የኮቪድ-19 ታማሚዎች መረጃ ሲሰጥ ግልፅነት የተሞላባቸውና #ብዥታን የማይፈጥሩ ሊሆኑ ይገባል!

(ቲክቫህ ኢትያጵያ)

ትላንት በፌደራል ደረጃ በጤና ሚኒስቴር ከተሰጠው መግለጫ በኃላ የኦሮሚያ ክልል ጤና ቢሮ ይፋዊ በሆነው ማህበራዊ ሚዲያው ላይ ሁለት ሰዎች (1 ሰው ከጅማ እና 1 ከአዳማ) በኮሮና ቫይረስ መያዛቸው የሚገልፅ ሪፖርት ይፋ አድርጎ ነበር።

የክልሉ ጤና ቢሮም ሆነ የፌደራል ጤና ሚኒስቴር በጉዳዩ ላይ ምን አይነት ዝርዝር ማብራሪያ እንዳልሰጡ ገልፀን ይህ አይነቱ አለመናበብ ብዥታን ስለሚፈጥን ቢስተካከል በሚል ሀሳብ ማንሳታችንን ታስታውሳላችሁ።

ዛሬ የኦሮሚያ ክልል ጤና ቢሮ ሪፖርቱን ከማህበራዊ ሚዲያው ላይ አንስቶታል። በጉዳዩ ዙሪያ የትኛውም አካል ማብራሪያ አልሰጠም።

በቅድሚያ ለምን ሪፖርት ተደረገ ? ዛሬስ ለምን ተነሳ? መረጃው ትክክል ከሆነ ለምን በፌደራል ደረጃ ትላንት ወይም ዛሬ አልተገለፀም ? በስህተትም ከሆነ ለምን ስህተት ነው ተብሎ በዛው ገፅ ላይ ማብራሪያ አልተሰጠም ? ይህ ሁሉ ጥያቄ ምላሽ ይፈልጋል።

መሰል ሁኔታዎች ታማሚዎች በጨመሩ ቁጥር ከፍተኛ ብዥታን እና መደናገርን በህዝቡ ዘንድ ስለሚፈጥሩ በሚቻለው አቅም ሁሉ #ጥንቃቄ ቢደረግ መልካም ነው።

ከሁሉም ክልሎችና ከፌደራል የሚወጡት መረጃዎች ከምንም በላይ ግልፅነት የተሞላባቸው ፣ የተናበቡ ሊሆኑ ይገባል።

ምንም እንኳን ይህ ወረርሽኝ ለሁሉም አካላት አዲስ እና ፈታኝ ቢሆንም በሚቻለው አቅም ሁሉ ብዥታዎች እንዳይፈጠሩ መስራት ያስፈልጋል።

በሌላ በኩል ዛሬ በኦሮሚያ ክልል በኮሮና ቫይረስ መያዙ የተረጋገጠው የ40 ዓመት ኢትዮጵያዊ የሰበታ ነዋሪ ነው። ግለሰቡ የውጭ ሀገር የጉዞ ታሪክ የሌለው ሲሆን በበሽታው ከተያዘ ሰው ጋር ያለው ግንኙነት በመጣራት ላይ ይገኛል።

@tikvahethiopiaBot @tikvahethiopia

 #DrYohannesChala 

በአዲስ አበባ ከተማ አስተዳደር በተደረጉ የላብራቶሪ ምርመራዎች እስከ ግንቦት 18 ቀን 458 ሰዎች የኮሮና ቫይረስ ተገኝቶባቸዋል። ከነዚህ ውስጥ አንድ መቶ ሰባ ሰባት (177) ሰዎች የውጭ ሀገር ጉዞ ታሪክ እና በበሽታው ከተያዘ ሰው ጋር የታወቀ ግንኙነት #የሌላቸው ናቸው።

ግንቦት 18 በአዲስ አበባ ከተማ ቫይረሱ በምርመራ የተገኘባቸው ሰዎች ክፍለ ከተማ ፦

• አዲስ ከተማ - 10 ሰዎች
• አራዳ - 0
• ቦሌ - 2 ሰዎች
• ጉለሌ - 2 ሰዎች
• ኮልፌ ቀራንዮ - 2 ሰዎች
• ልደታ - 0
• ንፋስ ስልክ ላፍቶ - 0
• ቂርቆስ - 0
• የካ - 1 ሰው
• አቃቂ ቃሊት - 2 ሰዎች
* አድራሻቸው በመጣራት ላይ ያለ - 3 ሰዎች

@tikvahethiopiaBot @tikvahethiopia

ኢትዮጵያ ውስጥ በአንድ ቀን 100 ሰዎች በኮሮና ቫይረስ መያዛቸው ተረጋገጠ!

ባለፉት 24 ሰዓት በተደረገው 4,950 የላብራቶሪ ምርመራ አንድ መቶ (100) ሰዎች የኮሮና ቫይረስ ተገኝቶባቸዋል፡፡ በአጠቃላይ በሀገራችን ቫይረሱ በምርመራ የተገኘባቸው ሰዎች ቁጥር 831 ደርሷል፡፡

ቫይረሱ የተገኘባቸው 53 ወንድ እና 47 ሴት ሲሆን የዕድሜ ክልላቸው ከ3 እስከ 70 ዓመት ውስጥ ይገኛል። በዜግነት 98 ሰዎች ኢትዮጵያውያን ሲሆኑ አንድ ሰው የብሩንዲ ዜጋ ነው።

ቫይረሱ የተገኘባቸው 94 ሰዎች ከአዲስ አበባ (34 በበሽታው ከተያዘ ሰው ጋር የታወቀ ግንኙነት ያላቸው እና 60 ሰዎች የውጭ ሀገር ጉዞ ታሪክ እና በበሽታው ከተያዘ ሰው ጋር የታወቀ ግንኙነት የሌላቸው) ፣ 1 ሰው ከትግራይ ክልል (የውጭ ሀገር ጉዞ ታሪክ ያለውና በለይቶ ማቆያ ውስጥ ያለ) ፣ 2 ሰዎች ከሱማሌ ክልል (የውጭ ሀገር የጉዞ ታሪክ ያላቸውና በለይቶ ማቆያ ያሉ) እንዲሁም 3 ሰዎች ከኦሮሚያ ክልል (1 በበሽታው ከተያዘ ሰው ጋር የታወቀ ግንኙነት ያለውና 2 የውጭ ሀገር ጉዞ ታሪክ እና በበሽታው ከተያዘ ሰው ጋር የታወቀ ግንኙነት የሌላቸው) ናቸው።

የዕለቱ ታማሚዎች የጉዞ ታሪክና በበሽታው ከተያዘ ሰው ጋር ያላቸው ግንኙነት ፦

• የውጭ ሀገር የጉዞ ታሪክ ያላቸው - 3

• በበሽታው ከተያዘ ሰው ጋር የታወቀ ግንኙነት ያላቸው - 35

• የውጭ ሀገር የጉዞ ታሪክ እና በበሽታው ከተያዘ ሰው ጋር የታወቀ ግንኙነት የሌላቸው - 62

ተጨማሪ መረጃ ፦

በትላንትናው ዕለት አስር (10) ሰዎች ከአዲስ አበባ ከበሽታው ያገገሙ ሲሆን በአጠቃላይ በሀገራችን ከበሽታው ያገገሙ ሰዎች 191 ደርሰዋል።

@tikvahethiopia @tikvahethiopiaBot