#update የአዲስ አበባ ነዋሪዎች #ኢትዮ_ቴሌኮም ወደ እጅ ስልካቸው #በሚልክላቸው አጭር የጽሁፍ መልዕክቶች ብዛት ተማረናል ብለዋል፡፡ የኢትዮ ቴሌኮምና የተለያዩ ተቋማት አጫጭር መልዕክቶች ስልካቸውን ስለሚያጨናንባቸው አገልግሎቱን እስከማቆም የደረሱ መኖራቸውን ኢዜአ ዘግቧል፡፡ ብዙዎቹ መልዕክቶች የማይፈለጉ፣ የግል መብትን የሚጋፉ፣ ጊዜና ገንዘብንም የሚያባክኑ ናቸው፡፡ የኢትዮ ቴሌኮም ኮሚኒኬሽን ሃላፊ ጨረር አክሊሉ ግን ተጠቃሚዎች የማይፈልጓቸው መልዕክቶች እንዳይደርሷቸው የሚያደርግ አሰራር በቅርቡ እንጀምራለን ብለዋል፡፡ የብሄራዊ ሎተሪ በዕጣና ዕድል ላይ የሚሰሩ ድርጅቶች መልዕክት እንዲያስተላልፉ ፍቃድ የሰጣቸው አሉ፤ ፍቃድ በሌላቸው ላይ ግን እርምጃ ይወሰዳል፡፡

ምንጭ፦ ኢዜአ
@tsegabwolde @tikvahethiopia