ከኃላፊነታቸው ተነሱ! በምስራቅ ሐረርጌ ዞን የሕዝብ ጥያቄዎችን አልመለሱም የተባሉ 272 አመራሮች ከኃላፊነታቸው ተነሱ::
የልማት፣ የመልካም አስተዳደርና የሕዝብ ጥያቄዎችን አልመለሱም ያላቸውን 272 አመራሮች ከኃላፊነት ማንሳቱን የምስራቅ ሐረርጌ ዞን አስተዳደር አስታወቀ።

የዞኑ ዋና አስተዳዳሪ አቶ ታረቀኝ ቡሉልታ እንደገለጹት ከኃላፊነት የተነሱት የአመራር አካላት በዞንና በወረዳ ሲሰሩ የነበሩ ናቸው ብለዋል።

የአመራር አካላቱ ከኃላፊነታቸው እንዲነሱ የተደረገው በዞኑ ለ20 ቀናት በተካሄደ የተሃድሶ ግምገማ መሰረት ሂስና ግለ ሂስ በማድረግ ኃላፊነታቸውን ብበቃት አለመወጣታቸውን ከስምምነት በመድረሱ መሆኑን ተናግረዋል።

በተሃድሶ ግምገማው የአመራር አካላቱ የመልካም አስተዳደር ጥያቄን አለመመለስ፣ በኪራይ ሰብሳቢነት ችግር ውስጥ መዘፈቅ፣ በፕሮጀክት ግንባታ ሥራዎች የአፈጻጸም ጉድለት ማሳየት፣

እንዲሁም የህግ የበላይነትን አለማስከበርን ጨምሮ በሌሎች የዴሞክራሲ ስርዓት ግንባታ ሥራዎች ላይ ድክመት ማሳየታቸውን አቶ ታረቀኝ ገልጸዋል።

አስተዳዳሪው እንዳሉት የግምገማ ሂደቱን ከዞን እስከ ወረዳና ቀበሌ ድረስ በማውረድ ህዝቡ እንዲወያይበትና ሀሳብ እንዲሰጥበት የተደረገ ሲሆን፥ የአመራሮችን ብቃትና ጥንካሬን የመለየት ስራም ተከናውኗል።

በምትካቸው አዲስ ከተሾሙት አመራሮች መካከል 261ዱ በዞኑ ባሉ 24 ወረዳዎችና ከተማ አስተዳደር በአመራርነት የሚሰሩ ሲሆን፥ ቀሪዎቹ 11ዱ በዞን ደረጃ የተሾሙ መሆናቸው አመልክተዋል።

ኦህዴድ የህዝቡን የልማት ጥያቄ በሚገባ በመረዳት ጥንካሬዎቹን ለማስቀጠልና ደካማ ጎኖቹን ለማረም እንደሚሰራ ገልጸዋል።

ከልማቱ ጋር እኩል እያደገ የመጣውን የህዝብ ጥያቄ በአግባቡ ለማስተናገድም ድርጅቱ የጀመረውን የአሰራር ስርዓት ለውጥ በቀጣይም አጠናክሮ እንደሚቀጥል አስረድተዋል።

ድርጅቱ ያደረገው የጥልቅ ተሀድሶ ግምገማ መልካም መሆኑን የገለጹት የሐረማያ ወረዳ ነዋሪ አቶ አብዲ ኢብራሂም በበኩላቸው “እንደዚህ ዓይነት ስር ነቀል ለውጥ ሲደረግ ለመጀመርያ ጊዜ ነው፤ ይህ ደግሞ ለህብረተሰቡ ለውጥ ያመጣል ብዬ አምናለው” ብለዋል።

አዳዲስ የተሾሙትም ሆኑ ነባር አመራሮች የመልካም አስተዳደርና የኪራይ ሰብሳቢነት ችግሮችን ለመፍታት ትኩረት ሰጥተው እንዲሰሩ ጠይቀዋል።

ምንጭ፦ኢዜአ
@tsegabwolde @tikvahethiopia

የአማራ ተወላጆች! ከቤንሻንጉል እና ከኦሮሚያ ክልሎች የተፈናቀሉ ጥቂት የማይባሉ የአማራ ተወላጆች ዛሬም በተለያዩ መጠለያ ስፍራዎች እንደሚገኙ አመለከቱ። ተፈናቃዮቹን ወደ ነበሩበት አካባቢ ለመመለስ የበኩሉን ጥረት በማድረግ ላይ የሚገኝ ከኅብረተሰቡ የተውጣጣ አንድ መፍትሄ አፈላላጊ ኮሚቴ ከቤንሻንጉል ከተፈናቀሉት 50 ገደማውን ወደቦታቸው መመለስ ማስቻሉን ገልጿል።

ምንጭ፦ DWAMHARIC
@tsegabwolde @tikvahethiopia

የአልጀርስ ስምምነት! ታህሳስ 3 ቀን 1993 በቀድሞው የኢትዮጵያ ጠቅላይ ሚኒስትር መለስ ዜናዊ እና የኤርትራው ፕሬዚደንት ኢሳያስ አፈወርቂ የተፈረመው ባለ 6 አንቀጽ ሰነድ አራት መሰረታዊ ግቦች ነበሩት፡፡

እነርሱም፡-

• በሁለቱ ሀገራት መካካል ያለውን የባላንጣነት መንፈስ ማቆም፣ ሀገራቱ ከዛቻ እና የሃይል እርምጃ እንዲቆጠቡ ማድረግ፤

• ቀደም ብሎ በሰኔ 1/1992 የተደረሰውን በባለንጣነት ያለመተያየት ስምምነት እንዲከበር እና እንዲፈጸም ዋስትና መስጠት፤

• በእስር ያሉ የጦር ምርኮኞች እና ግለሰቦች ተለቀው ወደ ሀገራቸው እንዲመለሱ ማስቻል፤

• ሁለቱ ሀገራት በግዛቶቻቸው ውስጥ ላሉ የሌላኛው ወገን ዜጎች ሰብአዊ እንክብካቤ እንዲያደርጉ ድልድልይ መሆን ናቸው፡፡

ከላይ የተጠቀሱት ግቦች በየተራ ይሳኩ ዘንድ ሰነዱ ነጻ የድንበር እና የካሳ ኮሚሽኖች እንዲቋቋሙ መሰረት ሆኗል፡፡

5 አባላት ያሉት የኢትዮ ኤርትራ የድንበር ኮሚሽን የራሱን ምርመራ አድርጎ፣ አለመግባባት የፈጠሩ የድንበር ቦታዎች ለየትኛው ሀገር እንደሚገቡ ለመወሰን እንዲችል በወቅቱ ከስምምነት ተደርሷል፡፡

በሰነዱ አንቀፅ አንቀጽ 2 (2) ቀደም ብለው የተገቡ የቅኝ ግዛት ህጎችን እና ዓለም አቀፍ ህግን ተመስርቶ ኮሚሽኑ ውሳኔውን እንደሚያስተላልፍ ተጠቅሷል፡፡

እንዲሁም በአንቀጽ 2 (15) ላይ ኮሚሽኑ የሚሰጠው የወሰን እና ማካለል ውሳኔ የመጨረሻ እና ገዢ እንደሚሆን ተዘርዝሮም ነበር፡፡

ሁለቱ ሀገራት ያላቸውን ማስረጃ በማቅረብ መቀመጫውን ኔዘርላንድ ዘሄግ ባደረገው ኮሚሽን ፊት ተከራክረዋል፡፡ በ1996 ዓመተ ምህረት የኢትዮ ኤርትራ የድንበር ኮሚሽን ውሳኔውን አስተላለፈ፡፡ ሁለቱ ሀገራት ከተፋለሙባቸው ቦታዎች አንደኛዋ የነበረችው ባድመ የኤርትራ ግዛት እንድትሆን ተፈረደ፡፡

ኢትዮጵያ ግን ውሳኔውን ለመቀበል ወታደሮቿን ከባድመ ለማስወጣት አልፈቀደችም፡፡ ኢትዮጵያ የኮሚሽኑን ውሳኔ ተከትሎ የድንበር ማካለሉ ካለ አንዳንድ ቅድመ- እሳቤዎች እንዲሁ ቢተገበር ሊፈጠር የሚችሉ ችግሮችን በመዘርዘር፣ ተጨማሪ ውይይት በሁለቱ ሀገራት መካከል እንዲደረግ ጠይቃለች፡፡

ኤርትራ ግን የኢትዮጵያን ጥያቄ ሳትቀበለው በመቅረቷ፣ የሁለቱ ሀገራት ድንበር ለተጨማሪ 16 ዓመታት የፍጥጫ ስፍራ እንዲሆን ሰበብ ሆነ፡፡

ኤርትራ ባለፉት ዓመታት የአልጀርሱን ስምምነት ተከትሎ የተሰጠው ውሳኔ እንዲከበር ስትጎተጉት ነበር፡፡ ይሄ ባልሆነበት ሁኔታ ሰላም እንደማይኖርም ደጋግማ አሳውቃለች፡፡

የኢትዮጵያ አዲሱ ጠቅላይ ሚኒስትር አብይ አህመድ መንበረ ሥልጣኑን በተቆናጠጡ ዕለት አጀንዳዬ ብለው ካወጇቸው ጉዳዮች መካከል ከኤርትራ ጋር ሰላም ማውረድ አንዱ ነበር። ነገር ግን ኤርትራ ከኢትዮጵያ ጋር ያላትን አለመግባባት ልትፈታ የምትችለው የአልጀርሱ ስምምነት ተግባራዊ እንዲሆን ስትፈቅድ ብቻ ነው ሲሉ የኤርትራው መረጃ ሚኒስትር የማነ ገብረመስቀል ምላሽ መስጠታቸው ይታወሳል።

ትናንት መደበኛ ስብሰባው ላይ ከትሞ የነበረው የኢህአዴግ ሥራ አስፈፃሚ ኮሚቴ፤ ኢትዮጰያ ለሁለቱ ሃገራት መፃኢ -ሰላም ሲባል የአልጀርስ ስምምነትን እንደምትቀበል አሳውቋል። ይህም 'ለሃያ ዓመታት ኢትዮጵያና ኤርትራን በጦርነት ውስጥ ተፋጠው እንዲቆዩ ያደረጋቸውን የድንበር ፍጥጫ መፍትሄ ይሰጥ ይሆን?' የሚል ተስፋ አዘል ጥያቄ ጭሯል።

ኤርትራ የኢትዮጵያን የአቋም ለውጥ ተከትላ የምትወስደው ርምጃ የሁለቱን ሀገራት የፍጥጫ ዘመን ለማክተምም ሆነ ለማራዘም ወሳኝነት ይኖረዋል፡፡ ምንም እንኳ ጉዳዩን በተመለከተ እስካሁን ከአስመራ ባለሥልጣናት የተሰማ ድምፅ ባይኖርም።

ይህን ፅሁፍ ያዘጋጀው ቢቢሲ የአማርኛው አገልግሎት ነው።
@tsegabwolde @tikvahethiopia

በጋና አስተናጋጅነት በ2018 ለሚካሄደው የቶታል አፍሪካ ሴቶች ዋንጫ ለማለፍ የመጨረሻው የማጣርያ ዙር ላይ የደረሰው የኢትዮጵያ ሴቶች ብሔራዊ ቡድን ከአልጄርያ ጋር ያደረገውን የመጀመርያ ጨዋታ 3-1 በሆነ ውጤት ተሸንፏል።

@Yenesport @Yenesport

አፋልጉኝ⬆️ስሙ አለማየሁ አዳፍሬ ይተባለ ወንድሜ ለስራ ወደ ቡሌ ሄራ ዩኒቨርሲቲ ከሄደ በኋላ እስካሁን ወደ ቤቱ አልተመለሰም። አለማየሁ ከሁለት አመት በፊት ከደም ካንሰር የዳነ ቢሆንም በየጊዜው የማገገሚያ መድሀኒት ይወስዳል። ስለዚህ ድንገት በምንም ምክንያት ታሞ ያያችሁት ወይም በየትኛውም ቦታ ያያችሁት እባካችሁ ጠቁሙኝ። ውለታውን ከፋይ ነኝ። ቤተሰቦቹ።

ስልክ፦ 0920 10 40 85

አሳዛኝ ዜና! ኢትዮጵያውያን ስደተኖችን አሳፍራ ወደ የመን ስታመራ የነበረች ጀልባ መስጠሟን የተመድ ባለስልጣናት ገልጸዋል።

ዓለም አቀፉ የስደተኞች ድርጅት እንዳስታወቀው ጀልባዋ ረቡዕ ጧት በኤደን ባህረ ሰላጤ አካባቢ የሰጠመች ሲሆን፥ ጀልባዋ ላይ ከነበሩት ውስጥ የ46 ተሳፋሪዎች ህይወት ማለፉ ነው የተገለጸው።

በአደጋው ህይወታቸውን ያጡትም 37 ወንዶች እና  9 ሴቶች ሲሆኑ 16 ሰዎች ደግሞ እስካሁን የገቡበት አልታወቀም።

ከቦሳሶ ወደብ የተነሳችው ጀልባዋ 100 ያህል ስደተኞችን አሳፍራ ወደ የመን ስታመራ የነበር መሆኑን የነፍስ አድን ስራ ላይ የተሰማሩ ሰራተኞች ገልጸዋል።

ተጨናንቀው የተጫኑት እነዚህ ስደተኞቹ የአደጋ ጊዜ መንሳፈፊያ ጃኬትም ለጉዞው ያልተዘጋጀላቸው መሆኑ ተመላክቷል።

ምንጭ፦ ተመድ እና BBC
@tsegabwolde @tikvahethiopia

አስደንጋጭ! ጆሶን ከዱቄት እና አብሲት ጋር በመቀላቀል እንጀራ ጋግረው ለግለሰቦች እና ድርጂቶች ሲሸጡ ነበር የተባሉት ባልና ሚስት በእስራት እንዲቀጡ የፌዴራል ከፍተኛ ፍርድ ቤት አንደኛ ወንጀል ችሎት ውሳኔ አሳለፈ።

በአራዳ ክፍለከተማ በቀበሌ 07 /08 በተለምዶ ዘበኛ ሰፈር እየተባለ በሚጠራ አካባቢ በቤት ቁጥር 801 የሚኖሩት ባልና ሚስቱ አቶ ሰናይ አበራ እና ወ/ሮ ሰሚራ አማን በሶስት ክስ ማለትም የጸና ንግድ ፍቃድ ሳይኖር እንጀራ መጋገር፣ መነገድ ፣ ለሰው ደህንነት አደጋ የሆነ ጀሶ የተቀላቀለበት እንጀራ ጋግሮ ለግለሰብና ለድርጅት በመሸጥ ፣

ከቆጣሪ ውጪ ከኤሌትሪክ መስመር ሃይል በጋራ ስርቆት ወንጀል በመፈጸም ክስ ቀርቦባቸዋል። አቶ ሰናይ አበበ አራተኛ እና አምሰተኛ ለብቻቸው በቀረበባቸው ክስ ለፖሊስ ጥቆማ የሰጡ ምስክሮችን ለምን ጠቆማችሁ በሚል በማስፈራራትና በመዛት ወንጀል በመፈጸም ክስም ተመስርቶባቸዋል።

በተከሳሾቹ ላይ የሰውም ሆነ የሰነድ ማስረጃ የቀረበ ሲሆን፥ ጉዳዩን የመረመረው ፍርድ ቤቱም አንደኛው ተከሳሽ በአራቱም ክስ ጥፋተኛ በማለት በሰባት አመት ጽኑ እስራትና በ10 ሺህ ብር የገንዘብ ቅጣት ተቀጥተዋል።

ሁለተኛ ተከሳሽ ወ/ሮ ሲመራ በበኩላቸው ነፍሰጡር ሆና በማረሚያ ቤት በመውለዷ እና የስድስት ወር ህጻን በማጥባት ላይ የምትገኝ በመሆኑ በማቅለያነት ተይዞላት በአንድ አመት ከስምንት ወራትና በ1 ሺህ 200 ብር እንድትቀጣ ፍርድ ቤቱ ወስኗል።

ምንጭ፦FBC
@tsegabwolde @tikvahethiopia

ተጠናቀቀ! የ12ኛ ክፍል(የዩኒቨርሲቲ መግቢያ) ሀገር አቀፍ ፈተና በሰላም ተጠናቋል።

ፈተናው ታርሞ የሚያልቅበትን እንዲሁም ውጤት ይፋ የሚደረግበትን ቀን ተከታትዬ አሳውቃችኋለሁ!
@tsegabwolde @tikvahethiopia

ጅማ ዋናው ግቢ! በጅማ ዩኒቨርሲቲ የሚማሩ ተማሪዎች መንግስት ለጠይቅናቸው ጥያቄዎች ፈጣን ምላሽ ይስጠን በማለት ከደቃቂዎች በፊት ተቃውሞ ሲያሰሙ ነበር።

ከግቢው እንደተገኘው መረጃ ተማሪዎቹን ለመበተን የፌደራል ፖሊስ አስለቃሽ ጭስ ተጠቅሟል።

@tsegabwolde @tikvahethiopia

ከአምቦ ዩኒቨርሲቲው መምህር ስዩም ተሹመ የተገኘ መረጃ...

ዶ/ር አብይ አህመድ እና ፕ/ት #ኢሳያስ_አፈወርቂ #በአቡ_ዲያቢ ተገናኝተው ተወያይተዋል።
================================
ከአንድ የውጪ ጉዳይ መስሪያ ቤት ባልደረባ ባገኘሁት መረጃ መሰረት፣ የኢህአዴግ ሥራ አስፈፃሚ ኮሚቴ ትላንት የአልጄርሱን ስምምነት ለመቀበል ያሳለፈው ውሳኔ የኢትዮጲያ መንግስት በተናጠል የወሰደው እርምጃ አለመሆኑን ለመረዳት ችያለሁ። ከዚያ ይልቅ፣ የኢትዮጲያ ጠ/ሚኒስትር ዶ/ር አብይ አህመድ ከኤርትራው ፕረዜዳንት ኢሳያስ አፈወርቂ ጋር በአቡ ዲያቢ ተገናኝተው ተወያይተዋል።

ጠ/ሚ አብይ በሳውዲ አረቢያ ያደረጉትን ጉብኝት ካጠናቀቁ በኋላ ወደ አቡ-ዲያቢ ተጉዘው እንደነበር ይታወሳል። በተመሳሳይ ወቅት የኤርትራው ፕረዜዳንት “ለሕክምና” በሚል ሰበብ ወደ አቡ-ዲያቢ ማቅናታቸው ይታወሳል። ከላይ የጠቀስኩት የውጪ ጉዳይ መስሪያ ቤት ባልደረባ እንደነገረኝ ከሆነ ሁለቱ መሪዎች በአቡ-ዲያቢ ተገናኝተው መክረዋል።

በመሆኑም የኢህአዴግ ሥራ አስፈፃሚ ኮሚቴ የአልጄርሱን ስምምነት ለመቀበል የወሰነው በተናጠል ሳይሆን በቅድሚያ ከኤርትራ መንግስት ጋር በመነጋገር የተወሰደ እርምጃ ነው።

@tsegabwolde @tikvahethiopia

ከጅማ ዩኒቨርሲቲ(ዋናው ግቢ)...

"ሀይ ፀግሽ ጅማ ዩኒቨርሲቲ ለተጠየቀው ጥያቄ መልስ ከመስጠት ይልቅ ሰላማዊ ሰልፍ ያደረጉትን በመምታት እና አስለቃሽ ጭስ በመጠቀም በትኗል። ብዙ ልጆች ወደ ሆስፒታል ሄደዋል። እኛም ሶሻል ላይብረሪ የነበርን ልጆች በጭሱ እያለቀስን ነው የወጣነው። ግቢው ለሚነሱት ጥያቄዎች ያለ ጉልበት በሰላማዊ መንገድ ምላሽ ቢሰጥ ጥሩ ነው። ስሜ እንዳይጠቀስ ከጅማ ዩኒቨርሲቲ ዋናው ግቢ።"

@tsegabwolde @tikvahethiopia

ፎቶ⬆️የጅማ ዩኒቨርሲቲ ዋናው ግቢ ተማሪዎች ክስተቶቹን በፎቶ ለማስቀረት ጥረት አድርገዋል።

@taegabwolde @tikvahethiopia

ከጅማ ዩኒቨርሲቲ(ዋናው ግቢ)...

"ሀይ ፀግሽ ከጅማ ዩኒቨርሲቲ ዋናው ግቢ ነው ምፅፍልህ። ከደቂቃዎች ፊት ጋወን የለበሱ ተማሪዎች በፌደራል ፓሊሶች ሲቀጠቀጡ ነበር። ጥያቄያቸው ምንም ይሁን ምን በአግባቡ ጥያቄያቸውን ካቀረቡ ሊደበደቡ አይገባቸውም። ግቢው የተማሪዎችን ጥያቄ እስከ መጨረሻው ድረስ ሊሰማ ይገባል። የሀገሩ ሰው ዋጋ ያልሰጠውን ዜጋ ማንም ዋጋ አይሰጠውም። እያንሰራራን ባለንበት ሰዓት አዘቅት ውስጥ መልሶ ሚከተንን ስህተት ባንሰራ መልካም ነው። ቢቻል የፀጥታ ሀይሎች ግቢውን ይልቀቁ። ሞክሼህ ነኝ"

@tsegabwolde @tikvahethiopia

JU Main Campus! "Dear administrator of TIKvah what happend in ju main campus was exactly this..it was around 9 o'clock that demonstrators wearing a white coat was demonstrating on some issue,federal police was following them closely by then after few minutes,the police explodes some gas and began to attack and hit the demonstrators many scapes and some are captured and taken..it was a 10 minutes event and by now everything is fine.I want u to reassure families and friends who saw your post that things have at least settled by now...We Will try to investigate and send you why the demonstration was held. Thank you. Keep my privacy and don't mention name or anything descriptive if u are to post it."
@tsegabwolde @tikvahethiopia

ሰበር ዜና!ማዕረጉ ተገፍፎ ከሰራዊቱ የተባረረውና 9 አመት የታሰረው ብ/ጄኔራል አሳምነው ፅጌ እና ሜ/ጀኔራል አለምሸት ድጋፌ ማዕረጋቸው ከነሙሉ ኮከቡ ተመልሶላቸው ጡረታቸው እንዲከበርላቸው ጠ/ሚ አብይ አህመድ መወሰናቸውን የጠ/ሚሩ ችፍ ኦፍ ስታፍ ፍፁም አረጋ አስታውቀዋል።

Belay Manaye
@tsegabwolde

ሰበር ዜና! የኢፌደሪ ጠቅላይ ሚኒስትር ዶክተር አብይ አህመድ ጀነራል ሰዓረ መኮንንን የኢፌዴሪ መከላከያ ሰራዊት ጠቅላይ ኢታማዡር ሹም አደርገው ሾሙ።
ላለፉት ዓመታት በጠቅላይ ኢታማዡርነት ሲያገለግሉ የነበሩት ጀነራል ሳሞራ የኑስ በክብር ተሸኝተዋል።

ምንጭ፦ FBC
@tsegabwolde @tikvahethiopia