በየሳምንቱ እሁድ የተቸገሩ ወገኖችን እየመገቡ የሚገኙት ባለሀብት!

ከዚህ ቀደም ስለአቶ ብርሃን ተድላ እንዲሁም ጓደኛቸው ነግረናችሁ ነበር። በየሳምንቱ እሁድ እሁድ ይህ የኮሮና ቫይረስ ወረርሽኝ ከሀገራችን እስኪጠፋ ድረስ 250 ለሚሆኑ ወገኖች ምግብ ለማብላት ስራ መጀመራቸው ይታወቃል።

ባለሀብቱ አቶ ብርሃን ተድላ የትንሳኤ በዓልን እንዲሁም የእሁድ የምገባ ፕሮግራማቸውን በሙዳይ በጎ አድራጎት ማህበር ማድረጋቸውን ገልፀውልናል። በዕለቱ የባህልና ቱሪዝም ሚኒትርም ተገኝተው ነበር።

ባለሀብቱ እና የስራ አጋሮቻቸው በሙዳይ የበጎ አድራጎት ማህበር የተገኙበት ዋነኛ ምክንያታቸው ማህበሩ ያለበትን ሁኔታ ለማየት፣ በምን መልኩ መታገዝ እንዳለባት ለማወቅ እንዲሁም በዓሉን በማህበሩ ስር ታቅፈው ካሉት ልጆች ጋር ለማክበር ነበር።

ሙዳይ 600 ልጆችን ነው የምታሳድገው፤ ትልቁ የቤት ችግር ስራዋን ፈታኝ አድርጎባታል። የጠየቀችው የ5000 ካ.ሜ ቦታ እንዲሰጣት በሂደት ላይ ነው ያለው። ቦታው ከተሰጣት በኃላ በቦታው ላይ በአጭር ጊዜ ቤቶችን ለመስራት በሚቻልበት መንገድ ላይ ሚኒስትሯ በተገኙበት አቶ ተድላ ሀሳብ አቅርበዋል።

ከዚህ በተጨማሪ ለሙዳይ የአልጋ ስጦታዎችን ለመስጠት ቃል ተገብቷል። አቶ ብርሃን በእሳቸው በኩል 10 አልጋ ፣ የኢትዮጵያ ሆቴል አሰሪዎች ፌደሬሽን 10 አልጋ፣ የአስጎብኝዎች ድርጅት አሶሴሽን 13 አልጋ እንዲገዛ የማስተባበር ስራ ተሰርቷል። አጠቃላይ በገንዘብ ሲተመን 495,000 ብር ገደማ ይሆናል።

ባለሀብቱ በቀጣይም በሚያስፈልገው ሁሉ ከበጎ አድራጎት ማህበሩ ጋር እንደሚቆሙ ነግረውናል።

ከዚህ በተጨማሪ በየሳምንቱ እሁድ የሚካሄደው የምገባ መርሃ ግብርም እንደሚቀጥል ነግረውናል።

@tikvahethiopiaBot @tikvahethiopia

የጅማ ዩኒቨርሲቲ የኮቪድ-19 ምርመራ ማዕከል ስራ ጀመረ!

የጅማ ዩኒቨርሲቲ የኮቪድ-19 ምርመራ ማዕከል በዛሬዉ እለት የሚጠበቀዉን ስታንዳርድና ግብዓት በማሟላት ስራ ጀምሯል፡፡

የምርመራ ማዕከሉ ሶስት ማሽኖች ያሉት ሲሆን አስፈላጊዉ ሰዉ ሃይል ስልጠናና ዝግጅት ተደርጎ አገልግሎት መስጠት ጀምሯል፡፡

የማዕከሉ ስራ መጀመር ወረርሽኙን ለመቆጣጠር እየተደረገ ያለዉን ሰፊ ርብርብ የሚያግዝ በመሆኑ ማዕከሉን በማቋቋምና ለአገልግሎት እንዲበቃ በትጋት ሲሰሩ ለነበሩ ሁሉ ዩኒቨርሲቲዉ ምስጋና አቅርቧል።

(ጅማ ዩኒቨርሲቲ)
@tikvahethiopiaBot @tikvahethiopia