የትምህርት ቤት ክፍያ የተጨመረባቸውና የአከፋፈል ስርዓቱ የተቀየረባቸው የተማሪ ወላጆች ለቲክቫህ ኢትዮጵየ ቅሬታቸውን አሰምተዋል!

ትላንት ነሃሴ 20/2012 ጀምሮ የ2013 ትምህርት ዘመን ምዝገባ መጀመሩን ተከትሎ አንዳንድ ትምህርት ቤቶች የወራዊ ክፍያ ጭማሪ እንዲሁም የአከፋፈል ሥርዓቱ እንደተቀየረ ቅሬታቸውን አድርሰውናል፡፡

እኛም ይህንን የወላጆች ቅሬታ ለትምህርት ሚኒስቴር አቅርበናል፡፡ ድርጊቱ ተገቢነት የሌለውና አስፈላጊው ክትትል የሚደረግበት እንደሆነ የነገሩን በሚኒስቴሩ የኮሙኒኬሽን ዳይሬክተሯ ወይዘሮ ሀረጓ ማሞ ናቸው፡፡

እንደ ዳይሬክተሯ ገለጻ ትምህርት ቤቶች ከዚህ ቀደም ሲያስከፍሉበት በነበረው መሰረት( የወር ሲያስከፍሉ የነበሩ የወር፣ የተርም ሲያስከፍሉ የነበሩ የተርም) የክፍያ ሥርዓታቸውን ሳይቀይሩ ምዝገባውን ማካሄድ እንዳለባቸው አሳስበዋል፡፡

የዋጋ ጭማሪ ጋር በተያያዘም በ2012 ከነበረው ክፍያ ላይ ጭማሪ ማድረግ እንዳልተፈቀደ የገለጹ ሲሆን ወላጆች እንዲህ አይነት ችግር ካጋጠማቸውም በአከባቢው ወዳለ ትምህርት ቢሮ ማመልከት ይችላሉም ብለዋል፡፡ ከጉዳዩ ጋር በተያያዘም መግለጫ እንደሚሰጡም ነግረውናል፡፡

ጉዳዩን ወደ አዲስ አበባ ትምህርት ቢሮም አቅርበን ነበር፡፡ የቢሮው የኮሚኒኬሽን ጉዳዮች ዳይሬክተር አቶ አበበ ቸርነት በትምህርት ሚኒስቴር የተቀመጠ አቅጣጫ መኖሩን የገለጹ ሲሆን ቅሬታ ያላቸው ሰዎች ቅሬታቸውን ከወረዳ ጀምሮ ባሉ መዋቅሮች ማቅረብ ይችላሉ ብለዋል፡፡

በአዲስ አበባ ባሉ አንዳንድ የግል ትምህርት ቤቶች ላይ በወላጆች በተነሱት ቅሬታዎች ላይ በቢሮው የተያዘ አቅጣጫ እንዳለ የጠየቅናቸው አቶ አበበ 'ቅሬታ ያላቸው አካላት መዋቅሩን ተከትሎ ቢያቀርቡ መፍትሔ ያገኛሉ' ሲሉ ነው ምላሻቸውን የሰጡን፡፡

@tikvahethiopiaBot @tikvahethiopia

#Tigray #AddisAbaba #COVID19

የአዲስ አበባ ከተማ አስተዳደር ጤና ቢሮ የነሃሴ 21 ሪፖርት እንደሚያሳየው በከተማው 640 ሰዎች በኮሮና ቫይረስ መያዛቸው ሲረጋገጥ የ17 ሰዎች ህይወት አልፏል።

ህይወታቸው ካለፈው 17 ሰዎች መካከል 10 ሰዎች በአስክሬን ላይ በተደረገ የላብራቶሪ ምርመራ ሲሆን 7 ሰዎች ከጤና ተቋም ናቸው።

በሌላ መረጃ፦

የትግራይ ክልል ጤና ቢሮ የነሃሴ 21/2012 ሪፖርት ከጥቂት ደቂቃዎች በፊት ይፋ ያደረገ ሲሆን በዚህም ከ706 የላብራቶሪ ምርመራ 56 ሰዎች በቫይረሱ መያዛቸው ተረጋግጧል፤ 101 ሰዎች አገግመዋል።

ከነዚህ 56 ሰዎች መካከል 22 ለይቶ ማቆያ ማዕከል የነበሩ ፣ 5 በቫይረሱ ከተያዘ ሰው ጋር ንክኪ ያላቸው ፣ 29 የጉዞ ታሪክና ንክኪ የሌላቸው ናቸው።

እስከሁን ድረስ በትግራይ ክልል 44,600 የላብራቶሪ ምርመራ የተደረገ ሲሆን 3,552 ሰዎች ኮሮና ቫይረስ ተገኝቶባቸዋል፤ ከነዚህ መካከል የ18 ሰዎች ህይወት አልፏል ፣ 2,184 ሰዎች አገግመዋል።

@tikvahethiopiaBot @tikvahethiopia

ችሎት!

በፌደራል የመጀመሪያ ደረጃ ፍርድ ቤት አራዳ ምድብ ተረኛ የጊዜ ቀጠሮ ችሎት አቶ ጃዋር መሀመድን ጨምሮ በ14ቱም ተጠርጣሪዎች ላይ ቀሪ የቅድመ ምርመራ ምስክሮችን ለመስማት ለፊታችን ማክሰኞ ተለዋጭ ቀጠሮ ሰጠ።

የኢትዮጵያ ህብረተሰብ ጤና ኢንስቲትዩት አቶ ጃዋር መሃመድን ጨምሮ  ከአራተኛ እስከ 14ኛ  የተዘረዘሩ ተጠርጣሪዎች የኮቪድ-19 ምርመራ ተደርጎላቸው ነፃ መሆናቸውን የሚገልፅ ውጤት ለፍርድ ቤቱ ቀርቧል።

ከዚህ በፊት አቶ ጃዋር መሀመድና አቶ በቀለ ገርባ ከጓደኞቻቸው ጋር መገናኘት አልቻልንም ሲሉ ለፍርድ ቤቱ ባቀረቡት አቤቱታ ላይ ፍርድ ቤቱ በጓደኛ የመጠየቅ  መብት ቢኖራቸውም የኮሮናቫይረስ ወረርሽኝ መከሰትን ተከትሎ የወጣው የአስቸኳይ ጊዜ አዋጅ የሚከለክል በመሆኑ አልተቀበለም።

አንደኛ ተጠርጣሪ የሆኑት አቶ ጃዋር መሃመድ ከልጄ እና ከባለቤቴ ጋር በቪዲዮ ኮንፍረንስ እንድገናኝ ይፈቀድልኝ  ሲሉ ያቀረቡትን ጥያቄ ፍርድ ቤቱ ተቀብሎ በሳምንት ሁለት ጊዜ በቪዲዮ ኮንፍረንስ እንዲገናኙ አዟል።

12ኛ ተጠርጣሪ የሆኑት አቶ ሸምሰዲን ጣሃ ጆሮዬን ታምሚያለሁ የተሻለ ሆስፒታል ልታከም  ብለው አቤቱታ ያቀረቡ ሲሆን ፍርድ ቤት በመረጡት ሆስፒታል እንዲታከሙ እንዲመቻችላቸው አዟል።

ፍርድ ቤቱ አቶ ጃዋር መሀመድን ጨምሮ በአጠቃላይ 14 ተጠርጣሪዎች ላይ የሚመሰክሩ ቀሪ ምስክሮችን ለማድመጥ ለፊታችን ማክሰኞ ተለዋጭ ቀጠሮ ሰጥቷል።

Via Tarik Adugna (ኤፍ ቢ ሲ)
@tikvahethiopiaBot @tikvahethiopia

#EZEMA

የኢትዮጵያ ዜጎች ለማኅበራዊ ፍትህ ፓርቲ (ኢዜማ) ዛሬ ነሐሴ 22/2012 ዓ/ም በአዲስ አበባ ከተማ የሚካሔዱ የመሬት ወረራዎችን እና ኢ-ፍትሀዊ የሆነ የመኖሪያ ቤቶችን ክፍፍል በሚመለከት በራስ ሆቴል ሊሰጥ የነበረው መግለጫ በፖሊስ መበተኑን አዲስ ማለዳ ጋዜጣ ዘግቧል።

የፓርቲው የሕዝብ ግንኙነት ኃላፊ የሆኑት ናትናኤል ፈለቀ እንደተናገሩት ከቀናት በፊት ስለስብሰባው ለሰላም ሚኒስቴር ከዚህ ቀደም እንደሚደረገው ሁሉ በደብዳቤ ያሳወቁ ቢሆንም ዛሬ ነሐሴ 22/2012 በራስ ሆቴል ሊሰጥ ነበረው መግለጫ ግን የቂርቆስ ክፍለ ከተማ ፖሊስ መምሪያ ስለ መግለጫው መረጃ የለኝም በሚል መግለጫው እንዳይካሔድ መከልከሉ ታውቋል።

Via Addis Maleda
@tikvahethiopiaBot @tikvahethiopia

በቦሌ ለሚ ኢንደስትሪ መንደር በወንዝ አቅራቢያ የሚገኝ አንድ የባለ 132 ኪሎ ቮልት ኃይል ተሸካሚ ምሰሶ በጎርፍ በመውደቁ ምክንያት ከትናንት እኩለ ቀን ጀምሮ የተቋረጠውን ኃይል ለመቀጠል ርብርብ እየተደረገ መሆኑን የኢትዮጵያ ኤሌክትሪክ ኃይል አስታውቋል።

የአካባቢው መስመር ከኮተቤ ከሚወጣ መስመር ጋር በጊዜያዊነት በማገናኘት እስከ ማምሻው ድረስ ኃይል እንዲያገኝ ለማድረግ ጥረት እየተደረገ ይገኛል ተብሏል።

@tikvahethiopiaBot @tikvahethiopia