በሱዳን በአንድ ቀን ብቻ 91 ሰዎች በኮሮና ቫይረስ (ኮቪድ-19) መያዛቸዉ ተረጋገጠ !

(በሱዳን የኢትዮጵያ ኤምባሲ)

የሱዳን ጤና ሚንስቴር ትናንት በሰጠዉ መግለጫ ተጨማሪ 91 ሰዎች በኮሮና ቫይረስ ሲያዙ የ5 ሰዎች ህይወት ማለፉን ገልጸዋል።

በዚህ መሰረት ባጠቃላይ የቫይረሱ ስርጭት በሀገሪቱ ከጀመረበት ጊዜ ጀምሮ የተያዙ ሰዎች ቁጥር በ14 ግዛቶች 533 መድረሱንና ከዚህ ዉስጥ 36 ሰዎች ህይወታቸዉ ሲያልፍ 46 ግለሰቦች ማጋገማቸዉን አስታዉቀዋል።

የጤና ሚንስቴር ዜጎች እራሳቸውን ከቫይረሱ ለመከላከል በጤና ሚንስቴር የሚወጡ መመሪያዎችን መተግበር ይጠበቅባችኋል ብሏል።

@tikvahethiopiaBot @tikvahethiopia

#DrLiaTadesse

በሀገራችን ባለፉት 24 ሰዓት ውስጥ የተደረገው 2,016 የላቦራቶሪ ምርመራ ሲሆን የኮሮና ቫይረስ የተገኘባቸው ሰዎች #አለመኖራቸው ተረጋግጧል፡፡

@tikvahethiopia @tikvahethiopiaBot

#DrLiaTadesse

በሀገራችን ከኮቪድ-19 ያገገሙ ሰዎች 69 ደረሱ!

በትላንትናው ዕለት ሶስት (3) ሰዎች ከአዲስ አበባ ከበሽታው ያገገሙ ሲሆን በአጠቃላይ በሀገራችን ከበሽታው ያገገሙ ሰዎች ቁጥር ስልሳ ዘጠኝ (69) ደርሷል።

@tikvahethiopiaBot @tikvahethiopia

በሀገራችን የኮሮና ቫይረስ ሁኔታ መግለጫ ፦

• አጠቃላይ የተከናወነ የላብራቶሪ ምርመራ - 20,770
• በ24 ሰዓት የተከናወነ ላብራቶሪ ምርመራ - 2,016
• ዛሬ በበሽታው መያዛቸው የተረጋገጠ - 0
• በቫይረሱ ተይዘው በለይቶ ህክምና ውስጥ ያሉ - 59
• በፅኑ ህክምና ላይ ያሉ - 0
• አዲስ ያገገሙ - 3
• አጠቃላይ ያገገሙ - 69
• በበሽታው ህይወታቸው ያለፈ - 3
• ወደሀገራቸው የተመለሱ - 2
• እስካሁን በበሽታው የተያዙ - 133

#DrLiaTadesse #MoHEthiopia #EPHI

@tikvahethiopiaBot @tikvahethiopia

#correction

በዛሬው መግለጫ ላይ ጠቅላላ የተደረገ ላቦራቶሪ ምርመራ ቁጥር 19,857 ሳይሆን 20,770 መሆኑን ከይቅርታ ጋር ለማሳወቅ እንወዳለን - #EPHI

@tikvahethiopia @tikvahethiopiaBot

ኪም ጆንግ ኡን ከፒዮንግያንግ በስተሰሜን 50 ኪሎ ሜትር ርቀት ላይ በሚገኝ ስፍራ የተገነባው 'ሰንቾን የማዳበሪያ ፋብሪካ' የምርቃት ስነ ስርዓት ላይ በመገኘት ሪቫን ሲቆርጡ የሚያሳይ ቪድዮ - #TheTelegraph

📹7.1 MB
@tikvahethiopiaBot @tikvahethiopia

#RUSSIA

ሩሲያ በአንድ ቀን ብቻ 9,623 ሰዎች በኮቪድ-19 መያዛቸው ተረጋገጠ። አብዛኞቹ በዋና ከተማዋ #ሞስኮ የሚኖሩ ናቸው። ይህ ቁጥር ወረርሽኙ ሩሲያ ከደረሰ በኋላ ከተመዘገቡት ሁሉ ከፍተኛው ነው።

በሌላ በኩል ባለፉት 24 ሰዓታት 57 ሰዎች ሕይወታቸውን አጥተዋል። በመላ አገሪቱ ከኮሮና ቫይረስ ጋር በተያያዘ የሞቱ ሰዎች ቁጥር ወደ 1,222 ማሻቀቡን ወረርሽኙን ለመቆጣጠር የተቋቋመው ኮሚቴ አስታውቋል።

የሞስኮ ከተማ ከንቲባ የሆኑት ሰርጌይ ሶብያኒን የከተማው ነዋሪዎች ራሳቸውን በመኖሪያ ቤታቸው ለይተው እንዲያቆዩ ተማፅነዋል።

በኮሮና ቫይረስ በጽኑ የታመሙ ሰዎች ቁጥር እየጨመረ መሆኑን የተናገሩት ከንቲባው እጅግ የከፋ ደረጃ አለመድረሱን ገልጸዋል። ሁኔታው ከከፋ በሞስኮ ከተማ ለመንቀሳቀስ የሚሰጥ ፈቃድ ሊቀነስ እንደሚችልም ከንቲባው ገልጸዋል።

በሞስኮ ከተማ ነዋሪዎች ከመንግሥት ልዩ ፈቃድ ካላገኙ በቀር ከቤታቸው መውጣት የሚችሉት ዕቃ ለመሸመት፣ ውሾቻቸውን ለማንሸራሸር እና ቆሻሻ ለመጣል ብቻ ነው።

#DW
@tikvahethiopiaBot @tikvahethiopi

#EGYPT

በግብፅ በትላንትናው ዕለት 358 ሰዎች በኮሮና ቫይረስ [COVID-19] መያዛቸውን #egypttoday ዘግቧል፡፡ ይህም በሀገሪቱ በኮሮና ቫይረስ የተያዙ ሰዎችን ቁጥር 5 ሺህ 895 አድርሶታል፡፡

የጤና ሚንስቴር ቃል አቀባይ ካሊድ መጋህድ እንደገለጹት በ24 ሰዓታቱ 14 ታማሚዎች ሕይወት አልፏል ፤ ይህም በግብፅ በኮሮና ቫይረስ ምክንያት የሞቱትን ሰዎች ቁጥር 406 አድርሶታል ብለዋል፡፡ በአንጻሩ ደግሞ 79 ሰዎች ማገገማቸውና ከሆስፒታል መውጣታቸው ነው የተነገረው፡፡

@tikvahethiopiaBot @tikvahethiopia

በጅቡቲ በኮቪድ-19 የተያዙ ሰዎች 1,112 ደረሱ!

ባለፉት 24 ሰዓት በጅቡቲ 105 የላብራቶሪ ምርመራ ተደርጎ 15 ሰዎች በኮሮና ቫይረስ መያዛቸው ተረጋግጧል።

በሌላ በኩል ትላንት 14 ተጨማሪ ሰዎች ከኮቪድ-19 ማገገማቸውን ተከትሎ አጠቃላይ ከበሽታው ያገገሙ ሰዎች ቁጥር 686 ደርሷል።

@tikvahethiopiaBot @tikvahethiopia

#DrMercyMwangangi

በኬንያ በኮቪድ-19 የተያዙ ሰዎች 435 ደረሱ!

ባለፉት 24 ሰዓት ውስጥ 1,195 የላብራቶሪ ምርመራ ተደርጎ ተጨማሪ ሃያ አራት (24) ሰዎች በኮሮና ቫይረስ መያዛቸው ተረጋግጧል።

በኬንያ አጠቃላይ በኮሮና ቫይረስ መያዛቸው የተረጋገጠ ሰዎች 435 ደርሰዋል።

በሌላ በኩል በትላንትናው ዕለት የአንድ (1) ሰው ህይወት አልፏል፤ ይህም አጠቃላይ የሟቾችን ቁጥር ወደ ሃያ ሁለት (22) ከፍ አድርጎታል።

@tikvahethiopiaBot @tikvahethiopia

እንደ ሀገር የተከሰተውን የደም እጥረት ለመፍታት እንዲረዳ በኦሮሚያ ክልል የደም ልገሳ ንቅናቄ ተጀመረ!

(የኢትዮጵያ ብሮድካስት ኮርፖሬሽን)

የኦሮሚያ ክልል ርዕሰ መስተዳድር ሽመልስ አብዲሳን ጨምሮ ሌሎች ከፍተኛ አመራሮች ደም በመለገስ ንቅናቄውን አስጀምረዋል።

በኢትዮጵያ የኮረና ቫይረስ መከሰቱን ተከትሎ የለጋሽ መጠን በመቀነሱ በሀገር ደረጃ የደም ክምችት እጥረት መኖሩን የደም ባንክ ማስታወቁ ይታወሳል፡፡

ይህን ችግር ለመፍታት ምሳሌ በመሆን ንቅናቄውን በይፋ ማስጀመራቸውን የክልሉ ርዕሰ መስተዳድር ሽመልስ አብዲሳ ተናግረዋል፡፡ በሁሉም የክልሉ ዞኖች ልገሳው ተጠናክሮ አንደሚቀጥልም ተናግረዋል፡፡

@tikvahethiopiaBot @tikvahethiopia

በሱማሊያ በአንድ ቀን 70 ሰዎች በኮቪድ-19 መያዛቸው ተረጋገጠ!

ባለፉት 24 ሰዓት በሱማሊያ ተጨማሪ 70 ሰዎች በኮሮና ቫይረስ መያዛቸው ተረጋግጧል። አጠቃላይ በቫይረሱ የተያዙ ሰዎች ቁጥርም 671 ደርሷል።

በሌላ በኩል ሶስት (3) ተጨማሪ ሰዎች ከኮሮና ቫይረስ ማገገማቸውን ተከትሎ አጠቃላይ ከበሽታው ያገገሙ ሰዎች ቁጥር 34 ደርሷል።

በተጨማሪ ባለፉት 24 ሰዓት የሶስት (3) ሰዎች ህይወት ማለፉ ሪፖርት ተደርጓል፤ አጠቃላይ የሟቾች ቁጥር ሰላሳ አንድ (31) ደርሷል።

@tikvahethiopiaBot @tikvahethiopia

አጫጭር መረጃዎች ፦

- ዋይት ሐውስ፤ የአሜሪካ መንግሥት ጤና አማካሪ የሆኑት ዶክተር አንቶኒ ፋውቺ ምክር ቤት ቀርበው እንዳይመሰክሩ አግዷል። ዶክተር ፋውቺ፤ ትራምፕ የኮሮናቫይረስ ወረርሽኝን የመከቱበት መንገድ ትክክል ነው ወይስ አይደለም በሚለው ላይ ነበር እንዲመሰክሩ የታሰበው - #BBC

- በትናንትናው ዕለት የሩሲያ የግንባታ ሚኒስትር ብላድሚር ያኩሼቭ በኮሮና ተይዘው በሆስፒታል ሕክምና መከታተል መጀመራቸውን አረጋግጠዋል። ምክትላቸው ዲሚትሪ ፎልኮቭም በኮሮና መያዛቸውን መስሪያ ቤታቸው አረጋግጧል - #DW

- በደቡብ ኮሪያ ባለፉት 24 ሰዓት 6 ሰዎች በኮሮና ቫይረስ መያዛቸው ተረጋግጧል። ስድስቱም (6) ከውጭ የገቡ ናቸው።

- በኢራን ባለፉት 24 ሰዓት 802 ሰዎች በኮሮና ቫይረስ መያዛቸው ተረጋግጧል ፤ ዛሬ ሪፖርት የተደረገው ኬዝ ከየካቲት 30 በኃላ የተመዘገበ ዝቅተኛው ቁጥር ነው።

- በስፔን ባለፉት 24 ሰዓት የ276 ሰዎች ሞት ሲመዘገበ 2,588 ሰዎች በቫይረሱ መያዛቸው ሪፖርት ተደርጓል።

- በቻይና ባለፉት 24 ሰዓት 1 ሰው በኮሮና ቫይረስ መያዙን ሪፖርት አድርጋለች። ዛሬ በሀገሪቱ ሞት ሳይመዘገብ አምስተኛ ቀኑን ይዟል።

- FDA ለኢቦላ በሽታ የሚውለውን ሬምዴሲቬር የተባለውን መድኃኒት ለአስቸኳይ ጊዜ የኮቪድ-19 ህክምና እንዲውል ፈቅዷል። ይህ ጸረ ቫይረስ የሆነው መድኃኒት በኮቪድ-19 በጽኑ ታመው ሆስፒታል የሚገኙ ሰዎችን ለማከም ይውላል። የአሜሪካ ምግብና መድኃኒት አስተዳደር ኮሚሽነር የሆኑት ስቴፈን ሃን 'ይህ የኮቪድ-19ን ለማከም ዕውቅና የተሰጠው የመጀመሪያው መድኃኒት ነው' ብለዋል - #BBC

@tikvahethiopiaBot @tikvahethiopia

#ProfessorHirutWoldemariam

በአሁኑ ወቅት አገሪቱ 27 የመንግስት ዩኒቨርሲቲዎች የለይቶ ማቆያ ማዕከል ሆነው አገልግሎት እየሰጡ ይገኛሉ ሲሉ የሳይንስና ከፍተኛ ትምህርት ሚኒስትር ፕሮፌሰር ሒሩት ወልደማርያም ገልጸዋል፡፡ በእነዚህም ከ9ሺህ በላይ ዜጎችን በማቆያው ውስጥ መሆናቸውን ነው ያስታወቁት፡፡

በቀጣይ ሁኔታዎች እየታዩ ዩኒቨርሲቲዎቹ 90 ሺህ ሰዎችን በለይቶ ማቆያነት እንዲይዙ ለማስቻል የማዘጋጀት ሥራ መሰራቱንና ከማቆያነት ባሻገርም ጊዜያዊ የመመርመሪያ ጣቢያ ሆነው እንዲያገለግሉ ሥራዎች እየተከናወኑ መሆኑን ተናግረዋል - #ENA

@tikvahethiopiaBot @tikvahethiopia

#DrYakobSeman

በጤና ሚኒስቴር የጤና ነክ አገልግሎት ዳይሬክተር ዶ/ር ያዕቆብ ሰማን ለኢትዮ ኤፍ ኤም 107.8 ሬድዮ ጣቢያ ከተናገሩት ፦

- በኢትዮጵያ ከፍተኛ የኮሮና ቫይረስ ተጠቂዋች ቁጥር እና የከፋ ጉዳት ሊደርስ የሚችለው ሰኔ መጨረሻና ሐምሌ መጀመርያ ቀናት ነው።

- በሀገር አቀፍ ደረጃ አሁን የምናደርገውን ጥንቃቄ ባናደርግ ከ27 ሚሊዮን በላይ ህዝብ ኮሮና ያጠቃብን ነበር፤ በደንብ ከተጠነቀቅን ደግሞ የዚህን ቁጥር 60 በመቶ ወይንም 16 ሚሊዮን መቀነስ ይቻላል።

- ወረርሽኙ (ኮቪድ-19) ሊያደርስ የሚችለው የከፋ ውጤት ገና አላለፍነውም፤ ኮሮና ወረርሽኝ አንድ ሀገር ገብቶ የሚብስበት ጊዜ ገና የሚመጣ ነውና መዘናጋት አደገኛ ነው።

ተጨማሪ : https://telegra.ph/ኢትዮኤፍኤም-05-02

@tikvahethiopiaBot @tikvahethiopia

#DrBowaleAbimbola

በናይጄሪያ የኮቪድ-19 ወረርሽኝን መቆጣጠር ዋነኛ ሥራው የሆነው ተቋም ኃላፊ በኮሮና ቫይረስ (ኮቪድ-19) መያዛቸው በምርመራ መረጋገጡን ቢቢሲ ዘግቧል።

ኃላፊው ዶክተር ቦዋሌ አቢምቦላ የካቲት ወር መጨረሻ ላይ በንግድ ከተማዋ ሌጎስ ውስጥ በሚገኘው ያባ የተላላፊ በሽታዎች ሆስፒታል ውስጥ በአገሪቱ የመጀመሪያዎቹ የቫይረሱ ታማሚዎች ተቀብለው አገልግሎት ከሰጡት ሐኪሞች መካከል አንዱ መሆናቸውን ቢቢሲ አስታውሷል።

@tikvahethiopiaBot @tikvahethiopia

#ETHIOPIA

በኮሮና ቫይረስ (ኮቪድ-19) ወረርሽኝ ሳቢያ 15 ሚሊዮን ኢትዮጵያውያን ዕርዳታ ጠባቂ ሊሆኑ እንደሚችሉ የፋይናንስ ሚኒስትሩ አሕመድ ሽዴ መናገራቸው DW ዘግቧል።

ሚኒስትሩ እንዳሉት በዚህ ሳቢያ በአገሪቱ ዕርዳታ ፈላጊ ኢትዮጵያውያን ቁጥር በአጠቃላይ ወደ 30 ሚሊዮን ያሻቅባል።

መንግስት የኮሮና ወረሽኝን ለመከላከል ያቋቋመው የምኒስትሮች ኮሚቴ በትናንትናው ዕለት ባደረገው እና ጠ/ሚ ዐቢይ አሕመድ በመሩት ውይይት ለዚህ ብቻ ኢትዮጵያ 1.4 ቢሊዮን ዶላር እንደሚያስፈልጋት ገልጸዋል።

የኮሮና ወረርሽኝን ለመቋቋም ኢትዮጵያ ከዓለም ባንክ፣ ከዓለም የገንዘብ ድርጅት፣ ከአውሮፓ ኅብረት፣ ጀርመን፣ ፈረንሳይ፣ ብሪታኒያ እና ቻይና 2.1 ቢሊዮን ዶላር ዕገዛ መጠየቋን አቶ አሕመድ ተናግረዋል። ከዚህ ውስጥ አንድ ቢሊዮን ዶላር በቅርቡ ለኢትዮጵያ ሊሰጥ እንደሚችል ጠቁመዋል።

በትናንትናው ዕለት የዓለም የገንዘብ ድርጅት (IMF) ኢትዮጵያ የኮሮና ወረርሽኝን ጫና ለመቋቋም የምታደርገውን ጥረት ለመደገፍ የ411 ሚሊዮን ዶላር ዕርዳታ አጽድቋል። የዓለም ባንክ በበኩሉ 750 ሚሊዮን ዶላር የበጀት ድጋፍ ሊሰጥ እንደሚችል የፋይናንስ ሚኒስትሩ አስረድተዋል - #DW

@tikvahethiopiaBot @tikvahethiopia