የኢትዮ. አየር መንገድ ከግጭት ተረፈ⬇️

ዘ ኢስት አፍሪካን እንደዘገበው ባለፈው #ረቡዕ የኢትዮጵያ አየር መንገድ ንብረት የሆነ ኢት 858፣ ቦይንግ 737-800 ከጣሊያኑ የሌዢር ኤርላይን ኒዮስ ቦይንግ 767-306 R የበረራ ቁጥር NOS 252 ጋር በኬንያ ሰማይ ላይ #ለመጋጨት ሲቃረብ #በአንድ ደቂቃ ልዩነት ተርፏል።

አደጋ ተፈጥሮ ቢሆን ኖሮ በአለም አሰቃቂው የአውሮፕላን አደጋ ተብሎ ይመዘገብ እንደነበር ጋዜጣው ዘግቧል። ከምሽቱ 3 ሰዓት ላይ የኢትዮጵያ አየር መንገድ ከደቡብ አፍሪካ ጆሃንስበርግ ከተማ ተነስቶ ወደ አዲስ አበባ በ37 ሺ ጫማ ከፍታ ላይ በመብረር ላይ የነበረ ሲሆን፣ በተመሳሳይ ቀን ምሽት 12 ሰዓት ላይ የጣሊያን አውሮፕላን ከቪሮና ተነስቶ ወደ ዛንዚባር በማምራት ላይ ነበር። እኩለ ሌሊት ላይ ሁለቱም አውሮፕላኖች ወደ ኬንያ አየር ክልል የገቡ ሲሆን፣ ሁለቱም ለግጭት በሚያደርሳቸው ሁኔታ ፊት ለፊት እየተጓዙ እንደነበር ጋዜጣው ዘግቧል።

የግጭት መቆጣጠሪያ መሳሪያው ለኢትዮጵያ አየር መንገድ የማስጠንቀቂያ መልዕክት እንዳስተላለፈ ፣ ፓይለቱ በአንድ ደቂቃ ውስጥ ወደ 38 ሺ ጫማ ከፍ በማድረግ እና ለ5 ደቂቃ በዚሁ ከፍታ ላይ በመቆየት አደጋ እንዳይፈጠር ለማድረግ ችሎአል። የኬንያ አየር ተቆጣጣሪዎች የኢትዮጵያን የአየር ትራፊክ ተቆጣጣሪዎች ተጠያቂ አድርገዋል።

የኢትዮጵያ የአየር ታረፊክ ተቆጣጣሪዎች
እንደገለጹት የጣሊያን አየር መንገድ አስቀድሞ በምን ያክል ከፍታ እንደሚበር ሲገልጽ፣ የኢትዮጵያ አየር መንገድ ግን ይህን ባለማድረጉ አደጋው ሊደርስ እንደነበር ገልጸዋል። የኢትዮጵያ የአየር ትራፊክ ተቆጣጣሪዎች አደጋው ከመድረሱ አራት ቀናት በፊት የስራ ማቆም አድማ አድርገው ነበር።

ይህንን ተከትሎ የኬንያ አየር መንገድ ከ አዲስ አበባ የሚነሱና ወደ አዲስ አበባ የሚደረጉ በረራዎች ደህንነታቸው አስተማማኝ አለመሆኑን አስቀድሞ #ማስጠንቀቂያ ልኮ እንደነበር ጋዜጣው አክሎ ዘግቧል።

የኢትዮጵያ ሲቪል አቬሽን ባለስልጣን በኬንያ በኩል የቀረበውን ክስ ውድቅ አድርጎታል። የኬንያ አየር ተቆጣጣሪ ያወጣው መግለጫ ሃሰትና መሰረተ ቢስ ነው ያለው የሲቪል አቬሽን ባለስልጣን፣ እንዲህ አይነት አደጋ ይከሰታል የሚል መረጃ ለኢትዮጵያአየር ተቆጣጣሪዎች አለመነገሩን ገልጿል።

📌የአየር ትራፊክ ተቆጣጣሪዎችን ለአድማ አነሳስተዋል የተባሉ 9 አመራሮችና ሰራተኞች #መታሰራቸው ይታወቃል።

©ESAT
@tsegabwolde @tikvahethiopia

LTV ምንም አይነት #ማስጠንቀቂያ ከብሮድካስት ባለስልጣን እንዳልተሰጠው ለBBC የአማርኛው አገልግሎት ገልጿል።
.
.
ኢትዮጵያ ሀሰተኛ የፌስቡክ መረጃ ፈተና ሆኖባታል!!
ያልሰማነውን እና ያላየነውን ከማውራት እንቆጠብ!!

#ETHIOPIA
@tsegabwolde @tikvahethiopia

ቤንሻጉል ጉምዝ‼️

በቤኒሻንጉል ጉሙዝ ክልል በእርሻና በዕጣን ሙጫ ኢንቨስትመንት ዘርፍ መሬት ወስደዉ ባላለሙ 102 ባለሃብቶች የኢንቨስትመንት ፈቃዳቸዉ መሰረዙን የክልሉ መንግስት አስታወቀ፡፡

ከ164 በላይ ለሚሆኑ ባለሃብቶች ደግሞ የመጨረሻ ማስጠንቀቂያ ሰጥቷቸዋል፡፡
የቤኒሻንጉል ጉሙዝ ክልል አከባቢ ደንና መሬት አስተዳደር ቢሮ ሃላፊ አቶ ኢሳቅ አብዱልቃድር ለኢቢሲ እንደተናገሩት በክልሉ ከ6 መቶ በላይ ባለሃብቶች በእርሻ ኢንቨስትመንት፣ በዱር ዕጣንና ሙጫ እንዲሁም በማዕድን ዘርፍ ተሰማርተዉ ይገኛሉ፡፡

የክልሉ ኢንቨስትመንት ቦርድ ሰሞኑን ባሳለፈዉ ዉሳኔ መሰረት ከ62 ሺህ ሄክታር መሬት በላይ የኢንቨስትመንት እርሻ መሬት ተቀብለዉ ያላለሙ 102 ባለሃቶች ፈቃዳቸዉ ሙሉ ለሙሉ በመሰረዝ ወደ መሬት ባንክ ገቢ እንዲደረግ ተወስኗል ብለዋል የቢሮዉ ሃላፊ አቶ ኢሳቅ፡፡

ፎርጂድ የባንክ እስቴትመንት በማቅረብ ከ1 ሺህ ሄክታር መሬት በላይ ወስደዉ ደን እየጨፈጨፉ ከሰል ሲያመርቱ የተገኙ 3 ባለሃብቶች በህግ እንዲጠየቁ ተደርጓል፡፡

ሰፋፊ መሬቶችን ተቀብለዉ በዱር ዕጣንና ሙጫ ዘርፍ የተሰማሩ 20 ባለሃብቶች መካከል የ14ቱ ባለሃብቶች ፈቃድ በመሰረዝ መሬቱን ለአልሚ ባለሃብቶችና ለስራ አጥ ወጣቶች እንዲተላለፍ ዉሳኔ ተሰጥቶበታል፡፡

ከቀረጥ ነፃ ገብተዉ ለታለመለት ዓላማ ያልዋሉ የ37 ባለሃብቶች ንብረት የሆኑ 56 የእርሻ ትራክተሮችና 26 ፒክአፕ መኪኖችን ባሉበት እንዲታገዱና የገቢዎች ሚኒስቴር ተከታትሎ ህጋዊ ዕርምጃ እንዲወስድ የኢንቨስትመንት ቦርዱ ወስኗል፡፡

እንዲሁም በአፈፃፀማቸዉ ዝቅተኛ ደረጃ ላይ ሚገኙ 164 ባለሃብቶች የመጨረሻ
#ማስጠንቀቂያ መሰጠቱም ተገልጿል፡፡

ከ1 ነጥብ 1 ቢሊዮን ብር በላይ ከልማት ባንክና ከንግድ ባንኮች ብድር የወሰዱ 113 ባለሃብቶች ብድራቸዉን በአግባቡ እየመለሱ ባለመሆናቸዉ አበዳሪ ተቋማት የህግ አሰራሩን ተከትለዉ እርምጃ መዉሰድ እንዳለባቸዉ ዉሳኔ መተላለፉን አቶ ኢሳቅ ተናግረዋል፡፡

ከዚህ በፊት በማዕድን ዘርፍ ለተሰማራ አንድ ባለሃብት ብቻ እስከ 300 ሄክታር የማዕድን መሬት ይሰጥ እንደነበር የተናገሩት ሃላፊዉ በዘርፉ ለተሰማራ ባለሃብት 20 ሄክታር ብቻ እንዲሰጠዉና የተቀረዉን ለመሬት ባንክ ገቢ እንዲያደርግ ዉሳኔ ተላልፏል፡፡

በክልሉ በእርሻ ኢንቨስትመንት የተሰማሩ ባለሃብቶች ለአርሶ አደሩ የቴክኖሎጂ ሽግግር ከማድረግ አኳያ ከፍተኛ ዉስንነት መስተዋሉን የገመገመዉ የክልሉ ኢንቨስትመንት ቦርዱ የተወሰኑ ባለሃብቶችም የፀጥታ ስጋት በመሆናቸዉ እርምጃ ለመዉሰድ መገደዱን አቶ ኢሳቅ ለኢቢሲ ተናግረዋል፡፡

©EBC
@tsegabwolde @tikvahethiopia

#ማስጠንቀቂያ

በድሬዳዋ ከተማ የትራንስፖርትና የግብይት #አድማ ለማድረግ ያቀዱ ነዋሪዎች ከድርጊታቸው ይቆጠቡ ዘንድ የምስራቅ ዕዝ ጠቅላይ መምሪያ አስጠነቅቋል።

@tsegabwolde @tikvahethiopia

በለገጣፎ ለገዳዲ ቤት ማፍረሱ ዛሬም ቀጥሏል‼️

የለገጣፎ -ለገዳዲ ከተማ አስተዳደር አረንጓዴ ቦታዎችን፥ የወንዝ ዳርቻዎችን፥ ከፈቃድ ውጭ የተያዙ እና ካሳ ተከፍሎባቸው ግንባታ የተካሄደባቸው ናቸው ያላቸውን ቤቶች እያፈረሰ ነው።

ቤት ማፍረሱ በትናንት ማክሰኞ ዕለት የተጀመረ ሲሆን የከተማው ከንቲባ የሆኑት በ10 ሺህዎች የሚቆጠሩ ቤቶች ፈርሰው የሕዝብ መናፈሻ ይሆናሉ ማለታቸው መገናኛ ብዙሃን ዘግበዋል።

በዛ ያለ ቁጥር ያላቸው ተጨማሪ ቤቶች እንደሚፈርሱ የሚጠበቅ ሲሆን የአካባቢው ነዋሪዎች እርምጃው ዱብ ዕዳ ሆኖብናል ይላሉ።

በ1990ዎቹ መጀመሪያ ከአርሶ አደር መሬት ገዝቶ፤ ጎጆ ቀልሶ በስፍራው መኖር ሲጀምር አካባቢው ከሞላ ጎደል በማሣዎች የተከበበ፣ መሠረት ልማት የናፍቀው እንደነበር የሚገልፀው አንዋር አህመድ ቤቶቻቸው በትናንትናው ዕለት ከፈረሱባቸው አባወራዎች አንዱ ነው።

እኛ ስንገባ የከተማው ማዘጋጃ ቤት ራሱ አልተዋቀረም ነበር የሚለው አንዋር፤ ለቤቱ ካርታ ለማግኘት ያደረገው ሙከራ ባይሳካም "ውሃና መብራት አስገብተናል፣ የቤት ቁጥር ተሰጥቶናል፣ የመሬት ግብር እንከፍላለን" ሲል ለቢቢሲ ተናግሯል።

መንደሩን የሚያቋርጡ መንገዶች በሚቀየሱበት ወቅት ኗሪዎች ሁለት፣ ሦስት ጊዜ ቤቶቻቸውን እና አጥሮቻቸውን አፍረሰው መሥራታቸውን የሚያስታውሰው አንዋር፤ የአሁኑ እርምጃ ፈጣን እንዲሁም የነዋሪዎቹን ነባራዊ ሁኔታ ያላገናዘበ እንደሆነ ይናገራል።

"ይህ የመኖሪያ መንደር እንደሆነ ይታወቃል፤ አረንጓዴ መናፈሻ ይሁን የሚለው አዲስ ማስተር ፕላን እዚያው ቢሮ ቁጭ ብለው የወሰኑት ነገር ነው። ምንም ሳያወያዩን ነው ድንገት ውሳኔ ይዘው የመጡት።"

በወርሃ የካቲት መባቻ የ'ውጡ' ትዕዛዝ እንደደረሰው ለቢቢሲ የገለፀው አንዋር፤ አስር አባላት ያሉትን ቤተሰቡን ይዞ የትም ለመሄድ እንዳልቻለ ይገልፃል።

እንደአንዋር ገለፃ ቤቶቻቸውን ያጡ አንዳንድ ነዋሪዎች በእምነት ተቋማት ተጠልለዋል።

"ያለምንም ቅደም ሁኔታ ነው ያፈረርሱብን። ዕቃችን እስክንሸክፍ እንኳ ጊዜ አልሰጡንም" ሲል ጨምሮ ለቢቢሲ ተናግሯል።

በአካባቢው መሬት ገዝታ መኖር ከጀመረች ስምንት ዓመት እንደሞላት ለቢቢሲ የገለፀች ሌላ ነዋሪ፤ የመኖሪያ ቤቷ ባይፈርስም በስጋት መወጠሯ እንዳልቀረ ታስረዳለች።

"ትናንትና ብዙ ሕፃናት ሜዳ ላይ ሲወድቁ አይቻለሁ" የምትለው ነዋሪ ይህም ያለፈቃድ የሚሠሩ ቤቶችን አስመልክቶ "ሰማይ ላይ ነው እንጅ ምድር ላይ ጨረቃ የለም" በሚል ከመንግሥት ተሰጥቷል የምትለውን ተስፋ እና መተማመኛን የናደ እንደሆነባት ትናገራለች።

"ዱብ ዕዳ ነው የሆነብን፤ የት እንሄዳለን?"

በስፍራው አስራ ዘጠኝ ዓመት መኖሩን ለቢቢሲ የነገረ ሌላ ነዋሪ በበኩሉ የከተማው አስተዳደር ለገበሬው ካሳ የተከፈለበት ቦታ ላይ የተሠሩ ቤቶችን ነው የማፈርሰው ማለቱን እውነት አይደለም ይላል።

"ይሄ ቤት የተሰራው በ1992 ነው። ማዘጋጃው የተሰራው ከዓመታት በኋላ ነው። የት ሆነው ነው የከፈሉት? ለገበሬው ካሳ የከፈልንበት መሬት ላይ ነው የሰፈራችሁት ነው የሚሉን። እዚህች መሬት ላይ ለአንድም ገበሬ ምንም አልተከፈልም። ግምት ሳይከፍሉ በነፃ ለመውሰድ ነው ለገበሬው ከፍለናል የሚሉት" ይላል።

አንዋር የራሱን ልጆች ዋቢ አድርጎ፥ የከተማው አስተዳደር ተማሪ ሕፃናት የጀመሩትን የትምህርት ዓመት እስኪጠናቀቅ ቢታገሳቸው መልካም እንደነበር ይገልፃል። መንግስት ተፈናቃዮችን ለማቋቋም፥ የአዲስ አበባ ከተማ አስተዳደር ደግሞ የጎዳና ተዳዳሪዎችን ለመሰብሰብ እየጣሩ እንዳሉ በሚናገሩበት ሰዓት እርሱ እና ጎረቤቶቹ ቤት አልባ የሆኑበትን እርምጃ ግራ የሚያጋባ ነው ይላል።

"እንደዜግነታችን እንኳ መጠለያ እንኳ አዘጋጅተውልን እዚህ ጋ እንኳ መቀመጥ ትችላለችሁ ባላሉበት ሁኔታ ነው ያፈረሱብን።

ስማቸው እንዲገለፅ ያልፈለጉ ቤታቸው የፈረሰባቸው ግለሰብ ደግሞ የአካባቢው አስተዳደር "ለይዞታችን ካርታ እንሰጣችኋለን መረጃ አምጡ በማለት መረጃ ሲሰባሰብ ቆይቷል" በማለት ያስረዳሉ።

አንዳንድ ግለሰቦች እንደሚሉት ቤታቸው እንደሚፈርስ #ማስጠንቀቂያ የተሰጣቸው ከ10 ቀን እንደማይበልጥና ይህም ቤት ፈልጎ ለመልቀቅ በቂ ጊዜ እንዳይደለ አስረድተዋል።

"መንግሥት በርቱ #ህጋዊ እናደርገላችኋለን እያለን እስካሁን ለመብራትና ውሃ የከፈልነው ብቻ ከመቶ ሺህ ብር ይበልጣል። ሆኖም ድንገት በሰባት ቀን ውስጥ ቤታችሁን አፍረሱ ተባልን። እኛ ማፍረስ ስላልቻልን መንግሥት እያፈረሰው ነው" ብለዋል።

ሌላኛዉ አስተያት ሰጭ እንደገለጹት ደግሞ "ሚስቴ ከወለደች ሦስት ቀኗ ነዉ። ከቤት ተባርራ ጎዳና ላይ ነች። ቤቱን ሲያፈርሱት እባካችሁ ሚስቴ ከወለደች ሦስት ቀኗ ነዉ ትንሽ ታገሱኝ ስል 'ምን አገባኝ ከእኔ #አልወለደች' ሲል አንደኛው ምላሽ ሰጠኝ። እኔም የሚሰማ መንግሥት ይኖራል ብዬ ለአቤቱታ ትቻት መጣሁ። ሜዳ ላይ በተወጠረ ሸራ ውስጥ ነው ያለችው። ምን እንደሆነች አላውቅም" ሲሉ የተሰማቸውን #ሐዘን ይገልፃሉ።

ትናንት ቤታቸዉ የፈረሰባቸዉ ግለሰቦች ዛሬ ጠዋት ተሰባስበዉ ወደ ኦሮሚያ ክልል ፕሬዝዳንት ቢሮ ቢያመሩም እሳቸዉን ማናገር አትችሉም ተብለው ወደ ክልሉ መሬት አስተዳደር ቢሮ መላካቸውን ነግረውናል። ነገር ግን ከክልሉ መሬት አስተዳደር ቢሮም ያገኙት ምላሽ "ቤታችሁ ከመፍረስ አይድንም። ልንተባበራችሁ አንችልም" የሚል መሆኑን ገልጸውልናል።

አቤቱታ አቅራቢዎቹ በመቀጠል ወደ ጠቅላይ ሚኒስትር ቢሮ ቢያመሩም "ጉዳያችሁን እዛዉ ጨርሱ። ጠቅላይ ሚኒስትሩ በኦሮሚያ ጉዳይ ጣልቃ አይገቡም" የሚል ምላሽ እንደተሰጣቸዉ ለቢቢሲ ተናገረዋል።

"መንግሥት ጎዳና የወጡትን #እንሰብስብ ሲል ደስ ብሎን እኛም ገንዘብ እያዋጣን ነበር። ነገር ግን በምትኩ ቤታችን የተቀመጥነውን #ወደጎዳና እያባረርን ነዉ። እቃ እራሱ ማውጣት አልቻልንም ከነቤታችን ነዉ እየፈረሰ ያለው" ብለዋል አስተያየት ሰጭዎቹ።

በዛሬው ዕለትም የማፍረስ ተግባሩ የቀጠለ ሲሆን በትናንትናው ዕለት ቤታቸው የፈረሰባቸው ግለሰቦች በቤተ ክርስትያንና በመስኪዶች ተጠልለው ማደራቸውን ለማወቅ ተችሏል።

ከዚህ በፊት በአዲስ አበባ ዙሪያ በኦሮሚያ ልዩ ዞን በሚገኙ ከተሞች የህገ ወጥ ግንባታ መስፋፋት እንዳለ በጥናት ማረጋገጡን የኦሮሚያ ክልል የከተማ መሬት ልማትና ማኔጅመንት ኤጀንሲ አስታወቆ እንደነበር ፋና ብሮድካስቲንግ ዘግቦ ነበር።

በዚህም በለገጣፎ ለገዳዲ ከተማ አስተዳደር 67 ነጥብ 2 ሄክታር መሬት እና በቤት ደረጃ ከ12ሺ በላይ ቤቶች በህገወጥ መንገድ መገንባታቸውን መለየታቸውን ተገልጾ ነበር።

ምንጭ፦ BBC
@tsegabwolde @tikvahethiopia

#ማስጠንቀቂያ

#ከሸዋ_ሮቢት እስከ #ሃርቡ ከተማ ባለው ዋና መንገድ ግራና ቀኝ አምስት ኪሎ ሜትር ድረስ ከፌደራል እና ከክልል የፀጥታ ኃይል ውጭ መሣሪያ ይዞ #መንቀሳቀስ ተከልክሏል፡፡

@tsegabwolde @tikvahethiopia

የጎርፍ አደጋ ይከሰታል ተብሎ ተገምቷል...

በ143 ቦታዎች የጎርፍ አደጋ ይከሰታል ተብሎ ተገምቷል። ከነዚህ ውስጥ 43ቱ ከፍተኛ ስጋት ያለባቸው በመሆኑ በቅርቡ አስፈላጊው ዝግጅት እንዲደረግ #ማስጠንቀቂያ እንደሚደርሳቸው ተጠቁሟል። የጎርፍ አደጋውን ለመከላከል አስፈላጊው ዝግጅት እየተደረገ መሆኑንም የብሔራዊ ስጋት ስራ አመራር ኮሚሽን አስታውቋል።

ምንጭ፦ አዲስ ዘመን
🗞ቀን 14/10/2011 ዓ/ም
@tsegabwolde @tikvahethiopia

አውስትራሊያና ቻይና በኮሮና ቫይረስ መነሻ አስባብ ብርቱ ወደ ሆነ ውዝግብ እያመሩ ነው!

(በSBS የቀረበ)

የአውስትራሊያ ፌዴራል መንግሥት የኮቪድ-19 ወረርሽኝ መነሻን አስመልክቶ ሉላዊ ምርመራ እንዲካሄድ እየገፋ ሲሆን፤ ቻይና በበኩሏ የአውስትራሊያ መንግሥት በዚህ አቋሙ ከርሮ ከገፋ ከአውስትራሊያ ዋነኛ የውጭ አቅርቦት ላኪዎችን ምርቶች መቀበሏን ልትገታ እንደምትችል #ማስጠንቀቂያ አዘል አቋሟን አደባባይ አውላለች።

በአውስትራሊያ የቻይና አምባሳደር አውስትራሊያ ወረርሽኙን አስመልክታ ለምትገፋው የምርመራ አጀንዳ ቻይና በአውስትራሊያ ቱሪዝም፣ ግብርናና ትምህርት ላይ ማዕቀብ እንደምትጥል አስጠንቅቀዋል።

ይሁንና የአውስትራሊያ የንግድ ሚኒስትር የሆኑት ሳይመን በርሚንግሃም አውስትራሊያ ለቻይና ዛቻ እንደማትበጅ ጠቅሰው ተናግረዋል። አክለውም፦

"እዚህ ላይ ግልጽ እንሁን። ኮቪድ-19 በዓለም ላይ በመቶ ሺህዎች የሚቆጠሩ ሰዎችን ሕይወት ነጥቋል፤ ሚሊዮኖችን ለሥራ አጥነት ዳርጓል፤ በቢሊየን የሚቆጠሩቱ አዘቦታዊ ሕይወታቸው ተስተጓጉሏል። ዓለም የመጨረሻ ሊያነሳ የሚገደው ነገር ቢኖር በቂ ግንዛቤ በመጨበጥ ለወደፊቱ ዳግም ተመሳሳይ ክስተት እንዳይከሰት ቅድመ መከላከል ለማድረግ ይበጅ ዘንድ የኮሮና ቫይረስ መነሾን አስመልክቶ ግልጽ ምርመራ እንዲካሄድ መጠየቅ ነው" ብለዋል።

@tikvahethiopia @tikvahethiopiaBot

ፍርድ ቤቱ ሂሩት ክፍሌ ከእስር እንዲፈቱ አዘዘ!

የኢትዮጵያ ዜጎች ለማኅበራዊ ፍትህ ፓርቲ (ኢዜማ) ብሔራዊ ሥራ አስፈጻሚ እና የሙያ ማኅበራት ተጠሪ ሂሩት ክፍሌ ዛሬ የፌደራል ከፍተኛ ፍርድ ቤት ቀርበው ነበር።

የፖሊስን የይግባኝ አቤቱታ የሰማው የፌደራል ከፍተኛ ፍርድ ቤት ልደታ ምድብ 1ኛ ወንጀል ችሎት ትላንት የመጀመሪያ ደረጃ ፍርድ ቤት የሰጠውን ውሳኔ በማፅናት ሂሩት የዋስትና መብታቸው ተከብሮ ከእስር እንዲፈቱ ትዕዛዝ ሰጥቷል።

ፖሊስ የስር ፍርድ ቤት ትዕዛዝን ሳይፈጸም ተጠርጣሪዎችን በእስር አቆይቶ ይግባኝ መጠየቁ ወንጀል ነው ሲል ፍርድ ቤቱ ለፖሊስ #ማስጠንቀቂያ መስጠቱን ከፓርቲው ያገኘነው መረጃ ያሳያል።

@tikvahethiopiaBot @tikvahethiopia

#ማስጠንቀቂያ

"የቡሬ ከተማና አካባቢው በሙሉ በአሁኑ ሰዓት መንግስት ብር ኖት መቀየሩ ይታወቃል።

ይህን ብር አመሳስለው የሚሰሩ ህገወጦች በከተማችን ይዘው እየተዘዋወሩ ሲሆን ሲያዘዋውሩ የተገኙ ግለሰቦችም ተይዘው በህግ ጥላ ስር ይገኛሉ።

በመሆኑም ሁሉም ሰው መጠንቀቅ ይገባዋል። የአዲሱ ብር ምልክቶች ለማወቅ ከላይ ያለውን ምስል ይመልከቱ!" - ቡሬ ኮሚኒኬሽን

@tikvahethiopiaBot @tikvahethiopia

#ማስጠንቀቂያ

የድምፅ መስጫ ቁሳቁስ ታሽጎ የሚሄድበትን ሳጥን ፦
- መክፈት
- ማንቀሳቀስ
- መቁረጥ
- ውስጡን ማየት ከፍተኛ የሆነ #ወንጀል ነው።

ምርጫ ቦርድ ለሁሉም ምርጫ አስፈፃሚዎች፣ ወረዳ ላይ ያሉ ዝቅተኛ እርከን ላይ የሚሰሩ የመንግስት አካላት (ይከፈት እንየው የሚሉ) በሙሉ ከፍተኛ #ማስጠንቀቂያ ሠጥቷል።

በማንኛውም ሁኔታ በምርጫ ክልሎች ላይ ችግር ተፈጥሮ ከተገኘ ወደድጋሚ ምርጫ እንደሚሄድ መታወቅ አለበት ብሏል ቦርዱ ፤ አክሎም የድጋሚ ምርጫ ለሀገር ሃብት ጠቃሚ ስላልሆነ፣ ቦርዱም ብዙ ገንዘብ ስለሚያባክን ከድምፅ መስጫ ቁሳቁስ ጋር በተገናኘ ጥንቃቄ እንዲደረግ አሳስቧል።

#TikvahEthiopia #TikvahFamily

@tikvahethiopia

#ማስጠንቀቂያ

የብሔራዊ መረጃና ደህንነት አገልግሎት ከሚመለከተው አካል ፈቃድ ሳያገኝ ድሮኖችን ሲያበር የተገኘ በሕግ እንደሚጠየቅ አስጠንቅቋል።

ለዜጎች ሰላም መረጋገጥ እንዲሁም የቁልፍ መሰረት ልማቶችን ደህንነት በቴክኖሎጂ በመታገዝ ለመጠበቅና ስጋቶችን ለመከላከል ሲባል ድሮኖችን ያለምንም ህጋዊ ፈቃድ ለቀረፃ መጠቀምም ሆነ ማብረር እንደማይቻል መስሪያ ቤቱ አሳስቧል።

አንዳንድ ግለሰቦችና ድርጅቶች ከቅርብ ጊዜ ወዲህ ከሚመለከተው አካል ህጋዊ ፈቃድ ሳያገኙ ድሮኖችን በሀገሪቱ በሚካሄዱ ሃይማኖታዊ፣ ባህላዊ እና ህዝባዊ ሁነቶች ላይ ለቀረፃ ሲጠቀሙ እና ሲያበሩ እየተስተዋለ መሆኑን የገለፀው የብሔራዊ መረጃና ደህንነት አገልግሎት እነዚህ ግለሰቦችና ድርጅቶች ጉዳዩ በህግ የሚያስጠይቅ መሆኑን አውቀው ከህገ ወጥ ድርጊታቸው ሊታቀቡ እንደሚገባ በጥብቅ አስጠንቅቋል።

ከሚመለከተው አካል ፈቃድ ሳያገኝ ድሮኖችን ለቀረፃ ሲጠቀምና ሲያበር የተገኘ ማንኛውም አካል ወይም ግለሰብ በህግ ይጠየቃልም ብሏል።

Credit : የብሔራዊ መረጃና ደህንነት አገልግሎት

@tikvahethiopia