#Monkeypox

ጎረቤት ሀገር ኬንያ የመጀመሪያ በዝርጀሮ ፈንጣጣ (Monkeypox) ሳይያዝ አልቀረም ተብሎ የተጠረጠረ ሰው ማግኘቷን አሳውቃለች።

ሀገሪቱ የተጠርጣሪውን ናሙና ለተጨማሪ ምርመራ ወደ ሴኔጋል እንዲላክ አድርጋለች።

የኬንያ ጤና ጥበቃ ሚኒስቴር ሀገሪቱ የመመርመር አቅሟ ውስን ከመሆኑ ጋር ተያይዞ ናሙናው ወደ ሴኔጋል እንዲላክ መደረጉን አሳውቋል።

ናሙናው በትክክል ቫይረሱ መኖሩን የሚያረጋግጥ ከሆነ ሀገሪቱ በጀት መድባ ለምርመራ የሚያስፈልጉ ቁሳቁሶችን በማሟላት ምርመራው በሀገር ውስጥ እንዲደረግ ለማድረግ መሰራት አለበትም ብሏል።

እንደ ዓለም ጤና ድርጅት መረጃ በአፍሪካ የዝንጀሮ የፈንጣጣ በሽታ በዲሞክራቲክ ሪፓብሊክ ኮንጎ ፣ ናይጄሪያ፣ ካሜሩን እና ማዕከላዊ አፍሪካ ሪፓብሊክ ቫይረሱ በስፋት እየተሰራጨ ነው።

@tikvahethiopia

#Monkeypox #እንድናውቀው

የዝንጀሮ ፈንጣጣ (Monkeypox) በተለያዩ ሀገራት እየተሰራጨ ነው። ጎረቤት ኬንያም ከዚህ ጋር በተያያዘ ተጠርጣሪ አግኝታ ናሙናዎችን ለተጨማሪ ምርመራ ወደ ሴኔጋል ልካለች።

ከዝንጀሮ ፈንጣጣ ጋር በተያያዘ ማወቅ ያለብን ጉዳዮች ፦

ምልክቶቹ ምንድን ናቸው ?

በዝንጀሮ ፈንጣጣ የተያዙ ሰዎች መጀመሪያ ላይ ሙቀት፣ራስ ምታት፣ የጀርባ ሕመም፣ የጡንቻ ሕመም፣ የሰውነት ማበጥ እና በማንኛውም ነገር ላይ ፍላጎት ማጣት ይታይባቸዋል።

ሙቀቱ ጋብ ሲል ሰውነት ከፊት ጀምሮ ማሳከክ ይጀምራል። መላው ሰውነትን ቢያሳክክም ክንድና እግር የበለጠ ያሳክካሉ።

የሚከሰተው እከክ በጣም የሚያምና በተለያየ ደረጃ የሚያልፍ ነው።

ቆዳ ላይ የሚከሰተው እብጠት ኋላ ላይ ቆዳ እንዲቆስልና እንዲረግፍም ያደርል። ጠባሳ ጥሎም ሊያልፍ ይችላል። ሕመሙ በራሱ ጊዜ የሚጠፋ ሲሆን ከ14 - 21 ቀናት ይወስድበታል።

በሽታው እንዴት ይይዛል ?

በበሽታው ከተያዘ ሰው ጋር የቅርብ ንክኪ ያላቸው ሰዎች ተጋላጭ ናቸው። በቆዳችን ክፍተቶች በኩል፣በዓይን፣ በአፍንጫ ወይም በአፍ በኩል ቫይረሱ ወደ ሰውነታች ይገባል።

በወሲብ ወቅት ባለ ንክኪም ቫይረሱ ይተላለፋል።

በቫይረሱ ከተያዙ ዝንጀሮዎች፣ አይጦች ወይም ሌሎች እንስሳት ጋር ንክኪ ከተደረገ ቫይረሱ ወደሰው ይተላለፋል። ቫይረሱ በልብስ/በሌሎች ንክኪ ባላቸው ጨርቆች በኩል ይተላለፋል።

ምን ያህል አስጊ ነው ?

አብዛኞቹ በቫይረሱ የሚያዙ ሰዎች ለከፋ ሕመም አይዳረጉም።

ልክእንደ ፈንጣጣ በተወሰኑ ሳምንታት ውስጥ ይጠፋል። ሆኖም ግን በሽታው ከፍተኛ ደረጃ ሊደርስም ይችላል።

በምዕራብ አፍሪካ በበሽታው ሳቢያ የሞቱ ሰዎች አሉ።

ሕክምና አለው ?

ሕክምና የለውም። ስርጭቱን ግን መቆጣጠር ይቻላል።

Via BBC/WHO

@tikvahethiopia

#Monkeypox

ጎረቤታችን ሱዳን በዝንጀሮ ፈንጣጣ የተያዘ ሰው ማግኘቷን አስታወቀች።

የሀገሪቱ ጤና ሚኒስቴር በምዕራብ ዳርፉር የዝንጀሮ ፈንጣጣ ያለበት ሰው ማግኘቱን አሳውቋል።

የዝንጀሮ ፈንጣጣው በብሔራዊ የህዝብ ጤና ቤተሙከራ በተካሄደ ምርመራ በአንድ የ 16 ዓመት ተማሪ ላይ ሀሙስ ዕለት መገኘቱ ተገልጿል።

ወረርሽኙ ከአንድ ሰው ውጭ በሌሎች ላይ አለመገኘቱን ሀገሪቱ አሳውቃለች።

ወረርሽኙ አለባቸው ተብለው የተጠረጠሩት 38 ሰዎች ቢሆኑም በሽታው የተገኘው ግን በአንድ ሰው ላይ ብቻ ነው ተብሏል።

የዳርፉር ግዛትና የሱዳን የጤና ሚኒስቴር ጉዳዩን እየተከታተሉት እንደሆነ ገልጸዋል።

መረጃውን የሱዳን ዜና አገልግሎት/ አል ዓይን ኒውስ ነው።

@tikvahethiopia