#UNSC

ዛሬ የተመድ ፀጥታው ምክር ቤት በኢትዮጵያ ታላቁ የህዳሴ ግድብ ዙሪያ ይመክራል።

ስብሰባው ላይ ለመካፈል የኢትዮጵያ ዉኃ፣ መስኖ እና ኢነርጂ ሚንስትር ዶ/ር ኢ/ር ኢንጅነር ስለሺ በቀለ ወደ ኒውዮርክ ማቅናታቸውን አል አል ዐይን ሚኒስቴር መስሪያ ቤቱን ዋቢ አድርጎ ዘግቧል።

ዶ/ር ኢ/ር ስለሺ የፀጥታው ምክር ቤት ኢትዮጵያ ፣ ግብፅ እና ሱዳን በገጠሙት የግድቡ ዉዝግብ ላይ ለመነጋገር በሚያደርገው ስብሰባ ላይ #ኢትዮጵያን ይወክላሉ፡፡

በስብሰባው ላይም የኢትዮጵያን አቋም ያንጸባርቃሉ ተብሎ ይጠበቃል፡፡

ኢትዮጵያን ከሚወክሉት ዶ/ር ኢ ር ስለሺ በቀለ በተጨማሪ በስብሰባዉ ላይ የግብፅና የሱዳን ዉጪ ጉዳይ ሚንስትሮች የሚገኙ ይሆናል፡፡

ከሶስቱ ሀገራት ሚንስትሮች በተጨማሪ ፦
- በአፍሪቃ ቀንድ የተባበሩት መንግስታት ድርጅት ልዩ መልዕክተኛ፣
- የተባበሩት መንግስታት ድርጅት የአካባቢ ጥበቃ ኃላፊ
- የወቅቱ የአፍሪቃ ሕብረት ሊቀመንበር የኮንጎ ዴሞክራቲክ ሪፐብሊክ ዲፕሎማት ለተሰብሳቢዎች ማብራሪያ ይሰጣሉ ተብሎ እንደሚጠበቅ አል ዓይን አስነብቧል።

@tikvahethiopia

የኢትዮጵያ እና የጋና ፍልሚያ !

የሀገራችን የእግር ኳስ ብሄራዊ ቡድን ከደቂቃዎች በኃላ የጋና ብሄራዊ ቡድንን ይገጥማል።

ግጥሚያው ለዓለም ዋንጫ ለማለፍ የሚደረግ #ማጣሪያ ሲሆን በጋና ኬፕ ኮስት በተባለው ስታዲየም ነው የሚደረገው።

በቋሚ አሰላለፍ ሀገራችን #ኢትዮጵያን የሚወክሉት ተጫዋቾች የታወቁ ሲሆን እነማን ናቸው የሚለውን በ https://t.iss.one/tikvahethsport/20410 መመልከት ይቻላል።

የሀገራችን ብሄራዊ የእግር ኳስ ቡድን አረጓንዴ ቁምጣ ፣ ቢጫ ካሶተኒ ቀይ የሚለብሱ ሲሆን ተፋላሚያችን ጋና ሙሉ ነጭ መለያ ይለብሳል።

ጨዋታውን ጥሩ የኢንተርኔት ግንኙነት ያላችሁ በFIFA ይፋዊ የዩቲዩብ ገፅ በዚህ 👉 https://t.co/j55uaSRXkI መመልከት ትችላላችሁ።

@tikvahethsport ደግሞ የጨዋታውን ሁኔታ እየተከታተለ በፅሁፍ ያሳውቃል።

መልካም ዕድል ለኢትዮጵያችን !

@tikvahethiopia

😢

ኮማንደር አትሌት ደራርቱ ቱሉ መሪዎች ተጎድተውም ቢሆን ኢትዮጵያን አንድ እንዲያደርጉ በእንባ ተማፀነች።

ኮማንደር ደራርቱ ተማፅኖዋን ያሰማችው በቤልግሬድ የአለም አትሌቲክስ የቤት ውስጥ ሻምፒዮን ላይ ከዓለም አንደኛ ሆኖ ላጠናቀቀው የአትሌቶች እና አሰልጣኞች ቡድን በተዘጋጀ የምስጋና ፕሮግራም ላይ ነው።

" የሀገራችን ጉዳይ ሁላችንንም ያመናል " ያለችው ደራርቱ " የትግራይ እናቶች አባቶች ፤ እናቶቻችን አባቶቻችን ናቸው በእርግጠኝነት ደግሞ ነገ ሌላ ቀን ነው ኢትዮጵያ ታርቃ አንድ ሆና ትቆማለች " ስትል ተናግራለች።

ኮማንደር ደራርቱ ፤ ከትግራይ ክልል የተገኙ ድንቅ አትሌቶችን ክብር ይገባችኃል ያለች ሲሆን " በብዙ ፈተናዎች አልፈው በብዙ ተፅእኖ አልፈው የኢትዮጵያን ባንዲራ ከፍ ስላደረጉ ምስጋና አቅርባለች።

" በእርግጠኝነት ቤተሰቦቻችሁ የት እንዳሉ ታውቃላችሁ " ያለችው ደራርቱ " ግድ የላችሁም እንወዳችኃለን እናከብራችኃለን ፤ እንደልጆቻችን ነው አሁንም የምናያችሁ ስለሆነም ትግራይ ዛሬ ብቻዋን አይደለችም ከኢትዮጵያ ጋር ነች፤ ነገም ከኢትዮጵያ ጋር ትሆናለች " ስትል ተናግራለች።

ኮማንደር ደራርቱ፤ የኢትዮጵያ መንግስት እና የትግራይ ክልላዊ መንግስት መሪዎች ተጎድታችሁም ቢሆን ለኢትዮጵያ ህዝብ ብላችሁ ኢትዮጵያን አንድ አድርጓት ስትል በእንባ የተማፀነች ሲሆን " ከእግዚአብሔር ጋር ትችላላችሁ። እናተ አንድ ካደረጋችሁ ኢትዮጵያ አንድ ትሆናለች። " ብላለች።

ኮማንደር አትሌት ደራርቱ አሜሪካ ፤ በ " H.R. 6600 " ኢትዮጵያንም ሆነ ትግራይን ለመጥቀም ሳይሆን ለመበተን እንደሆነ ተናግራ መሪዎች ከተስማሙ የሚፀድቅበት ምክንያት ስለሌለ ለወደፊት ኢትዮጵያ ሲሉ እዲስማሙ ተማፅናለች።

ህዝቡም በመተባበር #ኢትዮጵያን አንድ እንዲያደርግ ጥሪ አቅርባለች።

@tikvahethiopia

ፎቶ ፦ በአሁን ሰዓት በ አዲስ አበባ ስታዲየም " ዓለም ዓቀፍ የቁርአን ሂፍዝ ውድድር " እየተካሄደ ይገኛል።

ፕሮግራሙ በርካታ ህዝበ ሙስሊም በተገኘበት ነው እየተከናወነ የሚገኘው።

በዚህ ዓለም አቀፍ የቁርዓን ውድድር ኢብራሒም አብዱራህማን ኢብራሒም ሀገራችን #ኢትዮጵያን 🇪🇹 ወክሎ የውድድሩ ተሳታፊ ነው።

ፕሮግራሙ እንደተጠናቀቀ ተጨማሪ መረጃዎችን የምንልክላችሁ ይሆናል።

@tikvahethiopia

#ኢትዮጵያ🇪🇹

እጅግ ተጠባቂው የወንዶች 10 ሺ ሜትር የፍፃሜ ውድድር መካሄድ ጀምሯል።

🇪🇹 በሪሁ አረጋዊ
🇪🇹 ሰለሞን ባረጋ
🇪🇹 ታደሰ ወርቁ #ኢትዮጵያን ወክለው የሚወዳደሩ ሲሆን ኢትዮጵያ ተጨማሪ ሜዳሊያ ታገኝበታለች ተብሎ ከሚታሰብበት ውድድር አንዱ ይኸው የ10 ሺህ ሜትር ውድድር ነው።

ድል ለሀገራችን ኢትዮጵያ 🇪🇹❤️ !!

@tikvahethiopia

የሩቶ በዓለ ሲመት ማክሰኞ ይካሄዳል።

የተመራጩ የኬንያ ፕሬዚዳንት ዊሊያም ሩቶ በዓለ ሲመታቸዉ ማክሰኞ በኬንያ መዲና ናይሮቢ የሚካሄድ ሲሆን ለዚሁ በዓለ #ኢትዮጵያን 🇪🇹 ጋብዘዋል።

የኬንያ 5ኛው ፕሬዝዳንት በመሆን የተመረጡት ሩቶ መንበረ ሥልጣኑን ከፕሬዝዳንት ኡሁሩ ኬንያታ በሚረከቡበት በዚህ ቀን ከኢትዮጵያ መሪ በተጨማሪ ከ40 በላይ የሃገራት መንግሥታት እና የመንግሥታት ተጠሪዎችን መጋበዛቸው ተሰምቷል።

በሥነ-ስርዓቱ ላይ እንዲገኙ ከተጋበዙት መካከል፤ የግብጽ፤ ዩጋንዳ፤ ናይጀሪያ፤ ጋና እና የደቡብ አፍሪቃ መሪዎች ይገኙበታል።

የአውሮፓ ህብረት፣ የአፍሪቃ ህብረትና መንግሥታዊ የልማት ጉዳይ ባለሥልጣናት ተወካዮች በሥነ-ስርዓቱ ላይ ይገኛሉ ተብሎ ይጠበቃል።

መረጃውን ዴይሊ ኔሽንን ዋቢ አድርጎ የዘገበው ዶቼ ቨለ ነው።

@tikvahethiopia

እንኳን አደረሰን ፤ አደረሳችሁ !

ሀገራችን #ኢትዮጵያ በራሷ አቆጣጠር ዛሬ ያለፈውን 2014 ዓ/ም ሸኝታ አዲሱን 2015 ዓ/ም ተቀብላለች።

መላው የቲክቫህ ኢትዮጵያ ቤተሰቦቻችን እንኳን ይህችን ቀን ለማየት አበቃን ፤ እንኳን አደረሰን ፤ አደረሳችሁ !!

2014 ዓ/ም ሸኝተን 2015 ዓ/ምን ስንቀበል ደስታችን ሙሉ ሆኖ አይደለም፤ ልክ 2013 ዓ/ምን ሸኝተን 2014 ዓ/ምን እንደተቀበልነው ጊዜ ሁሉ ዛሬም ከጦርነት እና ከግጭት ቀጠና ያልወጡ ብዙ ወገኖቻችን አሉ።

በ2014 ዓ/ም ብዙ ወገኖቻችን በሀገራችን የተለያዩ ክፍሎች በነበሩ ግጭቶች እንዲሁም ጦርነት አጥተናል ፤ ብዙዎች ተጎድተውብናል፣ በርካታ ወገኖቻችን በደረሰባቸው ችግር ሰው ጠባቂ ሆነዋል። በተፈጥሮም አደጋ ያጣናቸው ወገኖቻችን ብዙ ናቸው።

በዓመቱ ችግር የደረሰባችሁ፣ የምትወዷቸውን ከአጠገባችሁ ያጣችሁ፣ ልጆቻችሁን የተነጠቃችሁ ወላጆች፣ ወላጆቻችሁን እና ዘመዶቻችሁን ያጣችሁ ሁሉ ፈጣሪ መፅናናት እና ብርታትን ይሰጥልን ዘንድ እንማፀናለን። የተጎዱ ወገኖቻችንም ፈጥነው እንዲያገግሙ እንማፀናለን።

ዛሬ የተቀበልነው 2015 አዲስ ዓመት ከምንም ነገር በላይ ወገኖቻችንን ችግር የማንሰማበት ፣ የሰላም ፣ የደስታ ፣ መልካም መልካሙን ምንሰማበት ፣ ከችግሮቻችን ሁሉ ተቃላቀን ደስ የምንሰኝበት ይሆን ዘንድ እንመኛለን።

የአዲስ ዓመት በዓልን ስናከበር በችግር ውስጥ ያሉ ወገኖቻችን በማሰብ፣ የታመሙትን በመጠየቅ፣ ፈጣሪ ለሀገራችን አስተማማኝ የሆነ ሰላምን እንዲሰጠን በመማፀን ይሆን ዘንድ አደራ እንላለን።

ፈጣሪ ሀገራችንን #ኢትዮጵያን ይጠብቅልን!
Tikvah Family ❤️

@tikvahethiopia