የዛሬ መጋቢት 5 ሁኔታ ፦

24% national positivity rate.The higest so far!

በሀገር አቀፍ ደረጃ ከአራት ሰው አንድ ሰው በኮቪድ ተይዞዋል ወይም ኮቪድ ሊኖርበት ይችላል እንደማለት ነው።

ከ20% በላይ የበሽታው ስርጭት የሚታይባቸው ክልሎች/ከተማ አስተዳደሮች ፦
1. ሲዳማ-39%
2. ኦሮሚያ-38%
3. ድሬዳዋ-25%
4. ሐረር-25%
5. አዲስ አበባ-24%

እነዚህ ቁጥሮች ምን ማለት እንደሆኑ አለመገንዘብ በእራስ እና በሀገር ላይ ሞት እንደማወጅ ይቆጠራል።

ያዕቆብ ሰማን
የሕክምና አገልግሎት ዳይሬክተር
ጤና ሚኒስቴር

#SPHMMC
@tikvahethiopiaBOT @tikvahethiopia

ሃሳብን ለመግለፅ መሳድብን ምን አመጣው ?

ባለፉት 2 ቀናት የቲክቫህ አስተያየት መስጫ እንዲከፈት ተደርጎ ብዙ ታዝበናል ፤ ይህ የሀገራችንን የማህበራዊ ሚዲያው ሁኔታ ፍንትው አድርጎ የሚያሳይ ሆኖ አግኝተነዋል።

ስድብ፣ ጥላቻ፣ሰዎችን ለማሸማቀቅ አንገት ለማስደፋት መሞከር፣ያለማስረጃ፣ ያለምንጭ መናገር ተላምደነው አብረን መኖር ከጀመርን ሰነባብተናል።

ብዙ ሺዎች ሃሳባቸውን በአግባቡ የሚገልፁ ቢኖሩም የጥቂቶች ስድብ፣ጥላቻ ብዙዎችን ይመርዛል።

በማህበራዊ ሚዲያ ላይ ሆነ በማንኛውም ቦታ ሃሳብን ለመግለፅ መሳደብ /ሰዎች ማሸማቀቀ፣ አንገት ማስደፋት አይጠበቅብንም። በጨዋ ቋንቋ ማስረዳት ከቻልን እሰየው ፣ የማንግባባት ከሆነ ደግሞ ሌላ ጊዜ ከስሜታዊነት ነፃ ስንሆን መነጋገሩ መልካም ነውም

ከኛ ተቃራኒ ሃሳብ ሲገጥመን ፥ ለምን በትህትና ማስረዳት አቃተን ? ወንድሜ ፣ እህቴ ይህ እንዲህ ነው፤ ሃሳብን /ሃሳብሽን አልደግፈውም በዚህ ምክንያት ... ፤ እስቲ እንዲገባኝ አስረዳኝ/አስረጂኝ ... እያልንም ማውራቱ እንዴት ከበደን ?

ጥላቻ፣ ተቃራኒ ሃሳብ ለማስተናገድ አለመፈለግ፣ በቡድን ማሰብ/መፍረድ ፣ ጅምላ ፍረጃ፣ ሰዎችን ማሸማቀቅ ፣ ተጎዳን የሚለው ላይ መሳለቅ ውሎ አድሮ ሀገርን አደጋ ላይ መጣሉ አይቀርም።

የቲክቫህ ኢትዮጵያ አባላት የጥላቻ ንግግርን በመቃወም ከክልል ክልል የዞርነው ውጤቱን ስላወቅን ነው።

ቲክቫህ መደበኛ ሚዲያ አይደለም ፤ እርስ በእርስ መረጃ ለመቀያየር ፣ ስለሀገር ጉዳይ የምንመክርበት፣ ለተቸገሩት የምንደርስበት ፕላት ፎርም ነው።

ጋዜጠኛው፣ሃኪሙ፣ነጋዴው፣ባለሃብቱ፣ ተቃዋሚው፣ ባለስልጣኑ ፣ ተማሪው፣ አስተማሪው የቲክቫህ አባል ነው።

ቲክቫህ ውስጥ ስድብ ፈፅሞ አይፈቀድም ፤ ተሳዳቢዎችን የመምከር ከፍ ሲል ከአባልነት የመቀነስ ስራ እንሰራለን።

@tikvahethiopia

ከአንድ አመት በላይ ያለምንም ስራ የተቀመጡት ሃኪሞች ፦

በአማራ ክልል 450 በላይ (ቁጥሩ ከዚህም ከፍ ሊል ይችላል) የህክምና ትምህርታቸውን ተከታትለው ያለስራ የተቀመጡ ሃኪሞች/ዶክተሮች/ ለከፍተኛ የስነ ልቦና ጫና እየተዳረጉ ይገኛሉ።

ወደስራ መሰማራት ሳይችሉ ከቀሩ ሃኪሞች መካከል የቲክቫህ አባላት የሆኑም ይገኙበታል።

ሃኪሞቹ ከአንድ አመት በላይ ለሚሆን ጊዜ ያለስራ የተቀመጡ ሲሆን ለሚመለከታቸውን የመንግስት አካላት አቤት ቢሉም የተሰጣቸው መልስ "በጀት የለንም" የሚል እንደሆነ ተናግረዋል።

በሌሎች ክልሎች እንዳይሰሩም የቋንቋ ጉዳይ ፈተና እንደሆነባቸው ገልፀዋል።

የሃኪሞቹ ጥያቄ ዛሬም ድረስ ባይቋረጥም መፍትሄ አልተገኘም ፤ በዚህም ለከፍተኛ የስነልቦና ጫና ተዳርገዋል።

ከነሱ አልፎም ቤተሰቦቻቸውን ለስነ ልቦና ጫና ዳርጓል።

በሀገራችን የህክምና ትምህርት የሚከታተሉ ተማሪዎች ከፍተኛ ውጤት ያስመዘገቡ፣ ከታች ከአንደኛ ደረጃ ጀምሮ ለቀለም ትምህርት ብቻ ቦታ እየሰጡ የመጡ፤ ዩኒቨርሲቲ ከተገባ በኃላም ከባድ 7 ዓመታትን አልፈው ነው የሚመረቁት።

ሃኪሞቹ ለበርካታት አመታት ያህል በስንት ጥረት እና ትግል እዚህ ደርሰው ከፍተኛ የሃኪም እጠረት ባለበት ሀገር ስራ ላይ መሰማራት አለመቻላቸው እንደሚያሳዝናቸው ገልፀዋል።

የቲክቫህ አባላት እንዳሉት ከነሱ ብዙ ነገር ቤተሰቦቻቸው ቢጠብቁም እንኳን ለቤተሰቦቻቸው ሊሆኑ እራሳቸውን ችለው ከቤት መውጣት አልቻሉም።

@tikvahethiopia @tikvahethiopiaBot

ዶ/ር ገነነ ተፈራ ከዚህ ዓለም በሞት ተለዩ።

የኢትዮጵያ ባዮዳይቨርሲቲ ኢንስቲትዩት ከፍተኛ ተመራማሪ የሆኑት ዶክተር ገነነ ተፈራ ከዚህ ዓለም በሞት መለየታቸው ተሰምቷል።

ኢንስቲትዩቱ በዶ/ር ገነነ ህልፈት የተሰማውን ሃዘን ገልጿል።

የዶ/ር ገነነ የቀብር ስነ ስርዓት ዛሬ ኮተቤ ቅድስት ኪደነምህረት ቤተክርስቲያን በ8:00 እንደሚፈፀም ተገልጿል።

@tikvahethiopia @tikvahethiopiaBOT

ትራምፕ ደጋፊዎቻቸው የኮቪድ-19 ክትባት እንዲወስዱ እንዲያበረታቱ ተጠየቁ !

ዶ/ር አንቶኒ ፋውቺ የቀድሞው ፕሬዝዳንት ዶናልድ ትራምፕ ደጋፊዎችቸውን የኮቪድ-19 ክትባት እንዲወስዱ እንዲያበረታቱ ጠየቁ።

ዶ/ር ፋውቺ ከፎክስ ኒውስ ጋር በነበራቸው ቆይታ ትራምፕ "በሪፐብሊካን ፓርቲ ደጋፊዎች ዘንድ በጣም ታዋቂ ነው" በማለት የፕሬዝዳንቱ ቃል የበርካቶችን ሃሳብ እንደሚለውጥ ተናግረዋል።

ትራምፕ ወጥተው ለደጋፊዎቻቸው ክትባቱን እንዲወስዱ ቢነግሩ በርካቶች ሊከተቡ እንደሚችሉ ያላቸውን እምነት ገልፀዋል።

"በጣም ታዋቂ ሰው ነው። እርሱ ወጥቶ ከተናገረ የማይከተቡበት ምክንያት አይታየኝም" ብለዋል።

ዶክተር ፋውቺ አክለው የትራምፕ አስተዳደር "አሁን ያለንን ክትባት እንዲኖረን በማድረግ ረገድ ውጤታማ ሥራ ሰርቷል" ብለዋል።

አክለውም ፕሬዝዳንቱ በስልጣን ዘመናቸው በሰሩት ሥራ ክትባቱ ተገኝቶ አሁን ዜጎች አልከተብም ማለታቸው የሚቃረን መሆኑን ገልፀዋል።

"በሪፐብሊካን ፓርቲ ውስጥ ተጽዕኖ ፈጣሪ ነው። ወጥቶ ቢናገር ነገሮችን መቀየር ይችላል" ብለዋል ዶ/ር ፋውቺ።

በቅርቡ በአሜሪካ የተሰራ አንድ ጥናት እንዳመለከተው የሪፐብሊካን ፓርቲ ደጋፊ ከሆኑ ወንዶች መካከል 49 በመቶዎቹ የኮሮናቫይረስ ክትባትን መውሰድ አይፈልጉም።

ትራምፕ ባለፈው ወር በሪፐብሊካኖች ጉባኤ ላይ ተገኝተው "ሁላችሁም ሂዱና ተከተቡ" ብለው ነበር።

ከዚያ በኋላ ምንም ዓይነት አስተያየት ሲሰጡ አልተደመጡም።

ትራምፕ ባለፈው ጥር ወር በግላቸው የኮሮናቫይረስ ክትባትን ወስደዋል።

አራት የአሜሪካ የቀድሞ ፕሬዝዳንቶች ባራክ ኦባማ ፣ ጆርጅ ደብሊው ቡሽ ፣ ቢል ኪሊንተን፣ እና ጂሚ ካርተር ክትባቱን ለማስተዋወቅ በተዘጋጀ ቪዲዮ ላይ ታይተዋል።

ምንጭ፦ ቢቢሲ
@tikvahethiopiaBot @tikvahethiopia

የ12 ሰዎች ህይወት የቀጠፈው አደጋ ፦

በቀን 4/07/2013 ዓ/ም በደቡብ ጎንደር ዞን እስቴ ወረዳ ቆማ ከተባለ አካባቢ ወደ እስቴ መካነ እየሱስ ከተማ ኮድ 3 አዲስ አበባ ታርጋ ቁጥር 57645 አይሱዙ መኪና ከሌሊቱ 9 ፡00 ሰአት ገደማ 51 ኩንታል ጤፍ እና #25_ሰዎችን ጭኖ ሲጎዝ የነበረ ሲሆን ልዩ ስሙ አጋጥየሾ ቀበሌ አተር አውድማ ከሚባል ጎጥ ላይ ተገልብጦ በህይወትና በንብረት ላይ ጉዳት ደርሷል።

በአደጋው የ12 ሰዎች ህይወት አልፏል።

ከአቅም በላይ መጫን፣የትራፊክ ህግ አለማክበር፣በአቆራጭ ለመክበርና ትርፍ ለማግኘት መሞከር ብዙ ዋጋ እያስከፍለን ነው የሚመለከተው አካል ትኩረት ሰጥቶ ሊሰራ ይገባል ተብሏል።

መረጃው የደቡብ ጎንደር ዞን ኮሙዩኒኬሽን ነው።

@tikvahethiopia

የሟቾች ቁጥር 30 ደረሰ።

ዛሬ መጋቢት 6/2013 ዓ.ም ምስራቅ ጎጃም ዞን በሁለት እጁ እነሴ ወረዳ በቤዛ ብዙሃን ቀበሌ ልዩ ስሙ ቡሃች በደረሰው የትራፊክ አደጋ የሟቾች ቁጥር 30 መድረሱን የሸጋው ሞጣ አጠቃላይ ሆስፒታል አስታወቀ፡፡

እንደ ሸጋው ሞጣ አጠቃላይ ሆስፒታል መረጃ በሆስፒታሉ ውስጥ 30 ሰዎች ሞት፣ 6 ለከፍተኛ ህክምና ወደ ባህር ዳር ሪፈር የተባሉ እና 11 ቀላል ቁስለኞች እንደሆኑ አመላክቷል፡፡

መረጃው የሞጣ ኮሚኒኬሽን ነው።

@tikvahethiopiaBot @tikvahethiopia

አቶ ልደቱ አያሌውን ፍርድ ቤት በነፃ አሰናበታቸው።

"የሽግግር መንግሥት ይመስረት የሚል ሰነድ በቤታቸው ተገኝቷል" በሚል በመንግሰት ግልበጣ ተከሰው ለሰባት ወራት ፍርድ ቤት ሲመላለሱ የነበሩት አቶ ልደቱ አያሌው ዛሬ በቢሾፍቱ በዋለ ችሎት በነፃ ተሰናብተዋል።

ምንጭ፦ አውሎ ሚዲያ
@tikvahethiopiaBOT @tikvahethiopia