#MoSHE

የሳይንስና ከፍተኛ ትምህርት ሚኒስትር ዴኤታ ዶክተር ሳሙኤል ክፍሌ በ2013 ትምህርት ዘመን የከፍተኛ ትምህርትና ስልጠና በሠላማዊ መንገድ ለማስቀጠል እንደሚሠራ ገልፀዋል።

ሚኒስትር ዴኤታው ትላንት ባቀረቡት በዩኒቨርሲቲዎች የነበሩ የሠላም ተግዳሮቶች ዳሰሳ ሪፖርት በ2013 በተቋማቱ ሠላም ለማስፈን በልዩ ሁኔታ ዝግጅት መደረጉን ገልጸዋል፡፡

ከባለድርሻ አካላት ጋር በመቀናጀት ባለፉት የትምህርት ዘመናት በተለይም ደግሞ በ2012 ዓ/ም የትምህርት ዘመን ሲገጥሙ የነበሩትን ውጫዊና ውስጣዊ የሠላም ፈተናዎችን ለመቅረፍ ዝግጅት መደረጉን ዶ/ር ሳሙኤል ተናግረዋል፡፡

ጽንፍ የረገጡ የፖለቲካ አቋሞች ፣ ሚዛናዊ ያልሆኑ ውስን ሚዲያዎች ፣ አክትቪስቶች ፣ አሁን ባለዉ የሀገራችን የፖለቲካ ሁኔታ ምክንያት 6ኛው ሀገራዊ ምርጫ፣ የተቋማቱ አቅም ውስንነትና መሰል ጉዳዮች ሠላማዊ መማር ማስተማርን እንዳያዉኩ ብዙ ስራዎች እየተሠሩ እንደሆነ በገለጻው ቀርቧል፡፡

በዩኒቨርስቲዎች ውስጥ በቀጣይነት የህግ የበላይነት ለማረጋገጥ በየደረጃው ካሉት ባለድርሻ አካት ጋር እንደሚሠራና ለተቋማቱም የተደራጀ ችግር ፈቺ ክትትልና ድጋፍ እንደሚደረግ ተጠቅሷል፡፡ (MoSHE)

@tikvahethiopiaBot @tikvahethiopia

"ተማሪዎች ለደህንነታችሁ"

ወደ ዩኒቨርሲቲ እየሄዳችሁ ያላችሁ ተማሪዎች ካላችሁ ወደ ወላጆቻችሁ አካባቢ ወይም ወደ ተቋማችሁ (ከሁለት አንዱ) ወደ ቀረበው ቦታ ደርሳችሁ እንድትቆዩ መልዕክት ተላልፏል።

ለሁሉም ተቋማት በቂ የሆነ ጥበቃ እንዲደረግላቸው #MoSHE ከሚመለከታቸው ጋር እየሰራ መሆኑን ገልጿል።

እስካሁን ከወላጆቻችሁ አካባቢ ያልተነሳችሁ እና ጉዞ ያልጀመራችሁ ባላችሁበት ቆዩ።

የዩኒቨርሲቲ ተማሪዎች ማንኛውም መረጃ ከMoSHE ወይም ከዩኒቨርሲቲያችሁ ፕሬዜዳንት ብቻ ተከታትሉ።

@tikvahethiopiaBOT @tikvahethiopia

#MoSHE

በፀጥታ ችግር ምክንያት ትምህርታቸውን ያቋረጡ ተማሪዎች ከአቻ (ባቻቸው) ጋር ጥሪ እንዲደረግላቸው ተባለ።

የሳይንስና ከፍተኛ ትምህርት ሚኒስቴር በ2012 ዓ.ም በፀጥታ ችግር ምክንያት ትምህርታቸውን ያቋረጡ ተማሪዎች ከአቻ (ባቾቻቸው) ጋር ጥሪ ይደረግላቸው ዘንድ ሁሉንም ዩኒቨርሲቲዎች አሳስቧል። ~ EHEISU

@tikvahethiopia @tikvahethiopiaBOT

#MoSHE

በትግራይ ክልል ውስጥ የሚገኙ ዪኒቨርስቲዎችን ትምህርት ለማስቀጠል የሚያስችሉ ስራዎች እየተሰሩ ነው ሲል የሳይንስ እና ከፍተኛ ትምህርት ሚኒስቴር ገለፀ።

ሚኒስትር ዳኤታ ዶክተር ሳሙኤል ክፍሌ ፥ በትግራይ ክልል የህግ ማስከበር ስራን ተከትሎ መቐለ እና ራያ ዩኒቨርስቲዎች ተመራቂ ተማሪዎችን ያስመረቁ መሆኑን አስታውሰዋል።

የዓዲግራት ዩኒቨርስቲ ተመራቂ ተማሪዎች በመቐለ ዩኒቨርሲቲ ከጥር 7 ቀን 2013 ዓ.ም ጀምሮ ትምህርት እንዲጀምሩ ከስምምነት መደረሱንም ተናግረዋል።

በቀጣይነት የመቐለና ዓዲግራት ዩኒቨርስቲ ነባር ተማሪዎችን ተቀብሎ ለማስተማር በሚቻልበት ሁኔታ እና ለተቋማቱ መደረግ ባለባቸው ድጋፎች ላይ ውይይትና የስራ ክፍፍል ተደርጓል ተብሏል።

የሳይንስና ከፍተኛ ትምህርት ሚኒስቴር ከፍተኛ አመራሮች በመቐለ ዩኒቨርስቲ በ 'ህግ ማስከበር' የደረሰውን ጉዳት ምልከታ አድርገዋል፤ ከዩኒቨርሰቲዉ አመራሮችና ተማሪዎች ጋር ተወያይተዋል ሲል ሚኒስቴሩ በይፋዊ ፌስቡክ ገፁ አሳውቋል።

ሚኒስቴሩ በዛሬው መረጃ ስለ አክሱም ዩኒቨርሲቲ ተመራቂ ተማሪዎች ጉዳይ ምንም ያለው ነገር የለም።

እስከዛሬ ስለአክሱም ዩኒቨርሲቲ ጉዳይ በሚኒስቴሩ ይፋዊ የሆነ ዝርዝር መረጃ አልቀረበም።

የአክሱም ተመራቂ ተማሪዎች በሚመለከት ከጥቂት ቀናት በፊት ቲክቫህ ከሀገር አቀፍ ተማሪዎች ህብረት ባገኘው መረጃ መሰረት MoSHE ባስቀመጠው አቅጣጫ ተማሪዎችን ለመጥራት በመቐለ ዩኒቨርሲቲ ዝግጅት እየተደረገ ነው ተብሎ ነበር።

እስካሁን ለ2012 የአክሱም ዩኒቨርሲቲ ተመራቂ ተማሪዎች ጥሪ አልቀረበም ፤ ይህም ተማሪዎቹን ከፍተኛ የስነ ልቦና ጫና ውስጥ ከቷቸዋል።

@tikvahethiopiaBot @tikvahethiopia

#MoSHE

በ2013 ዓ/ም 147,640 (88,153 ወንድ ፤ 59,487 ሴት) ተማሪዎች ምደባ ያገኛሉ። እነዚህ ተማሪዎች በ46ቱ የመንግስት ዩኒቨርሲቲዎች ቅበላ ይደረግላቸዋል።

በተጨማሪም በሁሉም ዩኒቨርሲቲዎች ከተፈጥሮ ሳይንስ የትምህርት መስክ ወደ ማህበራዊ ሳይንስ የትምህርት መስክ መቀየር እንደሚቻል MoSHE አሳውቋል።

@tikvahethiopia @tikvahethiopia

#ማስተካከያ

ትላንት ይፋ በተደረገው የከፍተኛ ትምህርት ተቋም የመቁረጫ ነጥብ ላይ የተደረገ ማስተካከያ (መስማት ለተሳናቸው እና ለአይነስውራን) እንደሚከተለው ቀርቧል።

ተፈጥሮ ሳይንስ ፦

- መስማት ለተሳናቸው ወንድ ተማሪዎች 275 እና ከዚያ በላይ ያስመዘገቡ

- መስማት ለተሳናቸው ሴት ተማሪዎች 270 እና ከዚያ በላይ ያስመዘገቡ

ማህበራዊ ሳይንስ ፦

- መስማት ለተሳናቸው ወንድ ተማሪዎች 270 እና ከዚያ በላይ ያስመዘገቡ

- መስማት ለተሳናቸው ሴት ተማሪዎች 265 እና ከዚያ በላይ ያስመዘገቡ

- ለአይነስውራን ወንድ ተማሪዎች 240 እና ከዚያ በላይ ያስመዘገቡ

- ለአይነስውራን ሴት ተማሪዎች 235 እና ከዚያ በላይ ያስመዘገቡ

መረጀውን ያገኘነው ከ #MoSHE ነው።

@tikvahethiopiaBOT @tikvahethiopia

#MoSHE

የዩኒቨርሲቲ መግቢያ ውጤት አምጥተው የተመደቡ አዲስ ገቢ ተማሪዎች እስከ ግንቦት 30 ቀን 2013 ዓ.ም ድረስ ወደተመደቡባቸው ዩኒቨርሲቲዎች እንዲገቡ እንደሚደረግ የሳይንስና ከፍተኛ ትምህርት ሚኒስቴር ዛሬ አስታውቋል።

የዘንድሮውን የመመዘኛ ፈተና ካለፉት ከ147 ሺ በላይ ተማሪዎች መካከል ከፍተኛ ውጤት ያስመዘገቡ 206 ተማሪዎች በሚፈልጉት የትምህርት መስክ እና የትምህርት ተቋም እንዲመደቡ መደረጉን ተገልጿል።

ከምደባ ጋር ተያይዞ ቅሬታ ካቀረቡ 23 ሺህ በላይ ተማሪዎች መካከልም ከ1 ሺህ 800 በላይ የሚሆኑት ጥያቄያቸው ተቀባይነት አግኝቶ የምደባ ማስተካከያ ተደርጎላቸዋል።

የትምህርት መስክ ምርጫን አስመልክቶ በተፈጥሮ እና ማህበራዊ ሳይንስ ዘርፍ የተፈጠሩ ስህተቶችን በማረም 386 ተማሪዎች በመረጡት ዘርፍ እንዲመደቡ ተደርጓል ተብሏል።

ከፍተኛ የጤና እክል ያለባቸው፣ ተመሳሳይ ጾታ ያላቸው መንትያዎች ፣ ነፍሰ ጡር እና ከሁለት አመት በታች ልጅ ያላቸው እናቶች ፣ አካል ጉዳተኞች እና ከአርብቶ እና ከፊል አርብቶ አደር አካባቢዎች የመጡ ተማሪዎችን ቅሬታን በማየት በቂ ማስረጃ ላቀረቡት አዎንታዊ ምላሽ ተሰጥቷል።

በሌላ በኩል ፦ የትምህርት ተቋማትን ምርጫ በሚመለከት ርቀትን፣ ማህበራዊ እና ኢኮኖሚያዊ ችግሮችን መሰረት አድርገው የቀረቡ ጥያቄዎችን ውድቅ ማድረጉን ሚኒስቴሩ ማሳወቁን ኢቢሲ ዘግቧል።

@tikvahethiopia @tikvagethiopiaBOT