#AmharaProsperityParty

የአማራ ብልፅግና ፓርቲ ባወጣው መግለጫ ትላንት ምሽት በጉሊሶ ወረዳ ዘርን መሰረት ያደረገ ጥቃት መፈፁሙን አረጋግጫለሁ ብሏል።

የጥቃቱን መጠን እና ዝርዝር ሁኔታዎችን ከፌዴራል እና ክልል መንግስት ጋር በመሆን እያጣራ እንደሆነ አሳውቋል።

ፓርቲው ፥ "በተፈፀመው ጭካኔ በተሞላበት ድርጊት የአማራ ህዝብና ድርጅታችን የአማራ ብልፅግና ፓርቲ ክፉኛ አዝኗል፣ ተቆጥቷል" ሲል በመገለጫው ገልጿል።

ሙሉ የመግለጫውን ሀሳብ ከላይ አንብቡ !

@tikvahethiopiaBOT @tikvahethiopia

ተጨማሪ ፦

የጉሊሶ ወረዳ ነዋሪዎች ለ "አብመድ" እንደተናገሩት ፥ የጅምላ ጥቃቱን የፈፀመብን ኦነግ ሸኔ የተባለ የታጠቀ ቡድን ነው ብለዋል፡፡

ጥቃቱ በአንድ አካባቢ በሚኖሩ "አማራዎች" ላይ ያነጣጠረ መሆኑን ተናግረዋል፡፡

የታጠቀው ቡድን ትናንት ቀን 11፡00 ሰዓት ላይ 200 አባዎራዎች እና ሌሎች ነዋሪዎችን ከሰበሰበ በኋላ ተኩስ በመክፈት የንጹሃንን ህይወት መቅጠፉን ነው ነዋሪዎቹ የተናገሩት፡፡

ከጥቃቱ የተረፉትም ከአካባቢው ሸሽተው እንደሚገኙ አስታውቀዋል፡፡

በዚህም የተነሳ የሟቾች እንዲሁም አካላዊ ጉዳት የደረሰባቸውን ቁጥር በትክክል መግለፅ እንደማይችሉ ተናግረዋል።

ቡድኑ በአካባቢው የሚገኝ የመጀመሪያ ደረጃ ትምህርት ቤት እና ከ120 በላይ ቤቶችን ማቃጠሉን ገልፀዋል።

አሁን ላይ የጸጥታ ኃይል ወደ አካባቢው ተሰማርቶ ሁኔታውን እያረጋጋ ነው።

በሌላ በኩል ፦

የኦሮሚያ ክልል ፕሬዜዳንት አቶ ሽመልስ አብዲሳ ፥ "በትላንትናው እለት ማታ በምዕራብ ወለጋ ዞን ጉሊሶ ወረዳ ጋዋ ጋንቃ በተባለው ቀበሌ ባዜጎቻችን ላይ የሽብር ጥቃት ተፈፅሟል" ብለዋል።

በሽብር ጥቃቱ በሰው ህይወት እና አካል ላይ ጉዳት መድረሱን ገልፀዋል።

አቶ ሽመልስ አብዲሳ ፥ "በዚህ የሽብር ጥቃት ዉድ ህይወታቸውን ላጡ ወገኖቻችን የተሰማኝን ጥልቅ ሃዘን እየገለፅኩ የተፈጠመውን የሽብር ጥቃት አጥብቄ አወግዛለሁ፡፡" ብለዋል።

ፕሬዜዳንቱ በ"ኦነግ ሸኔ" አሸባሪ ቡድን ላይ እየተወሰደ ያለው እርምጃ ተጠናክሮ እንደሚቀጥል ላረጋግጥ እወዳለሁ ሲሉ ከደቂቃዎች በፊት በሰጡት መግለጫ አሳውቀዋል።

@tikvahethiopiaBOT @tikvahethiopia

ጠ/ሚር ዶክተር አብይ አህመድ እየተፈጸመ ባለው ማንነትን መሠረት ባደረገው ጥቃት እጅግ ማዘናቸው ገለፁ።

እየተፈፀመ ያለው ማንነትን መሰረት ያደረገ ጥቃት ሕዝቡ እንዲደናገጥ ፣ እንዲፈራ እና በስሜት ያልተገባ ርምጃ እንዲወስድ የታለመ ነው ብለዋል።

መንግሥት በተለያዩ ቦታዎች ሊፈጠሩ ይችላሉ ያላቸውን ጥፋቶች በቅድሚያ መረጃ ሰብስቦ ርምጃ በመውሰድ ሲያከሽፍ ቆይቷል ሲሉ ገልጸዋል።

ነገር ግን ያለፈው ሥርዓት ያወረሰንን ቀዳዳዎች ሁሉ በጥቂት ጊዜ ውስጥ ደፍኖ መጨረስ አልተቻለም ብለዋል።

ዶ/ር አብይ፥ "የጥፋት ኃይሎች ከውጭ ላኪዎቻቸውና በመንግሥት መዋቅር ውስጥ በሚገኙ ባልጠሩ አድር ባዮች ትብብር በሕዝባችን ላይ አሳዛኝ ጥቃት እያደረሱ ነው። ሁኔታው እንደ መሪም እንደ ዜጋም ልብ ይሰብራል።" ብለዋል።

@tikvahethiopiaBOT @tikvahethiopia

#UPDATE

የኦሮሚያ ፖሊስ ኮሚሽን በጉሊሶ ወረዳ በተፈፀመው ጥቃት የሞቱ ሰዎች ቁጥር 32 ነው ሲል አሳውቋል።

ጥቃት የተፈጸመበት ቀበሌ ከወረዳ ከተማ በ75 ኪሎ ሜትር የሚርቅ መሆኑን ገልጿል።

ኮሚሽኑ ለኢትዮጵያ ቴሌቪዥን እንደተናገረው በጥቃቱ 32 ሰዎች (23 ወንድ እና 9 ሴት) ሲገደሉ ፤ 10 ሰዎች ቆስለዋል ብሏል።

ከጥቃቱ ጋር ተያይዞ 200 ሰዎች ተፈናቅለዋል ያለ ሲሆን እነሱን የማረጋጋት ስራ እየተሰራ ነው ሲል ገልጿል።

በጥቃቱ መኖሪያ ቤቶች እና አንድ ትምህርት ቤት ተቃጥሏል።

ጄኔራል አራርሳ መርዳሳ ፥ "ጥቃቱን የፈጸመው አካል ኦነግ ሸኔ ነው፤ ከጀርባ በመሆን ህወሃት እየደገፈው ይገኛል" ብለዋል።

በሌላ በኩል ኢሰመኮ ስለጉሊሶ ወረዳው ጥቃት ፦

የኢትዮጵያ ሰብአዊ መብት ኮሚሽን የፌዴራል ሰራዊት ከአካባቢው ለቀው መውጣታቸውን ተከትሎ የታጠቁና ያልታጠቁ በቁጥር 60 የሚሆኑ ቡድኖች 32 የሚሆኑ ሰላማዊ ዜጎችን ማንነታቸውን መሰረት በማድረግ ግድያ መፈፀማቸውን ገልጿል።

የሰብአዊ መብት ኮሚሽነር ዶክተር ዳንኤል በቀለ በሰላማዊ ዜጎች ላይ የተፈጸመ ጥቃት ከሰብአዊነት ያፈነገጠ ነው ብለዋል፡፡

ዜጎቹ ከቤታቸው ወደ ትምህርት ቤት ተወስደው ግድያ እንደተፈጸመባቸው ኮሚሽነሩ ገልጸዋል፡፡

የጥቃቱ አድራሾች ለፍርድ እንዲቀርቡም ኮሚሽነሩ ጠይቀዋል፡፡

የፌዴራል መንግስት አመራሮች ጥቃቱን የፈጸሙት የኦነግ ሰራዊት እንደሆኑ መናገራቸው የገለጸው ኮሚሽኑ፣ ሴቶችና ሕፃናት የጥቃቱ ሰለባ መሆናቸውን ጠቅሷል፡፡

የፌዴራል መንግስትና የክልል ባለስልጣናት ግድያው #በገለልተኛ_ቡድን እንዲጣራ እንዲያደርጉ እና የሰላማዊ ዜጎች ደህንነት እንዲጠበቅ አስፋላጊውን እርምጃ እንዲወስዱ ጥሪ አቅርቧል።

@tikvahethiopiaBOT @tikvahethiopia

"...ለተፈፀመው ጥቃት መንግስት ተጠያቂ ነው" - የአማራ ምሁራን መማክርት

በምዕራብ ወለጋ ጉሊሶ ወረዳ ውስጥ በአማራዎች ላይ በተፈፀመው ጥቃት መንግስት ተጠያቂ ነው ሲል የአማራ ምሁራን መማክርት በሰጠው መግለጫ ገልጿል።

የምሁራን መማክርቱ እንዳለው ጥቃቱን ማንም ይፈፅመው ማን መንግስት የማስቆም ግዴታ አለበት።

በአማራ ላይ የተቃጠውን ጥቃት መንግስት ማስቆም ካልቻለ ኢትዮጵያን ወደ ማትመለስበት ችግር ይከታታልም ብሏል።

"መንግስት የህዝቦችን ደህንነትን የመጠበቅ ግዴታ እንዳለበት ቢያውቅም ችላ በማለቱ በተለይም በአማራ ላይ ያነጣጠሩ ጥቃቶች ቀጥለዋል። ይሄም የአማራን ህዝብ በከፍተኛ ደረጃ አስቆጥቷል፤ መንግስት ጉዳዩን በውል ሊረዳው ይገባል" ሲል ገልጿል።

መንግስት የአማራን ህዝብ ይቅርታ መጠየቅ ብቻ ሳይሆን በቀጣይ ተመሳሳይ ችግር እንዳይፈጠር ተጨባጭ ሥራ ሰርቶ ማሳየት ይገባዋል ተብሏል።

አማራ ኢትዮጵያን በመገንባት ሂደት የአንበሳው ድርሻ እንደተጫዎተ ቢታወቅም አሁን ላይ አንገቱን ቀና እንዳይደረግ ከሁለተኛም ዜጋ ባነሰ ሁኔታ እንዲሆን እያደረገ ነው፤ ይሄ ኢትዮጵያን ያፈርሳል፤ መላ የኢትዮጵያ ህዝብ ችግሩን ከማውገዝ ባለፈ ሊከላከል ይገባልም ብሏል፡፡

ችግሩ ሰፍቶ ሁላችንም ወደማያባራ እልቂት ከመዳረጉ በፊት ሊታሰብበት እነደሚገባ አመላክቷል፡፡

የፌድራል መንግስት ድርጊቱ የዘር ማጥፋት ወንጀል እንደሆነ በማመን እርምጃ መውሰድ እንዳለበት የምሁራን መማክርቱ ገልጿል። (AMMA)

@tikvahethiopiaBot @tikvahethiopia

"የኢትዮጵያ ሁኔታ አሳስቦኛል" - አውሮፓ ህብረት

የአውሮፓ ሕብረት ኢትዮጵያ ውስጥ አሁን ያለው ሁኔታ እንዳሳሰበው #BBC ዘግቧል።

የሕብረቱ ምክትል ፕሬዝደንትና የውጭ ጉዳይ ከፍተኛ ተወካይ የሆኑት ጆሴፍ ቦሬል ባወጡት መግለጫ ነው የሕብረቱን አቋም ያንፀባረቁት።

"ኢትዮጵያ ውስጥ አሁን ያለው ሁኔታ አሳሳቢ ነው" ያለው መግለጫው ፤ ኢትዮጵያ ውስጥ ያሉ ፓርቲዎች እና ጎረቤት አገራት ውጥረት ለመቀነስ መጣር እንዳለባቸው አሳስቧል።

ሁሉም ቡድኖች "ግጭት ቀስቃሽ ቃላት" መጠቀም ማቆም እንዳለባቸውና ወታደራዊ እንቅስቃሴዎችን መግታት እንዳለባቸው አሳስቧል። "ይህ መሆን ካልቻለ ግን ጉዳቱ ለኢትዮጵያ ብቻ ሳይሆን ለቀጣናውም ነው" ብሏል።

መግለጫው ብሔራዊ መግባባት ለመፍጠር አገር አቀፍ ውይይቶች እንደሚያስፈልጉ አትቷል። በዚህ ውይይት ላይ ሁሉም የፖለቲካ ተዋናዮች ተሳታፊ እንዲሆኑ ጥሪ አቅርቧል።

ለኢትዮጵያ ሕዝብ መፃዒ ተስፋና ብልፅግና ብሔራዊ መግባባት እንጂ ግጭት መፍትሄ ሊሆን እንደማይችል ምክትል ፕሬዝደንቱ በመግለጫቸው ገለፀዋል።

@tikvahethiopiaBot @tikvahethiopia