#TikvahFamilyMekelle

ከጥቂት ደቂቃዎች በፊት በስልክ ያገኘናቸው የመቐለ ዩኒቨርሲቲ ተመራቂ ተማሪዎች የሆኑ የቲክቫህ አባላት ከብዙ ውጣ ውረድ በኃላ ለዚህ ቀን በመብቃታቸው ደስ እንደተሰኙ ገልፀውልናል።

እጅግ በጣም ፈታኝ እና አስቸጋሪ በነበሩ ወቅቶች የመቐለ ነዋሪዎች አብሯቸው ስለነበሩ ፣ አይዞአችሁ እኛ አለንላችሁ ስላሏቸው ፣ ለእራሳቸው እየተቸገሩ ከሚበሉት ላይ ቀንሰው ስላካፈሏቸው ፣ ከሚጠጡት ቀንሰው ስላጠጧቸው፣ ፍቅር ስላስተናገዷቸው ፣ እንደልጆቹ ስለተንከባከባቸው ምስጋና እንድናደርስላቸው ጠይቀውናል።

እኛም ምንም እንኳን የመቐለ ነዋሪዎች በኢንተርኔት መቋረጥ ይህንን መልዕክት ባያዩትም ምስጋናውን አድርሰናል።

#Congratulations

@tikvahethiopiaBOT @tikvahethiopia

#Tigray

በመቐለ ያለውን እንቅስቃሴ ከዕለት ወደ ዕለት መሻሻል እያሳየ መሆኑን በስልክ ያነጋገርናኛቸው ነዋሪዎች ተናግረዋል።

የስልክ ፣ የውሃ ፣ መብራት አገልግሎት መመለስ ብዙ ችግሮችን እንዳቀለለ ገልፀውልናል።

የንግድ እንቅስቃሴ በየዕለቱ መሻሻል እያሳየ ነው። የባንክ አገልግሎት አለመጀመር ግን አሁንም ትልቅ ችግር ሆኖ ቀጥሏል።

የፀጥታ እና የደህንነት ጉዳይም ልዩ ትኩረት ሊሰጠው እንደሚገባ አሳስበዋል።

በተለይ በከተማው ውስጥ የነበረው ዝርፊያ (ከባለፉት ቀናት እየተሻሸለ ቢመጣም) አሁንም አስተማማኝ ደህንነት እና ሰላም ሊሰፍን እንደሚገባ አስገንዝበዋል።

የምግብ አቅርቦት ሊሻሻል ይገባል ብለዋል ፤ የምግብ ግብአቶች እጅግ ውድ መሆናቸውን ገልፀዋል።

የፍርድ ቤት ፣ ፖሊስ ሌሎች ተያያዥ የደህንነት ተቋማት ስራ አለመጀመራቸውን ህብረተሰቡን ሙሉ በሙሉ ከስጋት እንዳይላቀቅ አድርጎታል።

በከተማይቱ ከምሽት 12:00 ሰዓት በኃላ ሁሉም ወደቤቱ እንዲገባ ጥዋት ማለዳ 12:00 እንዲወጣ እንዲችል ተደንግጓል።

በሌላ በኩል ፦

ወደአድዋ ፣ ዓዲግራት ፣ ሽረ፣ ውቅሮ መስመር የስልክ ኔትዎርክ ባለመኖሩ አሁንም በአካባቢው ያለውን ሁኔታ ለማውቅ አስቸጋሪ ሆኗል።

በመቐለ ከተማ እና በሌሎች ኔትዎርክ በሚሰራባቸው አካባቢዎች ያሉ አባላቶቻችን የቤተሰቦቻቸውን ደህንነት ለማወቅ መቸገራቸውን ተናግረዋል። ይህም ሁኔታ አሁንም ድረስ ከፍተኛ ጭንቀት ውስጥ እንደከተታቸው ነው።

www.tikvahethiopia.net

(የነዋሪዎች አስተያየት የተሰበሰበው ከመቐለ ቲክቫህ አባላት እንዲሁም ከጀርመን ድምፅ ሬድዮ ጣቢያ ነው)

PHOTO : FILE
@tikvahethiopiaBOT @tikvahethiopia

#Tigray

IOM በትግራይ ክልል ለተፈናቀሉ ዜጎች ምግብ ነክ ያልሆኑ ድጋፎችን እያደረገ እንደሆነ አሳውቋል።

ድጋፍ ከተደረገባቸው አካባቢዎች መካከል ሽራሮ ፣ ሽረ፣ ሁመራ ፣ ኣዲ ሀገራይ፣ ኣዲ ጎሹ ፣ አክሱም እና መቐለ ይገኙበታል።

አሁንም IOM ሌሎች አመቺ በሆኑ አካባቢዎች ድጋፍ ለሚሹ ዜጎች ድጋፉን ተደራሻ ለማድረግ ዝግጁ እንደሆነ ገልጿል።

@tikvahethiopiaBOT @tikvahethiopia

#MekelleUniversity

ዛሬ መቐለ ዩኒቨርሲቲ ተማሪዎቹን አስመርቋል።

በምርቃት ስነ ስርዓቱ ላይ ዶ/ር ሙሉ ነጋ እንዲሁም የዩኒቨርሲቲው ፕሬዜዳንት ፕሮፌሰር ፈትየን ኣባይን ጨምሮ የዩኒቨርሲቲው የቦርድ አባላት ተገኝተው ነበር።

የዛሬውን የምርቃት ድባብ የሚያሳዩ ፎቶዎች ከላይ ተያይዘዋል።

@tikvahethiopiaBOT @tikvahethiopia