#UNDP

ዶክተር እሌኒ ገብረመድህን የተመድ የልማት ፕሮግራም (UNDP) የአፍሪካ ዋና የፈጠራ ስራ ኃላፊ በመሆን ተሹመዋል።

ዶክተር እሌኒ የኢትዮጵያ ምርት ገበያ ድርጅትን (ኢ.ሲ.ኤክስ) እንዲሁም ብሉ ሙን የተሰኙ ተቋማትን በመመስረት እና በመምራት ይታወቃሉ።

ዶ/ር እሌኒ የUNDP የአፍሪካ ዋና የፈጠራ ስራ ኃላፊ ሆነው መሾናቸውን ተከትሎ ወደ ኒውዮርክ ያቀናሉ ተብሎ ይጠበቃል።

በአፍሪካ ውስጥ የወጣቶች የፋይናንስ ፈጠራ አብዮት ቲምቡኮትን በማስጀመር ግንባር ቀደም ሚና እንደሚጫወቱ UNDP በድረ ገጹ አስነብቧል።

የአፍሪካን የወደፊት ዕጣ ፈንታ፣ ዲጂታላይዜሽንን ማሳደግ እና ወጣቶችን ማበረታታት ትኩረት አደርገው ይሰራሉ ብዩ አምናለሁ ሲሉ የተባበሩት መንግስታት ረዳት ዋና ጸሐፊ እና የUNDP የአፍሪካ ቀጠና ዳይሬክተር አሁንና ኢዚያኮንዋ ገልጸዋል፡፡

#ENA

@tikvahethiopia

#ጥቆማ

የሥራ ፈጠራ ውድድር !

የ2ኛ ዙር " አሁን/Ahun " የዲጂታል አንተርፕነሮች የሀሳብ ማበልፀጊያ ፕሮግራም የሥራና ክህሎት ሚኒስቴር በተባበሩት መንግስታት የልማት ፕሮግራም (#UNDP) አጋዥነት ጀምሯል።

በመጀመሪያ ዙር ተካሂዶ በነበረው ውድድር አሸናፊዎችን ለሥራ ያበቃው ይኸው መርሃግብር #አሁን ሁለተኛ ዙር የሥራ ፈጠራ ውድድር በይፋ መጀመሩን ተነግሯል።

ፕሮግራሙ የ4 ወር የሀሳብ ማበልፀጊያ ድጋፍና የሥራ ማስጀመሪያ ሽልማት ያካትታል፡፡

አዳዲስ እና ችግር ፈቺ የሆኑ የዲጂታል የሥራ ሃሳብ ያላችሁ አመልካቾች በውድድሩ መሳተፍ ትችላላችሁ ተብሏል።

የማመልከቻ ቅጹን ለማግኘት ከዚህ በታች ያለውን ማስፈንጠሪያ ይጫኑ : https://enkopa.org/high-growth/ አለያም በመልዕክት ሳጥን ቁጥር 25534 ቅፁን ሞልቶ መላክ እንደሚቻል ተገልዬ።

ምዝገባው የሚጠናቀቀው ሐምሌ 24, 2014 ዓ/ም ነው።

@tikvahethiopia