#ኢሬቻ2012

ለዘንድሮ የአዲስ አበባ ሆራ ፊንፊኔ እና የቢሾፍቱ ሆራ ሀርሰዴ የኢሬቻ በዓላት ዝግጅት መጠናቀቁን የኦሮሞ አባገዳዎች ህብረት አስታወቀ። የኦሮሞ አባ ገዳዎች ህብረት በዘንድሮ የኢሬቻ በዓል አከባበር ዝግጅት ዙሪያ በዛሬው እለት መግለጫ ሰጥተዋል።

በመግለጫውም በአዲስ አበባ እና በቢሾፍቱ የሚከበሩ የኢሬቻ በዓላት ላይ በሚሊየን የሚቆጠሩ ተዳሚዎች እንደሚሳተፉ ይጠበቃል ብለዋል። በተጨማሪም የጎረቤት ክልሎች ብሄር ብሄረሰቦች ተወካዮችን ጨምሮ የጎረቤት ሀገራት ተወካዮችም በበዓሉ ላይ እንደሚሳተፉ ነው ሀብረቱ በመግለጫው ያስታወቀው።

Via #FBC
@tsegabwolde @tikvahethiopia

"ወጣቶች አቅምና እውቀት እያላችሁ አገርና ፍቅርን ገንቡ" የወላይታ የአገር ሽማግሌዎች
.
.
ወጣቶች አቅምና እውቀት እያላችሁ ሀገርንና ፍቅርን መገንባት እንደሚገባቸው የወላይታ ዞን የአገር ሽማገሌዎቸ አሳሰቡ። የአገር ሽማግሌዎቹ ይህን ያሉት የወላይታ የዘመን መለወጫ የጊፋታን በማስመልከት የተዘጋጀውን የቋንቋና የባህል ሲምፖዝየም መርቀው በከፈቱበት ወቅት ነው።

“ጊፋታ ማለት #ታላቅነት ማለት ነው ያሉት ሽማግሌዎቹ የዘንድሮ የ ጊፋታ በዓል የእርቅና የሰላም በዓል ነው" ብለዋል የአገር ሽማግሌዎቹ። የአገር ሽማገሌዎቹ አክለውም በመካከላችን ያለውን ልዩነት አጥፍተን ከሁሉም የአገሪቱ ብሄሮች፣ ብሄረሰቦችና ህዝቦች ጋር እርቅና ሰላምን በመፍጠር ኢትዮጵያን ማልማት እንደሚገባ ለወጣቶች አሳስበዋል።

Via #EPA
@tsegabwolde @tikvahethiopia

ፌደራል ፖሊስ!

የመስቀል ደመራ በዓል በሚከበርባቸው ቦታዎች ግጭት ቀስቃሽ ፅሁፎችን፣ በህገ መንግስቱ ከተፈቀደው ሰንደቅ ዓላማ ውጪና የተለያዩ አርማዎችን ይዞ መገኘት የማይቻል መሆኑን የኢትዮጵያ ፌዴራል ፖሊስ ኮሚሽን አስታውቋል።

የኢትዮጵያ ፌዴራል ፖሊስ ኮሚሽን በሀገሪቱ በየዓመቱ የሚከበረውን የመስቀል ደመራ በዓል በሰላም እንዲከናወን ያደረገውን ቅድመ ዝግጅት አስመልክቶ በዛሬው ዕለት መግለጫ ሰጥቷል።

ተጨማሪ ያንብቡ👇
https://telegra.ph/ETH-09-26-5

Via #FBC
@tsegabwolde @tikvahethiopia

"በደመራ በዓል ግጭት ቀስቃሽ ፅሁፎችንና በህገ መንግስቱ ከተፈቀደው ሰንደቅ ዓላማ ውጪ የተለያዩ አርማዎችን ይዞ መገኘት አይቻልም"--ፌዴራል ፖሊስ
@tsegabwolde @tikvahethiopia

#አርሲ_ሮቤ

በአርሲ ሮቤ ከተማ የሚገኙ የTIKVAH-ETH ቤተሰብ አባላት ከደቂቃዎች በፊት በላኩልን መልዕክት ትላንት የተፈጠረው ውጥረት መብረዱን ገልፀዋል። የኦሮሚያ ልዩ ኃይሎች ተልከው እስኪመጡ ከ7 እስከ 12 ሰአት ድረስ ከተማዋ ጥሩ ሁኔታ ውስጥ እንዳልነበረችም አስታውሰዋል። በዛሬው ዕለት ከዞን የተወከሉ የመንግስት ተወካዮች ህዝቡን እያወያዩ ነው ብለዋል። ትላንት መነሻው ባንዲራ ሆኖ ሳለ ወደ ሃይማኖት አለመግባባት ለማዛመት ተሞክሮ ነበር የሚሉት የቤተሰባችን አባላት የደመራው ስነ ስርዓት መንግስት የፖሊስ ኃይል ጨምሮ ጥንቃቄ በተሞላበት መልኩ እንዲከበር ሊያደርግ ይገባል ብለዋል።

@tsegabwolde @tikvahethiopia

#update በዲሞክራቲክ ሪፐብሊክ ኮንጎ በዓለማችን አስከፊ የተባለ የኩፍኝ ወረርሽኝ ተከሰተ፡፡ የዓለም የጤና ድርጅት በዲሞክራቲክ ሪፐብሊክ ኮንጎ የተከሰተውን የኩፍኝ ወረርሽኝ ለመከላከል አስቸኳይ የክትባት ዘመቻ እያካሄደ ነው፡፡ በሀገሪቱ ከሚገኙት 519 የጤና ተቋማት 192 በሚሆኑት ጤና ተቋማት ታካሚዎች ላይ የኩፍኝ ምርመራ እንደተካሄደ ድርጅቱ አስታውቋል፡፡

Via CGTN/AMMA
@tsegabwolde @tikvahethiopia

#AddisAbeba

“የዕድሜ ባለጸጎችን በመደገፍ እንመረቅ” በሚል መሪ ቃል መብታቸው ሳይረጋገጥ በመቅረቱ ለችግር የተጋለጡ አረጋውያንን ለመደገፍ ሀገራዊ ንቅናቄ ማስጀመሩን የሠራተኛና ማህበራዊ ጉዳይ ሚኒስትር የገለጸ ሲሆን በዚህ ፕሮግራም 10ሺህ አረጋውያንን ለመርዳት አቅዷል፡፡

TIKVAH-ETHIOPIA ከቤተሰቦቹ ምንጭ እንደሰማው ከመስከረም 18 ጀምሮ በሚሊኒየም አዳራሽ አረጋዊያንን የሚረዱ ማህበራትን አንድ ላይ በማድረግ ስራቸውን ለህዝብ እንዲያሳዩ ማመቻቸቱ ታውቋል፡፡ በዚህ በሀገራዊ ንቅናቄ ላይ አረጋውያንን የማልበስ፣ የፎቶ ኤግዚቢሽን፣ የእግር ጉዞና ምርቃትን ጨምሮ የተለያዩ የማነቃቂያ ፕሮግራሞች እንደሚካሄዱም ሰምተናል፡፡ የአረጋውያን ቀን ዘንድሮ በአለም አቀፍ ደረጃ ለ29ኛ ጊዜ በሀገራችን ለ28ኛ ጊዜ ይከበራል፡፡

@tsegabwolde @tikvahethiopia

የሚዘጉ መንገዶች!

የአዲስ አበባ ፖሊስ ኮሚሽን በመስቀል አደባባይ የሚከበረው የደመራ በዓል ተጀምሮ እስከሚጠናቀቅ የትራፊክ መጨናነቅ እንዳይፈጠር ዝግ የሚደረጉ መንገዶችን ይፋ አድርጓል።

በዚህም መሰረት፦

•ከኦሎፒያ ወደ መስቀልአ ደባባይ
•ከኡራኤል ቤተ-ክርስቲያን ወደ መስቀል አደባባይ
•ከለገሀር ወደ መስቀል አደባባይ
•ከጎተራ ወደ መስቀል አደባባይ
•ከብሄራዊ ቤተ መንግስት ወደ መስቀል አደባባይ
•ከአምባሳደር ቲያትር ቤት ወደ መስቀል አደባባይ የሚወስዱ መንገዶች በነገው እለት ከረፋዱ 4፡00 ሰዓት ጀምሮ ዝግጅቱ እስከሚጠናቀቅ ድርስ ለጊዜው ዝግ እንደሚደረጉ አስታውቋል።

ስለዚህ አሽከርካሪዎች ተገንዝበው የትራፊክ ፖሊስ አባላት አና ሌሎች የፀጥታ አካላት በሚጠቁሙት መሰረት አማራጭ መንገዶችን በመጠቀም ትብብር እንዲያደርጉ የአዲስ አበባ ፖሊስ ኮሚሽን ጥሪውን አስተላልፏል።

የአዲስ አበባ ፖሊስ ኮሚሽን የህዝብ ግንኙነነት፣ ሙዚቃ ቲያትርና ሰፖርት ዳይሬክቶሮት ዳይሬክተር ኮማንደር ፋሲካ ፋንታ በሰጡት መግለጫ፥ የደመራና የመስቀል በዓል በሰላም እንዲከበር ፖሊስ አስፈላጊውን ቅድመ ዝግጅት አጠናቆ ወደ ስራ መግባቱን አስታውቀዋል።

ከዚህ ቀደም የተከበሩ ሃይማኖታዊና ብሄራዊ በዓላት በሰላም እንዲከበሩ ህብረተሰቡ ከፀጥታ ኃይሉ ጎን በመቆም ከፍተኛ አስተዋፅኦ ማበርከቱን በማስታወስ፤ ለበዓሉ በሰላም መከበር ህብረተሰቡ የተለመደውን ትብብር እንዲያደርግ ኮሚሽኑ ጥሪውን አቅርቧል፡፡

ህብረተሰቡ የፖሊስን አገልግሎት ለማግኘትም ሆነ አጠራጣሪ ነገሮች ሲያጋጥሙት መረጃ ለመስጠት 991 ፣ 6727 ወይም 816 ነፃ የስልክ መስመሮችን እና 01- 11 -11- 01 -11፣ 01- 11- 26- 43- 59፣ 01- 11- 01- 02- 97፣ መጠቀም የሚችል መሆኑን ኮሚሽኑ አስታውቋል፡፡

የአዲስ አበባ ፖሊስ ኮሚሽን

#AmharaRegionPoliceCommission

የመስቀል በዓል በሠላም እንዲጠናቀቅ ቅድመ ዝግጅት ማድረጉን የአማራ ክልል ፖሊስ ኮሚሽን አስታውቋል፡፡ በሁሉም የክልሉ አካባቢዎች ያሉ የፖሊስ አባላት ዓመቱን ሙሉ ከሚያደርጉት መደበኛ የወንጀል መከላከል ተግባራቸው በተለየ ለበዓሉ መዘጋጀታቸውን ነው ኮሚሽኑ ለአብመድ ያስታወቀው፡፡ ከሌሎች የክልሉ የፀጥታ አካላት ጋር በጋራ የሚሠራው የቅድመ ወንጀል መከላከል ተግባርም ተጠናክሮ እንደቀጠለ ነው የተገለጸው፡፡

Via #AMMA
@tsegabwolde @tikvahethiopia

ኢንጂነር ታከለ ኡማ በአዲስ አበባ የሆቴልና የቱሪዝም ዘርፍ ለማሳደግ በሰሩዋቸው ስራዎች ምክንያት የተበረከተላቸውን የ MICE Champion Award ተረክበዋል፡፡ የማይስ የአሸናፊዎች ሽልማቱ በናይጄሪያ ሌጎስ በተካሄደው የመጀመሪያው የአፍሪካ ዲያስፖራ ቱሪዝም ኮንፍረንስ ላይ የተበረከተ መሆኑ ይታወሳል፡፡

Via #MayorOfficeAA
@tsegabwolde @tikvahethiopia

#DonateBlood

በደም እጥረት ሕይወታቸውን የሚያጡ ወገኖችን ለመታደግ ጥቅምት 15 ቀን 2012 ዓ.ም አገራዊ የደም ልገሳ ንቅናቄ እንደሚያካሂድ የጤና ሚኒስቴር አስታወቀ። ይህ አገር አቀፍ የደም ስጦታ ቀን መርሃ ግብር “ሕወይት ለሕይወት ደም ለግሰን ሕይወት እናድን” በሚል መሪ ሀሳብ ይካሄዳል።

መርሃ ግብሩ በህብረተሰቡ ዘንድ ደም የመለገስ ባህል እንዲለመድ ለማድረግ እንዲሁም የደም ባንክ በኢትዮጵያ የተጀመረበትን 50ኛ ዓመት በማስመልከት የተዘጋጀ ነው። በዕለቱ በመላ አገሪቱ በሚገኙ 43 የደም ባንክ ቅርጫፎች በአንድ ጀንበር 10 ሺህ ቀረጢት ደም ለመሰብሰብና 100 ሺህ ሰዎችን በመደበኛ ለጋሽነት ለመመዝገብና ቃል ለማስገባት ታቅዷል።

Via #ENA
@tsegabwolde @tikvahethiopia

በትንሹ 6,000 ኤርትራውያን፣ ኢትዮጵያውያን፣ ሶማሊያውያን እና ሱዳናውያን ስደተኞች #በማሰቃየት እና #በማጎሳቆል በሚከሰሱ የሊቢያ ታጣቂዎች በሚያስተዳድሯቸው እስር ቤቶች እንደሚገኙ አሶሼትድ ፕሬስ ዘግቧል።

Via #EsheteBekele
@tsegabwolde @tikvahethiopia

#ኢሬቻ2012

በሆረ ፊንፊኔ የሚከበረው የእሬቻ በዓል በሠላምና በስኬት እንዲጠናቀቅ ሁሉም የድርሻዉን ሊወጣ እንደሚገባ የቡኖ በደሌ አባገዳዎች ጥሪ አቀረቡ። የዞኑ አባገዳዎች ለኦቢኤን እንደተናገሩት የኦሮሞ ሕዝብ ከ150 አመታት በኃላ ለዚህ ድል የበቃዉ በፈጣሪ ዋቃ ፈቃድ ነዉ፤ በመሆኑም መላዉ የኦሮሞ ሕዝብ ለዚህ ድልና ለአዲሱ ዘመን ያደረሰዉን ፈጣሪዉን በፍቅር እና በአንድት ወጥቶ ሊያመሠግነዉ ይገባል ብለዋል።

Via #OBN
@tsegabwolde @tikvahethiopia

ከሚስባህ ከድር ...

የኦርቶዶክስ እምነት ተከታይ ወገኖቻችን የሚያከብሩበትን የበአል ቦታ በቃላችን መሠረት መስቀል አደባባይ በመገኘት የፍቅር ያሸንፋል እስልምና እና የተለያየ እምነት አባላትና ደጋፊዎች አፀዳን።

"ለፍቅር እንሩጥ ጥላቻን እናምልጥ"
"ቆሻሻንና ቆሻሻ አስተሳሰብን የሚፀየፍ ትውልድ እንገንባ"
"ለልጆቻችን ፍቅርን እንጂ ጥላቻን አናወርስም" የሚሉ ባነሮች በመያዝ እንዲሁም በቤተክርስቲያንና በመስጂዶች ላይ እየደረሰ ያለውን ቃጠሎ በማውገዝ፣በእምነት መሪ አባቶቻችንና በሸሆቻችን ላይ እየደረሰ ያለውን ግድያ፣ ድብደባና ማፈናቀል በማውገዝ ዝግጅታችንን ፈፅመናል።

Via Misbah Kefir/የፍቅር ያሸንፋል ማህበር ፕሬዝዳንት/
@tsegabwolde @tikvahethiopia

ለዩኒቨርስቲ ተማሪዎችና ለወላጆቻቸዉ አዲስ ያወጣዉ ደንብ ባለሙያዎችን እያከራከረ ነዉ!

የየሳይንስና የከፍተኛ ትምህርት ሚንስቴር ለዩኒቨርስቲ ተማሪዎችና ለወላጆቻቸዉ አዲስ ያወጣዉ ደንብ ባለሙያዎችን እያከራከረ ነዉ። የሳይንስና የከፍተኛ ትምሕርት ሚንስቴር «የተማሪዎች፣ የወላጆችና የትምሕርት ፅፈት ቤቶች ዉል» ያለዉ ደንብ የመማር ማስተማሩን ሒደት ከተጠያቂነት ጋር ለማያያዝ ያለመ እንደሆነ አስታዉቆ ነበር።

በመማር ማስተማር ሒደት ላይ ጥናት የሚያደርጉ ሙሕራን  ግን ደንቡ በልጆችና ወላጆች መሐል አለመተማመንን የሚፈጥር፣ አጠራጣሪና ግልፅነት የጎደለዉ በማለት ደንቡን ነቅፈዉታል። ሌሎች ምሁራን ግን ደንቡ በየዩኒቨርቲዎቹ የሚነሱ የጎሳ ግጭቶችና ሁከቶች መንግስትን እንዳሳሰቡት ጠቋሚ ነዉ ይላሉ።

Via #DW
@tsegabwolde @tikvahethiopia

#DV2021 🛫 የ2021 ዲቪ ሎተሪ ምዝገባ በፈረጆቹ ጥቅምት 2 ይጀምራል ህዳር 5 ከምሽቱ 8 ሰዓት ላይ ምዝገባው ይጠናቀቃል፡፡ ማመልከቻው በዚህ ድረገፅ ብቻ ነው https://dvlottery.state.gov/ መቅረብ አለበት። ማንኛውም አይነት የወረቀት ማመልከቻዎች ተቀባይነት አይኖራቸውም ተብሏል። የDV ሎተሪ ምዝገባን በተመለከተ በዚህ ዓመት የፖሊሲ ለውጥ እንደተደረገ የተነገረ ሲሆን ዲቪ 2021 ለማመልከት ትክክለኛ እና ጊዜው ያላለፈበት ፓስፖርት ሊኖርዎት ይገባል፡፡

ተጨማሪ መረጃዎች እና መመሪያዎች በዚህ ማግኘት ትችላላችሁ👉https://bit.ly/2lHBngk

@tsegabwolde @tikvahethiopia

#update የኢፌዴሪ ፕሬዚዳንት ሳህለወርቅ ዘውዴ በ74 ኛው የተባበሩት መንግስታት ድርጅት ጠቅላላ ጉባኤ ላይ በተለያዩ ጉዳዮች ዙሪያ ንግግር አድርገዋል። ፕሬዚዳንቷ በአማርኛ ባደረጉት ንግግራቸው በኢትዮጵያ የተጀመረውን ለውጥ ተከትሎ መንግስት በበርካታ ዘርፎች ላይ ትኩረት ሰጥቶ እየሰራ መሆኑን ተናግረዋል።

ፕሬዝደንቷ በ74ኛው የተባበሩት መንግስታት ድርጅት ጠቅላላ ጉባኤ ላይ ካደረጉት ንግግር አንኳር የሆኑትን ነጥቦች በዚህ ማንበብ ትችላላችሁ👇
https://telegra.ph/ETH-09-26-6

ጥሩ የኤንተርኔት ግንኙነት ካላችሁ ደግሞ በዚህ የዩትዩብ አድራሻ ገብታችሁ የፕሬዘደንቷን ሙሉ ንግግር ማድመጥ ትችላላችሁ👇
https://youtu.be/eTeYouXvOw0

አርቲስት አቡሽ ዘለቀ በሐሰተኛ የፌስቡክ አካውንት መልካም ስሙ እየጎደፈ መሆኑን አስታወቀ!

አርቲስት አቡሽ ዘለቀ በሐሰተኛ ፌስቡክ መልካም ስምና ዝናውን የሚጎዳ መረጃ እየተለቀቀበት መሆኑን ለድሬቲዩብ አስታወቀ፡፡ አርቲስቱ የፌስቡክ ተጠቃሚ መሆኑን ገልጾ በራሱ ስም (Abush Zeleke) በሚል 37 ሺ ገደማ ተከታይ ያለው የፌስቡክ ገጽ በተጨማሪም 23 ሺ ተከታይ ያለው የላይክ ፔጅ እንዳለው ጠቅሶ፤ ሐሰተኛው ግን በቁቤ የተፃፈ (Abbush zallaqaa) የሚል ስም የያዘ ነው ብሏል፡፡

አርቲስቱ ባስተላለፈው መልዕክትም "የጥበብ አፍቃሪያንና አድናቂዎቹ (Abbush zallaqaa) የሚል ሐሰተኛ አካውንት ከ98 ሺ በላይ ላይክ እንዳለው እና በእኔ ስምና ፎቶግራፍ በመጠቀም የሚጽፈውም ሕዝብና ሕዝብን የሚያጋጭ እና እኔን ጨርሶ የማይገልጽ መሆኑ ይታወቅልኝ" ብሏል፡፡

Via DireTube
@tsegabwolde @tikvahethiopia

ETHIOPIAN FEDERAL POLICE COMMISSION

መንግስት በቅርቡ የኦርቶዶክስ ተዋህዶ ቤተ-ክርስቲያን ላነሳቻቸው ጥያቄዎች ከፍተኛ ትኩረትና አፅንዖት በመስጠት ከአስተባባሪ ኮሚቴዎች ጋር ውይይት በማድረግ ለተነሱት ጥያቄዎች ደረጃ በደረጃ በሰላማዊ መንገድ በፌደራልና በክልል አውንታዊ ምላሽ መስጠት ጀምሯል፡፡

ይሁን እንጂ መንግስት ጉዳዩ ላይ ልዩ ትኩረት ሰጥቶ እየሰራ ባለበት በዚህ ወቅት የቤተ-ክርስቲያን ጥያቄን ሽፋን በማድረግ አንዳንድ አካላት ጥያቄውን መስመር በማሳት ህዝበ ክርስቲያኑን ለማሳሳትና የእምነቱ ወግና ስርዓት ከሚፈቅደው ውጪ ወደ አላስፈላጊ አቅጣጫ ለማስኬድ እንቅስቃሴ እያደረጉ እንዳለ ፖሊስ ደርሶበታል፡፡

በተጨማሪም የሃገራችን ወጣቶች የደመራ በዓል ለማክበር በዓሉ ወደ ሚከበርበት ቦታ ምዕመናኑ ሲሄዱ በሰላም ወደ ክብረ በዓሉ እንዲደርሱና የደመራ በዓሉ በሰላምና በደስታ እንዲያከብሩና አምላካቸውን የሚያመሰግኑበትን ተግባራት ሲፈፅሙ የሚታወቁበት እንጂ የተለያዩ አጀንዳዎች የሚያሰሙበት እንዳልሆነ ይታወቃል፡፡ ሆኖም ግን ፖሊስ ከህብረተሰቡ ባገኘው መረጃ መሰረት በዓሉ በሰላም እንዳይጠናቀቅ የተለያዩ የግል አጀንዳዎችን አንግበው የበዓሉን ስነ-ስርዓት #ለማወክ የተዘጋጁ ሃይሎች እንዳሉ ደርሶበታል፡፡

በዚሁ መሰረት ከበዓሉ ስነ-ስርዓት ውጪ፣ ግጭት ቀስቃሽ ፅሁፎች፣ አንዱን የሚያሞግስ ሌላውን የሚያንቆሽሽ ፅሁፍ፣ ብዙሀነታችንን የማይገልፁ ፅሁፎች በማንኛውም መንገድ ይዞ መገኘት ፣ በህገ መንግስቱ ከተፈቀደው ሰንደቅ ዓላማ ውጪ እና የተለያዩ አርማዎችን ይዞ በዓሉ ወደ ሚከበርበት ቦታ መምጣት የተከለከለ መሆኑን ኮሚሽኑ ያስታውቃል።

ETHIOPIAN FEDERAL POLICE COMMISSION

@tsegabwolde @tikvahethiopia