* የ12ኛ ክፍል ተፈታኞች የስነልቦና ዝግጅት እንዲኖራቸው በሚደረገው ጥረት ወላጆች እና ህብረተሰቡ ኃላፊነቱን እንዲወጣ ተጠየቀ !

ከየካቲት 29 እስከ መጋቢት 2 በወረቀት በሚሰጠው የ12ኛ ክፍል ፈተና ተፈታኝ ተማሪዎች በቂ የስነልቦና ዝግጅት እንዲኖራቸው በሚደረገው ጥረት ወላጆች እና ማህበረሰቡ ሃላፊነታቸውን ሊወጡ እንደሚገባ የጋምቤላ ክልል ትምህርት ቢሮ ጥሪ አቀረበ፡፡

በጋምቤላ ክልል ሀገር አቀፍ ብሄራዊ ፈተናውን በመደበኛ፣ በግል እና በማታ 3653 ያህል ተማሪዎች ይወስዳሉ።

ለፈተናው 17 የፈተና ጣቢያዎች ዝግጁ መሆናቸውን ተገልጿል።

ፈተናውን ለመስጠት ልዩ ልዩ የፈተና ቁሳቁሶች ዝግጅት እየተደረገ መሆኑ የተገለፀ ሲሆን የፈተና ሂደቱን ሊያስተባብሩ የሚችሉ አካላትን የመምረጥ ስራ እንደሚከናወን ክልል አሳውቋል።

የዘገየው የ8ኛ ክፍል ውጤት ጉዳይ ፦

የጋምቤላ ክልል አቀፍ የ8ኛ ክፍል ፈተና ውጤት በሚቀጥሉት ሁለት (2) ሳምንታት ለተማሪዎች ይፋ እንደሚደረግም የክልሉ ትምህርት ቢሮ አመልክቷል፡፡

ቢሮው ለስምንተኛ ክፍል ፈተና ውጤት መዘግየት እርማቱን ለማከናወን ባለሙያዎችን በበቂ ሁኔታ አለማግኘት በምክንያትነት አስቀምጧል።

ከአሁን በፊት ክልላዊ ፈተናው በክረምት ሰዓት ይታረም ስለነበር በወቅቱ ደግሞ በርካታ መምህራንን ማሳተፍ ይቻል እንደነበር የተገለፀ ሲሆን በአሁኑ ሰዓት በ60 መምህራን ብቻ እንዲታረም መደረጉ እንዲዘገይ አድርጎታል ተብሏል።

በቀጣዮቹ 2 ሳምንታት የ8ኛ ክፍል የተማሪዎች ውጤት ይፋ እየተሰራ እንደሚገኝ ቢሮው ያሳወቀ ሲሆን ተማሪና የተማሪ ቤተሰቦች ውጤቱን በትዕግስት እንዲጠባበቁ ጥሪ ቀርቧል።

የጋምቤላ ክልል ፕሬስ ሴክሬተሪያት
የጋምቤላ ክልል ትምህርት ቢሮ
አቶ ሙሴ ጋጂት (የክልል ትምህርት ቢሮ ኃላፊ)

@tikvahethiopiaBot @tikvahethiopia

ወደ ደ/ሱዳን ለሚዘምቱ የሀገር መከላከያ ሰራዊት አባላት የግንዛቤ ማስጨበጫ ትምህርት ተሰጠ !

ወደ ደቡብ ሱዳን "ጁባ" የሚያቀኑ የ15ኛ ሞተራይዝድ ሠላም አስከባሪ ሻላቃ አባላት ተልዕኳቸውን በብቃት እንዲወጡ የሚያስችል የግንዛቤ ማስጨበጫ ትምህርት እንደተሰጣቸው ተገልጿል።

በግንዛቤ የማስጨበጫ ትምህርቱ ላይ የመከላከያ ኢንዶክትሪኔሽን ዋና ዳይሬክተር ሜ/ጄ መሀመድ ተሰማ ፥ ሀገርን ወክለው ወደ ጁባ የሚሄዱ የሠራዊት አባላት የምንም ዓይነት ልዩነት ሳይኖር ለቆሙለት አላማ በፅናት መሠለፍ እንዳለባቸው አስገንዝበል።

ወደ ደ/ሱዳን ጁባ ለሰላም ማስከበር የሚዘምቱ የመከላከያ ሠራዊት አባላት በሄዱበት ሁሉ ስኬታማ ሥራ በመሥራት የሀገራቸውን ሥም ለማስጠራት መዘጋጀታቸውን እንደተናገሩ የኢፌዴሪ መከላከያ ሰራዊት አሳውቋል።

@tikvahethiopiaBot @tikvahethiopia

ቢቢሲ በቻይና ታገደ !

ቻይናን በተመለከተ የሚሰራቸው ዘገባዎች አድሎአዊ እና ሀሰተኛ ናቸው በሚል ነው ቢቢሲ የታገደው፡፡

የቻይናው የብሮድካስቲንግ ተቆጣጣሪ ‘ቢቢሲ ወርልድ ኒውስ’ን በሀገሪቱ ከባድ የይዘት ጥሰት ፈጽሟል በሚል ከአየር ላይ ማውረዱን ይፋ አድርጓል፡፡

ቻይናን በተመለከተ ቢቢሲ የሚሰራቸው ዘገባዎች የዜና ዘገባ እውነተኛ እና ከአድሎ የነጻ መሆን አለበት ከሚሉት መስፈርቶች ጋር የሚቃረን መሆኑ የተገለጸ ሲሆን እና የቻይናን ብሄራዊ ጥቅሞች እና የህዝቡን አብሮነት የሚጻረር እንደሆነም የሀገሪቱ ብሮድካስቲንግ ተቆጣጣሪ አስታውቋል፡፡

“ቻናሉ በቻይና እንደ ባህር ማዶ ቻናል ለማሰራጨት የሚያስፈልጉትን መስፈርቶች ማሟላት ባለመቻሉ ፣ ቢቢሲ ወርልድ ኒውስ በቻይና ግዛት ውስጥ አገልግሎቱን እንዲቀጥል አይፈቀደለትም፡፡

ብሔራዊ ሬዲዮ እና ቴሌቪዥን አስተዳደር ለአዲሱ ዓመት የቢቢሲን የስርጭት ጥያቄ አይቀበልም” ብሏል ተቆጣጣሪ መስሪያ ቤቱ በመግለጫው፡፡

የሆንግ ኮንግ ሬዲዮ እና ቴሌቪዥን ከአርብ ጀምሮ የ’ቢቢሲ ወርልድ ሰርቪስ’ን እና የቢቢሲ ሳምንታዊ ዜናን እንደማያሰራጭ ባወጣው መግለጫ አስታውቋል፡፡

የቢቢሲ ቃል አቀባይ ለCNN ፥ “የቻይና ባለሥልጣናት ይህንን እርምጃ ለመውሰድ በመወሰናቸው ቅር ብሎናል ፤ ቢቢሲ በዓለም ላይ እምነት የሚጣልበት ዓለም አቀፍ የዜና አውታር ሲሆን የዓለም ዘገባዎችን በፍትሃዊነት ፣ በገለልተኝነት የሚያቀርብ ነው” ብለዋል፡፡

የቻይናው ዓለም አቀፍ የቴሌቪዥን ኔትዎርክ "CGTN" ም በብሪታኒያ እንዳይሰራጭ ከሳምንት በፊት ታግዷል፡፡ ቻይና እና ብሪታንያ ከሆንግ ኮንግ ጉዳይ ጋር በተያያዘ ከፍተኛ የሆነ አለመግባባት መፍጠራቸው ይታወቃል፡፡

ምንጭ፦ አል ዓይን ኒውስ
@tikvahethiopiaBOT @tikvahethiopia

በወልድያ ከተማ የትራንስፖርት አገልግሎት ታሪፍ ተሻሻለ፡፡

የወልዲያ ከተማ የትራንስፖርት ዋና ሥራ ክፍል ከቤኒዚን የዋጋ ጭማሪ ጋር ተያይዞ የባጃጅ ታሪፍን መሻሻሉን በዛሬው ዕለት አስታውቋል፡፡

የተሻሻለው ታሪፍ ከላይ ተያይዟል።

ከታሪፍ ውጭ ለሚደረግ ህገ-ወጥ ምዝበራ ተገልጋዮች መብታቸውን ለማስከበር ከተሟላ መረጃ ጋር ጥቆማ በስልክ በአካላም መስጠት የሚችሉ መሆኑን ተገልጿል ፤ ለስልክ ጥቆማ : 033-331-04-32 መጠቀም ይቻላል ተብሏል።

@tikvahethiopiaBot @tikvahethiopia

የሶማሊ ክልል ፕሬዝዳንት አቶ ሙስጠፌ ሙሁመድ ኡመር ከጅግጅጋ ወደ ቀብሪደሃር ከተማ አቀኑ !

የሶማሊ ክልል ፕሬዝዳንት አቶ ሙስጠፌ ሙሁመድ ኡመር የተመራው የክልሉ ከፍተኛ አመራሮች ከጅግጅጋ ከተማ ወደ ቀብሪደሃር ከተማ አቅንተዋል።

ፕሬዝዳንት ሙስጠፌ በነገው ዕለት ለመጀመሪያ ጊዜ ተማሪዎችን የሚያስመሪቀው የቀብሪደሃር ዩኒቨርስቲ የተማሪዎች የምረቃ ሥነ ስርዓት ላይ እንደሚሳተፉ ይጠበቃል።

የቀብሪደሃር ዩኒቨርስቲ ሶስተኛው ትውልድ ከሚባሉት ዩኒቨርስቲዎች ውስጥ አንዱ ሲሆን በሶማሊ ክልልም ከጅግጅጋ ዩኒቨርስቲ ቀጥሎ ሁለተኛው ዩኒቨርስቲ ነው። (SRTV)

@tikvahethiopiaBot @tikvahethiopia

በአለታ ወንዶ ትላንት በደረሰ እሳት አደጋ እስካሁን መጠኑ ያልታወቀ ንብረት ወድሟል !

ትላንት ከቀኑ 9:00 በአለታ ወንዶ ከተማ መሳለሚያ ቀበሌ ልዩ ስሙ መለቦ ተብሎ በሚጠራ አከባቢ ድንገት በተፈጠረ እሳት ለግዜዉ ግምቱ ያልታወቀ ንብረት እና የሱቆች ቃጠሎ ዉድመት ደርሷል።

ቃጠሎዉ ከባድ ከመሆኑ አንፃር የከተማዉ ህዝብ በነቂስ ወጥቶ በቁጥጥር ስር ባያዉለው ኖሮ በከተማዉ ለይ ከፍተኛ ጉዳት ሊደርስ ይችል ነበር።

የአለታ ወንዶ ከተማ አስተዳደር አደጋዉን ለመቆጣጠር ዋጋ ለከፈለው ለአለታ ወንዶ ህዝብ በይፋ አክብሮቱን እና ምስጋናውን አቅርቧል።

@tikvahethiopiaBot @tikvahethiopia

አሜሪካና UN የኢትዮጵያን ጥረት ለመደገፍ ያላቸውን ቁርጠኝነት ዳግም አረጋገጡ !

የአሜሪካ ውጭ ጉዳይ ሚኒስትር የሆኑት አንቶኒ ብሊንከን ከተባበሩት መንግስታት (UN) ዋና ፀሐፊ አንቶኒዮ ጉተሬዝ ጋር በትላንትናው ዕለት በስልክ ባደረጉት የትውውቅ ቆይታ በተለያዩ ዓለም አቀፍ ጉዳዮች ላይ መክረዋል፡፡

የአሜሪካ የውጭ ጉዳይ ሚኒስቴር በድረገጹ እንዳስታወቀው ፣ ሁለቱ ግለሰቦች ከተወያዩባቸው ጉዳዮች መካከል በኢትዮጵያ ትግራይ ክልል ያለው ወቅታዊ ጉዳይ ይገኝበታል፡፡

ኢትዮጵያን በተመለከተው ውይይታቸው ፣ ሁለቱም በትግራይ ክልል ለተፈጠረው ቀውስ ምላሽ ለመስጠት የኢትዮጵያን ጥረት ለመደገፍ ያላቸውን ቁርጠኝነት በድጋሚ አረጋግጠዋል፡፡

[U.S. Department of State , AlIN News]
@tikvahethiopiaBot @tikvahethiopia