ኮሮና ቫይረስ እንዳይስፋፋ መደረግ ከሚገባቸው መሠረታዊ ጥንቃቄዎች መካከል ዋነኛው ማህበራዊ ፈቀቅታ (Social distancing) እንደሆነ ይታወቃል። ይሁን እንጂ በከተማችን ብሎም በሃገራችን ይህን ያለመተግበር ቸልተኝነት ይታያል።

በአዲስ አበባ ከተማ አስተዳደር ስር ያሉ፦

- መሬት አስተዳደር ፅህፈት ቤት ፣
- ውል እና ማስርጃ ፣
- ትራፊክ ማኔጅመት ፣
- ገቢዎች እና የመሳሰሉ በርካታ አገልግሎት ሰጪ ተቋማት በርካታ ባለጉዳዮችን በአንድ ጊዜ የሚያስተናግዱ ከመሆናቸው አንጻር እንዲሁም ከግንዛቤ እጥረት ወይም በቸልተኝነት ምክንያት በባለጉዳዮች የሚፈጠር የከፋ መተፋፈግ አሁንም እየተስተዋለ ይገኛል።

ከኮሮና ቫይረስ [ኮቪድ-19] የስርጭት ፍጥነት እንዲሁም ከህክምና እቅርቦታችን አናሳነት አኳያ የእነዚህ ቦታዎች የቫይረስ አስተላላፊነት እድል ከፍተኛ በመሆኑ ተገቢው አትኩሮት በአስተዳደሩ እንዲሰጠው እኛም እንጠይቃለን።

@tikvahethiopiaBot @tikvahethiopia

ከጋሞ ዞን ቲክቫህ አባል፦

በሀገሪቱ ገጠራማ አከባቢዎች ህብረተሰቡ ስለቫይረሱ ስርጪትም ሆነ መከላከያ መንገድ ምንም የሚያዉቀዉ ነገር የለም ይኽ ከላይ የምትለከቱት ፎቶ ከትናንትና በስቲያ በጋሞ ዞን የነበረ ገበያ ነዉ። በአከባቢው ምንም አይነት የግንዛቤ ማስጨበጫ ስራ እየተሰራ አደለም ጭራሽ በአንዳንድ ወረዳዎች 'የብልጽግና ፖርቲ' ስብሰባዎች በተጨናነቁ እና ጠባብ አዳራሾች እየተደረገ ስለሆነ ለሚመለከተዉ አካል ብታሳዉቁ ነገሮች ሳይበላሹ ማስተካከያዎች ቢደረጉ ጥሩ ነዉ።

@tikvahethiopiaBot @tikvahethiopia

አሁንም በአ/አ በርካታ ቦታዎች የማህበራዊ ርቀትን ጠብቆ የመንቀሳቀስ ነገር መፍትሄ አልተገኘለትም። ይህ ሁኔታ እጅግ አደገኛ እና ለቫይረሱ ስርጭት ከፍተኛ እድል ስለሚሰጥ ጊዜው ሳይረፍድ አንዳች መፍትሄ ቢበጅለት የተሻለ ነው።

@tikvahethiopiaBot @tikvahethiopia

#TurkishAirlines

የቱርክ አየር መንገድ በኮሮና ቫይረስ [ኮቪድ-19] ወረርሽኝ ምክንያት ኢትዮጵያን ጨምሮ ከ5 አገሮች በስተቀር ዓለም አቀፍ በረራዎችን እ.ኤ.አ ከመጋቢት 27 ቀን 2020 ጀምሮ እንደሚያቆም አስታውቋል። አየር መንገዱ ወደ ሆንግ ኮንግ፣ ሞስኮ፣ አዲስ አበባ፣ ኒው ዮርክና ዋሽንግተን የሚያደርገው በረራ እንደማይቋረጥ የአየር መንገዱ ዋና ሥራ አስፈጻሚ የሆኑት ቢላል ኢክሲ ማስታወቃቸውን ሮይተርስ ዘግቧል።

#Reuters #etv
@tikvahethiopiaBot @tikvahethiopia

አንድ የቲክቫህ አ/አ ከተማ አባል ከጋሞ ዞን የቲክቫህ አባል ከትናንት በስትያ ስለነበረው ገበያና የህብረተሰቡን ለኮሮና ቫይረስ ተጋላጭነት የሚገልፀውን መልዕክት ተመልክቶ ይህን ብሏል፦

"ሩቅ ሳንሄድ እዚሁ መርካቶ ውስጥ ዛሬ ላይ ከዛ በበለጠ ተጨናንቆና ተፋፍጎ እየተገበያየ ነው መንግስት ጠንከር ያለ እርምጃ ውስጥ ካልገባ ማክስና ሳኒታይዘር ማከፋፈሉ እንዲሁም የህክምና ቦታዋችን ማሰናዳቱ ትርጉም የለውም።"

በኢትዮጵያ የኮሮና ቫይረስ ተጠቂዎች 11 ሲሆኑ ሁሉም የሚገኙት አዲስ አበባ ከተማ ውስጥ ነው። ይህም ቢሆን በጤና ሚኒስቴር እንዲሁም በጤና ባለሞያዎች እየተሰጡ ያሉ የጥንቃቄ መመሪያዎች ተፈፃሚ እየሆኑ አይደለም።

@tikvahethiopiaBot @tikvahethiopia

ይህ ሁኔታችን እና ፍፁም ግድየለሽነታችን በዚህ የሚቀጥል ከሆነ ከፍተኛ ዋጋ መክፈላችን አይቀርም ፤ እያንዳንዳችን ኃላፊነት ተሰምቶን የምንባለው ካላደርግን ውሎ አድሮ ፀፀቱ አያስቀምጠንም። ፎቶው አሁን ቦሌ ካርጎ ያለውን ሁኔታ የሚያሳይ ነው። ማህበራዊ ርቀት የሚባለው ነገር ጭራሽ ተረስቷል።

እኛም ከመናገር ወደኃላ አንልም!
@tikvahethiopiaBot @tikvahethiopia

በAAU በኢኮኖሚክስ ትምህርት ክፍል ተባባሪ ፕሮፌሰር ዶክተር አሰፋ አድማሴ ለአዲስ ዘመን ጋዜጣ የተናገሩት፦

የኮሮና ቫይረስ [COVID-19] ወረርሽኝ እንደ ህብረተሰብ የመቆምና ያለመቆም ፤ እንዲሁም የመኖርና ያለመኖር ጥያቄ ውስጥ የሚከትት በመሆኑ ፤ የግል ፍላጎታችንን ጨምሮ እንቅስቃሴያችን በሙሉ በተለመደው መልኩ መቀጠል የለበትም።

ከዚህ ችግር ለመውጣት ብቸኛው አማራጭ እያንዳንዳችን በሃላፊነት ስሜት ልንቀሳቀስና አንዱ ለሌላው ሊያስብ ይገባል። እንዲሁም ከመንግስት በየጊዜው የሚተላለፉ መልዕክቶችን በመከታተል ተግባራዊ ማድረግ ይኖርብናል።

@tikvahethiopiaBot @tikvahethiopia

ኢትዮጵያ ድንበሮቿን ለሰዎች ዝውውር ዝግ አደረገች!

የኮሮና ቫይረስ ስርጭትን ለመግታት በአገሪቱ የሚገኙ ሁሉም ድንበሮች ለሰዎች ዝውውር ዝግ መደረጋቸውን ጠቅላይ ሚኒስትር ዐቢይ አህመድ አስታውቀዋል።

ወረርሽኙን ለመከላከልም መንግስት አምስት ቢሊዮን ብር መበጀቱንም ነው ጠቅላይ ሚኒስትሩ ያስታወቁት።

በአውሮፕላን ከውጭ በሚገቡ መንገደኞች ላይ ለ14 ቀናት ተለይው እንዲያቆዩ የሚያስገድደው ውሳኔም ከዛሬ ጀምሮ በመተግበር ላይ ነው።

#etv
@tikvahethiopiaBot @tikvahethiopia

#UPDATE

በኢትዮጵያ በኮሮና ቫይረስ ከተያዙ አስራ አንድ (11) ሰዎች መካከል ሁለቱ ወደ አገራቸው መሸኘታቸውን የጤና ሚኒስትር ዶ/ር ሊያ ታደሰ ለሀገሪቱ ብሄራዊ የቴሌቪዥን ጣቢያ ኢቲቪ ተናግረዋል። ዶ/ር ሊያ ተጨማሪ በበሽታው የተያዙ ሰዎች አለመኖራቸውንም ጠቁመዋል።

ከተሸኙት ሁለት ሰዎች ውጭ በክትትል ላይ ያሉ ስምንቱ (8) ሰዎች በመልካም ጤንነት ላይ እንደሚገኙ አመልክተው፣ በጥሩ ጤንነት ላይ የሚገኙ እና ቀደም ብለው የገቡት ላይ ሁለተኛ ዙር የደም ናሙና ዛሬ እንደሚወሰድ አመልክተዋል።

ከዚህ ባለፈ ከእነዚህ ሰዎች ጋር ግንኙነት የነበራቸው ወደ ሁለት መቶ ስልሳ ሰባት (267) ሰዎች መረጃው ተነግሯቸው ክትትል እየተደረገላቸው ይገኛል ብለዋል። ነገር ግን አንደኛዋ ሴት በኦክስጅን እና ሕክምና እገዛ ላይ እንደሚገኙ ጠቅሰዋል።

ምንጭ፦ ኢቲቪ
@tikvahethiopiaBot @tikvahethiopia

#DrLiaTadesse

የኮሮና ቫይረስ ስርጭትን ለመግታት በገበያ ስፍራዎች ፣ አገልግሎት ሰጭ ተቋማት እና ትልልቅ ስብሰባዎች ከመሰረዝ አኳያ ብዙ የሚቀሩ ሥራዎች መኖራቸውን ዶ/ር ሊያ ታደሰ ተናግረዋል።

በሽታው በሌሎች አገራት ላይ ተከስቶ ተሞክሮ መውሰድ የቻልበት ዕድል አግኝተናል፤ ነገር ግን በዕድሜ የገፉ ሰዎች ብቻ ነው የሚይዘው የሚለውን አስተሳሰብ ወጣቱ በመተው ማንንም የማይለይ መሆኑን ግንዛቤ ውስጥ ሊያስገባ ይገባል ብለዋል።

ስለሆነም በበሽታው ከመያዝ በፊት መከላከል ላይ አጠንክረን ልንሠራ ይገባል ፤ ይህ ካልሆነ ግን እንደ አገር ውጤቱ 'ጥሩ ላይሆን' ይችላል ሲሉ አሳስበዋል።

@tikvahethiopiaBot @tikvahethiopia

ጠቅላይ ሚኒስትር አብይ ከደህንነት ዘርፍ ኃላፊዎች ጋር ውይይት አድርገዋል። ከውይይቱ በኋላ የሚከተሉት ዐበይት እርምጃዎች የሚተገበሩ መሆኑን ይፋ አድርገዋል፦

- ከዛሬ መጋቢት 14 ቀን አንስቶ፣ የደህንነት ዘርፉ በቁጥር የበዛ ሰው የሚሳተፍባቸውን ስብሰባዎችን የሚያስቆምና ማህበራዊ ርቀትን መጠበቅ የሚያስተገብር ይሆናል፡፡

- የፖለቲካ ፓርቲዎችን ጨምሮ የመንግስት ተቋማት ማህበራዊ ርቀትን ተፈጻሚ ማድረግና ስብሰባ ሲያካሄዱ ቫይረሱን የመከላከል ቅድመ ጥንቃቄዎችን ተፈጻሚ ማድረግ አለባቸው፡፡

- የመንግስት ተቋማት የተቀጣሪዎቻቸውን ሁኔታ በማጣራት እንደየሁኔታው አንዳንዶች በቤታቸውን ሆነው የሚሰሩበትን ሁኔታ ማመቻቸት፤

- የሕዝብ መጓጓዠ አገልግሎት ሰጪዎች አጨናንቆ ተሳፋሪዎችን መጫን የማይችሉ ሲሆን፣ ይህን ማድረጋቸው በትራፊክ ፖሊስና በበጎ ፈቃደኞች አማካኝነት ቁጥጥር የሚደረግበት ይሆናል፡፡

- ብሔራዊ የመከላከያ ሰራዊትና ፖሊስ ውስጣዊ ቅደመ ዝግጅት በማድረግ በአገር ደረጃ የቫይረሱ ስርጭት የመከላከል ስራን ለማስፈጸም ማዘጋጀት፣

- በተጠቃሚው ማህበረሰብ ላይ ሕገ ወጥ የዋጋ ጭማሪ የሚያደርጉ ተቋማት ላይ የሚወሰዱ እርምጃዎች የሚቀጥሉ ይሆናል፡፡

- መገናኛ ብዙሃን በትኩረት በየደረጃው ግንዛቤን የማሳደግ ሚናን መጫወት ይጠበቅባቸዋል፡፡

- ብሔራዊ የመከላከያ ሰራዊት በድንበር አከባቢ የሚደረጉ እንቅስቃሴዎችን በሙሉ ይገታሉ፡፡ ይህ እርምጃ ወደ አገሪቱ የሚገቡ ሸቀጦችና አስፈላጊ መገልገያዎችን አይጨምርም፡፡

#etv
@tikvahethiopiaBot @tikvahethiopia

ማህበረሰቡ ከንክኪ ተራርቆ እንዲንቀሳቀስ የተላለፈው መልዕክት ባለፉት ቀናት በአግባቡ እየተፈጸመ አይደለም ሲሉ ጠቅላይ ሚ/ር ዶ/ር አብይ አህመድ ተናገሩ።

ቅዳሜና እሁድ በነበረው የእምነት ተቋማት መርሃ ግብሮች ላይም በቂ የመከላከል እርምጃ እንዳልተወሰደ ተገምግሟል ሲሉም በዛሬው መግለጫ ላይ አንስተዋል።

የሃይማኖት አባቶች በቀጣይ ምዕመኖቻቸውን ከማስተማር ባለፈ በተግባር እርምጃ መውሰድ እንዳለባቸው ማሳሰቢያ መተላለፉን ተናግረዋል።

ጠ/ሚ ዶክተር አብይ ሰዎችን በአንድ ቦታ የሚያሰባስቡ መጠጥ ቤቶች፣ የምሽት መዝናኛዎች እንዲሁም ጫት ቤቶች ላይ በቀጣይ ጠንካራ እርምጃ የፀጥታ ሃይሉ እንዲወስድም አቅጣጫ መቀመጡንም አሳውቀዋል።

#ኤፍቢሲ
@tikvahethiopiaBot @tikvahethiopia

ኮሮና ቫይረስ በኢትዮጵያ በ11 ሰዎች ላይ የተገኘ ቢሆንም በቀጣዮቹ ቀናት በመቶዎች ሊያድግ ስለሚችል ሁሉም ሰው በተረጋጋ ሁኔታ ጥንቃቄ እንዲያደርግ ጠቅላይ ሚኒስትር ዶ/ር አብይ አህመድ ጥሪ አቅርበዋል።

@tikvahethiopiaBot @tikvahethiopia

መዘናጋት ዋጋ ያስከፍላል!

ይህ መልካዕክት የተላከው በሀዋሳ ኢንደስትሪ ፖርክ ነው፦

የኮቪድ-19 ወረርሽኝ ትኩረት አልተሰጠውም ፤ ችለተኝነት በዝቷል። ሰራተኞች ቁርስ እና ምሳ ተጠጋግተው ሲመገቡ ተመልክቻለሁ። በአንድ ቦታ ያለምንም እርቀት ተጠጋግተው ይውላሉ። ሲንጀር የሚሰፉት እንደዛው ተጠጋግተው ይሰፉሉ።

አንዳንድ የአፍና አፍንጫ መሸፈኛ (ማስክ) ሚያደርጉም ቢኖርም ያለጓንት በእጃቸው የሚነካኩት የሲንጀር ማሽኖች አሉ። ብዙዎች ማሽኑ ላይ ይፈራረቃሉ። የሚሰፉትም ልብስ በቡዙ ሰዎች በንክኪ እየተቀባበሉት ይሁላሉ።

ኮሮና ቫይረስ እንዳይስፋፋ ብሎም ለመከላከል Social distancing ወንም ማህበራዊ ፈቀቅታ ዋናው መተግበር ያለበት ጉዳይ ነው። ይሁን እንጂ በፖርኩ ውስጥ ይህን ያለመተግበር ቸልተኝነት በጣም በዝቶ ይታያል። ስለዚህ በዚህ ጉዳይ ዋጋ ከመክፈላችን በፊት የሚመለከተው በቶሎ ቅድመ ጥንቃቄ ቢያደርግ ይሻላል።

@tikvahethiopiaBot @tikvahethiopia

የኩባ ዶክተሮች እና ነርሶች ጣልያን ገብተዋል። የኮቪድ-19 ወረርሸኝን ለመግታት በሚደረግው ርብርብ እገዛ ያደርጋሉ።

@tikvahethiopiaBot @tikvahethiopia

የብልፅግና ፓርቲ ምላሽ!

"ስልጠና እየተሰጠ ያለው ለብልጽግና ፓርቲ ካድሬዎችና አባላት ሳይሆን ለመንግስት አመራሮች ነው ፤ ስልጠናው የአጀንዳ ለውጥ አድርጎ የኮረና ቫይረስ ግንዛቤ ማስጨበጫ እንዲሆን ተደርጓል።" - የፓርቲው ቃል አቀባይ አቶ አወሉ አብዲ ለሸገር ኤፍ ኤም 102.1

ይህን መሰሉ የታጨቀ ስብሰባ የሰዎችን ህይወት አደጋ ላይ የሚጥል ነው። የሚደረጉት ስብሰባዎች እና እየተላለፉ ያሉት መመሪያዎች እጅግ በጣም የተራራቁ ናቸው። ስብሰባ ማድረግ ግድ ቢሆን እንኳን በእንዲህ ያለ ጥንቃቄ በጎደለበት ሁኔታ ሊሆን አይገባም። የቫይረሱን ስርጭት ለመግታት በመንግስት ሰዎች ላይ የሚታየው ቸልተኝነት ሊቀረፍ ካልቻለ ከባድ ዋጋ ያስከፍላል።

@tikvahethiopiaBot @tikvahethiopia

ኡጋንዳ በኢትዮጵያ አየር መንገድ የተጓዙትን እያደነች ነው። ባሳለፈው ቅዳሜ አንድ ግለሰብ በኢትዮጵያ አየር መንገድ ተጉዞ ኡጋንዳ ከደረሰ በኋላ የኮሮናቫይረስ ተጠቂ መሆኑ መረጋገጡን ተከትሎ የአገሪቱ ባለስልጣናት ከግለሰቡ ጋር ንክኪ ነበራቸው ያሏቸውን 84 ተጓዦች በማደን ላይ ናቸው።

ምንጭ፦ ቢቢሲ
@tikvahethiopiaBot @tikvahethiopia

'ቦሌ ካርጎ' ያለው ሁኔታ በእንዲህ ያለ መልኩ ተስተካክሏል። ይህ ላደረጉ ምስጋና ይገባቸዋል። ተገልጋዮችም የኮቪድ-19 ስርጭትን ለመግታት ለራሳችሁም፣ ለቤተሰባችሁም ጤና ስትሉ ርቀታቸሁን በመጠበቅ ብትገለገሉ መልካም ነው።

ማህበራዊ ርቀት ለጤናችን!
@tikvahethiopiaBot @tikvahethiopia

የሩዋንዳ ፖሊስ ያለአግባብ 'ከቤታችሁ የምትወጡ' ሰዎች እባካችሁ አርፋችሁ ቁጭ በሉ ሲል መልዕክት አስተላልፏል።

የምታደርጉት እንቅስቃሴ ፍፁም የተከለከል ፣ የራሳችሁንም የሌሎችንም ጤና አደጋ ላይ የሚጥል ስለሆነ ለትዕዛዙ ተፈፃሚነት ትብብር አድርጉ ብሏል። ይህን የማታደርጉ ሰዎች ላይ ግን እርምጃ ወስዳለሁ ሲል አሳስቧል።

@tikvahethiopiaBot @tikvahethiopia

የራይድ ሁለት (2) አሽከርካሪዎች የኮሮና ቫይረስ ጥርጣሬ አድሮባቸው እራሳቸውን ለይተው ከቆዩ በኋላ በተደረገላቸው ምርምራ ነጻ ሆኑ ሲል ድርጅቱ አስታውቋል።

የራይድ ዋና ስራ አስፈፃሚ ሳምራዊት ፍቅሩ፥ ያሳፈሩትን ሰው በመጠርጠራቸው እራሳቸውን ለይተው የቆዩት ሁለት ሾፌሮች እንደነበሩ ፤ ነገር ግን ሁለቱም (2) ተመርምረው ነጻ ሆነው መገኘታቸውን ተናግረዋል።

ምንጭ፦ ቢቢሲ
@tikvahethiopiaBot @tikvahethiopia

የምትመለከቷቸው የጣልያን 'ደላያ ከንቲባ' ናቸው። ባለፈው ሳምንት ነው ይህ ንግግር ያደረጉት። ነዋሪዎች የሚተላለፉ መመሪያዎችን እየተገበሩ ባለመሆናቸው እጅግ ስሜታዊ ሆነው ፣ እየተቆጡ እና እየጮኹ ነው የሚናገሩት። በርካቶች ከቤታቸው እንዳይወጡ የታዘዙትን ባለመፈፀማቸው የተቆጡት ከንቲባው የከተማውን ነዋሪዎች 'በራሳችሁ ህይወት እየቀለዳችሁ ነው!' ሲሏቸው ይደመጣሉ።

[📹6 MB, NEW CHINA]
@tikvahethiopiaBot @tikvahethiopia