የሡዳኑ ጠቅላይ ሚኒስትር አዲስ አበባ ገቡ!

የሡዳኑ ጠቅላይ ሚኒስትር አብደላህ አምዶክ ዛሬ ረፋዱ ላይ አዲስ አበባ ገቡ። ጠቅላይ ሚኒስትሩ ቦሌ ዓለም ዓቀፍ አውሮፕላን ማረፊያ ሲደርሱ ጠቅላይ ሚኒስትር ዶ/ር አብይ አህመድ፣ የውጭ ጉዳይ ሚኒስትር ገዱ አንዳርጋቸው እና ሌሎች ከፍተኛ የስራ ሃላፊዎች ደማቅ አቀባበል አድርገውላቸዋል። ጠቅላይ ሚኒስትር አብደላህ በቆይታቸው ከጠቅላይ ሚኒስትር ዶ/ር አብይ እና ከሌሎች የስራ ሃላፊዎች ጋር ውይይት እንደሚያደርጉ እንዲሁም የአንድነት ፓርክ ምረቃ ስነስርዓት ላይ ይገኛሉ ተብሏል።

Via EPA
@tsegabwolde @tikvahethiopia

#GELAN

በኦሮሚያ ልዩ ዞን ገላን ከተማ በ42 ሚሊዮን ብር የተገነባ የምግብ ማቀነባበሪያ ፋብሪካ ተመረቀ፡፡ ፋብሪካው በኦሮሚያ ግብርና ኅብረት ሥራ ማኅበራት ፌዴሬሽን የተገነባ ነው፡፡ በምርቃት ሥነ ሥርዓቱ ላይ የኦሮሚያ ክልል ምክትል ፕሬዚዳንት አቶ ሺመልስ አብዲሳ፣ የገቢዎች ሚኒስቴር ሚኒስትር ወ/ሮ አዳነች አቤቤን ጨምሮ ሌሎች የፌደራል እና የክልሉ የሥራ ሓላፊዎች ተገኝተዋል።

Via OBN
@tsegabwolde @tikvahethiopia

የደቡብ ሱዳኑ ፕሬዝዳንት ሳልቫኪርና የሶማሊያው ፕሬዝዳን ሙሐመድ አብደላሂ በአንድነት ፓርክ ምረቃ ላይ ለመታደም አዲስ አበባ ገብተዋል፡፡
@tsegabwolde @tikvahethiopia

የአንድነት ፓርክ ዛሬ ይመረቃል!

በቤተ መንግስት ግቢ የተሰራው የአንድነት ፓርክ በዛሬው እለት ይመረቃል። በዛሬው እለት የሚመረወቅ የአንድነት ፓርክ የመደመር እሳቤ ማሳያ ነው ያለው የጠቅላይ ሚኒስትር ጽህፈት ቤት፥ ያለፉትን ታሪካዊና ማህበራዊ እሴቶቻችን እየዘከርንና ለመጪው ትውልድ እያጎለበትን እንሂድ ሲል ጋብዟል። አንድነት ፓርክ ለጋራ ግባችን በአንድነት ቆመን የፍፃሜውን ምዕራፍ ዘመን ተሻጋሪ በሆነ የሕብረት አቅም ማጠናቀቅ የመቻላችን ተምሳሌትም ብሏል ጽህፈት ቤቱ።

በዛሬው እለት የሚመረቀው የአንድነት ፓርክ ከነገ ጀምሮ በተለያዩ መርሃ ግብሮች ለጎብኚዎች ክፍት የሚደረግ ይሆናል። በዚህም መሰረት በነገው እለት የመከላከያ ሰራዊት እና የፌዴራል ፖሊስ አባላት በቤተ መንግስት ግቢ የተሰራውን የአንድነት ፓርክ የሚጎበኙ ይሆናል። ቅዳሜ እና እሁድ ደግሞ በእድሜ ታላላቅ ዜጎች እና የጎዳና ተዳዳሪዎች ቤተ መንግስቱን ይጎበኛሉ። ከሰኞ ማለትም ከጥቅምት 3 2012 ጅምሮ ማንኛውም ዜጋ 200 ብር እንዲሁም በቪአይፒ (VIP) 1 ሺህ ብር በመክፈል ቤተ መንግስቱን መጎብኘት እንደሚችልም ተገልጿል።

Via FBC
@tsegabwolde @tikvahethiopia

"መንገደኞች የሚጓዙት #በመከላከያ ታጅበው ነው" - የማዕከላዊ ጎንደር ኮሙኒኬሽን

ባለፈው ሳምንት በማዕከላዊ ጎንደር ዞን በተለይ ጭልጋ አካባቢ በቅማንት የማንነት ጥያቄ አስመላሽ ኮሚቴና በመንግስት የጸጥታ ኃይሎች መካከል ተፈጠረ በተባለው ግጭት በዞኑ ማህበራዊ አገልግሎቶችና መንገዶች እስከመዘጋት መድረሳቸው ይታወሳል።

የማዕከላዊ ጎንደር ዞን የመንግስት ኮሙኒኬሽን ጽ/ቤት ሃላፊ አቶ ሃብታሙ ጌታሁን ለቢቢሲ እንደተናገሩት ግጭቱ ከተነሳባቸው አካባቢዎች መካከል ቢያንስ በሶስት ወረዳዎች እስከ አሁን የማህበራዊና ኢኮኖሚያዊ እንቅስቃሴዎች ቆመዋል።

አቶ ሃብታሙ እንደሚሉት "በዞኑ ከሶስት ወረዳዎች ውጭ ሁሉም ማህበራዊና ኢኮኖሚያዊ እንቅስቃሴ እየተከናወነ ይገኛል"። እንቅስቃሴው የተገደበባቸው ሶስቱ ወረዳዎችም ጭልጋ ነባሩ፤ ጭልጋ አዲሱ (በቅማንት የራስ አስተዳደር የተካለለው) እና አይከል ከተማ መሆናቸውን ተናግረዋል።

ተጨማሪ ያንብቡ👇
https://telegra.ph/ETH-10-10

Via BBC AMHARIC
@tsegabwolde @tikvahethiopia

#ETHIOPIA

12ኛው ብሔራዊ የሰንደቅ አላማ ቀን በአል የፊታችን ሰኞ እንደሚከበር ተገለጸ። ብሄራዊ የሰንደቅ ዓላማ ቀን በኢፌዴሪ ህገ-መንግስት አንቀፅ 3 የተቀመጠውን የብሔራዊ ሰንደቅ ዓላማ ትርጓሜ መሰረት በማድረግ የወጣ የሰንደቅ ዓላማ አዋጅ ቁጥር 654/2001 እንዲሁም በተሻሻለው አዋጅ ቁጥር 863/2006 አንቀጽ 2 መሰረት በየዓመቱ ጥቅምት ወር በመጀመሪያው ሳምንት ሰኞ እንዲከበር ተደንግጓል፡፡ በዚህም መሰረት 12ኛው የሰንደቅ አላማ በዓል የፊታችን ሰኞ ጥቅምት 3 ቀን 2012 ዓም “ሰንደቅ አላማችን የብዝሀነታችን ድምር ውጤትና የአንድነታችን ምሰሶ ነው” በሚል መሪ በተለያዩ ዘግጅቶች ይከበራል ተብሏል።

Via ETHIO FM
@tsegabwolde @tikvahethiopia

ጋዜጠኛ ኤልያስ ገብሩ እና የብ/ጀ አሳምነው ጽጌ ባለቤት ደስታ አሰፋ በተጠረጠሩበት የሽብር ወንጀል ከጥብቅ ማሳሰቢያ ጋር ምርመራውን አጠናቆ እንዲያመጣ ለፖሊስ በድጋሜ 28 ቀን ተፈቅዶለታል።

Via Samrawit Lemma
@tsegabwolde @tikvahethiopia

የኬኒያው ፕሬዝዳንት አዲስ አበባ ገቡ!

የኬኒያው ፕሬዘዳንት ኡሁሩ ኬኒያታ ዛሬ አዲስ አበባ ገቡ። ፕሬዝዳንቱ ቦሌ ዓለም ዓቀፍ አውሮፕላን ማረፊያ ሲደርሱ ጠቅላይ ሚኒስትር ዶ/ር አብይ አህመድ፣ እና ሌሎች ከፍተኛ የስራ ሃላፊዎች ደማቅ አቀባበል አድርገውላቸዋል። ፕሬዝዳንቱ ዛሬ የሚመረቀው የአንድነት ፓርክ ምረቃ ስነስርዓት ላይ ይገኛሉ ተብሎ ይጠበቃል።

Via #EPA
@tsegabwolde @tikvahethiopia

የTIKVAH-ETH ቤተሰቦች ከአፋር!

ከሰሞኑ የተሰራጨው መረጃ የተዛባ ነው፤ ከሁለቱም ወገን ያማከለ አይደለም ሲሉ በአፋል ክልል የሚገኙ ቤተሰቦቻችን ገልፀዋል። ስለሁኔታውም ተከታዩን ብለዋል፦

----
በአፋር ክልል ካለፈው ሳምንት ጀምሮ በቁጥጥር ስር እየዋሉ ያሉት የቀድሞ አመራሮችና ባለሀብቶች መኖራቸው #እውነት ብሆንም የተያዙበት ምክንያት ግን ከአፋር-ሱማሌ(ኢሳ) ጉዳይ ምንም የሚያገናኘው ነገር የለውም። የተያዙት ከአፍዴራ ጨው አምራቾች ማህበር (ከዳባ) ጋር በተገናኘ ስሆን ከተሰሩት ውስጥ አፋር የልሆኑም ይገኝበታል። እስሩ አሁንም እንደቀጠለ ስሆን እስካሁን ከመንግስት በኩል ግልፅ የሆነ መግለጫ አልተሰጠበትም።

የአፋር–ሱማሌ(ኢሳ) ግጭት በተመለከተ ግን ለ 80+ አመታት የዘለቀ ግጭት ሲሆን ያሁኑ ግጭት መንስኤው ከኢሳ በኩል ያሉ አንዳንድ አካላት የአፋርን ባንድራ አውርዶ በማቃጠል "በአፋር ክልል ስር አንተዳደርም" በማለታቸው ነው። ግጭት ከተጀመረ አሁን 9ነኛ ወር የያዘ ሲሆን ከመንግስት በኩል የተሰጠ #መፍትሔ የለም። ባለፈው ሳምንት በተፈጠረው ግጭት ከአፋር ወደ 30 ሰው እንደሞተ ተደርጎ የተዘገበው የተገጋነነ ዘገባ ነው። የሞቱት ከአፋር በኩል 7 ሲሆን 3 ቆለዋል። ግጭቱ አሁን መልክ እየቀየረ እስከ ጅቡቲ ደረስ እየዘለቀ በመሆኑ ከመንግስት በኩል አስቸኳይ መፍትሔ ካልተሰጠው የቀጠናው ሰላም ጥያቄ ውስጥ የሚያስገባ መሆኑን መታወቅ አለበት።"
------

በዚህ አጋጣሚ ከመንግስት በኩል ምንም ይፋዊ ነገር ባለመገለፁ፤ እየወጡ ያሉት መረጃዎች ያልተረጋገጡ ናቸው፤ የሟቾች ቁጥርም በተለያዩ አካላት የሚገለፀው የተለያየ ነው። በአካባቢው የሚገኙ TIKVAH-ETH ቤተሰብ አባላት ጉዳዩን እየተከታተሉ መረጃዎችን ያደርሱናል።

የመንግስት ዝምታ ግን🤔

@tsegabwolde @tikvahethiopia

የትራፊክ አደጋ ከቀን ወደቀን እየተባባሰ ነው!

TIKVAH-ETH ጂንካ ቤተሰቦች፦

''እባካችሁ እንጠንቀቅ! በተለይ አሽከርካርዎች! ይህ በምስሉ ላይ የምትመለከቱት አደጋ ዛሬ ከቀኑ 6 ሰዓት ገደማ ከጂንካ 32 Km ርቀት ላይ አንድ ዶልፊን ሚኒባስ ከአይሱዙ መኪና ጋር ተጋጭተው የደረሰ አደጋ ሲሆን በዶልፍን ተሳፍረው ከነበሩ 19 ሰዎች የሁለቱ ህይወት ወድያውኑ ሲያልፍ ለሎች ላይ አባድና ቀላል አደጋ ሊደርስ ችሏል።"

@tsegabwolde @tikvahethiopia

ዓዲግራት ዩኒቨርስቲ ከከተማ ተወካዮች ጋር በሰለማዊ መማር ማስተማር ዙርያ ውይይት ኣካሄደ!

ዓዲግራት ዩኒቨርስቲ በሃገሪቱ ካሉ ዩኒቨርስቲዎች ሰለማዊ የመማር ማስተማር ሂደት የሚያከናውኑ ዩኒቨርስቲዎች ኣንዱ ነው። የዩኒቨርስው ሰላማውነት ተጠናክሮ እንዲቀጥልና ለኣንደኛ ኣመት ተማሪዎች ለሚደረግላቸው ደማቅ ኣቀባበል ዙርያ ከከተማው የተወከሉ የሃይማኖት መሪዎች፣ ያገር ሽማግሌዎች፣የፀጥታ ተወካዮች፣ የተለያዩ ማሕበራት ተወካዮች፣ የከተማውና የዞኑ የስራ ሓላፊዎች በተገኙበት ውይይቱ ተካሂዷል።

ውይይቱ የመሩት የዩኒቨርስቲው ፕረዚዳንት ዶ/ር ዛይድ ነጋሽ እንደተናገሩት የዩኒቨርስቲው ሰላም ካለ የከተማው ማሕበረሰብ እገዛ የማይታሰብ ነው። ስለዚህ ሕብረተሰቡ እንደተለመደው ተማሪውቹ በከተማ ሲንቀሳቀሱ የእንግድነት ስሜት እንዳይሰማቸው እንዲሁም ኣንደኛ ኣመት ተማሪውች በሚገቡበት ወቅት ደማቅ ኣቀባበል በማድረግ ከተማውና ዩኒቨርስቲው እንደ ሁለተኛ ቤታቸው እንዲያዩት ለማድረግ የከተማው ማሕበረሰብ እንደሁልጌዜ ከዩኒቨርስቲው ጎን በመሆን መስራት እንዳለበት ፕረዚዳንቱ ኣሳስቧል።

የከተማው ግዝያዊ ከንቲባ ኣቶ መንግሽ በበኩላቸው የከተማው መስተዳድር የዩኒቨርስቲ ሰለማዊ መማር ማስተማር ሂደት እንዲኖር እንደ መደበኛ ስራው እንደሚሰራ በመድረኩ ተናግርዋል።

የከተማው ተወካዮችም ዩኒቨርስቲው ለከተማው የኢኮኖሚ እንቅስቃሴ የጀርባ ኣጥንት እንደመሆኑ ኣንፃር ሕብረተሰቡም ወደ ዩኒቨርስቲው ከተለያዩ ክልሎች የሚመጡ ተማሪዎች ምንም ችግር ሳይገጥማቸው ተምረው እንዲመለሱ ኣጠንክረው እንደሚሰሩም በውይይቱ ሃሳባቸው ገልፅዋል።

ምንጭ፦ አቶ ዮሃንስ ከበደ/የዩኒቨርስቲው የኮሙዩኒኬሽን ዳይሬክተር/
@tsegabwolde @tikvahethiopia

#Gaas_Ahmed

የአፋር የሰብዓዊ መብቶች ድርጅት ሊቀ መንበር አቶ ጋአስ አህመድ ለTIKVAH-ETH በድምፅ በላኩት መረጃ በዚህ ሶስት ቀን ውስጥ ከሱማሌላንድ እና ከጅቡቲ የመጡ ታጣቂዎች በአፋር አርብቶ አደሮች ላይ ከፍተኛ የሆነ ጥቃት ከፍተዋል ብለዋል። ይህ የተደራጀ ጥቃት ከትላንትና የጀመረ ሲሆን እስካሁን ድረስም አልቆመም ሲሉ ገልፀዋል። ለሊቱን ሙሉ ብዙ የአፋር አርብቶ አደሮች ተገድለዋል የሚሉት ሊቀ መንበሩ፤ ይሄንን መንግስት እያየ ምንም አይነት እርምጃ አልወሰደም ብለዋል። ከትላንት በስቲያ ሱማሌላንድ የሚገኙ ሱልጣኖች፣ የተለያዩ ባለስልጣኖች የሶማሌ ኢሳ ጎሳዎችን ለመርዳት ዝግጁ ነን የሚል መልዕክት አስተላልፈው ነበር ይህ ደግሞ የኢትዮጵያን ሉዓላዊነት የሚጋፋ ነው ሲሉም ተናግረዋል። ጉዳዩ አፋርን ብቻ የሚነካ አይደለም፤ የማዕከላዊ መንግስቱ በቸልተኝነት እየተመለከተና የአፋር አርብቶ አደር ከፍተኛ የሆነ መስዋትነት እየከፈለ እንደሚገኝ ገልፀዋል።

#TIKVAH_ETHIOPIA

@tsegabwolde @tikvahethiopia

#Attention

ከአፋር የTIKVAH-ETH ቤተሰቦች!

"...ግጭቱ አሁን መልክ እየቀየረ እስከ #ጅቡቲ ደረስ እየዘለቀ በመሆኑ ከመንግስት በኩል አስቸኳይ መፍትሔ ካልተሰጠው የቀጠናው ሰላም ጥያቄ ውስጥ የሚያስገባ መሆኑን መታወቅ አለበት።"

ለማዕከላዊ መንግስት ይድረስ!

@tsegabwolde @tikvahethiopia

"እኔ ሰውን አከብራለሁ ነገር ግን እንዲህ መብቴን የሚጥስ ነገር ሲገጥመኝ ከማንም ፈቃድ አልጠይቅም" ድምፃዊ ሃጫሉ ሁንዴሳ
.
.
ታዋቂው የኦሮምኛ ድምጻዊ ሃጫሉ ሁንዴሳ አዲስ አበባ ውስጥ በአንድ ጎዳና ላይ በመኪና እየተከተሉ ሲሰድቡኝ ነበር ካላቸው ሰዎች ጋር አለመግባባት ውስጥ ገብቶ እንደነበር ተናገረ።

ሃጫሉ ማንነታቸው ካልታወቁ ሰዎች ጋር ሲነጋገርና ሌሎች ሰዎች ደግሞ ለመገላገል ሲጥሩ የሚያሳይ ቪዲዮ በማሕበራዊ መገናኛ መድረኮች ላይ በስፋት ሲዘዋወር ቆይቷል። ነገሩ የተከሰተው ሜክሲኮ አካባቢ በተለምዶው ኮሜርስ የተባለው ስፍራ ላይ እንደሆነ በተንቀሳቃሽ ምስሉ ላይ ይታያል።

አንዳንዶች ድምጻዊው ጥቃት እንደተፈጸመበት ቢናገሩም በቪዲዮው ላይ እንደሚታየውና እርሱም እንደሚናገረው "ስሜታዊ ከሚያደርጉ" የቃላት ልውውጥ በስተቀር ጉዳት የሚያስከትል ጸብ አልነበረም።

ክስተቱን በሚያሳየው ተንቀሳቃሽ ምስል ላይ ድምጻዊው ከመኪናው ወርዶ በሚናገርበት ጊዜ ሌሎች ሰዎች ለመገላገል ሲሞክሩና ሌሎች ሰዎችም በስፍራው ሲሰበሰቡ ይታያል። በተጨማሪም መኪናው የቆመው ሌሎች ተሽከርካሪዎች በሚያልፉበት ቦታ ላይ በመሆኑ መንገድ የተዘጋባቸው መኪኖች የጡሩምባ ድምጽ ይሰማል።

ተጨማሪ ያንብቡ👇
https://telegra.ph/ETH-10-10-2

Via BBC Amharic

@tsegabwolde @tikvahethiopia

የኢትዮጵያ ምርጫ ቦርድ ለህዝበ ውሳኔ አስፈጻሚዎች ምልመላ ያወጣው ማስታወቂያ!

የኢትዮጵያ ብሔራዊ ምርጫ ቦርድ በመጪው ህዳር 2012 ዓ.ም ለሚያካሂው የሲዳማ የክልልነት የመደራጀት ጥያቄ ህዝበ ውሳኔ 6000 የሚሆኑ የህዝበ ውሳኔ አስፈጻሚዎችን በበጎ ፍቃደኝነነት ለአንድ ወር ማሰራት ይፈልጋል፡፡

ስለሆነም ከታች የተዘረዘሩትን መስፈርቶች የምታሟሉ አመልካቾች የትምህርት ማስረጃችሁን ዋናውን ና ኮፒ በመያዝ ንፋስ ስልክ ቡና ቦርድ ፊትለፊት በሚገኘው የቦርዱ ማሰልጠኛ ማእከል በአካል በመገኘት ከመስከረም 24 ቀን 2012 ጀምሮ በስራ ሰአት እንድትመዘገቡ እናሳስባለን፡፡

• አመልካቾች ማሟላት ያለባቸው መስፈርቶች
• የማንኛውም የፓለቲካ ፓርቲ አባል ያልሆነ/ያልሆነች
• በትምህርት ዝግጅታቸው በማንኛውም የትምህርት መስክ የመጀመሪያ ዲግሪ ያላት/ ያለው
• እድሜ ከ20- 45 አመት የሆነች/የሆነ
• በገጠር ቀበሌዎች ተንቀሳቅሰው መስራት የሚችሉ
• የስራ ልምድ አይጠይቅም. ሆኖም በምርጫ አፈጻጸም ዙሪያ ወይም በተለያየ ማህበራዊ አገልግሎቶች የተሳተፉ አመልካቶች ቅድሚያ ይሰጣቸዋል፡፡

ቦርዱ በስራ የሚያሳልፉትን ጊዜ አበል የሚከፍል ሲሆን በተጨማሪም በህዝበ ውሳኔው ላይ በበጎ ፈቃደኝነት ለተሳተፉ አስጻሚዎች የተሳትፎና የእውቅና ምስክር ወረቀት ይሰጣል፡፡

የኢትዮጵያ ብሔራዊ ምርጫ ቦርድ
@tsegabwolde @tikvahethiopia

አንድነት ፓርክ ተመርቋል!

በቤተ መንግስት ግቢ የተሰራው የአንድነት ፓርክ በዛሬው እለት በይፋ ተመርቋል። በፓርኩ ምረቃ ላይም የኢፌዴሪ ፕሬዚዳንት ሳህለወርቅ ዘውዴ፣ ጠቅላይ ሚኒስትር ዶክተር አብይ አህመድ፣ የኬንያ ፕሬዚዳንት ኡሁሩ ኬንያታ፣ የሱዳን ጠቅላይ ሚኒስትር አብደላ ሀምዶክ፣ የሶማሊያ ፕሬዚዳንት ሞሃመድ አብዱላሂ ሞሃመድ፣ የደቡብ ሱዳን ፕሬዚዳንት ሳልቫኪር ማያርዲት እና የኡጋንዳ ፕሬዚዳንት ዩዌሪ ሙሴቪኒን ጨምሮ የበርካታ ሀገራት ተወካዮች እና አምባሳደሮች ተገኝተዋል። እንዲሁም የክልል ርእሳነ መስተዳድሮች እና ምክትል ርእሳነ መስተዳድሮችን ጨምሮ ከፍተኛ የመንግስት የስራ ኃላፊዎችም ተገኝተዋል።

@tsegabwolde @tikvahethiopia

ጠቅላይ ሚንስትር ዶ/ር ዐቢይ አህመድ በሐምሌ ኤርትራን ሲጎበኙ፣ የውጭ ሚንስቴር ምንም መረጃ እንዳልነበረው ሮይተርስ ዘግቧል፡፡ ባለሥልጣኖቹ ጉብኝቱን እንደ ተራው ዜጋ ከኤርትራ ዜና ምንጮችና ከማኅበራዊ ሜዲያ ነው የሰሙት፡፡ የተቋሙ መገለል፣ የሀገሪቱን ብሄራዊ ጥቅም አደጋ ላይ ሊልው ይችላል- ብለዋል ስማቸው ያልተጠቀሰ ባለሥልጣን ተናግረዋል፡፡ የዐለም ዐቀፉ ግጭት ተቋም (አይሲጄ) የአፍሪካ ሃላፊ በበኩላቸው፣ ዐቢይ የለውጥ አጀንዳቸውን በተቋማት ካልመሩት መሠረት ሊይዝላቸው አይችልም ሲሉ ተችተዋል፡፡

Via ሮይተርስ/wazema
@tsegabwolde @tikvahethiopia

የትራፊክ አደጋ የሰው ህይወት እየቀጠፈ ነው!

በዋግ ኽምራ ብሄረሰብ አስተዳደር ፃግብጅ ወረዳ ትናንት ምሽት በደረሰ የትራፊክ አደጋ የሁለት ሰዎች ህይወት ማለፉን የወረዳው ፖሊስ ፅህፈት ቤት አስታውቋል፡፡

የጽህፈት ቤቱ ሃላፊ ረዳት ኢንስፔክተር ጌጡ መሰለ እንደገለፁት አደጋው የደረሰው ከሰቆጣ -ፃታ ሸፌሩን ጨምሮ 19 ሰዎችን አሳፍሮ ይጓዝ የነበረ ኮድ 3-40474 አ.አ ባለ አንድ ጋቤና ላንድ ክሩዘር መኪና በወረዳው ጅልዋ ተብሎ በሚጠራው አካባቢ በመገልበጡ ነው።

በደረሰው አደጋም የአሽከርካሪው እና የአንድ ተሳፋሪ ህይወት ወዲያውኑ ሲያልፍ በ18 ሰዎች ላይ ደግሞ ከባድና ቀላል ጉዳት መድረሱን ገልፀዋል፡፡ ከባድ ጉዳት የደረሰባቸው ስድስት ሰዎችን ጨምሮ ሌሎች ቀላል ጉዳት የደረሰባቸውተሳፋሪዎች በሰቆጣ ከተማ በሚገኘው የተፈራ ሃይሉ መታሰቢያ ሆስፒታልና በፃታ ጤና ጣቢያ የህክምና እርዳታ እንዲያገኙ ተደርጓል።

https://telegra.ph/ETH-10-10-3

Via #ENA
@tsegabwolde @tikvahethiopia