ከሰሞኑን መነጋገሪያ የሆነው የፍየሎች እስር!

ከሰሞኑ ባለቤትነታቸው #የአረና ትግራይ ፓርቲ አባል ናቸው የተባሉ አስራ ስድስት ፍየሎች የመታሰራቸው ዜና የማህበራዊ ሚዲያ ተጠቃሚዎች መነጋገሪያ ሆኖ ቆይቷል። የአረና ፓርቲ ሊቀመንብር አቶ አብርሃ ደስታ በላፈው ረቡዕ የፓርቲው አባል ንብረት የሆኑ 16 ፍየሎች በትግራይ ክልል ቆላ ተምቤን ወረዳ ንኡስ ወረዳ ወርቅ አንባ ቀይሕ ተኽሊ ቀበሌ ውስጥ መታሰራቸውን ለቢቢሲ ገልጸዋል። የፍየሎቹ ባለቤት የሆኑት አቶ ዜናዊ አስመላሽ 16 ፍየሎቻቸው ታስረውባቸው እንደነበረ ተናግረው፤ ታስረው ከነበሩት ፍየሎች ሶስቱ አምልጠው ወደ ቤት መመለሳቸውን #ለቢቢሲ ተናግረዋል።

ይህን ጉዳይ ሌሎች የውጭ ሀገር ሚዲያዎችም ሲቀባበሉት ታይቷል👇

#Congratulations

የቅዱስ ጳውሎስ ሆስፒታል ሚሌኒየም የሕክምና ኮሌጅ የሕክምና ባለሙያዎችን በስካይ ላይት ሆቴል እያስመረቀ ነው፡፡ ኮሌጁ በቅድመ- እና ድህረ-ምረቃ መርሃ-ግብር ያሰለጠናቸውን የሕክምና ባለሙያዎችን ነው በማስመረቅ ላይ ያለው፡፡

በምረቃ ስነ-ስርዓቱ ላይ የኢፌዴሪ ፕሬዝዳንት ሣህለ ወርቅ ዘውዴና የጤና ሚኒስትሩ ዶ/ር አሚር አማን ተገኝተው ንግግር እንደሚያደርጉ ይጠበቃል፡፡ በጤናው ዘርፍ ከፍተኛ አስተዋፅዖ ላበረከቱም የክብር ዶክትሬቶች ይሰጣሉም ተብሏል፡፡

Via #EPA
@tsegabwolde @tikvahethiopia

የተሻሻለዉ የከፍተኛ ትምህርት አዋጅ ጸድቆ ስራ ላይ ዋለ!

የከፍተኛ ትምህርት ተቋማት ከፍተኛ ቁጥር ያላቸውን ተማሪዎችን ከመቀበልና ከማስመረቅ ባለፈ፤ ከጥራትና ብቃት እንዲሁም ሀገሪቱ ቅድሚያ በምትሰጠው ዘርፍ በቂና ብቁ የሰው ኃይል በማፍራት በኩል ውስንነቶች ያሉ በመሆኑ፤

የከፍተኛ ትምህርት ተቋማት ህግና ስርዓትን ተከትለው ተልዕኳቸውን በስኬት በመወጣት መንግስትና ህዝብ የሚጠብቅባቸውን ውጤት ማስገኘት እንዳይችሉ ዘርፉን የሚመራው ህግ የነበረው የይዘት ክፍተትና ይህም ያስከተለው የአፈጻጸም ጉድለት አንዱ የዘርፉ ችግር ሆኖ በመገኘቱ፤ የከፍተኛ ትምህርት ስርዓትና ተቋማት የትምህርት አግባብነትና ጥራትን ያረጋገጡ እንዲሆኑ፤

ተቋማት የትምህርትና ስልጠና፣ የጥናትና ምርምር እንዲሁም የማህበረሰብ አቀፍ አገልግሎት መስጫ ማዕከል እንዲሆኑ፤ ሀገሪቱ ቅድሚያ ለምትሰጣቸው ዘርፎችና ችግሮች ቅድሚያ የሚሰጡ እና ተቋማዊ አስተዳደሩ ግልጽነት፣ ተጠያቂነትና ፍትሐዊነት የሰፈነበት ማድረግ የሚያስችል ስርዓት መዘርጋት በማስፈለጉ፤

የከፍተኛ ትምህርት ተቋማት የመማር ማስተማር፣ ጥናትና ምርምር እና የማህበረሰብ አገልግሎት አሰጣጥ ስርዓት ከሀገራችን የዕድገትና ተቋማቱ ሊኖራቸው ከሚገባ ቁመና ጋር የተጣጣመ ለማድረግና በዓለም አቀፍ ደረጃ ተወዳዳሪ እንዲሆኑ ለማስቻል፤ በዕውቀት፣ በክህሎት እና በስነ-ምግባር የዳበሩ ብቁ ዜጎች ማፍራት፤

በህግና ስርዓትን ማዕቀፍ ውስጥ ተጠያቂነትንና ኃላፊነትን ባረጋገጠ መልኩ ተቋማዊ እና አካዳሚክ ነጻነታቸው ተጠብቆ፤ ተልዕኳቸውን መወጣት እንዲችሉ ለማድረግ ነባሩን ህግ በማሻሻል አዲስ ህግ ማውጣት በማስፈለጉ፤

በኢትዮጵያ ፊዴራላዊ ዲሞክራሲያዊ ሪፐብሊክ ሕገ-መንግስት አንቀፅ 55(1) መሰረት የሚከተለው ታውጇል፡፡

https://moshe.gov.et/visitor/documents/8
https://drive.google.com/file/d/1kwTHQUyk4CnRNtcySgsDGceytiCS6x2h/view?usp=embed_facebook

#ISRAEL📸በእስራኤል ይፋዊ የስራ ጉብኝት በማድረግ ላይ የሚገኙት የኢፌዴሪ ጠቅላይ ሚኒስትር ዶክተር አብይ አህመድ በናዚ የተጨፈጨፉ አይሁዳውያን ማስታወሻ ማዕከልን ያድ ቫሼምን ጎበኙ። ጠቅላይ ሚኒስትሩ እና ለዑካቸው በማእከሉ የሚገኙትን የመታሰቢያ ሙዚየም፣ የህፃናት መታሰቢያን እና አዳራሽ ጎብኝተዋል። በተጨማሪም ጠቅላይ ሚኒስትሩ በማእከሉ የክብር መፅሃፍ ላይ መልእክታቸውን አስፍረዋል።

ምንጭ፡-ኤፍ ቢሲ
@tsegabwolde @tikvahethiopia

#Congratulations ናሽናል ኮሌጅ በዲግሪና ቲኢቪቲ ያሰለጠናቸውን ተማሪዎች በኦሮሚያ ባህል ማዕከል እያስመረቀ ይገኛል።

ፎቶ📸እዩኤል/TIKVAH-ETH/
@tsegabwolde @tikvahethiopia

ሀዋሳ ከተማ ወደ ቀድሞ ሰላሟ እየተመለሰች መሆኑ ተገለጸ!

ሀዋሳ ከተማን ወደ ቀድሞ ሰላሟ እየተመለሰች በመሆኑ የውጭና የሀገር ውስጥ ጎብኝዎች መጥተው በከተማዋ ቆይታ እንዲያደርጉ የተለያዩ በሆቴልና ቱሪዝም ዘርፍ የተሰማሩ አካላት ጥሪ አቀረቡ። ከሀገሪቱ የተውጣጡ የሚዲያ አካላት ከተማዋን ተዘዋውረው ጎብኝተዋል፡፡ በሀዋሳ ከተማ ያለውን ወቅታዊ ሁኔታን አስመልክቶ የፌደራልና የክልል ባህልና ቱሪዝም መስሪያ ቤቶች በጋራ በመሆን ወቅታዊ ሁኔታውን በሀገር አቀፍ ያሉ የሚዲያ ተቋማት መጥተው በከተማዋ ያለውን ሰላማዊ ሁኔታ ተመልክተዋል፡፡

ስለ ሀዋሳ ከተማ ሰላምና የሆቴሎች አገልግሎት አሰጣጥ አስተያየታቸውን ከሰጡ ጎብኝዎች መካከል ከአዲስ አበባ የመጡት አቶ ሚሊዮን ታፈሰ እና ከየመን የመጡት ወይዘሮ ብልቂሳ አብደላ ሀዋሳ ከተማ ከወር በፊት ሰላም እንዳልነበር መስማታቸውንና በአሁኑ ጊዜ ከተማዋ ሰላሟ መመለሱን፤ የሆቴሎች አገልግሎትም ጥሩ መሆኑን ገልጸዋል፡፡

#SRTA

ተጨማሪ ያንብቡ👇
https://telegra.ph/ETH-09-01-2

የእስራኤል ጠቅላይ ሚኒስትር ቤኒያሚን ኔታንያሁ ለዶ/ር አብይ አህመድ አቀባበል አድርገዋል። ጋዜጣዊ መገለጫም ሰጥተዋል። ይህም በቀጥታ በጠቅላይ ሚኒስትሩ ቢሮ ፌስቡክ ገፅ #በቀጥታ ሲሰራጭ ነበር" The Prime Minister of Israel"

WATCH LIVE! Prime Minister Benjamin Netanyahu welcomes Ethiopian Prime Minister Abiy Ahmed, at the Prime Minister's Office in Jerusalem🇮🇱https://www.facebook.com/IsraeliPM/

"ሰላምና መረጋጋትን ለማረጋገጥ ዜጎች ከቂም፣ በቀልና ጥላቻ በመራቅ በጎ በጎውን መስራት አለባቸው" – አቶ መስጠፌ መሃመድ

በኢትዮጵያ ሰላምና መረጋጋትን ለማረጋገጥ ዜጎች ከቂም፣ በቀልና ጥላቻ በመራቅ በጎ በጎውን መስራት እንዳለባቸው የሶማሌ ክልል ምክትል ርዕሰ መስተዳደር አቶ መስጠፌ መሃመድ ገለፁ። ምክትል ርዕሰ መስተዳደሩ ይህን ያሉት በሶማሌ ክልል ጅግጅጋ ከተማ በተጀመረው የሰላምና የፍቅር ፌስቲቫል መክፈቻ ስነ-ስርዓት ላይ ነው። ፌስቲቫሉ በጅግጅጋ ስታዲየም በተለያዩ ስፖርታዊ ውድድር፣ በሙዚቃ ድግሶችና ማርሽ ባንድ ተጀምሯል።

https://telegra.ph/ETG-09-01

@tsegabwolde @tikvahethiopia

‹‹ኮማንድ ፖስቱ ቢኖርም ባይኖርም ከተማዋ በአስተማማኝ ሰላም ውስጥ ትገኛለች፡፡ ኮማንድ ፖስቱ ዛሬ ይውጣ ቢባል ይወጣል,››የከተማው ኮማንድ ፖስት ኃላፊ ኮሎኔል ተክለ ብርሃን ገብረ መድን #HAWASSA

#ሪፖርተር
@tsegabwolde @tikvahethiopia

#አሸንዳ

በአዲስ አበባ ደረጃ የአሸንዳ በዓል የማጠቃለያ ፕሮግራም በሚሊኒየም አዳራሽ በድምቀት እየተከበረ ይገኛል፡፡ በበዓሉ ላይ ኢ/ር ታከለ ኡማን ጨምሮ የኢፌዲሪ ፌደሬሽን ምክር ቤት አፈ-ጉባኤ ወ/ሮ ኬሪያ ኢብራሂም ፣ የንግድ እና ኢንዱስትሪ ሚኒስቴር ሚኒስትር ወ/ሮ ፈትለወርቅ ገ/እግዚአብሄር ፣ የሴቶችና ህፃናት ጉዳይ ሚኒስቴር ወ/ሮ ያለም ፀጋዬን ጨምሮ በአዲስ አበባ የሚኖሩ በርካታ የትግራይ ተወላጆች ተሳታፊ ሆነዋል፡፡

እንኳዕ ንበዓል ኣሸንዳ ኣብፀሐኩም!
Via MayorOfficeAA
@tsegabwolde @tikvahethiopia

💫የአንድ እሽግ ለአንድ ልጅ የሙዚቃ ድግስ በጌትፋም ሆቴል እየተካሄደ ነው። የዝግጅቱ መግቢያ፦ 12 ደብተር - 2 እስክርቢቶ - 2 እርሳስ - 2 መቅረጫ እና 2 ላጲስ - #onepackforonechild

Via #Sol/TIKVAH-ETH/
@tsegabwolde @tikvahethiopia

💫ሰባተኛው አመታዊው "የበጎ ሰው" የእውቅናና ሽልማት ፕሮግራም በፋና ቲቪ በቀጥታ እየተላለፈ ይገኛል።

🏷ፕሮግራሙ እንደተጠናቀቀ ዝርዝር መረጃ እናቀርባለን!
@tsegabwode @tikvahethiopia

#አሸንዳ #ADDISABEBA በአዲስ አበባ ደረጃ የአሸንዳ በዓል የማጠቃለያ ፕሮግራም #በሚሊኒየም_አዳራሽ በድምቀት እየተከበረ ይገኛል፡፡ በአዲስ ቴሌቪዥንና DW TV መከታተል ትችላላችሁ!

እንኳዕ ንበዓል ኣሸንዳ ኣብፀሐኩም!

@tsegabwolde @tikvahethiopia

#Congratulations ቅዱስ ጳውሎስ ሆስፒታል ሚሌኒየም የሕክምና ኮሌጅ 365 የሕክምና ባለሙያዎችን አስመርቋል።
@tsegabwolde @tikvahethiopia

እሁድን በበጎ ስራ!

በወሊሶ ከተማ በዛሬው እለት በትምህርት ቁሳቁሶች ዕጥረት ምክንያት ትምህርታቸውን መከታተል ላልቻሉ ለ370 ህፃናት ድጋፍ ተደረገ። ድጋፉንም ያደረጉት የወሊሶ ለወሊሶ የመረዳዳት እድር አባላት ናቸው ይህንን ቁሳቁስ ከተለያዩ የከተማዋ ተወላጆችና ወዳጆች የተሰበሰበ መሆኑን ከአባላቱ አመራር አካላት ለማወቅ ተችሏል።

Via ዋሌ ታሪኩ ከወሊሶ.
@tsegabwolde @tikvahethiopia

"ኦርቶዶክስ ተዋህዶን ትተው ሌላ ሃይማኖት የተቀላቀሉ ሰዎች ቁጥር 10 ሚሊዮን ይደርሳል!" የኦሮሚያ ቤተ ክህነት ፅህፈት ቤት አደራጅ ኮሚቴ

"....5 ሚሊዮን የተባለው ከ10 ዓመት በፊት የተደረገው የህዝብ ቆጠራ ከመንግስት የወሰድነው መረጃ ነው። አሁን ግን ቢታይ 5 ሚሊዮን አይደለም ከ10 ሚሊዮን ይበልጣል።" የኦሮሚያ ቤተ ክህነት ፅህፈት ቤት አደራጅ ኮሚቴ በኦሮሚያ ክልል ኦርቶዶክስ ተዋህዶን ትተው ወደሌሎች ሃይማኖቶች የተቀላቀሉ ሰዎችን ብዛት ሲገልፅ፤ በአንዳንድ የኦሮሚያ አካባቢዎች ሁሉም ቤተክርስቲያንን ትቶ ሃይማኖት ቀይሯል፤ እናት ቤተክርስቲያንም #የተዘጋችበት ቦታ አለ ብሏል ኮሚቴው።

ቅዱስ ሲኖዶስ ይህን የዛሬውን መግለጫ አላውቅም፤ መንግስትም ያስቁምልኝ ብሎ ከቀናት በፊት መግለጫ ቢሰጥም የኦሮሚያ ቤተክህነት አደራጅ ኮሚቴ የተለያዩ ሚዲያዎችን ጠርቶ መግለጫ ሰጥቷል።

በዛሬው መግለጫ ላይ የኢትዮጵያ ኦርቶዶስ ተዋህዶ ቤተክርስቲያን ቴሌቪዥን፣ ESAT፣ OMN፣ OBNና ሌሎች የቴሌቪዥን ጣቢያዎች ተገኝተው ለኮሚቴው ጥያቄ አቅርበው ከኮሚቴው ማብራሪያ ተሰጥቶበት ነበር።

ከቀናት በፊት ቅዱስ ሲኖዶስ ያወጣውን መግለጫ ከላይ ተመልከቱ!
@tsegabwolde @tikvahethiopia

"ክልላዊ ቤተ ክህነት ፅህፈት ቤት የማቋቋም ጥያቄ የቤተ ክርስቲያኗ የዶግማና የቀኖና ትውፊት ለውጥ ሳይኖር አስተዳደራዊ ችግሮችን ለመፍታት መዋቅር የማበጀት ጥያቄ ነው" የኦሮሚያ ቤተ ክህነት ፅህፈት ቤት አደራጅ ኮሚቴ

#ቢቢሲአማርኛ #BBCAMHARIC

የኦሮሚያ ቤተ ክህነት ፅህፈት ቤት በክልል ደረጃ እንዲዋቀር የቀረበው ጥያቄ ምላሽ ቅዱስ ሲኖዶሱ በ30 ቀናት ውስጥ እንዲያሳውቃቸው ይህ ተግባራዊ ካልሆነ ግን አስፈላጊውን እርምጃ እንደሚወስድ የኦሮሚያ ቤተ ክህነት ፅህፈት ቤት አደራጅ ኮሚቴ ሰብሳቢ ቀሲስ በላይ መኮንን አስታውቀዋል።

በዛሬው ዕለት በተሰጠው ጋዜጣዊ መግለጫ ኮሚቴው ባለ ስድስት ነጥብ የአቋም መግለጫ ያወጣ ሲሆን፤ ቅዱስ ሲኖዶሱ ክልላዊ ፅህፈት ቤቱን ጥያቄ የሚቀበለው ከሆነ የሰው ኃይል አመዳደቡም ሆነ አፈፃፀሙ ይህ አደራጅ ኮሚቴና ጠቅላይ ቤተ ክህነት በጋራ የሚወስኑት እንደሚሆን ተገልጿል።

በተጠየቀው መሰረት አስቸኳይ ምላሽ የማያገኝ ከሆነ የምዕመኑን ጥያቄ ለመመለስ እርምጃ የሚወስድ መሆኑን ኮሚቴው አስጠንቅቋል። እርምጃው ምን እንደሆነ በዚህ ወቅት ግልፅ ባያደርጉም ከዚህ ቀደም እንደተናገሩት በራሳቸው ክልላዊ ቤተ ክህነት ፅህፈት ቤት እናቋቁማለን ማለታቸው የሚታወስ ነው።

ተጨማሪ ያንብቡ👇
https://telegra.ph/ETH-09-01-3

@tsegabwolde @tikvahethiopia

የበጎ ሰው ሽልማት!

ለሰባተኛ ጊዜ የሚካሄደው የ2011ዓ.ም የበጎ ሰው ሽልማት ስነ-ስርዓት በኢንተር ኮንቲኔንታል ሆቴል እየተካሄደ ነው። በሽልማት ስነ ስርዓቱ ላይ የኢፌዴሪ ፕሬዚዳንት ሳህለወርቅን ዘውዴና የጤና ሚኒስትር ዶክተር አሚር አማንን ጨምሮ የተለያዩ ከፍተኛ የመንግስት የስራ ሃላፊዎችና ተጋባዥ እንግዶች ተገኝተዋል።

ለዘንድሮው የበጎ ሰው ሽልማት በዘጠኝ ዘርፎች 291 ዕጩዎች የተጠቆሙ ሲሆን፥ ከእነዚህ ውስጥም 27 ሰዎች የመጨረሻ ዕጩ ዝርዝር ውስጥ መካተታቸው ተገልጿል። በዛሬው ዕለትም በዘጠኝ ዘርፎች ለመጨረሻ ዕጩ ከቀረቡት ሶስት ሶስት ዕጩዎች ውስጥ የመጨረሻ አሸናፊዎች ይፋ እየተደረገ ይገኛል።

በዚህ መሰረትም እስካሁን ፦

√በመምህርነት ዘርፍ -ወይዘሮ ህይወት ወልደመስቀል፣
√በቅርስና ባህል ጥበቃ ዘርፍ- አቶ አብደልፈታህ አብደላ
√በሳይንስ ዘርፍ -ፕሮፌሰር ሰብስቤ ደምሰው
√በንግድ ስራ ፈጠራ ዘርፍ – አቶ ነጋ ቦንገር
√በመንግስታዊ የስራ ተቋማት ሃላፊነት ዘርፍ- አቶ ግርማ ወንዳፍራሽ
√በበጎ አድራጎት ዘርፍ -ዶክተር አብዱላዚዝ ኢብራሂም አሸናፊ መሆናቸው ይፋ
ተደርጓል።

የበጎ ሰው ሽልማት ዋና አላማ በኢትዮጵያ በጎ የሰሩ እና ለሌሎች አራያ ሊሆኑ የሚችሉ ሰዎችን ማበረታታት እና እውቅና መስጠት ነው።

Via #FBC
@tsegabwolde @tikvahethiopia