ትኩረት ለምዕራብ ጎንደር ዞን!

በአማራ ክልል በኮሮና ቫይረስ መያዛቸው ከተረጋገጠ 108 ሰዎች መካከል ሰማንያ ሰባቱ (87) ከምዕራብ ጎንደር ዞን ናቸው።

በሁሉም አካላት ይህ የሀገሪቱ ክፍል 'ልዩ ትኩረት' ተሰጥቶ ካልተሰራበት በሀገር ደረጃ የሚከፈለው ዋጋ እጅግ በጣም ከፍተኛ ይሆናል።

@tikvahethiopiaBot @tikvahethiopia

የጤና ባለሞያዎቹ ከለይቶ ማቆያ ወጡ!

በጎንደር ዩኒቨርሲቲ በለይቶ ማቆያ ውስጥ የነበሩ የሆስፒታሉ ሰራተኞች በሙሉ ከኮቪድ-19 #ነጻ መሆናቸው ሁለት ጊዜ በምርመራ ተረጋግጦ ዛሬ ግንቦት 28/2012 ዓ.ም ከለይቶ ማቆያ ወጥተዋል።

#GondarUniversity
@tikvahethiopiaBot @tikvahethiopia

በአሜሪካ የስራ አጦች ቁጥር ቀነሰ!

በአሜሪካ ቢዝነሶች እንቅስቃሴ እየጀመሩ በመሆናቸው እና የሰራተኛ ቅጥር በመጀመሩ የሥራ አጦች ቁጥር በፈረንጆቹ ሚያዚያ ወር ከነበረው 14.7 በመቶ ወደ 13.3 በመቶ ዝቅ ብሏል - #BBC

@tikvahethiopiaBot @tikvahethiopia

#UPDATE

የፌዴራል ፍርድ ቤቶች በከፊል ዝግ ሆነው የሚቆዩበትን ጊዜ ለተጨማሪ 30 የስራ ቀናት ማራዘማቸውን EBC ዘግቧል።

ፍርድ ቤቶቹ ከሰኔ 1 ቀን 2012 ጀምሮ እስከ ሀምሌ 10 ቀን 2012 ዓ.ም ለተጨማሪ 30 የስራ ቀናት በከፊል ዝግ ሆነው አንደሚቆዩ ተወስኗል https://telegra.ph/EBC-06-05

@tikvahethiopiaBot @tikvahethiopia

#HalaZeyed

ግብፅ ውስጥ ባለፉት 24 ሰዓት 1,348 ሰዎች በቫይረሱ መያዛቸው ሲረጋገጥ የአርባ (40) ሰዎች ህይወት አልፏል።

በአጠቃላይ በቫይረሱ የተያዙ ሰዎች 31,115 ደርሰዋል። በቫይረሱ ምክንያት የሞቱ ሰዎች ቁጥር ወደ 1,116 ከፍ ብሏል።

@tikvahethiopiaBot @tikvahethiopia

ኢትዮጵያና ጎረቤት ሀገራት...

በኢትዮጵያ ፣ ኬንያ ፣ ሱማሊያ፣ ጅቡቲ፣ ሱዳን ፣ ደቡብ ሱዳን እና ኤርትራ በአጠቃላይ 17,678 ሰዎች በኮሮና ቫይረስ ተይዘዋል።

በጠቀስናቸው 7 ሀገራት በቫይረሱ ምክንያት የ550 ሰዎች ህይወት አልፏል ፤ 4,900 ሰዎች በተደረገላቸው ህክምና ከበሽታው አገግመዋል።

በኢትዮጵያና በጎረቤት ሀገራት ይለውን የኮቪድ-19 ወቅታዊ መረጃ ከ CARD ጋር በመተባበር ባዘጋጀነው ምስል ከላይ መመልከት ትችላላችሁ።

እናመሰግናለን!
@tikvahethiopiaBot @tikvahethiopia

ዓዲ ሓሩሽ የስደተኞች ካምፕ!

በትግራይ ክልል በሚገኘው 'የኤርትራ ስደተኞች ካምፕ' አንዲት ስደተኛ በኮሮና ቫይረስ መያዟ መረጋገጡን የክልሉ ጤና ቢሮ አሳውቋል።

ትላንት በቫይረሱ መያዛቸው ከተረጋገጠ 4 ሰዎች መካከል አንዷ ኤርትራዊት ስደተኛ መሆኗን የክልሉ ጤና ቢሮ የህብረተሰብ ጤና አደጋዎች መቆጣጠር አስተባባሪ አቶ ሳሙኤል አረጋይ ለVOA ተናግረዋል።

አቶ ሳሙኤል እንደተናገሩት ቫይረሱ የተገኘባት በዓዲ ሓሩሽ የስደተኞች ካምፕ ነዋሪ የሆነችው የ16 ዓመት ሴት መሆኗን ነው የገለፁት።

ባለፈው ሳምንት ከሌሎች 26 የሚሆኑ ሰዎች ጋር በመሆን ወደ ፀበል ቦታ ተጉዛ እንደነበረም ለሬድዮ ጣቢያው ገልፀዋል።

ቫይረሱ የተገኘባት ወደ አክሱም የኮሮና ማዕከል ለመውሰድ እየተሰራ መሆኑና ከእሷ ጋር ግንኙነት የነበራቸውን ሰዎች በመለየት ወደ ማቆያ ማዕከል እየገቡ እንደሆነ ተናግረዋል።

ስደተኞች ካምፕ ለኮሮና መስፋፋት ተጋላጭ ከሆኑ ቦታዎች አንዱ በመሆኑ ይህንን መሰረት በማድረግ በዓዲ ሓሩሽ የስደተኞች መጠለያ በብዛት ሰዎች የመመርመር ስራ ይከናወናል ብለዋል።

ውጤቱንም በማየት አስፈላጊ ውስኔዎች ከሚመለከታቸው መንግስታዊ ተቋማት ጋር በመሆን ይሰራል ሲሉ #ለVOA ገልፀዋል።

የፌዴራል መንግሥት የስደተኞችና የስደት ተመላሾች ኤጄንሲ በበኩሉ በፌዴራሉ መንግሥት በሚመለከታቸው መሥሪያ ቤት በይፋ በስደተኞች ካምፕ ላይ በኮሮና የተያዘ ሰው እንዳለ የተገለፀ ነገር የለም ሆኖም ግን በስደተኞች መጠለያ ቫይረሱ ለመከላከል ከገባም ለመቆጣጠር እየተሰራ ነው ብሏል።

@tikvahethiopiaBot @tikvahethiopia

የዓለም ጤና ድርጅት!

የዓለም ጤና ድርጅት (WHO) ከዚህ በፊት ስለአፍናጫ እና አፍ መሸፈኛ ጭምብል አጠቃቀም አውጥቶት የነበረውን መመሪያ መለወጡን #BBC ዘግቧል።

WHO ቀደም ብሎ የህክምና ጭምብል መጠቀም ያለባቸው የጤና ሠራተኞች፣ የኮሮና ቫይረስ ህሙማንና የህሙማኑ እንክብካቤ የሚያደርጉ ሰዎች ብቻ ሊሆኑ እንደሚገባ መክሮ ነበር።

ድርጅቱ አሁንም የህክምና ጭምብል በስፋት በሁሉም ሰው መጠቀም #የለበትም ብሏል። ነገር ግን ከተለያዩ ጨርቆች የሚዘጋጁ እንዲሁም እጥረት የማይኖርባቸውን አስፈላጊ ከሆነም 'ቤት ውስጥ ማዘጋጀት' የሚቻሉትን ጭንብሎችን መጠቀም ይቻላል ብሏል።

@tikvahethiopiaBot @tikvahethiopia

ኮቪድ-19 በሜክሲኮ እና ብራዚል...

በሜክሲኮ እና ብራዚል የኮሮና ቫይረስ (ኮቪድ-19) ወረርሽኝ በከፍተኛ ደረጃ እየተሰራጨ ነው ፤ በየዕለቱ በቫይረሱ ሳቢያ የሚሞቱ ሰዎች ቁጥርም እየጨመረ ነው።

ሃሙስ ዕለት በሁለቱ ሀገራት በድምሩ 1,824 (ሜክሲኮ 816 እና ብራዚል 1,008) ሰዎች ህይወት አልፏል። እንዲሁም 34,578 (ከሜክሲኮ 4,442 እና ብራዚል 30,136) ሰዎች በቫይረሱ ተይዘዋል።

@tikvahethiopiaBot @tikvahethiopia

"በኢትዮጵያ ተጨማሪ 129 ሰዎች በኮሮና ቫይረስ መያዛቸው ተረጋግጧል።" - ዶክተር ሊያ ታደሰ

@tikvahethiopiaBot @tikvahethiopia

በኢትዮጵያ የሟቾች ቁጥር 20 ደረሰ!

ከኮሮና ቫይረስ ጋር በተገናኘ የ80 ዓመት ሴት ኢትዮጵያዊ የአዲስ አበባ ነዋሪ ህይወት አልፏል። ሟቿ ወደ ሆስፒታል ለሌላ ህክምና በመጡ በአንድ ሰዓት ወስጥ ህይወታቸው ሊያልፍ ችሏል። በአስክሬን ምርመራም የኮሮና ቫይረስ ተገኝቶባቸዋል። በአጠቃላይ በሀገራችን ቫይረሱ የተገኘባቸው እና ህይወታቸው ያለፈ ሰዎች ቁጥር ሃያ (20) ደርሷል፡፡

@tikvahethiopiaBot @tikvahethiopia

#COVID19Ethiopia

ኢትዮጵያ ውስጥ በኮቪድ-19 መያዛቸው ከተረጋገጠ 1,934 ሰዎች መካከል ሃያ ሰባት (27) ሰዎች 'በፀና መታመማቸውን' የጤና ሚኒስቴር ሪፖርት ያስረዳል።

@tikvahethiopiaBot @tikvahethiopia

#Oromiyaa

ባለፉት 24 ሰዓት ውስጥ የተከናወነው የላብራቶሪ ምርመራ 350 ሲሆን ከእነዚህ መካከል ነው አምስት (5) ሰዎች በኮሮና ቫይረስ መያዛቸው የተረጋገጠው።

የታማሚዎች ዝርዝር ሁኔታ ፦

ታማሚ 1 - የ41 ዓመት ኢትዮጵያዊ የሱሉልታ ነዋሪ ፤ የውጭ ሀገር የጉዞ ታሪክ #የለውም፤ ከማህበረሰቡ የተገኘ።

ታማሚ 2 - የ34 ዓመት ኢትዮጵያዊ የአዳማ ነዋሪ ፤ የውጭ ሀገር የጉዞ ታሪክ #የለውም፤ ከማህበረሰቡ የተገኘ።

ታማሚ 3 - የ40 ዓመት ኢትዮጵያዊ የአዳማ ነዋሪ ፤ የውጭ ሀገር የጉዞ ታሪክ #የለውም፤ ከማህበረሰቡ የተገኘ።

ታማሚ 4 - የ52 ዓመት ኢትዮጵያዊ የምዕራብ ሸዋ ነዋሪ ፤ የውጭ ሀገር የጉዞ ታሪክ #የለውም፤ ከማህበረሰቡ የተገኘ።

ታማሚ 5 - የ40 ዓመት ኢትዮጵያዊ የሆለታ ነዋሪ ፤ የውጭ ሀገር የጉዞ ታሪክ #የለውም፤ ከማህበረሰቡ የተገኘ።

#TikvahEthiopia
@tikvahethiopiaBot @tikvahethiopia

#HARARI

በሐረሪ ክልል ባለፉት 24 ሰዓት ውስጥ ከተደረገው ሃያ አራት (24) የላቦራቶሪ ምርመራ ነው አንድ (1) ሰው በኮሮና ቫይረስ መያዙ የተረጋገጠው፡፡

ዛሬ በቫይረሱ መያዙ የተረጋገጠው የ32 ዓመት ኢትዮጵያዊ ሲሆን፤ በቫይረሱ ከተያዘ ሰው ጋር የታወቀ ግንኙነት የሌለውና የሽንኮር ወረዳ ነዋሪ መሆኑን የክልሉ ጤና ቢሮ አሳውቋል።

በአጠቃላይ በሐረሪ ክልል ደረጃ በኮሮና ቫይረስ (ኮቪድ-19) መያዛቸው የተረጋገጠ ሰዎች ቁጥር አስራ አራት (14) ደርሷል።

@tikvahethiopiaBot @tikvahethiopia