#DrTedrosAdhanom

በትግራይ ክልል ያለው ሁኔታ 'አስደንጋጭ ነው' ሲሉ የዓለም ጤና ድርጅት ዳይሬክተር ዶ/ር ቴድሮስ አድሃኖም ተናገሩ።

ዳይሬክተሩ ይህን ያሉት ትላንት ለጋዜጠኞች መግለጫ በሰጡበት ወቅት ነው።

ዶ/ር ቴድሮስ ትግራይ ውስጥ እያጋጠመ ያለው ሁኔታ እጅግ አስደንጋጭ ነው ፥ ሰዎች በረሃብ እየሞቱ ነው፥ የጤና አገልግሎት ሰጪ ተቋማት ወድመዋል፤ የአስገድዶ መድፈር ተግባር ተስፋፍቷል ሲሉ ተደምጠዋል።

አክለው ፥ በኢትዮጵያ ትግራይ ክልል ያለውን ሁኔታ በአንድ ቃል ተጠቅሜ ልግለፀው ብል "በጣም አስደንጋጭ" ነው ብለዋል።

ዶ/ር ቴድሮስ በክልሉ ወደ 5 ሚሊዮን የሚጠጉ ሰዎች አሁን ላይ የሰብዓዊ እርዳታ በተለይ የምግብ እርዳታ እንደሚያስፈልጋቸው ጠቁመዋል።

በርካታ ሰዎች በረሃብ መሞት ጀምረዋል የሚሉት ዳይሬክተሩ ከባድ እንዲሁም አጣዳፊ የተመጣጠነ ምግብ እጥረት እየተስፋፋ ነውም ብለዋል።

በተጨማሪ በመቶ ሺህ ሰዎች ተፈናቅለዋል፤ ወደ ሱዳን ብቻ 60 ሺህ ሰዎች ከቤታቸው ተፈናቅለው ተሰደዋል ብለዋል።

የጤና ተቋማት መዘረፋቸውን እና መውደማቸውን በማንሳት አብዛኞቹ አገልግሎት የሚሰጡ አይደሉም ሲሉ አስረድተዋል።

ፆታዊ ጥቃትን በተመለከት ፥ “አስገድዶ መድፈር ተስፋፍቷል ፥ በእውነቱ በዛ ያለውን ደረጃ ያህል በየትኛውም የዓለም ዙሪያ ያለ አይመስለኝም" ሲሉም ተደምጠዋል።

በትግራይ ስላለው የCOVID-19 ሁኔታ የተጠየቁት ዶ/ር ቴድሮስ ፥ በሽታውን ለመቆጣጠር ምንም ዓይነት አገልግሎት አለመኖሩን ገልጸው ፤ ከሌሎቹ ቀውሶች አንፃር ግን ቅድሚያ የሚሰጠው ጉዳይ አይደለም ብለዋል።

@tikvahethiopia

#DrTedrosAdhanom #DrLiaTadesse

የዓለም ጤና ድርጅት ዳይሬክተር ዶክተር ቴድሮስ አድሃኖም የሀርቫርድ ቲ.ኤች.ቻን ህብረተሰብ ጤና ትምህርት ቤት የ2021 ጁሊየስ ቤንጃሚን ሪችመንድ ሽልማትን ተቀብለዋል።

ዶ/ር ቴድሮስ ፥ የዶክተር ሪችመንድን ምሳሌነት በመከተል የዓለምን ህዝብ ጤና በተለይም አቅመ ደካሞች ጤና ለማሻሻል በቻልኩት ሁሉ ለመስራት ቁርጠኛ ነኝ ብለዋል።

በሌላ በኩል ፥ የኢትዮጵያ ጤና ሚኒስትር ዶክተር ሊያ ታደሰ የሀርቫርድ ቲ.ኤች ቻን የህብረተሰብ ጤና ትምህርት ቤት የ2021 ኔክስት ጄኔሬሽን ሽልማት አሸናፊ ሆነዋል።

ዶ/ር ሊያ ለሽልማቱ የበቁት በተለይ የኮቪድ-19 ወረርሽኝ ለመቆጣጠር በወሰዷቸው ወሳኝ እርምጃዎች መሆኑ ተገልጿል።

ዶክተር ሊያ ታደሰ ፥ የሀርቫርድ ቲ.ኤች ቻን የኅብረተሰብ ጤና ትምህርት ቤት ለዚህ የከበረ ሽልማት የመረጣቸው በመሆኑ የተሰማቸውን ክብር ገልጸዋል።

@tikvahethiopia

#DrTedrosAdhanom

በዓለም አቀፍ ደረጃ ለኢትዮጵያ እጥብቅና በመቆም ሚንቀሳቀሰው የተቆርቋሪ ኢትዮጵያውያን ማህበር ፥ የዓለም ጤና ድርጅትን መርህ በመጣስ ይንቀሳቀሳሉ ባላቸው የድርጅቱ ዋና ዳይሬክተር ዶክተር ቴድሮስ አድሃኖም ላይ አቤቱታ ቀረበ።

ማህበሩ ለዓለም ጤና ድርጅት ስራ አስፈጻሚ ቦርድ የዶ/ር ቴድሮስ አድሃኖምን ህገወጥ እንቅስቃሴ በተመለከተ ደብዳቤ ጽፏል።

በደብዳቤው ዳይሬክተሩ የድርጅቱን መርህ በመጣስ ከሙያ ስነ ምግባር እንዲሁም ከገለልተኝነት ውጪ እየፈጸሙት ስለሚገኘው ከስነምግባር ውጭ የሆኑ ተግባራት አስረድቷል።

ዶ/ር ቴድሮስ የሚያካሂዱትን ህገ ወጥ ተግባር የተ.መ.ድን ታማኝነት ጥያቄ ውስጥ የሚከት መሆኑን አመልክቶ በኢትዮጵያ መንግስት በአሸባሪነት የተፈረጀውን ድርጅት ሽፋን በመስጠት በሚያከናውኑት ተግባር ላይ ምርመራ እንዲደረግ አቤቱታ አቅርቧል።

#ENA

@tikvahethiopia