ማስታወሻ !

አዲሱን የገንዘብ ኖት የመቀየሪያ ጊዜ ሊያበቃ ፦

- ከ100 ሺህ ብር በታች ለሆነ 74 ቀን ቀርቶታል።

- ከ100 ሺህ ብር በላይ ለሆነ 14 ቀን ቀርቶታል።

Via Hibret Bank
@tikvahethiopiaBot @tikvahethiopia

#Irreecha2013

በዛሬው ዕለት የኦሮሚያ ጤና ቢሮ ኃላፊ ዶክተር መንግስቱ በቀለ በኢሬቻ በዓል ወቅት መደረግ ስለባቸው ጥንቃቄዎች መግለጫ ሰጥተዋል።

ዶ/ር መንግስቱ በመግለጫቸው ተከታዩን ብለዋል ፦

- የኮቪድ 19- ወረርሽኝ ከዚህ ቀደም ከነበረው ጊዜ በላይ እየተስፋፋ በመሆኑ የሆረ ፊንፊኔም ሆነ የሆረ አርሰዲ የኢሬቻ በዓል ላይ የሚሳተፉ ሰዎች በጥንቃቄ በዓሉን ሊያከብሩ ይገባል።

- በኢሬቻ በዓል የሚሳተፉ ሰዎች አካላዊ ርቀትን ሊጠብቁ እንዲሁም የአፍ እና አፍንጫ መሸፈኛ ጭምብል ሊያደርጉ ይገባቸዋል።

- በበዓሉ ወቅት ሊያጋጥሙ የሚችሉ የጤና ችግሮች ለመከላከል ቢሮው 7 ኮሚቴዎችን አዋቅሮ አስፈላጊውን ዝግጅት አጠናቋል።

- በበዓሉ ወቅት ከጤና ጋር ተያይዞ ለሚከሰት ችግር እርዳታ ማግኘት የፈለገ ሰው በነፃ 6955 ላይ ደውሎ መረጃ ማግኘት ይችላል። (etv)

@tikvahethiopiaBOT @tikvahethiopia

መስከረም 20/2013 ዓ/ም

የኢትዮጵያ ኮቪድ-19 መረጃዎች ፦

#Somali

በሱማሌ ክልል ባለፉት 24 ሰዓት 132 የላብራቶሪ ምርመራ ተደርጎ 3 ሰዎች በኮቪድ19 መያዛቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 243 የላብራቶሪ ምርመራ ተራደርጎ 78 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 591 የላብራቶሪ ምርመራ ተደርጎ 40 ሰዎች በኮሮና ቫይረስ መያዛቸው ተረጋግጧል። የ2 ሰዎች ህይወት አልፏል።


#DireDawa

በድሬዳዋ 194 የላብራቶሪ ምርመራ ተደርጎ 84 ሰዎች ላይ የኮሮና ቫይረስ ተገኝቷል።

#Sidama

በሲዳማ ክልል ባለፉት 24 ሰዓት ውስጥ 182 የላብራቶሪ ምርመራ የተደረገ ሲሆን 24 ሰዎች በኮቪድ-19 መያዛቸው ተረጋግጧል።

#Harari

በሐረሪ ክልል ባለፉት 24 ሰዓት ውስጥ 347 የላብራቶሪ ምርመራ የተደረገ ሲሆን 26 ሰዎች በኮቪድ-19 ተይዘዋል፤ የ1 ሰው ህይወት አልፏል።

#Tigray

በትግራይ ክልል ባለፉት 24 ሰዓት ውስጥ 287 የላብራቶሪ ምርመራ የተደረገ ሲሆን 5 ሰዎች በኮቪድ-19 መያዛቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 645 የላብራቶሪ ምርመራ የተደረገ ሲሆን 109 ሰዎች በኮቪድ-19 መያዛቸው ተረጋግጧል። የ3 ሰዎች ህይወት አልፏል።

#AddisAbaba

በአዲስ አበባ ከተማ ባለፉት 24 ሰዓት 2,926 የላብራቶሪ ምርመራ የተደረገ ሲሆን 385 ሰዎች በኮቪድ-19 መያዛቸው ተረጋግጧል። የ5 ሰዎች ህይወት አልፏል።

@tikvahethiopiaBOT

#COVID19Ethiopia

በኢትዮጵያ ባለፉት 24 ሰዓት በተደረገው 6,139 የላብራቶሪ ምርመራ 784 ሰዎች በቫይረሱ መያዛቸው ሲረጋገጥ የ7 ሰዎች ህይወት አልፏል። በተጨማሪ በትላንትናው ዕለት 199 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 75,368 የደረሱ ሲሆን የሟቾች ቁጥር 1,198 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 31,204 ደርሷል።

@tikvahethiopiaBot @tikvahethiopia

ጥቆማ!

EBS ቴሌቪዥን እና አፍሪ ሄልዝ ቴሌቪዥን የፍሬክዌንሲ ለውጥ አድርገዋል!

ኢ ቢ ኤስ ቴሌቪዥን ባጋጠመው ቴክኒካል ችግር ምክንያት በአዲስ የሳተላይት ፍሪክዌንሲ እንደተመለሰ አሳውቋል።

ናይልሳት 10971 H (ሆሪዞንታል) SR 27500 ላይ የሚገኝ መሆኑን ገልጿል።

በተጨማሪ ላቅ ባለ HD እና SD ጥራት ደግሞ : በኢትዮ ሳት NSS 12 H (ፍሪክዌንሲ) 11105 SR 45000 ላይ ልታገኙ ትችላላችሁ።

ለማስተካከል የዲሽ ቴክኒሻኖችን ያነጋገሩ።

በሌላ በኩል ፦

የአፍሪ ሄልዝ የቴሌቪዥን ጣቢያ የሳተላይት ፍሪክዌንሲ ለውጥ አድርጓል።

በውጡ መሰረት አዲሱ የሳተላይት መገኛው FREQUENCY 11555 , SR-27500 VERTICAL መሆኑን የጣቢያው ማኔጂንግ ዳይሬክተር ካሣ አያሌው ካሣ ነግረውናል።

የአድራሻ ለውጡ ከዛሬ መስከረም 21/2013 ዓ/ም ጀምሮ ስርጭት ይጀምራል። የጣቢያው ተከታታዮች በዚሁ አዲስ አድራሻው እነዲያገኙት ጣቢያው ጥሪ አቀቧል።

@tikvahethiopiaBot @tikvahethiopia

“ለክብራቸው በሚመጥን መልኩ ይሸኛሉ” - ኮሚቴው

የፕሮፌሰር መስፍን ወልደማርያም የቀብር ስነ ስርዓትን ለማስፈፀም ኮሚቴ ተዋቅሮ የተለያዩ ስራዎችን እየሰራ እንደሚገኝ ቪኦኤ ዘግቧል።

የቀብር ስነ ስርዓታቸው ክብራቸውን በሚመጥን መልኩ እንዲከናወን ዝግጅት ተጀምሯል።

ውጭ ሀገር ያሉት 2ቱ ልጆቻቸው ወደ ኢትዮጵያ የሚመጡት በያዝነው ሳምንት መጨረሻ እንደሆነ ስለሚጠበቅ ሚቀጥለው ሳምንት መጀመሪያዎቹ ላይ የቀብር ስነ ስርዓታቸው ይፈፀማል ተብሎ ይጠበቃል።

ትክክለኛ ቀኑን እንዲሁም ሰዓቱን ፣ የቀብር ስነ ስርዓታቸው የት እንደሚፈፀም በተመለከተ የቀብር ስነ ስርዓቱን ለማስፈፀም ኃላፊነት የወሰደው ኮሚቴ ለህዝብ እና ለመገናኛ ብዙሃን ይፋ ያደርጋል።

@tikvahethiopiaBot @tikvahethiopia

#Irreecha2013

የኦሮሚያ ክልል ኮሚኒኬሽን ቢሮ ኃላፊ አቶ ጌታቸው ባልቻ በሆራ ፊንፊኔ እና በሆራ አርሰዲ የኢሬቻ በዓል ላይ የሚገኙ ሰዎች መለየታቸውን ለሸገር ኤፍ ኤም 102.1 ተናግረዋል።

በእያንዳንዱ ቀን በሚከበረው በዓል ላይ የሚታደመው የሰው ቁጥር ከ5,000 እስከ 6,000 ይደርሳል ተብሏል።

አቶ ጌታቸው የኢሬቻ በዓል ለኮሮና ቫይረስ በማያጋልጥ መልኩ እንደሚከበርም ለሬድዮ ጣቢያው ገልፀዋል።

የፀጥታ ጥበቃውን አስተማማኝ ለማድረግ የክልሉ የፀጥታ አካላት ከአዲስ አበባ እና ከፌዴራል ፖሊስ ጋር በመሆን እየሰሩ ይገኛሉ፤ የክልሉ ፀጥታ ጥበቃ በሁሉም ዞኖች እና ከተሞች እየተካሄደ መሆኑን አቶ ጌታቸው አስታውቀዋል።

የኢሬቻ በዓል አከባበርን ወደ ፖለቲካ አጀንዳ ለመቀየር እና በኦሮሚያ ክልል አለመረጋጋት ለመፍጠር የሚያስቡ ወገኖች አሉ ያሉት አቶ ጌታቸው የፀጥታ አካላት በተቀናጀ መንገድ እየሰሩ ስለሆነ የሚያሰጋ ነገር አይኖርም ሲሉ ለሬድዮ ጣቢያው ገልፀዋል።

@tikvahethiopiaBot @tikvahethiopia

ችሎት!

የደቡብ ክልል ጠቅላይ ፍርድ ቤት የወላይታ ዞን የቀድሞ አመራሮችን ጨምሮ ለ20 ተጠርጣሪዎች የስር ፍርድ ቤት በፈቀደው ዋስትና ላይ እና ፖሊስ በጠየቀው የምርመራ ቀናት ላይ ብይን ለመስጠት ለመስከረም 27/2013 ዓ/ም ተለዋጭ ቀጠሮ ሰጥቷል።

ፍርድ ቤቱ ዛሬ በነበረው ችሎት በዋስትናው ጉዳይ እና ተጠርጣሪዎች ባቀረቡት አቤቱታ ላይ የደቡብ ክልል ፖሊስ ኮሚሽን በጹሁፍ ያቀረበውን የመልስ መልስ ተቀብሏል።

ዛሬ በነበረው ችሎት ማናቸውም ተጠርጣሪዎች በፍርድ ቤት አለመቅረባቸውን የ6ቱ ጠበቃ ተመስገን ዋጃና ተናግረዋል።

በማረሚያ ቤት እንዲቆዩ ከተደረጉ 15 ተጠርጣሪዎች ውስጥ አስራ 2ቱ በዛሬው ችሎት የተወከሉት፤ በ3 ጠበቆች መሆኑንም ገልጸዋል። ቀሪዎቹ 3 ተጠርጣሪዎች በራሳቸው የሚከራከሩ ናቸው ብለዋል።

ጠቅላይ ፍርድ ቤቱ ማክሰኞ በነበረው ችሎት በሰጠው ትዕዛዝ መሰረት፤ ተጨማሪ 8 ተጠርጣሪዎች በሶዶ ማረሚያ ቤት በእስር እንዲቆዩ መደረጋቸው ይታወሳል።

በማክሰኞው የፍርድ ቤቱ ትዕዛዝ ወደ ሶዶ ከተማ ማረሚያ ቤት ከተወሰዱ ተጠርጣሪዎች ውስጥ የቀድሞው የወላይታ ዞን አስተዳዳሪ አቶ ዳጋቶ ኩምቤ እና የዞኑ ብልጽግና ጽህፈት ቤት ኃላፊ አቶ ጥበቡ ዩሃንስ ይገኙበታል።

Via Ethiopia Insider
@tikvahethiopiaBot @tikvahethiopia

ችሎት!

አቶ ጃዋር መሃመድ እና 24 ሰዎች ላይ የተመሰረተውን ክስ በዛሬው እለት መሰማት #BBC (ቢቢሲ) ዘግቧል።

ክሳቸው እየተሰማ ያለው በፌደራል ከፍተኛ ፍርድ ቤት ሲሆን ፤ አቶ ጀዋር መሐመድ፣ አቶ በቀለ ገርባ ፣ ሐምዛ አዳነ ፣ ሸምሰዲን ጠሃ ፍርድ ቤት የተገኙት የማረሚያ ቤቱን ቢጫ ደንብ ልብስ ለብሰው ነው።

ከዚህም በተጨማሪ የሃጫሉ ምስል ያለበት የአፍና የአፍንጫ መሸፈኛ አድርገው ታይተዋል።

ተከሳሾቹ ለ2 በሰንሰለት ታስረው ችሎት ላይ የቀረቡ ሲሆን አቃቤ ሕጎች ወደ ችሎቱ ሲገቡ እጃቸውን ከፍ አድርገው እንደታሰሩ አሳይተዋል።

በመቀጠልም አቃቤ ሕግ ሰንሰለቱ ከእጃቸው ላይ እንዲፈታ በማዘዙ ተፈትቶላቸዋል። ከዚህ በፊት ሌላ ክስ ስላለባቸው መገኘት ያልቻሉት የኦፌኮ አባሉ አቶ ደጀኔ ጣፋ በዛሬው ዕለት ተገኝተዋል።

ችሎቱ መታየት የጀመረው በፍትሕ አዳራሽ ሲሆን በአዳራሾቹ የተከሳሽ ቤተሰቦችን ጨምሮ ሃያ (20) ሰዎች ተገኝተዋል።

MORE : https://telegra.ph/JM-10-01

@tikvahethiopiaBot @tikvahethiopia

ሹመት!

የኢትዮጵያ ስፔስ ሳይንስ እና ቴክኖሎጂ ኢንስቲትዩት አዲስ ዳይሬክተር ሾሟል፡፡

የኢንስቲትዩቱ ዳይሬክተር በነበሩት ዶ/ር ሰለሞን በላይ ምትክ አቶ አብዲሳ ይልማ ዋና ዳይሬክተር ሆነው ተሹመዋል።

ዶክተርር ይሹሩን አለማየሁን ደግሞ ምክትል ዋና ዳይሬክተር ሆነው ተሾመዋል፡፡

@tikvahethiopiaBot @tikvahethiopia

#UPDATE

በእነ አቶ ጃዋር መሐመድ ላይ ዐቃቤ ህግ ያቀረበውን ክስ እና የተከሳሾችን የክስ መቃወሚያ ምላሽ ለመመልከት ፍርድ ቤቱ ለህዳር 18 ተለዋጭ ቀጠሮ ሰጥቷል።

@tikvahethiopiaBot @tikvahethiopia

#UPDATE

በአዲስ አበባ ከተማ አስተዳደር ለተገነቡት መኖሪያ ቤቶች ዕጣ የወጣላቸው 52,229 የዕጣ ዕድለኞች ዛሬ ቁልፍ እንደሚረከቡ ሸገር ኤፍ ኤም 102.1 ሬድዮ ጣቢያ ዘግቧል።

በተጨማሪ 22,915 የልማት ተነሺ አርሶ አደሮችም እንዲሁ ቁልፍ እንደሚረከቡ ከሬድዮ ጣቢያው የተገኘው መረጃ ያሳያል።

የአ/አ ከተማ አስተዳደር የገነባቸው የጋራ መኖሪያ ቤቶች ዕጣ ለወጣላቸው ዕድለኞች ሲያስረክብ ይህ 13ኛው ዙር ነው፡፡

በአሁኑ ሰዓት በአዲሰ አበባ ማዘጋጃ ቤት ቅጥር ግቢ የቁልፍ ፣ የካርታ እንዲሁም የውል ርክክብ ማስጀመሪያ ስነ ስርዓት እይተካሄደ ይገኛል።

#ShegerFM
@tikvahethiopiaBot @tikvahethiopia

ተማሪዎችን እንዲጠራ ፍቃድ ያገኘ ዩኒቨርሲቲ አለ ?

እስከ አሁን ድረስ የሳይንስ እና ከፍተኛ ትምህርት ሚኒስቴር የዩኒቨርሲቲዎችን ዝግጅት ገምግሞ ተማሪዎችን እንዲጠራ ፍቃድ ሰጠው ተቋም እንደሌለ የህዝብ ግንኙነት ኃላፊው አቶ ደቻሳ ጉሩሙ አሳውቀውናል።

ዩኒቨርሲቲዎች ዝግጅት የሚያረጋግጠውና የሚገመግመው ግብረ ኃይል በተለያየ አቅጣጫዎች ተንቀሳቅሶ እየተደረገ ስለሚገኘው ዝግጅት ከዛሬ ጀምሮ መመልከት መጀመሩንና በአጭር ጊዜ ስራው እንደሚጠናቀቅ የሚኒስቴሩ የህዝብ ግንኙነት ኃላፊ ገልፀውልናል።

@tikvahethiopiaBot @tikvahethiopia

ከነገ ጀምሮ የሚዘጉ መንገዶች!

ለኢሬቻ በዓል ከዋዜማው ጀምሮ ለተሽከርካሪዎች እና ለእግረኞች ዝግ የሚሆኑ መንገዶችን የአ/አ ፖሊስ ኮሚሽኑ ይፋ አድርጓል፡፡

በዚሁ መሰረት ነገ ከቀኑ 10:30 ጀምሮ የሚዘጉት መንገዶች የሚከተሉት ናቸው፦

- ከቦሌ አየር መንገድ ፣በሚሌኒየም አዳራሽ ወደ መስቀል አደባባይ የሚወስደው መንገድ ደምበል ሲቲ ሴንተር ኦሎምፒያ አደባባይ፤

- ከመስቀል ፍላወር ወደ ኦሎምፒያ የሚወስደው መንገድ ማዘጋጃ ጋራዥ ወይም ጋዜቦ አደባባይ፤

- ከመገናኛ ፣በሃያ ሁለት ወደ መስቀል አደባባይ እንዲሁም ከቦሌ መድኃኔዓለም ፣በአትላስ ሆቴል ወደ መስቀል አደባባይ የሚወስደው መንገድ ቅዱስ ዑራኤል ቤተ-ክርስቲያን አካባቢ፤

- ከፒያሳ ወደ መስቀል አደባባይ የሚወስደው መንገድ ቴዎድሮስ አደባባይ፤

- ከአራት ኪሎ ወደ መስቀል አደባባይ የሚወስደው መንገድ ባሻ ወልዴ ችሎት ወይም ፓርላማ መብራት ላይ፤

- እንዲሁም ከሳሪስ ፣በጎተራ ወደ መስቀል የሚወስደው መንገድ አጎና ሲኒማ፤

- ከካዛንቺስ በቤተ መንግስት ፍል ውሃ የሚወስደው መንገድ ኢንተር ኮንቲኔንታል ሆቴል ፣ ከዑራኤልና አዋሬ የሚመጡ መንገዶች ካዛንቺስ ቶታል ላይ፤

- በተጨማሪም ከካዛንቺስ ወደ አራት ኪሎ የሚወስደው መንገድ ግቢ ገብርኤል መስቀለኛው ላይ፤

- ከተክለሃይማኖት፣በሚቲዎሮሎጂ፣ መስቀል አደባባይ የሚወስደው መንገድ ሚቲዎሮሎጂ መስሪያ ቤት አካባቢ፤

- ከተክለሃይማኖት፣በጥቁር አንበሳ ሆስፒታል፣ ኢሚግሬሽን ጥቁር አንበሳ የኋላ በር መስቀለኛው ላይ፤

- ከጌጃ ሰፈር፣ጤና ጥበቃ፣ብሄራዊ ቲያትር የሚወስደው መንገድ ጎማ ቁጠባ የትራፊክ መብራት፤

- ከቄራ ወደ ቂርቆስ የሚወስደው መንገድ ታቦት ማደሪያ፤

- ከጦር ኃይሎች፣ ልደታ፣ከፖሊስ ሆስፒታል ሜክሲኮ አደባባይ ያለው መንገድ፤

#SHARE #ሼር

@tikvahethiopiaBOT

#COVID19Ethiopia

በኢትዮጵያ ባለፉት 24 ሰዓት በተደረገው 6,475 የላብራቶሪ ምርመራ 730 ሰዎች በቫይረሱ መያዛቸው ሲረጋገጥ የ7 ሰዎች ህይወት አልፏል። በተጨማሪ በትላንትናው ዕለት 226 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 76,098 የደረሱ ሲሆን የሟቾች ቁጥር 1,205 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 31,430 ደርሷል።

@tikvahethiopiaBot @tikvahethiopia

መስከረም 21/2013 ዓ/ም

የኮቪድ-19 መረጃዎች ፦

#Somali

በሱማሌ ክልል ባለፉት 24 ሰዓት 75 የላብራቶሪ ምርመራ ተደርጎ 4 ሰዎች በኮቪድ19 መያዛቸው ተረጋግጧል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 201 የላብራቶሪ ምርመራ ተራደርጎ 41 ሰዎች በኮሮና ቫይረስ መያዛቸው ተረጋግጧል።

#Amhara

በአማራ ክልል ባለፉት 24 ሰዓት 696 የላብራቶሪ ምርመራ ተደርጎ 25 ሰዎች በኮሮና ቫይረስ መያዛቸው ተረጋግጧል።

#DireDawa

በድሬዳዋ 195 የላብራቶሪ ምርመራ ተደርጎ 76 ሰዎች ላይ የኮሮና ቫይረስ ተገኝቷል።

#Harari

በሐረሪ ክልል ባለፉት 24 ሰዓት ውስጥ 211 የላብራቶሪ ምርመራ የተደረገ ሲሆን 65 ሰዎች በኮቪድ-19 ተይዘዋል።

#Tigray

በትግራይ ክልል ባለፉት 24 ሰዓት ውስጥ 621 የላብራቶሪ ምርመራ የተደረገ ሲሆን 36 ሰዎች በኮቪድ-19 መያዛቸው ተረጋግጧል።

#Oromia

በኦሮሚያ ክልል ባለፉት 24 ሰዓት ውስጥ 652 የላብራቶሪ ምርመራ የተደረገ ሲሆን 89 ሰዎች በኮቪድ-19 መያዛቸው ተረጋግጧል። የ2 ሰዎች ህይወት አልፏል።

#AddisAbaba

በአዲስ አበባ ከተማ ባለፉት 24 ሰዓት 2,814 የላብራቶሪ ምርመራ የተደረገ ሲሆን 286 ሰዎች በኮቪድ-19 መያዛቸው ተረጋግጧል። የ2 ሰዎች ህይወት አልፏል።

#Gambella

በጋምቤላ ክልል ባለፉት 24 ሰዓት 88 የላብራቶሪ ምርመራ ተደርጎ 10 ሰዎች ላይ ቫይረሱ ተገኝቷል፤ 7ቱ ኢትዮጵያውያን ፣ 3ቱ ቻይናውያን ናቸው።

#SNNPRS

በደቡብ ክልል ባለፉት 24 ሰዓት ውስጥ 793 የላብራቶሪ ምርመራ የተደረገ ሲሆን 70 ሰዎች በኮቪድ-19 መያዛቸው ተረጋግጧል።

@tikvahethiopiaBOT

ዶናልድ ትራምፕ እና ባለቤታቸው በኮቪድ-19 ተያዙ!

ፕሬዚዳንት ዶናልድ ትራምፕ እና ቀዳማዊት እመቤት ሜላኒያ ትራምፕ በኮሮና ቫይረስ መያዛቸው መረጋገጡን ቪኦኤ ዘግቧል።

ፕሬዚዳንት ዶናልድ ትራምፕ በትዊተር ገፃቸው ላይ እርሳቸው እና ባለቤታቸው በኮሮና ቫይረስ መያዛቸውን ገልፀዋል።

የዶናልድ ትራምፕ የቅርብ አማካሪያ በኮሮና ቫይረስ መያዟን ተከትሎ ነው ለእርሳቸው እና ለባለቤታቸው የኮሮና ቫይረስ ምርመራ የተደረገላቸው።

@tikvahethiopiaBot @tikvahethiopia

#ATTENTION

የሆራ ፊንፊኔ ኢሬቻ በዓል በሚከበርበት ዙሪያ እና አካባቢው ዛሬ ከቀኑ 8 ሰዓት 30 ጀምሮ ፕሮግራሙ እስኪጠናቀቀ ድረስ በግራ እና በቀኝ ለረጅምም ሆነ ለአጭር ጊዜ ተሽከርካሪ አቁሞ መሄድ በፍጹም የተከለከለ መሆኑን አዲስ አበባ ፖሊስ ኮሚሽን አስታውቋል።

#Irreecha2013
@tikvahethiopiaBot @tikvahethiopia

#Irreecha2013

2ኛው ኢሬቻ ፎረም አባገዳዎች፣ የኦሮሚያ ክልል ፕሬዘዳንት አቶ ሽመልስ አብዲሳ፣ የሶማሌ ክልል ፕሬዘዳንት አቶ ሙስጠፌ ሙሀመድ ፣ የአዲስ አበባ ከተማ ምክትል ከንቲባ ወ/ሮ አዳነች አቤቤ ፣ የባህልና ቱሪዝም ሚኒስትር ዶክተር ሂሩት ካሳውና ሌሎችም የፌዴራል እና የክልል ከፍተኛ ባለስልጣናት በተገኙበት በአዲስ አበባ እየተካሄደ ይገኛል።

@tikvahethiopiaBot @tikvahethiopia

"ተማሪዎች ከጥቅምት 9 ጀምሮ ትምህርት ቤት በመገኘት ዝግጅት ማድረግ አለባቸው" - አቶ ማሄ ቦዳ (የደቡብ ክልል ትምህርት ቢሮ ኃላፊ)

የደቡብ ክልል መንግስት ትምህርት ቢሮ ኃላፊ አቶ ማሄ ቦዳ የ12ኛ ክፍል ተማሪዎች ፈተና በኦንላይን የሚሰጥ ሲሆን የ8ኛ ክፍል ፈተና #በክልል ደረጃ ዝግጅት እየተደረገ መሆኑን ገልፀዋል።

የቢሮ ኃላፊው የ8ኛ ክፍል ብሔራዊ ፈተና ሕዳር 22 እና 23 ቀን 2013 ዓ. ም እንደሚሰጥ፤ የ12ኛ ክፍል መልቀቂያ ፈተና ከሕዳር 28 እስከ ታህሳስ 1 ቀን 2013 ዓ.ም እንደሚሰጥ አስታውሰዋል።

የ12ኛ ክፍል ብሔራዊ ፈተና ኮቪድ-19 ወረርሽኝ መከላከል መሠረት ባደረገ መልክ በኦንላይ ስለሚሆን ከኩረጃ የፀዳ ነው ብለዋል፡፡

አቶ ማሄ ቦዳ ተማሪዎች ከጥቅምት 9/2013 ዓ/ም ጀምሮ ትምህርት ቤት በመገኘት ዝግጅታቸውን ማድረግ አለባቸው ሲሉ ማሳስበባቸውን ከቢሮው የ ኮሚኒኬሽን ዳይሬክቶሬት ያገኘነው መረጃ ያሳያል።

@tikvahethiopiaBot @tikvahethiopia