ኩሪፍቱ በሰመራ🔝

አፍሮ ፅዮን ኮንስትራክሽን ኩባንያ በአፋር ክልል ርዕሰ ከተማ #ሰመራ በኩሪፍቱ ሪዞርት ሥር የሚተዳደረውን ባለ አምስት ኮከብ ሆቴል ግንባታ 90 በመቶ በማጠናቀቅ ሥራ አስጀምሯል፡፡

#ኩሪፍቱ_ሪዞርት የሚል መጠሪያ የተሰጠው ይህ ሆቴል ቅዳሜ የካቲት 9 ቀን 2011 ዓ.ም. የክልሉ ርዕሰ መስተዳደር አቶ #አወል_አርባ በተገኙበት የተመረቀ ሲሆን፣ የሆቴሉ ሥራ መጀመር ለክልሉ የቱሪዝም ኢንዱስትሪ ከፍተኛ አስተዋጽኦ ያበረክታል ተብሏል፡፡

148 የመኝታ ክፍሎች ያሉትና ሌሎች ደረጃቸውን የጠበቁ የሆቴል አገልግሎቶችን ያካተተው ሆቴል፣ እስካሁን 500 ሚሊዮን ብር እንደወጣበት ሲገለጽ፣ ለቀሪ ሥራዎች ከ100 ሚሊዮን ብር በላይ እንደሚጠይቅ ተጠቁሟል፡፡

ምንጭ፦ ሪፖርተር
@tsegabwolde @tikvahethiopia

#አረንጓዴ_አሻራ #አፋር #ሰመራ

#ሰመራ

"...አብዛኛዎቹ #የመንግስት ቤቶች በህገ ወጥ መንገድ የተያዙ ናቸው"
.
.
#በሰመራ_ሎግያ ከተማ አስተዳደር ከሚገኙ 200 የመንግሰት ቤቶች መካከል በህጋዊ ውል የተያዙት ከ35 እንደማይበልጡ የአስተዳደሩ ቤቶች ልማት ጽህፈት ቤት አስታወቀ። የሰመራ ሎጊያ ከተማ አስተዳደር የቤቶች ልማት ፅህፈት ቤት በበኩሉ ከ2 እስከ 10 ዓመት ድረስ የቤት ኪራይ ባልከፈሉና የመንግስት ቤት በህገ ወጥ መንገድ በያዙ ግለሰቦች ላይ ክስ ለመመስረት መዘጋጀቱን አስታውቋል።

የጽህፈት ቤቱ ኃላፊ ኢንጂነር ራሁባ ሙሀመድ እንደገለጹት በመንግስት ቤት ከሚኖሩ 200 አባውሯዎች መካከል ህጋዊ ውል ያላቸው 35ቱ ብቻ ናቸው። “ቀሪዎቹ 165 አባወሯዎች ከፅህፈት ቤቱ እውቅና ውጪ ቁልፍ ገዝተውና በህገወጥ መንገድ ቤቶቹን በእጃቸው ያስገቡ ናቸው” ብለዋል። ህጋዊ ውል ያላቸውም ቢሆኑ በመንግስት የክትትልና ቁጥጥር ድክመት ምክንያት ከ2 እስከ 10 ዓመት ድረስ ያልከፈሉት ከ300 ሺህ ብር በላይ #ውዝፍ የቤት ኪራይ ዕዳ ያለባቸው ከ100 በላይ ሰዎች እንዳሉ በቅርቡ በተደረገው የማጣራት ስራ መረጋገጡን ኢንጂነር ራሁባ ገልፀዋል። የመንግስት ቤቶችን በህገወጥ መንገድ  ባስተላለፉ፣ ቤቶቹን በያዙና ለረጅም ዓመታት የቤት ኪራይ ባልከፈሉ ግለሰቦች ላይ እስከ መጪው መስከረም ወር ድረስ ክስ እንደሚመሰረትም ኃላፊዋ አስታውቀዋል።

Via #ena
ፎቶ፦ ፋይል
@tsegabwolde @tikvahethiopia

ተጨማሪ...

የአፋር ክልል ርዕሰ ከተማ #ከአይሳኢታ ወደ #ሰመራ ሲዘዋወር የመንግስት ሰራተኞች የመኖሪያ ቤት ችግርን ለመፍታት መንግስት ለከፍተኛና መካከለኛ አመራሮች ቤቶች ሰርቶ ማስረከቡ ይታወሳል፤ ይሁን እንጂ አብዛኛዎቹ ከፍተኛና መካከለኛ አመራሮች በአሁኑ ወቅት የግል መኖሪያ ቤት የሰሩ ቢሆንም የራሳቸውን ቤት እያከራዩ በመንግስት ቤት በነፃ እየኖሩ መሆናቸውን ተረጋግጧል። በመሆኑም ቤቶቹ ከአመራሮቹ ተቀምቶ ዝቅተኛ ገቢ ላላቸው የመንግስት ሠራተኞች እንዲተላለፉ የሚደረግ መሆኑን ለማወቅ ተችሏል።

@tsegabwolde @tikvahethiopia

#ሰመራ

የአፋር ክልል አደጋ መከላከልና ምግብ ዋስትና ማስተባበሪያ ጽህፈት ቤት እስላሚክ ሪሊፍ ከተባለ ግብረሰናይ ድርጅት ጋር በመተባበር የአረፋን በዓል ምክንያት በማድረግ 1ሺህ 500 በግና ፍየሎች ለአቅመደካሞች እያከፋፈለ መሆኑን አስታወቀ። ሙስሊሙ ህብረተሰብ የአረፋ በአልን ሲያከብር እርስ-በርሱ በመረዳዳትና ወንድማማችነቱን በሚያጠናክሩ ተግባራት ላይ መሳተፍ እንደሚገባው የአፋር ክልል እስልምና ጉዳዩች ጽህፈት ቤት አሳስቧል።

@tsegabwolde @tikvahethiopia

4 ኢንዱስትሪ ፓርኮች ለመገንባት የሚያስችል ጥናት እየተካሄደ ነው!

አራት ኢንዱስትሪ ፓርኮች ለመገንባት የሚያስችል ጥናት እየተካሄደ መሆኑን የኢንዱስትሪ ፓርኮች ኮርፖሬሽን ገለጸ። ኮርፖሬሽኑ በፓርኮች ግንባታና ምርት ዙሪያ ከምሁራን፣ ታዋቂ ሰዎች፣ የዩኒቨርሲቲ ተማሪዎችና የሙያ ማህበራት ጋር ተወያይቷል። ውይይቱ በኢትዮጵያ በመስኩ እየተካሄደ ያለው እንቅስቃሴ፣ እየተገኙ ያሉ ውጤቶችና ችግሮች ላይ ያተኮረ ነው።

የኮርፖሬሽኑ ምክትል ዋና ሥራ አስፈጻሚው አቶ ሺፈራው ሰለሞን እንደተናገሩት፤ አሁን ካሉት ኢንዱስትሪ ፓርኮች በተጨማሪ አራት ፓርኮችን ለመገንት የሚያስችል ጥናት እየተከናወነ ነው። አሶሳ፣ አረርቲ፣ አይሻና ሰመራ ከተሞች ላይ ለመገንባት እንደታቀደ ጠቁመው፤ በተለይ #ሰመራ ላይ #የኢትዮጵያና #ኤርትራ ግንኙነት መሻሻልን ተከትሎ የወደብ አማራጭ በመኖሩ የተሻለ እንቅስቃሴ ለማድረግ ያለመ መሆኑን አብራርተዋል።

አሶሳ ላይ ደግሞ የቀርከሃ ምርት በስፋት በመኖሩ ለቢሮ፣ ለቤት እቃዎችና መርከብ ግንባታ የሚሆን ግብዓት ለማምረት የሚያስችል የኢንዱስትሪ ፓርክ ለመገንባት እየተጠና መሆኑን ጠቁመዋል። በቀርከሃ ምርት ለመሰማራት ቻይናዊያን ባለሃብቶች ከፍ ያለ ፍላጎት ማሳየታቸውን ገልጸዋል። ”የጥናት ሂደቱ እንደተጠናቀቀ በውጤቱ መሰረት ወደ ግንባታ ይገባል” ብለዋል።

Via #ENA
@tsegabwolde @tikvahethiopia

#SituationReport :

#Tigray #Amhara #Afar📍

የሰሜን ኢትዮጵያ #ወቅታዊ ሁኔታን በተመለከተ የተባበሩት መንግስታት ድርጅት ሰብዓዊ እርዳታ ማስተባበሪያ ወይም #UN_OCHA የዚህን ሳምንት ሪፖርቱን ይፋ አድርጓል።

ዋና ዋና ነጥቦች ፦

#Afar

• በአፋር የተለያዩ አካባቢዎች #አሁንም ግጭት ቀጥሏል። በዋናው ኮሪደር (A1) [አፋር ሰመራን ከመቐለ ትግራይ የሚያገናኘው] እና ትግራይ እና አፋር በሚዋሰኑባቸው ኤሬብቲ ፣ በርሀሌ እና መጋሌ ወረዳዎች ፣ በኡሩህ እና ዋህዲስ ቀበሌዎች፣ በሁሉም የኬልበቲ ዞን ግጭት መኖሩ ተመላክቷል።

• በአፋር ያለው ሰብዓዊ ሁኔታ ከጊዜ ወደ ጊዜ እየተባባሰ መጥቷል። መጠነ ሰፊ መፈናቀል በመኖሩ የሰብዓዊ ድጋፍ ፍላጎቱ እየጨመረ መጥቷል።

• በአፋር ክልል በተከሰተው ግጭት እስካሁን በመቶ ሺዎች የሚቆጠሩ ዜጎችን የተፈናቀሉ ሲሆን አብዛኞቹ በመጋሌ፣ በርሀሌ፣ ኮነባ፣ ኢረብቲ እና ዳሎል ወረዳዎች መጠለያ ጣቢያዎች ተጠልለው ይገኛሉ። አካባቢዎቹ በመንገድ ሁኔታ እና በፀጥታ ስጋት ምክንያት ለሰብአዊ አጋሮች ተደራሽ አይደሉም።

#Tigray

• በትግራይ ክልል እ.ኤ.አ. የካቲት 12 በምስራቅ ዞን አፅቢ ከተማ ላይ በደረሰ የአየር ድብደባ የንፁሀን ዜጎች ህይወት መጥፋቱ እና ሰዎች መቁሰላቸውን ተመድ አመልክቷል። የተመድ አጋሮች እስካሁን የተጎጂዎችን ቁጥር ማረጋገጥ እንዳልቻሉ ተገልጿል።

• በትግራይ ክልል በአብዛኛው ሰሜናዊ ክፍል [ከኤርትራ ድንበር በሚዋሰኑ ቦታዎች] የተወሰኑ ቀበሌዎች በማዕከላዊ ዞን ራማ ፣ በምስራቅ ዞን ኢሮብ፣ በምስራቅ ዞን ዛላ አምበሳ ከተማ ጨምሮ ተደራሽ አይደሉም። በእነዚያ አካባቢዎች ላለፉት ጥቂት ወራት ምንም አይነት እርዳታ ሳያገኙ የቆዩ በአስር ሺዎች የሚቆጠሩ ወገኖች አሉ።

• እኤአ ከታህሳስ 15 አንስቶ የፀጥታ ችግሮችና ግጭቶች ወደ ትግራይ ክልል በየብስ በ #ሰመራ- #አብዓላ- #መቐለ መንገድ እርዳታ እንዳይገባ እንዳገዱ ይገኛሉ። ከታህሳስ አጋማሽ በፊት ተፈቅዶ የነበረው የአቅርቦት መጠን በዋናነት በቢሮክራሲያዊ እክል ከሚያስፈልገው በታች በመሆኑ አሁን በፀጥታ ችግር እና በግጭት መንገድ መዝጋቱ ወደ ትግራይ ክልል የሚደርሰውን የሰብአዊ አቅርቦት ችግር የበለጠ እንዳባባሰው ተገልጿል።

• እ.ኤ.አ. ከሀምሌ 12 አንስቶ አጠቃላይ 1,339 የጭነት መኪናዎች ከሰመራ ወደ ትግራይ ክልል የገቡ ሲሆን ይህ በትግራይ ክልል ያለውን ሰፊ ​​የሆነ የሰብአዊ ፍላጎት ለማሟላት ከሚያስፈልጉት አቅርቦቶች ውስጥ 8 በመቶውን ብቻ የሚሸፍን ነው። ተጨማሪ 17 የጭነት መኪናዎች ባለፈው ህዳር ወር ከኮምቦልቻ ፣ አማራ ክልል ወደ ትግራይ ገብተው ነበር።

• የዓለም ጤና ድርጅት-WHO የላከው የህክምና ቁሳቁሶች መቐለ ቢደርሱም አጋር አካላት በነዳጅ እጥረት ምክንያት በክልሉ ወዳሉ ጤና ተቋማት መላክ እና ማከፋፈል እንዳልቻሉ ተመድ ገልጿል። በተለይም ከ800 ሺህ በላይ ተፈናቃዮችን ወዳስጠለለው የሰሜን ምእራብ ዞን ማድረስ አልተቻለም። በዞኑ ከአጠቃላይ የውስጥ ተፈናቃይ 1.8 ሚሊዮን 44 % ይሸፍናል።

• በሰሜን ምዕራብ ዞን ተፈናቃዮችን ባስጠለሉ ቦታዎች የእከክ በሽታ እና ወባ ኬዞች መጨመራቸው ተመላክቷል። ከ1,100 በላይ የእከክ በሽታ ኬዝ በ22 ሳይቶች ፣ከ1800 በላይ የወባ ኬዞች በዞኑ ከዓመቱ መጀመሪያ (የፈረንጆች) ጀምሮ ተመዝግቧል። የአቅርቦት ችግር፣ የመድሃኒትና የነዳጅ እጥረት ተመድ የጤና አጋሮቹ የበሽታዎችን ስርጭት እንዲቀንስ ለማድረግ የሚሰሩትን ስራ እየገደበ መሆኑን ገልጿል።

• ተ.መ.ድ. በትግራይ ክልል ላሉት የሰብአዊ ድጋፍ አጋሮቹ ያለው ነዳጅ፣ ጥሬ ገንዘብ እና አቅርቦቶች በጣም አነስተኛ ደረጃ ላይ እንደሚገኙ በመግለፅ ይህም ሁኔታ የሰብአዊ አገልግሎቶችን በተለይም የምግብ ፣ የውሃ ፣ የጤናና የስነ - ምግብ አገልግሎቶች ስርጭትን በእጅጉ እየቀነሰው መሆኑን አመልክቷል።

#Amhara

• በአብዛኛው የአማራ ክልል በአንጻራዊ የተረጋጋ ሁኔታ ያለ ሲሆን በሰሜን ወሎ በትግራይ አዋሳኝ አካባቢዎች ያለው ሁኔታ ግን ውጥረት እንደነገሰበት ነው።

• አማራ ክልልን ከትግራይ ክልል የሚያዋሱ አካባቢዎች አሁንም ባለው የፀጥታና የደህንነት ስጋት ተደራሽ አይደሉም። መድረስ አልተቻለም። ይህም በሰሜን ጎንደር፣ ዋግ ኽምራና ሰሜን ወሎ ያሉ አካባቢዎች ያካትታል። ባለው ሁኔታ ህዝቡ የአስፈላጊ የምግብ እደላ ጨምሮ አጠቃላይ ሰብአዊ ርዳታ እንዳያገኝ ሆኗል።

• በሰሜን ጎንደር ፣ ዋግ ኽምራ እንዲሁም ሰሜን ወሎ ዞኖች አካባቢዎች አዲስ መፈናቀል መኖሩ ተመላክቷል።

• በዋግ ኽምራ እና ሰሜን ወሎ ያለው ሁኔታ አሳሳቢ ነው። በርካታ ሰዎች በተደጋጋሚ ከቀያቸው ተፈናቅለዋል። በአዋሳኝ አካባቢ ባለው የፀጥታ ሁኔታ ድጋፍ የሚፈልጉ ወገኖች ውስን የሰብዓዊ ዕርዳታ ብቻ እንዳገኙ ተገልጿል። በዋግ ኽምራ በዋናነት በዝቋላ ወረዳ እና ሰቆጣ ወረዳ በአሁኑ ወቅት ከ30,000 በላይ ተፈናቃዮች አሉ።

• ባለፉት ጥቂት ሳምንታት ውስጥ ከ12,000 በላይ ሰዎች ሰብአዊ እርዳታ ለማግኘት ወደ ራያ ቆቦ አማራ ክልል ገብተዋል።

• በሰሜን ወሎ ዞን ውስጥ ከ21 ሺ የሚበልጡ ተመላሾች አስቸኳይ የመጠለያ ዕርዳታ ያስፈልጋቸዋል። የመኖሪያ ቤታቸውን መልሶ የማቋቋም እና የመልሶ ግንባታ ድጋፍ ያስፈልጋቸዋል። በዞኑ ሆስፒታሎችና ትምህርት ቤቶችን ጨምሮ ከ4 ሺህ በላይ ቤቶችና ቁጥራቸው ቀላል የማይባሉ የመንግስት ተቋማት ጉዳት ደርሶባቸዋል።

@tikvahethiopia