ትናንት ከሌሊቱ 6 ሠዓት በደረሰ የእሳት አደጋ ንብረት መውደሙን የእሳት እና አደጋ ስጋት አመራር ኮሚሽን መግለፁን ኢዜአ ዘግቧል።

አደጋው በአዲስ አበባ አራዳ ክፍለ ከተማ ወረዳ 03 ራስ ደስታ አከባቢ በአንድ ሺህ ካሬ ሜትር ላይ ባረፈ ስፖንጅ ፋብሪካ ውስጥ የደረሰ ነው።

በአደጋው ከ500 ሺህ ብር በላይ ግምት ያለው ንብረት ማውደሙን የእሳትና አደጋ ስጋት ስራ አመራር ኮሚሽን ገልጿል።

አደጋውን ለመቆጣጠር 62 የአደጋ ሠራተኞች እና 12 ተሽከርካሪዎች ተሰማርተው በተደረገው ርብርብ 25 ሚሊዮን ብር የሚገመት ንብረት ማትረፍ ተችሏል።

የእሣት አደጋው መንስኤ አልታወቀም።

PHOTO : TIKVAH FAMILY (AB)
@tikvahethiopiaBot @tikvahethiopia

የትግራይ ስፖርት ተቋማት ከፌደራል ስፖርት ተቋማት ጋር ግንኙነት ማድረግ አይችሉም የሚል ብዥታ ፈጥሮ የነበረ የውሳኔ ደብዳቤ መሻሩን የEthioFM 107.8 ጋዜጠኛ ታደለ አሰፋ አሳውቋል።

ከፌዴራል ስፖርት ኮሚሽን በቀን 9/2/2013 ዓ.ም የወጣው ደብዳቤ "የመረጃ ክፍተት" ያለው በመሆኑ ተሽሯል ተብሏል።

@tikvahethiopiaBot @tikvahethiopia

በጉራ ፈርዳ ወረዳ ከሰኞው የቀጠለ ጥቃት ተፈፅሞ ሰዎች መገደላቸውን የቲክቫህ አባላት አሳውቀዋል።

ከሁለት ቤት ውስጥ ብቻ ከ10 በላይ የሚሆኑ ሰዎች ህይወት አልፏል ብለዋል አባላቶቻችን።

ዛሬ ጥቅምት 12/2013 ዓ/ም ሚዛን ቴፒ ዩኒቨርሲቲ ቲቺንግ ሆስፒታል ለእርዳታ ከመጡ 12 ሰዎች መካከል 6ቱ ከባድ የአካል ጉዳት የደረሰባቸው ህፃናት መሆናቸውን የቲክቫህ አባል የሆነ ሀኪም ገልጿል።

መልዕክታቸውን ያደረሱ የአካባቢው ቲክቫህ አባላት፥ ፓሊስ "ማንነታቸው ያልታወቁ" ይላል ይህ ትክክል አይደለም ጥቃት ፈፃሚዎቹ በግልፅ የሚታወቁ ናቸው ብለዋል።

በቤንች ሸኮ ዞን አስተዳደር በጉራ ፈርዳ ወረዳ ውስጥ ከጥቅምት ስምንቱ ምሽት ጥቃት በተጨማሪ ትላንት ረቡዕ በድጋሚ ጥቃት ስለመፈፀሙ ለአሀዱ ሬድዮ አረጋግጧል።

የፀጥታ መዋቅሩ የጥቅምት ስምንቱን ችግር እያረጋጋ ባለበት ወቅት ነው ትላንት በተመሳሳይ ወረዳ ጊኒቃ በምትባል ቀበሌ በድጋሚ ጥቃት መፈጸሙን የዞኑ ዋና አስተዳዳሪ አቶ ፍቅሬ አማን ያረጋገጡት።

ከታጠቁ አጥፊ ሃይሎች ጋር ግንኙነት አላቸው የተባሉ 16 ግለሰቦች እስካሁን ድረስ በቁጥጥር ስር ውለዋል ያሉት ዋና አስተዳዳሪው። የደረሰውን ጥቃት ተከትሎ 500 ግለሰቦች ከአከባቢው ተፈናቅለዋል ብለዋል፡፡

ጥቃት ፈፃሚዎች እነማን ናቸው ? በምን ምክንያት ጥቃቱን ፈፀሙ የሚለው ጉዳይ ገና በመጣራት ላይ እንዳለ ዋና አስተዳዳሪው ተናግረዋል፡፡

አስተዳደሩ ስለትላንቱ ጥቃት መጠን አልገለፀም።

(Ahadu Radio,Tikvah Family GuraFerda)

PHOTO : TIKVAH FAMILY (GuraFerda)
@tikvahethiopiaBot @tikvahethiopia

"በህብር ጣናን እንታደግ"

ጥቅምት 9/2013 ዓ/ም የጀመረው የአንድ (1) ወር የእምቦጭ አረምን ከጣና ሐይቅ የማስወገድ ሀጋራዊ ዘመቻ አራተኛ ቀኑን ይዟል፡፡

ዘመቻው ከሚከናወንባቸው 30 ቀበሌዎች መካከል 20 ቀበሌዎች ላይ እስካሁን አረሙን የማስወገድ ዘመቻው ሙሉ በሙሉ ተጀምሯል፡፡

እንቦጭ አረምን በማስወገድ ዘመቻው ሌሎችን በጎ ፈቃደኞች ሳይጨምር በአማካይ በቀን 400 አርሶ አደሮች በ1 ቀበሌ እንደሚሰማሩ የዘመቻ እቅድ ተይዞ የነበረ ቢሆንም ሥራው ሲጀመር ግን በአንድ ቀበሌ ከታቀደው በላይ አርሶ አደሮች በዘመቻው ተሳታፊ መሆናቸውን ተገልጿል።

Via Amhara Communication
@tikvahethiopiaBot @tikvahethiopia

#UPDATE

በ2 ቀበሌ በተፈፀመ ጥቃት የ31 ሰዎች ህይወት አልፏል !

በጉራፈርዳ ወረዳ በሰዎች ላይ ጥቃት በማድረስ የተጠረጠሩ 16 ግለሰቦች በቁጥጥር ስር ውለዋል።

በቁጥጥር ስር ከዋሉት ግለሰቦች መካከል አንድ የፖሊስ አባልና አራት አመራሮች እንደሚገኙበት የዞኑ ዋና አስተዳዳሪ አቶ ፍቅሬ አማን በሰጡት መግለጫ አስታውቀዋል፡፡

ዋና አስተዳዳሪው ጥቅምት 8 እና ጥቅምት 11 ቀን 2013 ዓ.ም በሁለት ቀበሌዎች በተፈፀመ ጥቃት የ31 ሰዎች ህይወት ማለፉን እና 5 ሰዎች ላይ ጉዳት መድረሱን ተናግረዋል፡፡

1 ሺህ 480 አባወራዎች ተፈናቅለው በቢፍቱ ከተማ የተጠለሉ ሲሆን ጊዜያዊ እርዳታ እንዲያገኙ እየተደረገ መሆኑንም ገልፀዋል፡፡ (FBC)

PHOTO : TIKVAH FAMILY (GuraFerda)
@tikvahethiopiaBot @tikvahethiopia

ዛሬ ጥቅምት 12 የትግራይ ክልል ኮሚኒኬሽን ቢሮ መግለጫ አውጥቷል።

ቢሮው በመግለጫው ፦

- የፌዴራሉ መንግስት የትግራይ ህዝብ ድርሻ የሆነውን የድጎማ በጀት መከልከሉ ባስታወቀበት ማግስት ፣ ከበረሃ አንበጣ መንጋ ጋር እየተናነቀ ያለውን የትግራይ ህዝብ ዓመት ሙሉ የለፋበት ቡቃያ የአንበጣ ሲሳይ እንዲሆን በይኖበታል ብሏል።

- ጸረ-አንበጣ መድሓኒት በአውሮፕላን እንደረጨ የሃሰት መረጃ አስተላልፏል ሲል ወቅሷል።

- ከዓለም ኣቀፍ ማህበረሰብ እንዲሁም ለጋሽ አገሮች ለገበሬዎች ሲሰጥ የቆየውን የሴፍቲኔት ፕሮግራም ማለት ከጥቅምት ወር ጀምሮ ለቀጣይ ሶስት ወራት መላክ የነበረበት 285 ሚልዮን ብር እንደከለከለ ጥቅምት 10/2013 ዓ/ም በይፋ ኣሳውቀዋል ሲል ገልጿል፡፡

- የመቐለ ከተማ የመጠጥ ውሃ ችግር ለመፍታት ፣ ገረብ ግባ ግድብ ፕሮጀክት ኩንትራት ወስዶ እየሰራ ያለውን የቻይና ኩባንያ (CHAINA GEZHOUBA GROUP COMPANY LIMITED) የመጠጥ ውሃ ፕሮጀክት 2 ዲዛይነሮች ከቻይና ተነስተው በትራንዚት ወደ መቐለ ከተማ እንዳይመጡ ጥቅምት 12/2013 ዓ/ም ቦሌ ዓለምኣቀፍ አውሮፕላን ጣቢያ አግቶ አስቀርታቸዋል ብሏል፡፡

@tikvahethiopiaBot @tikvahethiopia

የገንዘብ ሚኒስቴር ለትግራይ ወረዳ ፣ ከተማና ቀበሌ የድጎማ በጀት የሚተላለፍበት አሠራር ዝግጅት አጠናቅቂያለሁ አለ።

በሚኒስቴሩ የተዘጋጀው የበጀት ድጎማ አሠራር በሚቀጥለው ሣምንት ለሚኒስትሮች ምክር ቤት ቀርቦ ከጸደቀ በኋላ ተግባራዊ ይደረጋል ብሏል።

በዚህም በጀቱ በወረዳ፣ ከተማና ቀበሌ አስተዳደር አካላት የባንክ ሂሳብ በኩል እንደሚተላለፍ ተገልጿል።

አስተዳደር አካላቱ የባንክ ሂሳብ ማስተላለፊያ ደብተር ካላቸው በዚያው በኩል ከሌላቸው ደግሞ አዲስ የባንክ ሂሳብ በመክፈት በጀቱ እንዲደርሳቸው ይደረጋል ነው የተባለው።

ሚኒስቴሩ የትግራይ ሕዝብ እንደ ሌሎቹ የአገሪቱ ክልል ሕዝቦች የትምህርት ፣ የጤና ፣ የንጹሕ መጠጥ ውኃ ፣ የምግብ ዋስትና እንዲሁም ሌሎች መሠረታዊ የሆኑ ማኅበራዊና ኢኮኖሚያዊ አገልግሎቶች ድጋፍ እንዲያገኙ ይደረጋል ብሏል። (ENA)

@tikvahethiopiaBot @tikvahethiopia

#NEBE

የ6ኛው አገራዊ ምርጫ ኦፕሬሽን አስመልክቶ ፓለቲካ ፓርቲዎች ዛሬ ለምርጫው የተዘጋጁ ቁሳቁሶችን በኤግዚቢሽን ማዕከል እየጎበኙ ይገኛሉ፡፡

በዛሬው ዕለት የፓርቲዎች ማዕከል ቢሮ ቁልፍ ርክክብ ይደረጋል ተብሎ ይጠበቃል፡፡

ከዚህ ቀደም የሚዲያ አካላት ተመሳሳይ ጉብኝት ማድረጋቸው ይታወሳል፡፡

PHOTO : TIKVAH FAMILY (A.A)
@tikvahethiopiaBOT @tikvahethiopia