#AtoLidetuAyalew

ትላንት በፖሊስ ቁጥጥር ስር የዋሉትን አቶ ልደቱ አያሌውን የኢዴፓ ፕሬዘዳንት አቶ አዳነ ታደሰ ፣ የፓርቲው የስራ አስፈፃሚ አባላት አቶ ኤርሚያስ ባልከው እና አቶ ኤርሚያስ ጋሹ በቢሾፍቱ ከተማ በታሰሩበት ፖሊስ ጣቢያ በመገኘት ከ 5 ደቂቃዎች ላልበለጠ ጊዜ አነጋግረዋቸዋል።

አቶ ልደቱ ስለ ሁኔታው የሚከተለውን ብለዋል ፦

"በቁጥጥር ስር ከዋልኩበት ጊዜ ጀምሮ ፖሊሶቹ በጥሩ ሁኔታ ይዘውኛል። ስርዓት ያላቸው ፖሊሶች ናቸው። እነርሱ የሚተኙበትን ፍራሸም ሰጥተውኛል። በአንዲት አነስተኛ ክፍል ውስጥ ከአንድ ሌላ ሰው ጋር እገኛለሁ። ፖሊስ ቃሌን በአማርኛ ቋንቋ የተቀበለኝ ሲሆን ሰነዱ ላይ የተፃፈው ግን በኦሮምኛ ቢሆንም ፖሊሱን በማመን ፈርሜበታለሁ።"

ከዚህ በተጨማሪ ከፖሊስ የቀረበላቸው ጥያቄ "ከአቶ ጅዋር መሃመድ ጋር ያለህ ግንኙነት ምንድን ነው?" የሚል እንደሆነ ገልፀዋል። በመቀጠል የክስ ቻርጁ እንደተነበበላቸው ተናግረዋል።

ከዚህ በተጨማሪ ትንሽ አስጊ የሚሆነው የኮሮና ጉዳይ መሆኑን ጠቁመው በአንዲት አነስተኛ እስር ቤት ውስጥ ከታሰሩ 35 እስረኞች ውስጥ አብዛኞቹ ምንም ዓይነት ራሳቸው ከቫይረሱ መከላከያ እንደማይጠቀሙ ለፓርቲው ከፍተኛ አመራሮች ገልጠውላቸዋል።

አቶ ልደቱ አያሌው በመጪው ሰኞ ፍርድ ቤት የሚቀርቡ ሲሆን የፓርቲው ጠበቃ ከዋና ጸሃፊው ጋር በመሆን በቦታው ይገኛሉ ሲል ፓርቲው በይፋዊ የፌስቡክ ገፁ ገልጿል።

@tikvahethiopiaBot @tikvahethiopiaOfficial

#AtoLidetuAyalew

ዛሬ የአቶ ልደቱ አያሌውን ጉዳይ የተመለከተው የምሥራቅ ሸዋ ዞን ፍርድ ቤት አቶ ልደቱ በ100,000 ብር ዋስ ከእስር እንዲወጡ ወስኖላቸዋል።

ሁለት ወራት ለሚጠጋ ጊዜ በእስር ላይ የሚገኙት አቶ ልደቱ አያሌውን ለማስለቀቅ የሚያስፈልገው የዋስትና ገንዘብ ተከፍሎ ከእስር መውጣታቸው እየተጠበቀ መሆኑን የኢዴፓ ፕሬዘዳንት አቶ አዳነ ታደሰ ለBBC ተናግረዋል።

@tikvahethiopiaBot @tikvahethiopia

#AtoLidetuAyalew

የኢትዮጵያውያን ዴሞክራሲያዊ ፓርቲ (ኢዴፓ) ፕሬዝደንት አቶ አዳነ ታደስ ለኢትዮ ኤፍ ኤም 107.8 ሬድዮ ጣቢያ የተናገሩት፦

"አቶ ልደቱ አያሌው በድንገት ከቢሾፍቱ ፖሊስ ጣቢያ ወደ አዳማ ከፍተኛ ፍርድ ቤት ተወስደዋል። ፖሊስ አቶ ልደቱን ለምን ፖሊስ ወደ ፍርድ ቤት እንደወሰዳቸው እስካሁን ምንም መረጃ የለንም።

የዋስትና መብታቸውን ፖሊስ እንዲያከብር ለመነጋገር ፍርድ ቤት ቀጠሮ ሰጥቶን እየጠበቅን ባለንበት ሁኔታ ነው ዛሬ ከፖሊስ ጣቢያ ወደ አዳማ ከፍተኛ ፍርድ ቤት መወሰዳቸውን የሰማነው።

አቶ ልደቱ ምንም አይነት መጥሪያ እንዳልደረዳቸውም ፤ በአንድ ሚዲያ ግን አቶ ልደቱ አያሌው በሌላ ጉዳይ ክስ እንደተመሰረተባቸው የሚያሳይ ዘገባ ወጥቶ ተመልክተናል። በእጅጉ በፍትህ ስርአቱ ላይ ተስፋ እንድንቆርጥ አድርጎናል።

አቶ ልደቱ ፖሊስ ወደ አዳማ ከፍተኛ ፍርድ ቤት ከወሰዳቸው በኃላ ስለተፈጠረው ነገር ለማጣራት ከአዲስ አበባ ከተማ ወደ አዳማ እየተጓዝኩ ነው።"

@tikvahethiopiaBot @tikvahethiopia

#AtoLidetuAyalew

የድምጻዊ ሐጫሉ ሁንዴሳን መገደል ተከትሎ በቢሾፍቱ በተቀሰቀሰ ሁከት ላይ ሁከቱን አስተባብረዋል ፣ በገንዘብም ረድተዋል በሚል በቁጥጥር ስር ውለው ጉዳያቸውን ሲከታተሉ የነበሩት ፖለቲከኛው አቶ ልደቱ አያሌው፣ በቁጥጥር ስር ከዋሉ በኋላ ከቀረበባቸው "ሕገ-ወጥ የጦር መሳሪያ ይዞ መገኘት" የሚል ክስ ፍርድ ቤት ነጻ ናቸው ብሎ ፈረደ።

ዛሬ ዕለተ ረቡዕ ጥር 12 /2013 በነበራቸው የፍርድ ቤት ቀጠሮ የውሳኔ ሂደት ፦

1ኛ መሣሪያው በሌላ ሕገ ወጥ መንገድ ያልተገኘና የመንግሥት ንብረት ስለመሆኑ በፖሊስም በአቃቤ ሕግም መረጃ የተረጋገጠ በመሆኑ፤

2ተኛ ተከሳሹ መሣሪያውን የታጠቁት ያለ ፈቃድ መሳሪያ ይዞ መገኘት ወንጀል መሆኑን የሚደነግገው አዲሱ አዋጅ ከመውጣቱ ከብዙ ዓመታት በፊት እና የፓርላማ አባል በነበሩበት ወቅት መሆኑ ስለተረጋገጠ፣ ክሱ ውድቅ ተደርጎ ፍርድ ቤቱ በነፃ አሰናብቷቸዋል።

Via Sheger FM 102.1
@tikvahethiopia @tikvahethiopiaBOT

#AtoLidetuAyalew

አቶ ልደቱ አያሌዉ ለሕክምና ወደ አሜሪካ እንዳይሔዱ በድጋሚ መከልከላቸዉን ለጀርመን ድምፅ ሬድዮ ጣቢያ ተናግረዋል።

አቶ ልደቱ ፥ ወደአሜሪካ ለመብረር አስፈላጊውን ሰነድ አሟልተዉ ትናንት ማታ ቦሌ ዓለም አቀፍ አዉሮፕላን ማረፊያ እንደደረሱ ተናግረዋል።

የኤርፖርቱን የመጀመሪያውን የፍተሻ ካለፉ በኃላ ከአየር መንገዱ የበረራ ሰነድ ወይም ቦርዲንግ ፓስ ወስደው ፣ ሻንጣቸውን ልከው የመጨረሻው ኬላ ሲደርሱ ግን «ሲስተሙ የፍርድ ቤት እግድ እንዳለብህ ያሳያል» በሚል ከጉዞአቸው መሰናከላቸውን ገልፀዋል።

ምንም የፍርድ ቤት እግድ እንደሌለባቸው ለማስረዳት ቢሞክሩም እንዳልተሳካላቸው ተናገረዋል።

አውሮፕላን ላይ የተጫነው ሻንጣቸዉ ወርዶ ለሊት 6 ሰአት ወደ ቤታቸዉ ቢመለሱም፣ ፓስፖርታቸው ግን እንዳልተመለሰላቸው አስታዉቀዋል።

አቶ ልደቱ ፥ የደረሰባቸዉን በደል በተለይ ለሕክምና እንዳይጓዙ መከልከላቸዉን «የሞት ፍርድ» ብለውታል።

አቶ ልደቱ ፥ ወደ ዉጪ ሀገር እንዳይሄዱ ሲከለከሉ የትናንቱ የመጀመሪያዉ እንዳልሆነ ሬድዮ ጣቢያው በዘገባው ላይ አስታውሷል።

@tikvahethiopiaBOT

#AtoLidetuAyalew

ዛሬ የፌደራል የመጀመሪያ ደረጃ ፍ/ቤት አቶ ልደቱ አያሌው ከሀገር እንዳይወጡ በፖሊስ የተላለፈውንና በፍርድ ቤት ጸንቶ የነበረውን እግድ ሽሯል።

ፍርድ ቤቱ እግዱን የሻረው ከፌደራል ፖሊስ እና ከኦሮሚያ ፖሊስ ኮሚሽኖች የቀረበሉትን ምላሾች ከመረመረ በኋላ ነው።

ፍ/ቤቱ እግዱን በዋነኛነት ውድቅ ያደረገው ሁለት ምክንያቶችን በመጥቀስ ነው ፦

- የመጀመሪያው ፖሊስ በደብዳቤው የጠቀሳቸው አቶ ልደቱ ተከስውባቸው በነበሩባቸው ሁለት የወንጀል ጉዳዮች ነጻ መባላቸው ነው።

- አቶ ልደቱ በአቤቱታቸው ላይ የጠቀሱትን የልብ ህመም በሁለተኛ ምክንያትነት ያነሳው ፍርድ ቤቱ፤ አቤት ባዩ ወደ አሜሪካ ሀገር ሄደው ባይታከሙ ሊፈጠር የሚችለውን ችግር ዳስሷል። ይህ ሁኔታ አቶ ልደቱ በህገ መንግስቱ የተሰጣቸውን በህይወት የመኖር መብት የሚጥስ እንደሆነ ጠቅሷል።

ፖሊስ በአቶ ልደቱ ላይ ያወጣው የጉዞ እግድም የግለሰቡን እንደ ልብ የመንቀሳቀስ ህገ መንግስታዊ መብት የሚገድብ መሆኑንም ፍርድ ቤቱ በተጨማሪ ምክንያትነት አንስቷል።

በእነዚህ ዋነኛ ምክንያቶች የጉዞ እግዱ እንዲሻር የፌደራል የመጀመሪያ ደረጃ ፍርድ ቤት መወሰኑን "ኢትዮጵያ ኢንሳይደር/www.Ethiopiainsider.com" ድረገፅ አስነብቧል።

@tikvahethiopiaBOT @tikvahethiopia