በሴቶች ጉዳይ ላይ በሚሰሩ 8 የሲቪል ማህበረሰብ ድርጅቶች የቀረቡ 61,851 ሴት ታዛቢዎች (46%) ሲሆኑ፣

- በኢትዮጵያ የአካል ጉዳተኞች ማህበራት ፌደሬሽን ስር የታቀፉ 7 ማህበራትን ያካተተ 244 ታዛቢዎች እና

- በሀገር ዉስጥ ተፈናቃዮች የምርጫ ሂደትን ለመታዘብ በተመረጠ 1 የሲቪል ማህበረሰብ ድርጅት የቀረቡ 100 ታዛቢዎች እና በስሩ 37 ያህል ሲቪል ማህበራትን ያቀፈ የሲቪል ማህበረሰብ ኔትወርክ ይገኙበታል።

@tikvahethiopia

አጣዬና አካባቢው ፦

አቶ አበራ መኮንን(የሰሜን ሽዋ ዞን የሰላምና ሕዝብ ደኅንነት መምሪያ ኃላፊ) ለአብመድ በሰጡት መረጃ መጋቢት 9 ቀን 2013 ዓ.ም ጀምሮ በአማራ ክልል ሰሜን ሽዋ ዞን በኤፍራታና ግድም ወረዳ አጣየና አካባቢው እንዲሁም ኦሮሞ ብሔረሰብ አስተዳደር ዞን ጅሌ ጥሙጋ አካባቢዎች ተኩስ መከፈቱን ተናግረዋል፡፡

አቶ አበራ ፥ አጣየ አካባቢ 1 ሰው በጥይት ተመቶ ህይወቱ አልፏል በሚል ግጭት መከሰቱን ተናግረዋል።

እንዴት እና በማን በተተኮሰ ጥይት የሰው ህይወት እንዳለፈ ዝርዝር መረጃ አልሰጡም/በዘገባው ላይ አልተካተተም።

ነገር ግን የሰው ህይወት ካለፈ በኃላ ጉዳዩን አመራሩ በማወያየት በሽምግልና የተፈታ ቢሆንም ድንገት ማታ ላይ ተኩስ መከፈቱን አሳውቀዋል።

ተኩሱ ከተጀመረ በኋላ የጸጥታ መዋቅሩን በማንቀሳቀስ የማረጋጋት ሥራ ሲሠራ ከቆየ በኋላ የፌደራል ፖሊስ እንዲገባ መደረጉን ተናገረዋል።

ችግሩ ከአቅም በላይ በመሆኑ እና ሊቆጣጠር የሚችል በቂ የጸጥታ ኀይል ባለመሠማራቱ ወደ ሌሎች አካባቢ ሰፍቶ ተኩሱ እስካሁን መቀጠሉን ተናግረዋል፡፡

ተኩሱ በከባድ መሳሪያ ጭምር የታገዘ እንደነበርም ነው የገለጹት፡፡ አሁን ላይ ተኩሱ በመጠኑም ቢሆን ጋብ በማለቱ የማረጋጋትና ሌሎች ሥራዎች እየተከናወነ እንደሆነ ነው ኃላፊው ያብራሩት፡፡

ጉዳዩን በቁጥጥር ስር ለማዋል የሚያስችል ጸጥታ ኃይል እንዲገባ እየተጠየቀ መሆኑን ያነሱት ኃላፊው አንዳንድ ቦታዎች ለእንቅስቃሴ የተዘጉ እና የተያዙ በመሆኑ ባለው ኃይልም ቢሆን ችግሩን በቁጥጥር ስር ለማዋል እንቅስቃሴ እየተደረገ መሆኑን ነው የተናገሩት።

ኃላፊው በሰው እና በንብረት ላይ የደረሰውን ጉዳት ወደፊት ተጣርቶ ለሕዝብ እንደሚገለጽ ለአብመድ ተናግረዋል፡፡

@tikvahethiopia @tikvahethiopiaBOT

#Alert_Sidama😷

በሲዳማ ክልል በኮቪድ-19 ምክንያት ሁሉም "አጋዥ አርትፍሻል መተንፈሻ ማሽን" ተይዞ አልቋል። ዛሬ ጽኑ ህክምና የገቡ ሰዎች ቁጥር 10 ደርሷል።

በቀጣይ ቀናት ይህ ውጤት ካልተቀየረ ቀሪ ጽኑ ህክምና የሚያስፈልጋቸው ታማሚዎች ማሽኑን በወረፋ እንዲጠቀሙ የግድ ይሆናል።

በሌላ በኩል በከባድ ህመም ውስጥ ሆኖነው ኦክስጂን እርዳታ ላይ ያሉ ሰዎች 55 ደርሰዋል።

ከቀን ወደ ቀን ወደ ጽኑ ህክምና የሚገቡ እንዲሁም የICU ክብካቤ የምፈልግ የኮቪድ-19 ተጠቂ ቁጥር እየጨመረ ነው።

ሰው ከታመመ በኋላ በህክምና ተረድቶ የመትረፍ እድሉም እየጠበበ እየሄደ ነው።

ኦክስጅንና አርትፍሻል መተንፈሻ ማሽን ካለቀ ደግሞ በከባድ ኮቪድ ህመም ያሉትን ማከምም ሆነ ማትረፍ አዳጋች ነው።

ሁሉም የኮቪድ-19 ወረርሽኝ መከላከያ መንገዶችን እንዲተገብር አሁም ጥሪ እየቀረበ ነው።

የሲዳማ ክልል ጤና ቢሮ
መጋቢት 11 ቀን 2013 ዓ/ም

@tikvahethiopia @tikvahethiopiaBOT

#AlertEthiopia😷

ባለፉት 24 ሰዓት 29 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 8,227 የላብራቶሪ ምርመራ 1,778 ሰዎች በቫይረሱ መያዛቸው ተረጋግጧል።

ትላንት 586 ሰዎች ከበሽታው አገግመዋል።

በአጠቃላይ 185,641 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 2,647 ሰዎች ህይወታቸው አልፏል፤ 146,273 ሰዎች አገግመዋል።

በአሁን ሰዓት 576 ሰዎች በፅኑ የታመሙ ሲሆን በሀገራችን የፅኑ ታማሚዎች ቁጥር ከባለፉት ቀናት መቀነስ አሳይቷል።

#Purpose #Tikvah
@tikvahethiopia @tikvahethiopiaBOT