ዩኤኢ (UAE) ትምህርት ከመጀመሩ በፊት ለመምህራኖቿ የኮሮና ምርመራ እያደረገች ነው!

የተባበሩት አረብ ኤሚሬቶች ተማሪዎች ወደ ትምህርት ቤቶች ከመመለሳቸው አስቀድማ የግል ትምህርት ቤት መምህራንን እየመረመረች ነው፡፡

205 የግል ትምህርት ቤቶች በሚገኙባት አቡዳቢ ከ15 ሺ የሚበልጡ መምህራን ተመርምረዋል፡፡

ምርመራው ሁሉንም የትምህርት ተቋማቱን መምህራን እና የስታፍ አባላት እስኪያዳርስ ድረስ እንደሚቀጥልም ነው ዘ ናሽናልን ዋቢ አድርጎ አል አይን የዘገበው፡፡

@tikvahethiopiaBot @tikvahethiopia

ነሃሴ 22/2012 ዓ/ም

የኢትዮጵያ የኮቪድ-19 መረጃዎች #1፦

#Somali

በሱማሌ ክልል ባለፉት 24 ሰዓት 725 የላብራቶሪ ምርመራ ተደርጎ 34 ሰዎች በኮቪድ-19 መያቸው ተረጋግጧል።

አጠቃላይ በሱማሌ፦
- 1,128 በቫይረሱ የተያዙ
- 23 ሞት
- 693 ያገገሙ

#Oromia

በኦሮሚያ ክልል ባለፉት 24 ሰዓት ውስጥ 3,642 የላብራቶሪ ምርመራ የተደረገ ሲሆን 255 ሰዎች በቫይረሱ መያዛቸው ተረጋግጧል።

በቫይረሱ ከተያዙት መካከል ፦
- 58 ከምዕራብ ሀረርጌ
- 54 ከምዕራብ አርሲ
- 23 ከሰሜን ሸዋ
- 17 ከለገጣፎ ከተማ
- 16 ከአዳማ ከተማ
- 15 ከሞጆ ከተማ
- 14 ከጉጂ ይገኙበታል

አጠቃላይ በኦሮሚያ ፦
- 5,843 በቫይረሱ የተያዙ
- 42 ሞት
- 1,762 ያገገሙ

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 266 የላብራቶሪ ምርመራ ተደርጎ 19 ሰዎች በኮሮና ቫይረስ መያዛቸው ተረጋግጧል።

በቫይረሱ የተያዙት መካከል ፦
- 1 ከቡለን ወረዳ
- 3 ከአሶሳ ከተማ
- 10 ከማኦ ኮሞ ልዩ ወረዳ
- 3 ከባንቢስ ወረዳ ይገኙበታል።

አጠቃላይ በቤኒሻንጉል ጉሙዝ ፦
- 546 በቫይረሱ የተያዙ
- 274 ያገገሙ

#Harari

በሀረሪ ክልል ባለፉት 24 ሰዓት 376 የላብራቶሪ ምርመራ ተደርጎ 97 ሰዎች በኮቪድ-19 መያዛቸው ተረጋግጧል። የሁለት ሰዎች ህይወት አልፏል።

#Amhara

በአማራ ክልል ባለፉት 24 ሰዓት 3,972 የላብራቶሪ ምርመራ ተደርጎ 143 ሰዎች በኮሮና ቫይረስ መያዛቸው ተረጋግጧል።

በቫይረሱ ከተያዙት መካከል፦
- 42 ከሰ/ወሎ ዞን
- 31 ከዋግ ኽምራ ብ/ሰብ ዞን
- 19 ከጎንደር ከተማ
- 12 ከባህር ዳር ከተማ
- 9 ከደሴ ከተማ ይገኙበታል።

@tikvahethiopiaBot

ባለፉት 24 ሰዓት 1,733 ሰዎች በኮቪድ-19 ሲያዙ የ13 ሰዎች ህይወት አልፏል!

ባለፉት 24 ሰዓት በተደረገው 18,766 የላብራቶሪ ምርመራ 1,733 ሰዎች በቫይረሱ መያዛቸው ሲረጋገጥ የ13 ሰዎች ህይወት አልፏል። በተጨማሪ በትላንትናው ዕለት 586 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 48,140 የደረሱ ሲሆን የሟቾች ቁጥር 758 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 17,415 ደርሷል።

@tikvahethiopiaBot @tikvahethiopia

ነሃሴ 22/2012 ዓ/ም

የኢትዮጵያ የኮቪድ-19 መረጃዎች #2፦

#SNNPRS

በደቡብ ክልል ባለፉት 24 ሰዓት ውስጥ በተደረገው 2,604 የላብራቶሪ ምርመራ ሃምሳ አራት (54) ሰዎች በቫይረሱ መያዛቸው ተረጋግጧል።

በቫይረሱ የተያዙት ፦

- ከጌዴኦ 12 (ዲላ 7፣ ይርጋጨፌ 3፣ ወናጎ 2) ፣
- ከደቡብ ኦሞ 11 (ጂንካ 5፣ በናፀማይ 4፣ ሀመር 1፣ ማሌ 1)፣
- ከወላይታ 10 (ዳሞት ወይዴ 9 ፣ ሶዶ 1)፣
- ከከምባታ ጠምባሮ 8 (ዱራሜ 5፣ አዲሎ ዙሪያ ወረዳ 2 እና ዳንቦያ 1)፣
- ከጉራጌ 5፣ ከጋሞ 2 (1 ቦረዳ 1 አርባምንጭ) ፣
- ከምዕራብ ኦሞ 2 (2ቱም ከሜኒት ጎልዲያ)
- ከደራሼ 2 ፣
- ከጎፋ 1 (ዛላ) እና ሃላባ 1 ዞኖች እና ልዩ ወረዳዎች ናቸው፡፡

አጠቃላይ በደቡብ ፦
- 1,100 በቫይረሱ የተያዙ
- 9 ሞት
- 453 ያገገሙ

#Sidama

በሲዳማ ክልል ባለፉት 24 ሰዓት ውስጥ 523 የላብራቶሪ ምርመራ የተደረገ ሲሆን 32 ሰዎች በኮሮና ቫይረስ መያዛቸው ተረጋግጧል።

በቫይረሱ የተያዙት ሁሉም (32) ከሀዋሳ ከተማ ናቸው።

አጠቃላይ በሲዳማ ፦
- 1,359 በቫይረሱ የተያዙ
- 15 ሞት
- 502 ያገገሙ

#DireDawa

ድሬዳዋ ከተማ ባለፉት 24 ሰዓት 294 የላብራቶሪ ምርመራ ተደርጎ 6 ሰዎች በኮቪድ-19 መያዛቸው ተረጋግጧል።

አጠቃላይ በድሬዳዋ ፦
- 911 በቫይረሱ የተያዙ
- 20 ሞት
- 751 ያገገሙ

@tikvahethiopiaBOT

የአ/አ ፖሊስ ኮሚሽን የእስረኞች አስተዳደር ኃላፊ በፖሊስ ተይዘው ፍርድ ቤት እንዲቀርቡ የፌደራል የመጀመሪያ ደረጃ ፍርድ ቤት አራዳ ምድብ ችሎት ትዕዛዝ መስጠቱን #BBC አስነብቧል። ፍርድ ቤቱ ኃላፊው በ24 ሰዓት ተይዘው እንዲቀርቡ ነው ትዕዛዝ የሰጠው።

ይህ ትዕዛዝ የተሰጠው በእነ አቶ ጃዋር የክስ መዝገብ ውስጥ ያሉ የOMN ጋዜጠኛ መለሰ ድሪብሳና ሌሎች አራት (4) ሰዎች የኮቪድ-19 ምርመራ ተደርጎላቸው ውጤት እንዲያመጡ የተሰጠው ተደጋጋሚ ትዕዛዝ ተፈፃሚ ባለመሆኑ ነው።

ፍርድ ቤቱ ነሐሴ 20/2012 ዓ/ም በነበረው ችሎት ላይ ተጠርጣሪዎቹ ለምን የኮቪድ-19 ምርመራ እንዳልተደረገላቸው ኃላፊው ፍርድ ቤት መጥተው ያስረዱ ቢልም አስተዳዳሪው ዛሬ በነበረው ችሎት ላይ ሳይቀረቡ ቀርተዋል፣ ተወካይም አላኩም ተብሏል።

@tikvahethiopiaBot @tikvahethiopia

በቤት ውስጥ የኮቪድ-19 በሽታ ህክምና አገልግሎት ለማግኘት የሚያስችሉ መስፈርቶች የሚከተሉት ናቸው፦

1. በቤት ሆኖ የኮቪድ-19 ህክምና ለማግኘት ፍቃደኛ የሆነ፣

2. ቀላል ወይም ምንም አይነት የኮቪድ-19 ምልክት የሌለበት፣

3. በቤት ውስጥ የቆይታ ጊዜ አጋዥ ወይም ረዳት ያለው እንዲሁም እራሱን መርዳት የሚችል፣

4. የምግብ እና ሌሎች መሰረታዊ ፍላጎቶችን ማግኘት ወይም ማሟላት የሚችል፣

5. በተመሳሳይ ቤት ውስጥ የሚኖር ሌላ ሰው የግል ንፅህና መጠበቂያዎችን እንዲሁም የአፍና የአፍንጫ ማሸፈኛ ጭንብሎችን ማግኘት የሚችል እንደሆነ፣

6. ኮቪድ-19 የተገኘበት ሰው ከሌሎች ተዷጋኝ በሽታዎች ማለትም የልብና የደም ቧንቧ በሽታ ፣ የስኳር በሽታ፣ አስም፣ ኤች አይቪ፣ ቲቢ፣ ካንሰርና የመሳሰሉት በሽታዎች ካሉባቸው ሰዎች ጋር አብሮ የማይኖር ከሆነ፣

7. የኮቪድ-19 የተገኘበት ሰው ከቤት ላለመውጣት ወይም ማናቸውም ጠያቂ ወደቤት እንዳይመጣ ለማድረግ ማረጋገጫ የሚሰጥ ከሆነ፣

8. እራሱን ከሌሎች የቤተሰብ አባላት ለይቶ ማቆየት የሚያስችል ክፍል ወይም ከቤተሰብ አባላት በ2 ሜትር ርቀት ላይ መቆየት የሚያስችል ክፍል ያለው እንደሆነ፣

9. በጤና ቡድን በቋሚነት ለመደገፍ ፈቃደኛ የሆነ፣

@tikvahethiopiaBot @tikvahethiopia

#Tigray #COVID19

የትግራይ ክልል ጤና ቢሮ የነሃሴ 22/2012 ሪፖርት ከጥቂት ደቂቃዎች በፊት ይፋ ያደረገ ሲሆን በዚህም ከ418 የላብራቶሪ ምርመራ 63 ሰዎች በቫይረሱ መያዛቸው ተረጋግጧል፤ የአንድ ሰው ህይወት አልፏል፤ ተጨማሪ 139 ሰዎች አገግመዋል።

በቫይረሱ ከተያዙት 63 ሰዎች መካከል 15 ለይቶ ማቆያ ማዕከል የነበሩ ፣ 7 በቫይረሱ ከተያዘ ሰው ጋር ንክኪ ያላቸው ፣ 41 የጉዞ ታሪክና ንክኪ የሌላቸው ናቸው።

እስከሁን ድረስ በትግራይ ክልል 45,018 የላብራቶሪ ምርመራ የተደረገ ሲሆን 3,615 ሰዎች ኮሮና ቫይረስ ተገኝቶባቸዋል፤ ከነዚህ መካከል የ19 ሰዎች ህይወት አልፏል ፣ 2,323 ሰዎች አገግመዋል።

@tikvahethiopiaBot @tikvahethiopia

የኢትዮጵያ ፣ ሱዳን እና ግብፅ የውሃ ጉዳይ ሚኒስትሮች ትላንት (ነሃሴ 22/2012 ዓ/ም) ስብሰባ አካሂደዋል።

በስብሰባ ሂደቱ ታዛቢ የሆኑት የደቡብ አፍሪካ ፣ አውሮፓ ህብረት እና የአሜሪካ ተወካዮች እንዲሁም የአፍሪካ ህብረት የወከላቸው ባለሞያዎች ተገኝተው ነበር።

በስብሰባው ላለፈው አንድ ሳምንት በሃገራቱ ባለሙያዎች በትላቁ የኢትዮጵያ ህዳሴ ግድብ አሞላል እና ውሃ አለቃቀቅ ደንብ ላይ ሲከናወን የነበረው የባለሙያዎች ድርድር ሪፖርት ቀርቧል። የሃገራቱ ባለሙያዎች ከነሃሴ 15 ጀምሮ በበይነ መረብ ስብሰባቸውን አካሂደዋል።

በቀጣይ በሚኖረው ሂደት በሚመለከት ሃገራቱ የድርድሩ ሂደት የሚገልጥ ደብዳቤ ለደቡብ አፍሪካዋ ዓለም አቀፍ ግንኙነት እና ትብብር ሚኒስትር እና የአፍሪካ ህብረት የአስፈፃሚ ምክር ቤት የወቅቱ ሊቀመንበር ዶ/ር ናዴሊ ፓንዶር ለመላክ ተስማምተዋል።

በዚህ መሰረት ሱዳን የምትሰጠው ማረጋገጫ የሚጠበቅ ሆኖ የሶስትዮሽ ስብሰባው መስከረም 4 እንደሚቀጥል ይጠበቃል።

@tikvahethiopiaBot @tikvahethiopia

#UPDATE

በቦሌ ለሚ ኢንዱስትሪ መንደር እና አካባቢው የተቋረጠውን የኤሌክትሪክ ኃይል ዛሬ ማምሻውን እንዲያገኝ መስመሩን ለመቀጠል ጥረት እየተደረገ መሆኑን የኢትዮጵያ ኤሌትሪክ ሃይል ለኢዜአ አስታውቋል።

ኃይል የተቋረጠው የክረምቱ ዝናብ ባስከተለው ጎርፍ በቦሌ ለሚ ኢንደስትሪ መንደር አካባቢ አንድ ባለ 132 ኪሎ ቮልት ኃይል ተሸካሚ ምሰሶ በመውደቁ መሆኑ ትላንት ተገልጿል።

የወደቀውን የከፍተኛ ኃይል ተሸካሚ ምሰሶ በሌላ የመተካት ስራው ጊዜ የሚወስድ በመሆኑ የአካባቢውን መስመር ከኮተቤ ከሚወጣው መስመር ጋር በጊዜያዊነት በማገናኘት ዛሬ ማምሻውን ኃይል እንዲያገኝ ለማድረግ እየተሰራ ነው።

መስመሩን አገናኝቶ ሃይል ለመልቀቅ የሚከናወናው ስራ ትናንት ማምሻውን ለማጠናቀቅ ታቅዶ የነበረ ቢሆንም በወቅቱ በጣለው ከባድ ዝናብ ማጠናቀቅ ሳይቻል ቀርቷል።

በዛሬው እለት መስመሩ ተስተካክሎ አካባቢው የኤሌክትሪክ ሃይል እንደሚያገኝ የኢትዮጵያ ኤሌክትሪክ ኃይል ለኢትዮጵያ ዜና አገልግሎት አረጋግጧል።

@tikvahethiopiaBot @tikvahethiopia