የኦሮሞ ፌዴራላዊ ኮንግረስ መግለጫ :

ኦፌኮ "ለሚጠፋ የዜጎቻችንና አባሎቻችን ሕይወት መንግስት ኃላፊነቱን ይወስዳል" ሲል መግለጫ አወጣ።

ፓርቲው በሀገሪቱ ሕግ መሠረት ተመዝግቦ እና ዓላማውን በሠላማዊ አግባብ ብቻ ታግሎ ለማሳካት እየተንቀሳቀሰ እንደሚገኝ ገልጿል።

የኦሮሞ ፌዴራላዊ ኮንግረስ በመግለጫው ፥ "ፖሊሲያችን ፣ የፖለቲካ ፕሮግራማችን ፣ አቋማችን በሕዝብ ዘንድ ተቀባይነትን በማግኘቱ ምቾት ያልተሰማው ገዥው ፓርቲ (ኢህአዴግ/ብልፅግና) በተለይ ከ2005 ጀምሮ አባሎቻችን ደጋፊዎቻችንን በአሸባሪነት በመፈረጅ ክስ መስርቶ ሲያንገላታ ከቆየ በኋላ የሞቱት ሞተው በሕይወት የተረፉትና በየእስር ቤቶች ፊዳቸውን ሲቆጥሩ የነበሩት ቄሮ/ቃሬ በአጠቃላይ ሕብረተሰባችን በከፈሉት መስዋዕትነት በ2010 ዓም አጋማሽ በኋላ ሊፈቱ ችለዋል" ሲል አስታውሷል።

ፓርቲው አክሎም፥ "ከዚሁ ጊዜ በኋላ ለረጅም ጊዜ ስንመኘው የነበረው ዴሞክራሲ ሰፍኖ አዲስቷ ኢትዮጵያን እንገነባለን ብለን ተስፋ የሰነቅን ቢሆንም፤ከ2011 አጋማሽ በኋላ በአገረሸው የብልፅግና ፓርቲ ጭፍን የማሳደድ፣ የማሰርና የመግደል እርምጃዎች የተነሳ አንዳች ወንጀል ያልፈጸሙ ከከፍተኛ አካል ጀምሮ እስከ ታችኛው እርከን ድረስ የሚገኙ አባሎቻችንና ደጋፊዎቻችን የሌለ የወንጀል ታፔላ ተለጥፎባቸው እስር ቤቶች እንዲታጎሩ በመደረጋቸው፤ ተስፋችን ሟሸሸ፤ የሕዝቦችን መብትና ነፃነት ለማስከበር ሌላ የትግል ምዕራፍ እንዲካሄድም ጠይቋል" ብሏል።

ኦሮሞ ፌዴራሊስት ኮንግረስ የታሳሪ አባሎቹና ወገኖቹ ትግል የግላቸው ወይም የፓርቲውን ፍላጎት ለማስጠበቅ እንዳልሆነ ገልጾ ከ15 ቀናት በፊት የጀመሩት የረሃብ አድማ በሕይወታቸው ላይ "ከፍተኛ አደጋ" እንዲያዣንብብ ማደረጉን አሳውቋል።

* ተጨማሪ የመግለጫው ሃሳብ ከላይ ተያይዟል።

@tikvahethiopia

የተለያዩ ዩኒቨርሲቲዎች ተማሪዎቻቸውን እያስመረቁ ይገኛሉ !

#WollegaUniversity

ወለጋ ዩኒቨርሲቲ በተለያዩ የትምህርት መስኮች ያሰለጠናቸውን 3ሺህ 398 ተማሪዎችን ዛሬ በወለጋ ስታዲየም እያስመረቀ ነው።

የዩኒቨርሲቲው እያስመረቃቸው ካሉት ተማሪዎች የመጀመሪያ ዲግሪ 3013፣ በሁለተኛ ዲግሪ 344፣ በህክምና ዶክትሪት 40 እና የአካዳሚክ ዶክተር በአጠቃላይ 3 ሺህ 398 ናቸው።

#KebridharUniversity

ቀብሪ ደሀር ዩኒቨርሲቲ ለመጀመሪያ ጊዜ በተለያዩ የትምህርት መስኮች ያሰለጠናቸውን 612 ተማሪዎቹን እያስመረቀ ነው። ለዚሁ ስነስርዓት የክልሉ ፕሬዜዳንት አቶ ሙስጠፌ ሙሁመድ እና የፌዴራል እንዲሁም የክልሉ ባለስልጣናት ትላንት ወደቀብሪድሃር መጓዛቸው ይታወቃል።

#JimmaUniversity

ጅማ ዩኒቨርስቲ በ2ተኛ ዙር በተለያዩ የትምህርት መስኮች በመጀመሪያ፣ በሁለተኛና ሶስተኛ ዲግሪ ያሠለጠናቸውን 4ሺህ 338 ተማሪዎችን እያስመረቀ ነው።

ከተመራቂዎቹ መካከል 3,950 በመጀመሪያ ዲግሪ ሲሆን ከእነዚህም ውስጥ 1 ሺህ 530 ሴቶች ናቸው። በ2ተኛ ዲግሪ ደግሞ 45 ሴቶች የሚገኙበት 354 ተማሪዎች ተመርቀዋል፡፡ 3 ተማሪዎች በ3ተኛ ዲግሪ እና 4 ተማሪዎች ደግሞ የ 'ሰብ ስፔሻሊቲ' ተመራቂ ይገኙበታል፡፡

#ArsiUniversity

አርሲ ዩኒቨርሲቲ በህክምና ስፔሻሊቲ ትምህርታቸውን ሲከታተሉ የነበሩ 24 ሰልጣኞቹን በመጀመሪያ ዙር አስመርቋል፡፡

#KotebeMetropolitanUniversity

ኮተቤ ሜትሮፖሊታን ዩኒቨርስቲ 2039 ተማሪዎች እያስመረቀ ነው ፤ 1 ሺህ 104 በመጀመሪያ ዲግሪ፣ 222 በ2ኛ ዲግሪና 711 በዲፕሎማ።

ምንጭ፦ ጅማ ዩኒቨርሲቲ ፣ SRTV፣ ወለጋ ዩኒቨርሲቲ ፣ኤፍ ቢሲ
@tikvahethiopiaBot @tikvahethiopia

ከ2 ሚሊዮን ጄሪካን በላይ የምግብ ዘይት በቁጥጥር ስር ዋለ !

በአዲስ አበባ ከተማ "ጀሞ ሚካኤል" አካባቢ ልዩ ስሙ "አንበሳ ጋራዥ" በሚባለው ቦታ በሕገ ወጥ መንገድ የተከማቸ ከሁለት ሚሊዮን ጄሪካን በላይ ፓልም የምግብ ዘይት ዛሬ በቁጥጥር ስር መዋሉን የኢብኮ ገለፀ።

በሕገ ወጥ መንገድ የተከማቸው ዘይት ሊያዝ የቻለው ፌዴራል ፖሊስ እና የላፍቶ ክፍለ ከተማ አስተዳደር ከኅብረተሰቡ የደረሳቸውን ጥቆማ መነሻ በማድረግ ለ2 ሳምንታት ባደረጉት ክትትል ነው ተብሏል።

@tikvahethiopiaBot @tikvahethiopia

#NewsAlert

በቤኒሻንጉል ጉመዝ ክልል ውስጥ 'የከፋ' የአመራር ችግር የታየባቸው አመራሮች ከኃላፊነት ሲነሱ የከፋ አመራር የለባቸውም የተባሉት ደግሞ ሽግሽግ አደረጉ !

የቤንሻንጉል ጉሙዝ ብልፅግና ፓርቲ ፥ በቅርቡ የተካሄደውን የከፍተኛና መካከለኛ አመራሮች ኮንፈረንስ ተከትሎ ህብረ-ብሔራዊነትን በጠበቀ መልኩ አዲስ የአመራር ምደባ እና ሽግሽግ መደረጉን አሳወቀ።

በህዝብ በማስተቸት የከፋ ችግር የታባታቸውን አመራሮች በማንሳት በአዲስ እንዲተኩ በማድረግና የከፋ ችግር የሌለባቸውን ደግሞ በማሸጋሸግ የመተከል ዞንና ወረዳዎች መዋቅር መልሶ የማደራጀት ስራ ተሰርቷል ብሏል።

የመተከል ዞን መምሪያ መዋቅር መልሶ ለማደራጀት በተወሰደ እርምጃ የትምህርት መምሪያ ፣ የከተማ ልማት እና የንግድ መምሪያ፣ ግብርና ተፈጥሮ ሀብት መምሪያ፣ ፍትህ መምሪያ እንዲሁም የውሃ እና ማዕድን መምሪያ ኃላፊ ቦታ ላይ የአመራር አዲስ ምደባና ሽግሽግ ስራ ተሰርቷል ተብሏል።

- የወምበራ ወረዳ ዋና አስተዳዳሪ እና ብልጽግና ፓርቲ ጽ/ቤት ኃላፊ ቦታዎች በሌላ አመራር እንዲተኩ ተደርጓል።

- የቡለን ወረዳ ምክትል ዋና አስተዳዳሪ እና ብልጽግና ፓርቲ ጽ/ቤት ኃላፊ ቦታዎች በሌላ አመራር እንዲተኩ ተደርጓል።

- የድባጢ ወረዳ ብልጽግና ፓርቲ ጽ/ቤት ኃላፊ ቦታ በሌላ አመራር እንዲተካ ተደርጓል።

- የማንዱራ ወረዳ ዋና አስተዳዳሪ ቦታ በሌላ አመራር እንዲተካ ተደርጓል።

- የጉባ ወረዳ ዋና አስተዳዳሪ እና ምክትል ዋና አስተዳዳሪ ቦታዎች በሌላ አመራር እንዲተኩ ተደርጓል።

በተመሳሳይ የካቢኔ እና የጽ/ቤት ኃላፊ ቦታዎች ላይ የአመራር አዲስ ምደባ እና የማሸጋሸግ ስራ በመስራት መልሶ የማዋቀር ስራ መስራቱ ተገልጿል።

* ዝርዝር መግለጫው ከላይ ተያይዟል።

@tikvahethiopiaBOT @tikvahethiopia