“ሞራልን ወደ ቁስ ለማውረድ ሃሳብ ያስፈልጋል፤ቁሱ አለም በሃሳብ አለም ይገዛል፡፡ የሃሳቡ አለም በሞራል አለም ይገዛል፡፡ሃሳብ በሞራል ካልተገዛ አደገኛ እና አጥፊ ሊሆን ይችላል፡፡ ቁስም በሃሳብ ካልተገዛ ትክክል አይሆንም፡፡” ዶ/ር ምህረት ደበበ/የአዕምሮ ሃኪም/

#AMN
@tsegabwolde @tikvahethiopia

#uodate በክረምት የበጎ ፈቃድ አገልግሎት ላይ የተሰማሩ ወጣቶች ለንባብ አገልግሎት የሚውሉ የተለያዩ መጽሐፍትን በማሰባሰብ ለአማኑኤል የአእምሮ እስፔሻላይዝድ ሆስፒታል ለገሱ፡፡ ወጣቶቹ ከአዲስ አበባ የወጣቶችና በጎ ፈቃድ ማስተባበሪያ ቢሮ ጋር በመተባበር በሆስፒታሉ ኑ! መደርደሪያዉን እንሙላ በሚል መሪቃል መጽሐፍ የማሰባሰብ ፕሮግራም አከናውነዋል፡፡

Via #AMN
@tsegabwolde @tikvahethiopia

#ኢመደኤ

የኢንፎርሜሽን መረብ ደህንነት ኤጀንሲ (ኢመደኤ) ወደ ሀገር ዉስጥ በሚገቡ እና ከሀገር በሚወጡ የቴክኖሎጂ እቃዎች ላይ ከአጋር አካላት ጋር የተቀናጀ የደህንነት ቁጥጥር በማድረግ ብሔራዊ ጥቅምን የማስጠበቅ ሥራ መስራቱን ገለጸ፡፡ የኢመደኤ የሴኪዩሪቲ ክሊራንስ ማዕከል ሃላፊ አቶ መስፍን ሙሉነህ እንደገለጹት ኤጀንሲዉ በ2011 በጀት አመት የተለያዩ በገንዘብ የማይተመን ጥቃት ሊያደርሱ የሚችሉ መሳሪያዎች ወደ ሃገር ዉስጥ እንዳይገቡ ቅድመ ቁጥጥር በማድረግ በቴክኖሎጂዎቹ አማካኝነት የሚከሰቱ የተጋላጭነት ስጋት እና ጥቃት በመግታት ብሔራዊ ሠላምን በማረጋገጥ ረገድ ከፍተኛ ስራ መሰራት መቻሉን ገልጸዋል፡፡

Via #AMN
@tsegabwoldw @tikvahethiopia

#update የኢኖቬሽንና ቴክኖሎጂ ሚኒስቴር ከአይቢኤ ኢትዮጲያና ከአፍሪካ ህብረት ጋር በመተባበር በአይነቱ የመጀመሪያ የሆነ አህጉራዊ የኢኖቬሽንና የቴክኖሎጂ ንቅናቄ ‹‹አፍሪካ ኢኖቬሽን ሳምንት›› በሚል ርዕስ ከጥቅምት 17 እስከ ጥቅምት 22/2012 ድረስ በአዲስ አበባ እንደሚካሄድ ተገልጿል፡፡

Via #AMN
@tsegabwolde @tikvahethiopia

ኢትዮ-ጃፓን ቢዝነስና ኢንቨስትመንት ፎረም ተካሄደ!

በዮኮሃማ ጃፓን እየተካሄደ ካለው 7ኛው የቲካድ ስብሰባ ጎን ለጎን ዛሬ ሁለተኛው የኢትዬ-ጃፓን የቢዝነስ ፎረምና ኤግዝቢሽን ተካሂዷል። በዚሁ ፎረም 180 የጃፓን ባለሃብቶች እንዲሁም 43 የኢትዮጵያ የንግዱ ማህበረሰብ አባላት ተገኝተዋል።

በፎረሙ መክፈቻ ላይ የውጭ ጉዳይ ሚኒስትር አቶ ገዱ አንዳርጋቸው ፣ በጃፓን የኢትዮጵያ አምባሳደር አምባሳደር ካሳ ተክለብርሃን እንዲሁም የጃፓን የውጭ ንግድ ድርጅት (ጄትሮ) ፕሬዚዳንት ንግግር አድርገዋል።

የውጭ ጉዳይ ሚኒስትር አቶ ገዱ አንዳርጋቸው ባሰሙት ንግግር ኢትዮጵያ ከመቼውም ጊዜ በተሻለ ሁኔታ የጃፓን ባለሃብቶችን ለማስተናገድ ዝግጁ መሆናን አንስተው ፤ ባለሃብቶቹ ይህንን ምቹ ሁኔታ እንዲጠቀሙ ጥሪያቸውን አቅርበዋል።

አምባሳደር ካሳ ተክለብርሃን በበኩላቸው ቶኪዮ የሚገኘው የኢፌዲሪ ኤምባሲ የጃፓን ባለሃብቶችን ወደ ኢትዮጵያ ለመላክ በሚያደርገው እንቅስቃሴ ከተለያዩ ጃፓን ኩባንያዎችና ተቋማት ለሚደረግላቸው ድጋፍ በማመስገን ኤምባሲው ባለሃብቶቹ በኢትዮጵያ ያለውን አመቺ የንግድና ኢንቨስትመንት ዕድሎች እንዲጠቀሙ ሙሉ ድጋፍ እንደሚያደርግ አረጋግጠዋል።

Via #AMN
@tsegabwolde @tikvahethiopia

“የወጣቱ ጥያቄ የዳቦ ጉዳይ ነው የኢኮኖሚ ጉዳይ ነው፡፡ እዚህ ላይ በጋራ መስራት አለብን፡፡ ሁላችንም ተባብረን የኢኮኖሚ ማሻሻያው ተግባራዊ ማድረግ አለብን፡፡ የፖለቲካ ልዩነታችን ይህቺ ሀገር አንገቷን ቀና እንድታደርግ ከማድረግ እና የህዝቡን ተጠቃሚነት ከማረጋገጥ ሊመልሰን አይገባም፡፡ በሚያለያየን ነገር እንከራከራለን፡፡ አንድ ሀገር አንድ ህዝብ ነው ያለን እና እሱ ላይ በጋራ እንሰራለን፡፡” ዶ/ር እዮብ ተካልኝ የገንዘብ ሚኒስትር ዲኤታ ሀገር በቀል የኢኮኖሚ ማሻሻያን አስመልክቶ በተደረገ ውይይት ላይ ከተናገሩት የተወሰደ፡፡

Via #AMN
@tsegabwolde @tikvahethiopia

የተማሪዎችን የሣይንስና ሂሣብ ትምህርቶች ውጤት ለማሻሻል በትኩረት ሊሠራ እንደሚገባ ተገለጸ!

ሁሉም ክልሎችና የከተማ አስተዳደሮች የትምህርት ቢሮ አመራሮችና ባለሙያዎች የሚሣተፉበት 29ኛው ሀገር አቀፍ የትምህርት ጉባኤ እንደቀጠለ ነው።

በጉባኤውም ትምህርት ቤቶች ለመማር ማስተማር ምቹ እንዲሆኑ በተለይም የመማሪያ ግብአቶችን በማሟላትና የመምህራንን አቅም በሚገነቡ ጉዳዮች ላይ በትኩረት ሊሠራ ይገባል ተብሏል።

Via #AMN
@tsegabwolde @tikvahethiopia

#ትምህርት_ሚኒስቴር || በየትኛውም መማርያ መጽሀፍት ላይ የኢትዮጵያ ካርታ ስራዎች መስሪያ ቤት ከሚሠጠው ካርታ ውጭ ለማስተማሪያነት እንደማይውል የትምህርት ሚኒስቴር አስታውቋል። በተለያዩ የክፍል ደረጃዎች የሚገኙ ካርታዎች ለተማሪዎች ትክክለኛውንና ማወቅ የሚገባቸውን ካርታ በማሣየት ረገድ ችግሮች መታየታቸውን የትምህርት ሚኒስትሩ ዶክተር ጥላዬ ጌቴ ተናግረዋል። በመሆኑም በሁሉም የትምህርት ዘርፍ የሚሠሩ አካላት በኢትዮጵያ ካርታ ሥራዎች የሚዘጋጁ #ካርታዎችን ብቻ ለማስተማሪያነት መጠቀም እንዳለባቸው ሚኒስትሩ አሳስበዋል፡፡ 29ኛው ሀገር አቀፍ የትምህርት ጉባኤ በሶማሌ ክልል ጅግጅጋ ከተማ እየተካሄደ ይገኛል፡፡

Via #AMN
@tsegabwolde @tikvahethiopia

የሳይንስና ከፍተኛ ትምህርት ሚኒስቴር ሚንስትር ዴኤታ ፕሮፌሰር አፈወርቅ ካሱ በኢትዮጵያ የሱማሊያ ፌዴራላዊ ሪፐብሊክ አምባሳደር ከሆኑት ሚስተር አብዱልሀኪም አብዱላሂ ጋር በጽህፈት ቤታቸዉ በከፍተኛ ትምህርት ዘርፍ ትብብር ጉዳይ ዙርያ ዉይይት አድርገዋል፡፡

በዉይይታቸው ሚኒስትር ዴኤታዉ የኢትዮጵያ መንግስት በ2012 የትምህርት ዘመን የሶማልያ ዜጎችን ጨምሮ ለተለያዩ የጎረቤት አገራት ዜጎች በቅድመ ምረቃ እና ድህረምረቃ ፕሮግራሞች ከ1ሺህ በላይ የነፃ ትምህርት ዕድሎችን መስጠቱን ገልፀዋል።

ለሶማልያ ፌደራል ሪፐብሊክ ላለፉት አምስት አመታት በተጠናከረ ሁኔታ በመጀመሪያና ሁለተኛ ዲግሪ የነፃ ትምህርት ዕድል መመቻቸቱን እና ይህም የሁለቱን ሀገራትና ህዝቦች የጋራ ትስስር እንደሚያጠናክር ፕሮፌሰር አፈወርቅ ጠቁመዋል፡፡

በኢትዮጵያ የሶማሊያ ፌዴራል ሪፐብሊክ አምባሳደርም በትምህርት ዘርፍ ለዜጎቻቸዉ ለተደረገው ትልቅ እገዛ በሀገራቸዉ መንግስት ስም ላቅ ያለ ምስጋና አቅርበዉ እገዛዉ ለወደፊትም እንዲቀጥል ጠይቀዋል፡፡

Via #AMN
@tsegabwolde @tikvahethiopia

#update የኢፌዴሪ ትምህርት ሚኒሥቴር የተሻለ አፈጻጸም ላሥመዘገቡ ትምህርት ቤቶችና የወረዳ ትምህርት ጽህፈት ቤቶች እውቅናና ሽልማት አበረከተ። ሚኒሥቴሩ በሁሉም ክልሎች የተሻለ አፈጻጸም ላሥመዘገቡ የወረዳ ትምህርት ጽህፈት ቤቶች፣ የመጀመሪያና 2ኛ ደረጃ ትምህርት ቤቶች ነው ሽልማት የሠጠው። ተቋማቱ በመማር ማሥተማር ውጤታማነት፣ በህብረተሠብ የተቀናጀ ተሣትፎ፣ በተማሪዎች የሂሣብና ሣይንሥ ውጤት መሻሻልና በሀብት አጠቃቀምና ሌሎችም ጉዳዮች የተሻለ አፈጻጸም የነበራቸው ናቸው ተብሏል።

Via #AMN
@tsegabwolde @tikvahethiopia

' የትምህር ቤት ክፍያ '

የአዲስ አበባ የትምህርትና ስልጠና ጥራት ቁጥጥር ባለስልጣን የ2015 የትምህርት ዘመንን የክፍያ ጭማሪ አስመልክቶ ከትምህርት ቤቶች ጋር ምክክር አድርጎ ነበር።

በዚህም ፥ በ2014 ዓ/ም ጭማሪ ያደረጉ ትምህርት ቤቶች በ2015 ዓ/ም የትምህርት ዘመን ምንም አይነት ጭማሪ ማድረግ እንደማይችሉ ተገልጿል።

ነገር ግን ላለፉት 2 እና 3 አመታት ጭማሪ ሳያደርጉ የቆዩ ትምህርት ቤቶች በሚያቀርቡት ፕሮፖዛል እና ከወላጅ ጋር በሚያደርጉት መግባባት መሰረት ጭማሪ ማድረግ ይችላሉ ተብሏል።

በአዲስ አበባ ከተማ ቅርንጫፎቻቸውን ጨምሮ 2 ሺህ ገደማ የግል ትምህርት ቤቶች አሉ፡፡ እነዚህ ትምህርት ቤቶች 400 ሺህ የሚጠጉ ተማሪዎችን ያስተናግዳሉ ፤ ይህም ከአጠቃላይ የአዲስ አበባ የተማሪ ሽፋን 43 በመቶውን ይይዛል፡፡

#AMN

@tikvahethiopiaBOT @tikvahethiopia