ዛሬም የድጋፍ ሰልፎች ዛሬም እየተደረጉ ነው...

በዛሬው ዕለት የካቲት 12 ዓ/ም በበደሌ ከተማ የጠቅላይ ሚኒስትር ዶ/ር ዐብይ አህመድን የለውጥ አመራር የሚደግፍ ሰልፍ እየተደረገ ይገኛል። የሰልፉ ተሳታፊዎች እንደነገሩን ሀገር በጥላቻ፣ በስድብ እና የሰዎችን ስራ በማሳነስ አይገነባም፤ የተለያዩ አካላት ከስድብ እና ከማንቋሸሽ ይልቅ ለህዝብ ያላቸውን ሀሳብ ያቅርቡ ህዝቡ የሚሆነውን ይመርጣል የሚል መልዕክት በሰልፉ ተላልፏል።

በተመሳሳይ፦

በሻሸመኔ ከተማ የጠቅላይ ሚኒስትር ዶ/ር አብይን የለውጥ አመራር የሚደግፍ ሰልፍ እየተደረገ ይገኛል። በስለፉ የከተማው ነዋሪዎች የትኛውም ወገን ከስድብና ከጥላቻ እንዲቆጠብ መልዕክት ተላልፏል።

በሌላ መረጃ፦

ትላንት ምሽት ከሀዋሳ ከተማ አስተዳደር ኮሚኒኬሽን ቢሮ ይፋዊ የፌስቡክ ገፅ እንደተመለከትነው ነገ ዓርብ የካቲት 13 የጠቅላይ ሚኒስትሩን ስራ የሚያበረታታ፣ የለውጥ ኃይሉንም የሚደግፍ ሰልፍ ይደረጋል ተብሏል።

[ፎቶ : በደሌ እና ሻሸመኔ ቲክቫህ ቤተሰቦች]
@tikvahethiopiaBot @tikvahethiopia

ከቲክቫህ ቤተሰቦች፦

መኪናቸውን ተይዞ ጉምሩክ እንዲያስገቡ የተጠየቁ ባለንብረቶች የተፈፀመባቸውን አግባብ ያልሆነ ድርጊት በተመለከተ ለሚመለከታቸው አካላት ቅሬታ አሰምተዋል።

ከጥዋት ጀምሮ ስንከራተት ነበር ያሉት የቲክቫህ ቤተሰቦች ወ/ሮ አዳነች አቤቤን ለማግኘት ሞክረን ነበር ግን ሚኒስትሯ ሰኞ ነው የሚገቡት ተብለን ተመልሰናል ብለዋል። ሌሎች በስፍራው ያገኘናቸው አካላት ደግሞ እየሆነ ያለውን ነገር እውቅና የሌለው ነው ብለውናል ሲሉ ለቲክቫህ መልእክታቸውን ልከዋል።

@tikvahethiopiaBot @tikvahethiopia

#UPDATE

የቅዱስ ጴጥሮስ ስፔሻላይዝድ ሆስፒታል የኮሮና ቫይረስ ጽኑ ህሙማንን መቀበል የሚያስችለውን የቅድመ ዝግጅት ስራ እያጠናቀቀ መሆኑን አስታወቀ።

ሆስፒታሉ የኮሮና ቫይረስ ድንገት ወደ ሀገር ውስጥ ቢገባ በቫይረሱ የተጠቁ ጽኑ ህሙማንን ተቀብሎ እንዲያስተናግድ በጤና ሚኒስቴር መመረጡ ይታወሳል።

በዚህም የተሟላ የህክምና ማሽን እና አምስት የጽኑ ህሙማን ታካሚዎችን ማስተናገድ የሚችል የጽኑ ህሙማን ማገገሚያ ማዕከል ለይቶ ማዘጋጀቱን ዋና ስራ አስፈጻሚው ዶክተር ታምሩ አሰፋ ገልፀዋል።

ከዚህ ባለፈም በጽኑ ህሙማን ማገገሚያ ማዕከሉ ውስጥ ለሚሰሩ 40 ሰራተኞች በቫይረሱ ህክምና እንዲሁም የቅድመ ጥንቃቄና መከላከያ ስራዎች ላይ የግንዛቤ ማስጨበጫ ስልጠና እየተሰጠ መሆኑንም ተናግረዋል።

በቫይረሱ ዙሪያ ግንዛቤን ለመፍጠር እንዲያስችልም ብሮሸሮችና በራሪ ወረቀቶች በማተም በሆስፒታሉ ለመታከም ለሚመጡትም ሆነ ማህበራዊ ሚዲያዎችን በመጠቀም እየተሰራ መሆኑም ነው የተገለፀው።

በአዲስ አበባ ለሚገኙ 13 ሆስፒታሎችም በኢትዮጵያ አየር መንገድና በባቡር ጣቢያዎች ላይ ለሚሰሩ ሰራተኞች 5 ሺህ ለቅድመ መከላከያ የሚያገለግል የአልኮል እጅ ማጽጃ፥ በሆስፒታሉ የፋርማሲ አገልግሎት ክፍል ተመርቶ መሰራጨቱን ከሆስፒታሉ የፌስ ቡክ ገፅ የተገኘነው መረጃ ያመላክታል።

[የቅዱስ ጴጥሮስ ስፔሻላይዝድ ሆስፒታል]
@tikvahethiopiaBot @tikvahethiopia

#የካቲት12

ባልደራስ ለእውነተኛ ዴሞክራሲ በየካቲት 12 ሰማዕታት ዕለት!

ከ83 ዓመት በፊት የካቲት 12 በፋሺስት ጣሊያን ጦር የተጨፈጨፉበት ሰማዕታት ለመዘከርና የአበባ ጉንጉን ለማኖር በዛሬው ዕለት ረፋድ ላይ የባልደራስ ለእውነተኛ ዴሞክራሲ የፓለቲካ ፓርቲ ፕሬዝዳንት የሆነው እስክንድር ነጋና የፓርቲው አባላት በቦታው በመገኘት የህሊና ጸሎትና የፎቶ ስነ-ስርዓት በማካሄድ አስበዋል፡፡

#TikvahFamily
@tikvahethiopia @tikvahethiopiaBot

#DrAmirAman

ጤና ሚኒስቴር በሀገሪቱ የጤናው ዘርፍ ላይ ከፍተኛ አስተዋጽኦ አበርክተዋል ላላቸው የቀድሞው የጤና ሚኒስቴር ዶ/ር አሚር አማን የምስጋና እና የእውቅና ኘሮግራም ተካሂዷል።

[ጤና ሚኒስቴር]
@tikvahethiopia @tikvahethiopiaBot

#UPDATE

የኢፌዲሪ ጠቅላይ ሚስተር ዶ/ር አብይ አህመድ ለከፍተኛ ኃላፊነት ሹመት ሰጡ፡፡ ጠቅላይ ሚኒስትሩ የዐማራ ብሔራዊ ክልላዊ መንግስት የከተማ ልማትና ኮንስትራክሽን ቢሮ ኃላፊ የነበሩት አቶ ፈንታ ደጀንን ከየካቲቲ 5/2012 ዓ.ም ጀምሮ በከተማ ልማትና ኮንስትራክሽን ሚኒስቴር ሚኒስትር ዴኤታ ሆነው እንዲያገለግሉ ሹመዋል፡፡

መቀንጨርን ለመከላከል ለሰቆጣ ቃል -ኪዳን ስምምነት ተፈፃሚነት የትምህርት ቤት ምግብናን በማስጀመር፣ በትምህርትና በዐዕምሮ ልማት ላይ ትኩረት ሰጥተው በመስራታቸው የሚታወቁትን ወ/ሮ ፍሬአለም ሽባባውን ደግሞ ከጥር 28/2012 ዓ.ም ጀምሮ የሰላም ሚኒስቴር ሚኒስትር ዴኤታ ሆነው እንዲያገለግሉ ዶ/ር ዓብይ ሹመዋቸዋል፡፡ ወ/ሮ ፍሬአለም የታዋቂዋ ድምፃዊ እጅግአየሁ ሽባባው እህት ሲሆኑ በቅርቡም ላስብበት የተሰኘ መጽሐፍም አሳትመዋል።

@tikvahethiopia @tikvahethiopiaBot

ከመቂ ቲክቫህ ቤተስቦች፦

ከመቂ ቲክቫህ ቤተሰቦች በደረሰን ጥቆማ ከመቂ 2 ኪሎ ሜትር ርቀት ላይ የአንበጣ መንጋ መከሰቱን ገልፀውልና ህብረተሰቡ መንጋውን ለማባረር ጥረት እያደረገ ይገኛል።

@tikvahethiopia @tikvahethiopiaBot