#AddisAbeba

በአዲስ አበባ ከሚገኙ ወረዳዎች ግማሽ ያህሉ የዲጂታል መታወቂያ እየሰጡ መሆናቸውን የከተማው ወሳኝ ኩነት ምዝገባና መረጃ ኤጀንሲ አስታወቀ፡፡ በኤጀንሲው ምክትል ዋና ዳይሬክተር አቶ ዮናስ አለማየው ለኢቲቪ እንደተናገሩት በከተማዋ ካሉ 121 ወረዳዎች 62ቱ የዲጂታል መታወቂያ እየሰጡ ናቸው፡፡ አገልግሎቱ የሚሰጠው በቴሌኮም ኔትወርክ እገዛ እንደመሆኑ የዚህ መሰረተ ልማት ጥራትና ተደራሽነት ጉድለት የዲጂታል መታወቂያው በሁሉም የከተማዋ አስተዳደር እንዳይሰጥ እንቅፋት ፈጥሯል ብለዋል አቶ ዮናስ፡፡ ከዚህ ባሻገር የሰው ሀይል እጥረት፣ ስራውን ማስፈጸሚያ በቂ ቢሮ ያለመኖር እና ለሰራተኞች የሚከፈል ደሞዝ አናሳ መሆኑ አገልግሎቱን በመዲናዋ ሙሉ ለሙሉ ለመተግበር ችግር መፍጠሩን ጠቁመዋል፡፡ በቀጣይ እነዚህን ችግሮች ለመፍታት ጥረት የሚደረግ ሲሆን የኢንተርኔት ተደራሽነትና ጥራት መጓደል ለማከስተካከልም የሚመለከተው አካል ተገቢውን ድጋፍ እንዲያደርግ ሀላፊው ጠይቀዋል፡፡

ምንጭ፦ ኢቲቪ
@tsegabwolde @tikvahethiopia

DV Lottery Program: DV 2021 ላይ በዚህ አመት የፖሊስ ለውጥ መደረጉ ይታወቃል፤ ይህም የ2021 ዲቪ ለማመልከት ጊዜው ያላለፈበት ፓስፖርት ሊኖረን ይገባል። ነገር ግን በተለያዩ ቦታዎች "DV ያለፓስፖርት እንሞላለን" የሚሉ አካላት ከሰዎችን ገንዘብ በመቀበል DV እየሞሉ እንደሆነ መልዕክቶች በተደጋጋሚ ይመጡልናል። ቤተሰቦቻችን እንደነገሩን ከሆነ DV እንሞላለን የሚሉት አካላት የፓስፖርት ቁጥር እያቀያየሩ እያስገቡ እየሞሉ ይገኛሉ።

🔖አሜሪካ ኤምባሲ የምትሰሩ TIKVAH ቤተሰብ አባላት በጉዳዩ ላይ የምትሰጡት መረጃ ካለ በ @tsegabwolde ወይም @tsegabtikvah መልዕክት ማስቀመጥ ትችላላችሁ።

#ethiotelecom

ኢትዮ ቴሌኮም በተያዘው በጀት ዓመት በመጀመሪያው ሩብ ዓመት 10 ነጥብ 1 ቢሊየን ብር ገቢ መሰብሰቡን አስታውቋል። የኢትዮ ቴሌኮም ዋና ስራ አስፈፃሚ ወይዘሪት ፍሬህይወት ታምሩ የመስሪያ ቤቱን የመጀመሪያ ሩብ ዓመት ስራ አፈፃጸም በተመለከተ በዛሬው ዕለት መግለጫ ሰጥተዋል።

ወይዘሪት ፍሬ ህይወት በመግለጫቸው ኢትዮ ቴሌኮም በተያዘው በጀት ዓመት መጀመሪያ ሩብ ዓመት ላይ የተለያዩ የአሰራር ማሻሻያዎች ሲያደርግ መቆየቱን ተናግረዋል። በዚህ መሰረትም ተቋሙ በተያዘው በጀት ዓመት መጀመሪያው ሩብ ዓመት 10 ነጥብ 1 ቢሊየን ብር ገቢ መሰብሰብ መቻሉን አስታውቀዋል።

በዚህም የእቅዱን 98 በመቶ ማሳካት መቻሉን የገለጹት ወይዘሪት ፍሬህይወት፥ ከተሰበሰበው ገቢ ውስጥ 56 በመቶው ከድምጽ አገልግሎት 29 በመቶው ደግሞ ከሞባይል ዳታ የተገኘ መሆኑን አንስተዋል። እንዲሁም ከተሰበሰበው ገቢ ውስጥ 41 ነጥብ 1 ሚሊየን ዶላሩ ከአለም አቀፋ አገልግሎቶች የተገኘ መሆኑን ነው ተናገሩት።

የተሰበሰበው ገቢ ከባለፈው ተመሳሳይ ሩብ ዓመት ጋር ሲነጻጸር የ 21 በመቶ ጭማሪ ማሳየቱንም ዋና ስራ አስፈፃሚዋ ተናግረዋል። በሌላ በኩል በሩብ ዓመቱ የኢትዮ ቴሌኮም አገልግሎት ተጠቃሚዎች ቁጥር 44 ነጥብ 4 ሚሊየን የደረሰ ሲሆን ፥ የደንበኞች ቁጥርም 10 በመቶ መጨመሩ ተመላክቷል።

Via FBC
@tsegabwolde @tikvahethiopia

9ኛው የለዛ ሽልማት ዛሬ ከምሽቱ 12 ጀምሮ በሂልተን ሆቴል ይካሄዳል። #LezaAward #ለዛ_ሽልማት #ETHIOPIA

Via Honey
@tsegabwolde @tikvahethiopia

#EthiopianAirlines

በአገሪቱ እ.አ.አ በ2017 የተዋወቀውን የኤሌክትሮኒክስ ቪዛ አገልግሎት ተከትሎ ኢትዮጵያ ከዚህ ቀደም ከነበረው በተለየ መንገድ በሯን ለውጭ ጎብኚዎች ክፍት አድርጋለች። አገልግሎቱ ይፋ ከተደረገበት እለት አንስቶ ጎብኚዎች ከየትኛውም የአለም ክፍል ሆነው በአገልግሎቱ በመጠቀም በቀላሉ ወደ አገሪቱ መግባት ችለዋል። ይህን ተከትሎ ከ217 አገሮች በአገልግሎቱ ተጠቃሚ የሆኑ 200 ሺህ ጎብኚዎች አገሪቱን ረግጠዋል።

Via ENA
@tsegabwolde @tikvahethiopia

#Worabe

"በስልጤ ዞን በወራቤ ከተማ የጠቅላይ ሚንስትር ዶክተር አብይ አህመድ የአለም የኖቤል የሰላም ሽልማት የድጋፍ ሰልፍ ህዝቡ በነቂስ ወደ ወራቤ በመትመም በደመቀ ሁኔታ እየተካሄደ ነው። በድጋፍ ሰልፉም በዞንና በወራቤ በከተማ አስተዳደር የመንግስት የስራ ኃላፊዎች መልዕክቶች እየተላለፉ ይገኛሉ።" Abdure/የቲክቫህ ኢትዮጵያ ቤተሰብ አባል/

@tsegabwolde @tikvahethiopia

#BUHONA

በጭልጋ ቁጥር 1 ወረዳ በተሽከርካሪ ላይ ጥቃት ተፈጸመ ተብሎ የተሰራጨው መረጃ ሀሰት እንደሆነ ተገለጸ!

በማዕከላዊ ጎንደር ዞን ጭልጋ ቁጥር 1 ወረዳ ‹ቡሆና› በተባለው አካባቢ በተሽከርካሪ ላይ ጥቃት ተፈጽሟል የሚል መረጃ በማኅበራዊ ሚዲያ እየተሠራጨ ነው፡፡ አብመድ ጉዳዩን ለማጣራት ባደረገው ጥረት ግን ‹‹ከመተማ ወደ ጎንደር ሲጓዝ የነበረ ሚኒባስ ቡሆና አካባቢ በከባድ መሳሪያ ተመትቷል›› በሚል የተሰራጨው መረጃ ሀሰት መሆኑን ከአካባቢው ባገኘው መረጃ አረጋግጧል፡፡

የማዕከላዊ ጎንደር ዞን አስተዳደርና ፀጥታ መምሪያ ኃላፊ አቶ ዳኘው በለጠ ባለሙያዎችን ቦታው ድረስ በመላክ አረጋግጠናል በማለት ለአብመድ እንደገለጹት በአካባቢው መስከረም 18 ቀን 2012 ዓ.ም ከተከሰተው ጥቃት ውጭ የተፈጸመ ሕገ ወጥ ድርጊት (ጥቃት) የለም፡፡

‹‹በአካባቢው አሁን አንጻራዊ ሠላም አለ፤ ጥምር የፀጥታ ኃይሉም ተቀናጅቶ እየተንቀሳቀሰ ነው፤ የትናንቱ መግለጫ ደግሞ በኅብረተሰቡ ዘንድ መረጋጋት እንዲፈጠር አድርጓል›› ብለዋል አቶ ዳኘው፡፡ ትናንት ምሽት በተሰጠው መግለጫ ልክ የፀጥታ ኃይሉ አካባቢውን አስተማማኝ ሠላም የሠፈነበት ለማድረግ እንዲሰራ ነዋሪዎች እያሳሰቡ መሆኑንም ነው አቶ ዳኘው ያመለከቱት፡፡

ኅብረተሰቡ ዛሬ የተፈጸመ ጥቃት አለመኖሩን አውቆ የተረጋጋ መደበኛ ሕይወቱን እንዲመራ ያሳሰቡት መምሪያ ኃላፊው በማኅበራዊ ሚዲያ ኃላፊነት በጎደለው መንገድ የቆዬ መረጃ እየለቀቁ ሕዝቡን ማደናገር እንደማይገባም አስገንዝበዋል፡፡

Via AMMA
@tsegabwolde @tikvahethiopia

ወቅታዊው የሀገራች ሁኔታ ለፖሊስም ፈተና ሆኖበታል🤔

Ethiopian Federal Police Commission

መደበኛ ባልሆነ መንገድ፣ በተለያዩ አካባቢዎች በራሳቸው የፖሊስን ስራ በመከወን የሚንቀሳቀሱ ወጣቶችን ከዚህ በኋላ እንደማይታገስ የፌደራል ፖሊስ ኮሚሽን አስታውቋል።

ምንጭ፦ ሸገር FM 102.1 /ትዕግስት ዘሪሁን/
@tsegabwolde @tikvahethiopia

#UPDATE

በህዳሴ ግድብ ዙሪያ ኢትዮጵያ ከሶስትዮሽ ውይይት ውጪ ሌሎች ምክረ ሀሳቦችን እንደማትቀበል የውሃ መስኖና ኢነርጂ ሚኒስትሩ ዶክተር ኢንጂነር ስለሺ በቀለ ዛሬ ገልፀዋል።

የውሃ መስኖና ኢነርጂ ሚኒስትሩ ዶክተር ኢንጂነር ስለሺ በቀለ በዛሬው ዕለት ለካቢኔ አባላት እና ለባለድርሻ አካላት የግድቡን አሁናዊ ገፅታ እና በግብፅ ወቅታዊ አቋም ላይ ማብራርያ ሰጥተዋል። ሚኒስትሩ በማብራሪያቸውም የግድቡን አሁናዊሁኔታ እና የወደፊት እቅዶች ላይ ገለጻ ያደረጉ ሲሆን፥ በዚህም የታላቁ የኢትዮጵያ ህዳሴ ግድብ ግንባታ በትኩረትና በተገቢው ፍጥነት እየተከናወነ እንደሚገኝ ጠቅሰዋል።

የታላቁ የኢትዮጵያ ህዳሴ ግድብ ዙሪያ በኢትዮጵያ፣ ሱዳን እና ግብፅ መካከል እየተደረገ ባለው ውይይት ዙሪያም ሚኒስትሩ ገለጻ አድርገዋል። በዚህም ሚኒስትሩ ዶክተር ኢንጂነር ስለሺ በቀለ፥ የታላቁ የህዳሴ ግድብ ፕሮጀክት የቀጣናውን እና የተፋሰሱን ሀገራት ግንኙነት የሚያጠናከር መሆኑን ጠቅሰዋል።

ሆኖም ግን ግብጽ ከሶስትዮሹ ውይይት ውጪ በሱዳን ካርቱም በተደረገው ውይይት ላይ ያቀረበችው ምክረ ሃሳብ የኢትዮጵያን ሉአላዊነት የሚጥስ መሆኑ መሆኑን አስታውቀዋል። ግብጽ ባቀረበችው ምክረ ሀሳብ ላይም በየዓመቱ 40 ቢሊየን ሜትር ኪዮብ ውሃ ይለቀቅልኝ ማለቷ እና የአስዋን ግድብ ከፍታ ከባህር ጠለል በላይ 165 ሜትር ሲደርስ ኢትዮጵያ ውሃ መልቀቅ አለባት፤ እንዲሁም ሶስተኛ ወገን በአደራዳሪነት ይግባ የሚል አቋም ማቅረቧን አንስተዋል።

ዶክተር ኢንጂነር ስለሺ በቀለ እንደተናገሩት፥ #ግብፅ ያቀረበችው መክረ ሃሳብ ኢትዮጵያ በውሃው ላይ ያላትን መብት የሚጥስ እና ብሄራዊ ጥቅሟን የሚጎዳ በመሆኑ ኢትዮጵያ መቼም ቢሆን የምትቀበለው አይሆንም ብለዋል።

Via FBC
@tsegabwolde @tikvahethiopia

ethio telecom | ኢትዮ ቴሌኮም የ2012 በጀት ዓመት በመጀመሪያ ሩብ ዓመት የዕቅዱን 98% በማሳካት 10.1 ቢሊዮን የኢትዮጵያ ብር ማግኘቱን ግለጿል።
@tsegabwolde @tikvahethiopia

#GONDAR

ጎንደር ዩኒቨርሲቲ አዲስ የተመደቡለትን ተማሪዎች ዛሬ ጥቅምት 06/ 2012 ዓ.ም እየተቀበለ ይገኛል፡፡ አቀባበሉ ነገም የሚቀጥል ሲሆን ዩኒቨርሲቲው ለልጆቼ ምቾትና ደህንነት ሲባል በተደራጀ መልኩ አቀባበሉን እያከናወንኩ እገኛለሁ ብሏል። የዩኒቨርሲቲው ፕሬዚዳንት፣ ምክትል ፕሬዚዳንቶች፣ ዳይሬክሬክተሮች፣ ዲኖች፣ ትምህርት ክፍል ኃላፊዎች፣ የተማሪ ህብረት የከተማ አስተዳደሩና ነዋሪዎች እንዲሁም የፓሊስና ፀጥታ አካላት በተናበበ ሁኔታ በእንኳን ደህና መጣችሁ መርሃ ግብሩ ላይ ተገኝተው ተማሪዎችን በማስተናገድ ላይ እንደሆኑም በይፋዊ የፌስቡክ ገፁ አሳውቋል፡፡ ዩኒቨርሲቲው "እናንተን ማገልገል መታደል ነውና "ሃገራችን ለማገልገል ቆርጠን ተነስተናል!" ዓመቱ እውቀት ዘርተን ጥበብ የምናጭድበት፣ መልካም አመለካከት አብቅለን የምናሳድግበት ይሁን! ሲልም መልካም ምኞቱን ገልጿል።

GONDAR UNIVERSITY

@tsegabwolde @tikvahethiopia

#NobelPeacePrize

ጠቅላይ ሚኒስትር ዶ/ር ዐብይ አህመድ የዓለም የኖቤል የሰላም ተሸላሚ መሆናቸውን በማስመልከት የሰላም ሚኒስቴር ሀገር አቀፍ የእውቅና መድረክ የፊታችን እሁድ በሚሊኒየም አዳራሽ ያካሂዳል፡፡

በመድረኩ ላይ ከፍተኛ የፌደራልና የክልል ባለስልጣናት፣ የተለያዩ ሀገራት አምባሳደሮችና ዲፕሎማቶች፣ የሃይማኖት አባቶችና መሪዎች፣ ታዋቂ ግለሰቦችን ጨምሮ ልዩ ልዩ የህብረተሰብ ክፍሎች ይታደማሉ ተብሎ ይጠበቃል፡፡

በሚሊኒየም አዳራሽ የሚከናወነው ይህ የደስታ መግለጫ ዝግጅት እሁድ ጥቅምት 9፣2012 ዓ.ም ከቀኑ 11 ጀምሮ እስከ ምሽቱ 3 ሰዓት እንደሚዘልቅ የሰላም ሚኒስቴር መግለጫ አስታውቋል።

Via #WaltaTV
@tsehabwolde @tikvahethiopia

ባለፈው ዓመት የ12ኛ ክፍል ብሄራዊ ፈተና ውጤት ላይ ያጋጠመውን ችግር ለማጣራት የተቋቋመው ኮሚቴ መረጃ አሰባስቦ ማጠናቀቁን ለሸገር ኤፍ ኤም 102.1 ተናግሯል። የተሰበሰበውን መረጃ አጠናቅሮ ሪፖርት ማዘጋጀት የቀረው መሆኑንም ገልጿል። ኮሚቴው ጉዳዩን በገለልተኛነት እንዲያጣራ በጠቅላይ ሚኒስትሩ የተዋቀረ ሲሆን ሪፖርቱንም ለእርሳቸው የቀርባል። ትምህርት ሚኒስቴር፣ ሀገር አቀፍ የትምህርት ምዘናና ፈተናዎች ኤጀንሲ እንዲሁም ፈተናውን የሚያዘጋጀው የአዲስ አበባ ዩኒቨርሲቲ በማጣራት ሂደቱ ላይ መረጃ የተሰበሰበባቸው ተቋማት መሆናቸውን የደቡብ ክልል ትምህርት ቢሮ ኃላፊና የአጣሪ ኮሚቴው ሰብሳቢ ዶ/ር ጌታሁን ጋረደው ተናግረዋል።

ዶ/ር ጌታሁን ጋረደው...

"አጠቃላይ ከአሰራር ከአደረጃጀት ጀምሮ ያለው ሁኔታ ምን ይመስላል ቀድሞ የተቋማቱን ግንኙነት የሚኒስቴር መስሪያ ቤቱ፣ የፈተናዎች ኤጀንሲና ፈተናውን የሚያወጣው አካል ግንኙነቶችን check ማድረግ፤ ከዚህ በፊት የነበረው አሰራር ማጣራት ነበር እሱ ተጠናቋል። ከዛ በኃላ በዚህ ዓመት ፈተና ደግሞ የተከሰቱ ችግሮች ነበሩ ችግሮቹ ምንድናቸው የሚለውን የየተቋማቱን check ማድረግ ነበር። የትምህርት ሚኒስቴርን፣ የፈተናዎች ኤጀንሲን ሌሎችም በዚህ ስራ የተሳተፉ አካላትን ማናገር ተችሏል። መረጃም ተሰብስቧል። አሁን ላይ ሪፖርት አዘጋጅቶ ለሚመለከተው አካል ሪፖርት ማቅረብ ነው ሚቀረው።"

ምንጭ፦ ሸገር ኤፍ ኤም/ጋዜጠኛ በየነ ወልዴ/
@tsegabwolde @tikvahethiopia

ኢትዮ-ቴሌኮም አንዳንድ የመንግሥት አካላት በስሜ የሚሰጡትን መግለጫ ያቁሙ ሲል አሳስቧል፡፡ ሃላፊነታቸው የማይፈቅድላቸው ተቋማት ኩባንያውን ወደግል ባለሃብቶች ስለማዛወር መግለጫ ይሰጣሉ፡፡ ይህን ማሳሰቢያ ዛሬ በሰጡት ጋዜጠዊ መግለጫ የተነጋሩት ሥራ አስፈጻሚዋ ፍሬሕይወት ታምሩ ናቸው- ብሏል የኢትዮ ኤፍ ኤም 107.8 ዘገባ፡፡

Via Ethio FM/wazema/
@tsegabwolde @tikvahethiopia

በኢትዮጵያ ንግድና ዘርፍ ማህበራትና በቻይናው CCPIT አዘጋጅነት በኢትዮጵያ ለሁለተኛ ጊዜ ለሚዘጋጀው ቻይና-አፍሪካ ኤክስፓ ዛሬ ጋዜጣዊ መግለጫ ተሰጥቷል፡፡

የአፍሪካ-ቻይና አንድ አካል የሆነው ቻይና-ኢትዮ ኤክስፖ ዘንድሮ ለሁለተኛ ጊዜ ከጥቅምት 11 እስከ ጥቅምት 14 ድረስ በአዲስ አበባ በኤግዚቢሽን ማዕከል እንደሚዘጋጅ ዛሬ በተሰጠው ጋዜጣዊ መግለጫ ላይ ተጠቁሟል፡፡

በዚህ ኤክስፓ 40 የሚሆኑ በግብርና፣ በኢነርጂ፣ በICT፣ በቴክኖሎጂ፣ በኮንስትራክሽንና በሌሎች ዘርፎች የተሰማሩ የቻይና ትላልቅ ኩባንያዎች የሚሳተፉ ሲሆን ሀገር ውስጥ ከሚገኙ የንግዱ ማህበረሰቦች ጋር የገቢያና የሽያጭ ትስስርን ለማጎልበት አይነተኛ ሚና ይጫወታል ተብሎለታል፡፡

በጋዜጣዊ መግለጫው እንደተጠቆመው አራት ቀን ከሚቆየው ከዚህ ኤክስፓ ጎን ለጎን በመክፈቻው ቀን "China Africa Cooperation Forum" በሂልተን ሆቴል ይካሄዳል ተብሏል፡፡ ኤክስፖው ጥቅምት 11 ከአራት ሰዓት ጀምሮ በድምቀት የሚከፈት ይሆናል፡፡

#TIKVAH_ETHIOPIA

@tsegabwolde @tikvahethiopia

ኢ/ር ታከለ ከስልጣናቸው አይነሱም...

የአዲስ አበባ ከተማ ከንቲባ አቶ ታከለ ዑማ ከሥልጣናቸው እንደማይነሱ አንድ ለኦሮሞ ዴሞክራቲክ ፓርቲ (ኦዲፒ) ቅርበት ያላቸው ግለሰብ ተናገሩ። በምክትል ከንቲባ ማዕረግ የአዲስ አበባ ከተማን በመምራት ላይ የሚገኙት አቶ ታከለ ከሥልጣናቸው ይነሳሉ የሚሉ ዘገባዎች ባለፉት ጥቂት ቀናት በሰፊው ተሰራጭተው ነበር። የኦሮሞ ዴሞክራቲክ ፓርቲ (ኦዲፒ) ማዕከላዊ ኮሚቴ ከትናንትናው ዕለት ጀምሮ በአዲስ አበባ ውይይት በማድረግ ላይ ነው። ፓርቲው ዛሬ ምሽት ስብሰባውን ሲያጠናቅቅ የአቶ ታከለ ዑማን ጨምሮ በተወያየባቸው ጉዳዮች ላይ መግለጫ ይሰጣል ተብሎ ይጠበቃል። ፓርቲው በሚሰጠው መግለጫ ጠንከር ያሉ ጉዳዮችን እንደሚነሳ ስማቸው እንዳይገለፅ የፈለጉ ሰው ለጀርመን ሬድዮ ተናግረዋል። ኢ/ር ታከለ ዑማ የአዲስ አበባ ከተማ ምክትል ከንቲባ ሆነው የተሾሙት ሐምሌ 10 ቀን 2010 ዓ.ም. ነበር። ዋና ከተማዋን መምራት ከመጀመራቸው በፊት የኦሮሚያ ትራንስፖርት ቢሮ ኃላፊ ሆነው ሠርተዋል።

Via DW/የጀርመን ድምፅ ሬድዮ/

@tsegabwolde @tikvahethiopia

የODP ስብሰባ ተጠናቋል!

የኦሮሞ ዴሞክራቲክ ፓርቲ ማዕከላዊ ኮሚቴ በዛሬው እለት ስብሰባውን አጠናቀቀ። ማእከላዊ ኮሚቴው ለሁለት ቀናት በአዲስ አበባ ከተማ ሲያካሂድ የነበረውን ስብሰባ የተለያዩ ውሳኔዎችን በማሳለፍ ማጠናቀቁ ተገልጿል።

ማእከላዊ ኮሚቴው በስብሰባው የፓርቲውን እና የክልሉን መንግስት የስራ አፈፃፀም የገመገመ ሲሆን፥ በወቅታዊ ሀገራዊ እና ክልላዊ ጉዳዮች ላይም ተወያይቷል። የፓርቲው የውስጥ አንድነት እና የፖለቲካ ፓርቲዎች ሪፎርምንም እንዲሁም እንደ ሀገር እና እንደ ክልል የተጀመሩ ለውጦች ዙሪያም ምክክር አድርጓል።

Via FBC

@tsegabwolde @tikvahethiopia

በትግራይ ክልል የሰልፍ ክልከላ...

👉በትግራይ ክልል በሴቶች ላይ የሚደርስን ጥቃት ለመቃወም የተጠራ ሰልፍ ፈቃድ መከልከሉን አዘጋጆቹ ገለፁ።

👉ክልሉ ሕጋዊ ማኅተም ያለው ድርጅት ኃላፊነት እንዲወስድ ከመጠየቁ ውጪ "የተደረገ ክልከላ የለም" ብሏል።

በትግራይ ክልል በሴቶች ላይ የሚደርሰው ጥቃት ለመቃወም በመጭው እሁድ በመቐለ ከተማ ለማካሄድ አቅደውት የነበረውን ሰላማዊ ሰልፍ የከተማው አስተዳድር ክልከላ እንዳደረገባቸው አዘጋጆቹ ተናገሩ። "ይህም መንግሥት የሴቶች ጥቃትን ለመከላከል ዝግጁ እንዳልሆነ ማሳያ ነው" ብለዋል። የከተማው አስተዳደር በበኩሉ "ለሰላማዊ ሰልፉ ኃላፊነት የሚወስድ ተቋም ሊኖር ይገባል ነው ያልነው እንጂ አልከለከልንም"ብሏል።

Via VOA Amharic
@tsegabwolde @tikvahethiopia

#update የኢ.ፌ.ዴ.ሪ ፕሬዝዳንት ሣህለ ወርቅ ዘውዴ በዓለም አቀፍ የሚቲዎሮሎጂ ድርጅት ዋና ፀሃፊ ፔቴሪ ታላስ የተመራ የልኡካን ቡድን በብሄራዊ ቤተ መንግስት ተቀብለው አነጋግረዋል፡፡ ዋና ፀሃፊው የዓለም አቀፍ የሚቲዎሮሎጂ ድርጅት የአፍሪካ ፅህፈት ቤት በአዲስ አበባ መከፈቱን በማስመልከት ለፕሬዝዳንት ሣህለ ወርቅ ገለጻ አድርገዋል፡፡

@tsegabwolde @tikvahethiopia

የትግራይ ክልል አዲስ ገቢ የዩኒቨርሲቲ ተማሪችን አማራ ክልል ወደሚገኙ ዩኒቨርሲቲዎች አልክም አለ!

የትግራይ ክልል ትምህርት ቢሮ ኃላፊ ገ/መስቀል ካሕሳይ ዛሬ በሰጡት ጋዜጣዊ መግለጫ፡ "ማንነትን መሰረት ያደረጉ ጥቃቶች ወደ ሚሰነዘሩባቸው ዩኒቨርሲቲዎች እና ኃላፊነት ወደማይወስድ ክልል አዲስ ተማሪዎችን ላለመላክ የክልሉ አቋም ነው" ብለዋል።

"አማራ ክልል የተመደቡት 600 ተማሪዎች እንደማይሄዱ ለሚመለከተው የፌደራል መንግሥት አሳውቀናል። ይህ የክልሉ አቋም ነው" ሲሉ የክልሉ ትምህርት ቢሮ ኃላፊ ተናግረዋል።

ዘንድሮ በትግራይ ክልል የዩኒቨሲቲ መግብያ ፈተና ወስደው ማለፍ የቻሉ የተማሪዎች ቁጥር ከ9000 በላይ መሆኑን የጠቀሱ ኃላፊው፤ ወደ አማራ ክልል ተመድበው የነበሩ ተማሪዎች ከ2000 በላይ እንደነበረ እና ከሚመለከታቸው የፌደራል መንግስት አካላት ጋር በተደረገው ውይይት ወደ 600 ዝቅ እንዲል መደረጉን ተናግረዋል። "ከአንድ ወር ተኩል በላይ የክልሉ መንግሥት ከሚመለከታቸው አካላት ጋር ሲወያይ ቆይቷል።

የተቀሩ 600 ተማሪዎችን ሌላ ቦታ እንዲመደቡ ይሰራል። ይህ የማይሆን ከሆነ ግን የትግራይ ክልል ሌላ አማራጭ ይፈልጋል እንጂ ተማሪዎቹን ወደዛ አይልክም" ብለዋል።

ተጨማሪ ያንብቡ👉https://telegra.ph/eth-10-17-3

ምንጭ፦ ቢቢሲ አማርኛ

@tsegabwolde @tikvahethiopia

"ኢንጂነር ታከለ ኡማ አሁንም በስራ ላይ ይገኛሉ። ኢንጂነር ር ታከለ ከኃላፊነታቸው ተነስተዋል ተብሎ የወጣው መረጃ የተሳሳተ መሆኑን ለመግለጽ እንፈልጋለን።" Mayor Office Of AA

@tsegabwolde @tikvahethiopia