የቀድሞ የኢትዮጵያ ጠቅላይ ሚኒስትር የነበሩት ፍቅረስላሴ ወግደረስ የቀብር ስነ ስርዓት በዛሬው ዕለት ተፈፀመ።

የቀብር ስነ ስርዓታቸው በመንበረ ፀባኦት በቅድስት ሥላሴ ካቴድራል ወዳጅ ዘመዶቻቸው በተገኙበት ነው የተፈፀመው።

@tikvahethiopiaBOT

#AtoTewoldeGebremariam

የኢትዮጵያ አየር መንገድ ኮሮና ቫይረስ ዓለም ዓቀፍ ቀውስ ባስከተለበት ወቅት ለነበረው ንቁ አገልግሎት ከኤርባስ የተበረከተለትን የዕውቅና ሽልማት ተቀበለ።

ሽልማቱን የተቀበሉት የኢትዮጵያ አየር መንገዶች ግሩፕ ዋና ስራ አስፈጻሚ አቶ ተወልደ ገብረማርያም ናቸው።

አቶ ተወልደ ገብረማርያም ፥ “ዓለም በፈለገን ጊዜ ተገኝተናል” ብለዋል።

“ለዚህ ስኬት ላበቁን ከ17 ሺህ በላይ ለሚሆኑት ኢትዮጵያውያን ሰራተኞቻችን እና የማኔጅመንት ቡድን ምስጋናዬን ላቀርብ እወዳለሁ” ሲሉ ተናግረዋል።

የኢትዮጵያ አየር መንገድ አጋር የሆነው ኤርባስ 350 ለሰጠው ዕውቅናም ምስጋና አቅርበዋል።

የኤርባስ ምክትል ፕሬዚዳንት ሃዲ ሃኩም በበኩላቸው ኤርባስ ለአየር መንገዱ የተሰጠው የዕውቅና ሽልማት በኮሮና ቫይረስ (ኮቪድ-19) ወረርሽኝ ቀውስ ጊዜ ለፈጸመው የማይታመን አገልግሎት እና ስኬት ያለውን አድናቆት ለመግለጽ እንደሆነ ተናግረዋል።

ምንጭ፦ በለንደን የኢትዮጵያ ኤምባሲ/ENA
@tikvahethiopiaBOT @tikvahethiopia

የእሳት አደጋ ፦

#ሐረማያ_ዩኒቨርሲቲ

በሐረማያ ዩኒቨርሲቲ ዋናው ግቢ ህንፃ 3 የሚባለው የድህረ ምረቃ ተማሪዎች ከሚኖሩበት ህንፃ የኤሌክትሪክ መቆጣጠሪያ ላይ የተነሳ የእሳት አደጋ በቁጥጥር ስር ውሏል።

በእሳት አደጋው በንብረት ላይ ጉዳት ያደረሰ ቢሆንም በሰው ላይ ምንም ጉዳት አለማድረሱን የዩኒቨርሲቲው ሕዝብ እና ዓለም አቀፍ ግንኙነት ዳይሬክቶሬት አስታውቋል።

#መካነ_ሠላም_ከተማ

በደቡብ ወሎ ዞን መካነሠላም ከተማ ድንገት የተከሰተ የእሳት አደጋ በንብረት ላይ ጉዳት አድርሷል።

መንስኤው ያልታወቀው የእሳት አደጋ በግምት ከለሊቱ 8፡00 ሰዓት አካባቢ የተከሰተ ሲሆን በሸቀጣ ሸቀጥ ሱቆች ላይ ፣ በሴቶች የውበት ሳሎን እና በልብስ ስፌት ቤቶች ላይ ነው ጉዳት ያደረሰው፡፡

ከአምስት (5) በላይ ሱቆች እና ሌሎች የገበያ ቤቶች በእሳት አደጋው የተጎዱ ሲሆን የሱቅ እቃዎች ፣ የተለያዩ ማሽኖች እና ከ1 መቶ ሺህ ብር በላይ ጥሬ ገንዘብ ተቃጥሏል፡፡

Via @TIKVAHETHMAGAZINE

@tikvahethiopiaBOT @tikvahethiopia