#Tokyo2020 #Ethiopia🇪🇹

ሰለሞን ቱፋ በመጨረሻም የሶስተኛ ዙር ጨዋታውን ተሸንፎ ለ ነሀስ ሜዳልያ ከሚደረገው ውድድር ውጪ ሆኗል።

በቶኪዮ 2020 ኦሎምፒክ ለመጀመሪያ ጊዜ ኢትዮጵያን በመወከል በ58 ኪሎ ግራም በ ወርልድ ቴኳንዶ የተሳተፈው ሰለሞን ቱፋ በመጀመሪያ ጨዋታው የጃፓኑን ተጋጣሚው ሱዙኪ ሰርጂዮን በመርታት ወደ ሩብ ፍፃሜ ያለፈ ሲሆን በሩብ ፍፃሜው በቱኒዚያው ተፎካካሪው ተሸንፏል።

ቱኒዚያዊው ሞሀመድ ካሊል 32 ለ 9 በሆነ የ ነጥብ ልዩነት ሰለሞን ቱፋን በማሸነፍ ወደ ግማሽ ፍፃሜው አልፏል ።

ሰለሞን ቱፋ በ2ቱ ጨዋታዎች በሰበሰበው ነጥብ የ ነሀስ ሜዳለያ ለማግኘት በሚደረገው ፉክክር ከ ሩሲያ ኦሎምፒክ ኮሚቴ ተወዳዳሪ አርታሞኖቭ  ሚካዬል ጋር ጨዋታ አድርጎ በድምር ነጥብ 27 ለ 5 ተሸንፎ የቶክዮ ኦሊምፒክ ውድድር ጨዋታዎቹን አጠናቋል፡፡

ለመጀመሪያ ጊዜ በኦሎምፒክ ታሪካችን በወርልድ ቴክዋንዶ እንድንወከል ላደረገን እና በውድድሩም ጥሩ ተጋድሎ በማድረግ መፎካከር በቻለው ሰለሞን ቱፋ 🇪🇹 ኮርተናል።

[#HawaryawPetros]

ስፖርታዊ ጉዳዮች @tikvahethsport

#Tokyo2020

ታዳጊዋ ለሀገሯ ወርቅ አስገኘች !

የ13 ዓመቷ ጃፓናዊት የ #SkateBoard ተወዳዳሪ ሞሚጂ ኒሺያ ለሀገሯ ጃፓን በውድድር ዘርፉ የመጀመሪያውን ወርቅ አስገኝታለች።

ሞሚጂ ኒሺያ በ ታሪክ ለ ሀገሯ ወርቅ ያስገኘች በ እድሜ ትንሿ ተወዳዳሪም ለመሆን በቅታለች ።

@tikvahethsport

#Tokyo2020 🇪🇹 #ETHIOPIA

ሰለሞን ባረጋ ወርቁን አጥልቋል !

በትላንትናው ዕለት ለኢትዮጵያ የመጀመሪያው ወርቅ ያስገኘው ሰለሞን ባረጋ ከደቂቃዎች በፊት ከቀድሞው የኬንያ አትሌት እና ከአሁኑ የ ኬንያ ኦሎምፒክ ኮሚቴ ፕሬዝዳንት ፖል ቴርጋት ወርቁን ተረክቦ አጥልቋል።

ኢትዮጵያ በሜዳሊያ ሰንጠረዡ ከዓለም ሰላሳ ሰባተኛ ላይ ስትቀመጥ ከአፍሪካ በሜዳሊያ ዝርዝር ውስጥ ከደቡብ አፍሪካ እና ቱኒዚያ በመቀጠል ሶስተኛ ላይ ተቀምጣለች።

@tikvahethsport

#Tokyo2020 🇪🇹 #ETHIOPIA

ሀብታም አለሙ በ800 ሜትር ውድድር ሁለተኛ በመውጣት ለፍፃሜ ማለፏን አረጋግጣለች።

ሀብታም አለሙ የ ፍፃሜ ውድድሯን በመጪው ማክሰኞ ቀን 9:25 የምታደርግ ይሆናል።

@tikvahethsport

#Tokyo2020 🇪🇹 #ETHIOPIA

በ3 ሺ ሜትር መሰናክል ማጣሪያ በተደረገ ውድድር ኢትዮጵያዊያኖቹ መቅደስ አበበ ሶስተኛ ደረጃ እንዲሁም ዘርፌ ወንድማገኝ በምርጥ ሰዓት 4ኛ ደረጃን በመያዝ ለፍፃሜው ማለፋቸውን አረጋግጠዋል።

በመጀመሪያው ምድብ ተወዳድራ የነበረው አትሌት ሎሚ ሙለታ 10ኛ ደረጃን በመያዝ ወደ ቀጣዩ ዙር ማለፍ ሳትችል ቀርታለች።

የ3 ሺ ሜትር መሰናክል የፍፃሜ ውድድር በመጪው ዕሮብ ከ ቀኑ 8:00 ጀምሮ የሚካሄድ ይሆናል።

@tikvahethsport

#Tokyo2020 🇪🇹 #ETHIOPIA

በ1,500 ሜትር ማጣሪያ በተደረገ ውድድር ኢትዮጵያዊያኖቹ ፍሬወይኒ ሀይሉ እና ለምለም ሀይሉ ከ ምድባቸው አምስተኛ ደረጃን በመያዝ ለግማሽ ፍፃሜው ማለፋቸውን አረጋግጠዋል ።

በሶስተኛው ምድብ ተወዳድራ የነበረው አትሌት ድርቤ ወልተጂ 12ኛ ደረጃን በመያዝ ወደ ቀጣዩ ዙር ማለፍ ሳትችል ቀርታለች።

የ1,5000 ሜትር የግማሽ ፍፃሜ ውድድር በመጪው ረቡዕ ከቀኑ 7:00 ጀምሮ የሚካሄድ ይሆናል።

@tikvahethsport